သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ရှိ စိန်နှင်းဆီ ကုန်စုံဆိုင် ဦးဆန်းထွန်းသိန်း (၅)ရပ်ကွက်ဒေါ်ခင်လှ ကုန်စုံဆိုင် ဦးအောင်မြင့်ဦး (၄)ရပ်ကွက်၊ ငွေမိုး ကုန်စုံဆိုင် ဦးတင်ကိုကို(၄)ရပ်ကွက်၊ မိဘမေတ္တာ၊ သိန်းကမ္ဘာ၊ ကိုတင်အေး၊ ဦးစိုးနိုင်၊ ဂန္ဓမာ ဈေးဆိုင်များ၊ ဦးကျင်လှ ရေသန့်၊ လမ်ငးရေသန့်၊ ဦးကျော်ရွှေရေသန့်၊ ဒေါ်ရှုဝမ်၊ ဦးတင်အေး ရေသန့်ဆိုင်များကို မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ် ကျန်းမာရေးဦးစီးဌာန၊ မြို့နယ်စည်ပင် သာယာရေးအဖွဲ့၊ တိုင်ရင်းဆေးပညာဦးစီးဌာနတို့ ကူးပေါင်း၍ ကုန်ဈေးနှုန်းတည်ငြိမ်ရေး၊ ဈေးကွက်အတွင်းပစ္စည်းပြတ်လပ်မှု မရှိစေရေးနှင့် တာမြစ်ဆေးဝါးများရောင်းချမှု မရှိစေရေးကို (၁၉-၇-၂၀၂၅) နေ့ နံနက် (၀၉း၃၀)နာရီအချိန်တွင်  ကွင်းဆင်းစစ်ဆေးခဲ့ကြောင်း သိရသည်။

           မြို့နယ်အတွင်း   ဒေသခံပြည်သူများ ကျန်းမာရေးအတွက် ဆေးဝါးပစ္စည်းများ ဝယ်ယူစားသုံးရာတွင် အဆင်ပြေစေရန်နှင့် FDA မှ စားသုံးရန်မသင့်သည့် တားမြစ်ထားသော ဆေးဝါးပစ္စည်းများ   ဖြန့်ဖြူးရောင်းချမှုမရှိစေရေးအတွက် စစ်ဆေးခြင်း၊ သောက်ရေသန့်အမျိုးမျိုးတွင် (FDA)  အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်ပါ/ မပါနှင့် စားသုံးသူကာကွယ်ရေး ဥပဒေပါ ကုန်အညွှန်းအမှတ်အသားဖော်ပြခြင်း ပြည့်စုံမှုရှိ/ မရှိ စသည်ဖြင့် စစ်ဆေးခြင်း၊ ပြည်တွင်းသို့တင်သွင်းသည့် စားအုန်းဆီများ သတ်မှတ်အရည်အသွေးပြည့်မီရေး ကျန်းမာရေးနှင့်ကိုက်ညီပြီး ဘေးအန္တရာယ်ကင်းရှင်းသည့် စားသုံးဆီများကိုသုံးစွဲနိုင်ရေး ဗူးသွပ်ဆီများတွင် သက်ဆိုင်ရာဌာန၏ ထောက်ခံချက်များပါဝင်မှုရှိ/ မရှိကို စစ်ဆေးခြင်းများ ဆောင်ရွက်ခဲ့ပြီး ဓနုဖြူဈေးကွက်အတွင်း သတ်မှတ်ချက်နှင့် ညီသော ကုန်စည်များရောင်းချနေခြင်းကို  တွေ့ရှိရပြီး၊ ဆိုင်ရှင်များကို သက်တ်းလွန်ကုန်စည်များရောင်းချခြင်းမပြုရန် အသိပေးပြောကြားစစ်ဆေးခဲ့ကြောင်း သိရသည်။

           ဒေသခံပြည်သူများထံ ဆေးဝါးပစ္စည်းများ ရောင်းချရာ၌  အခက်အခဲမဖြစ်စေရေးအတွက် သတ်မှတ်ကာလပေါက်ဈေးထက် ဈေးနှုန်းမြှင့်တင်ရောင်းချခြင်းများ မပြုလုပ် ကြရန်နှင့် ရောင်းချခြင်းမပြုရန်တားမြစ်ထားသော ဆေးဝါးပစ္စည်းများကို ဖြန့်ဖြူးရောင်းချခြင်းအား စစ်ဆေးတွေ့ရှိပါက တည်ဆဲဥပဒေများနှင့် အညီ ထိရောက်စွာအရေးယူ ဆောင်ရွက်သွားမည်ဖြစ်ကြောင်း အသိပေးရှင်းလင်း ဆွေးနွေးပြောကြားကြောင်း သိရှိရပါသည်။        

DOCA(ဧရာဝတီ)

            ဧရာဝတီတိုင်းဒေသကြီး၊​ မအူပင်ခရိုင်၊ မအူပင်မြို့နယ်အတွင်းရှိ ​ဆေးဆိုင်များနှင့် စားသုံးဆီဆိုင်များအား မအူပင်ခရိုင် (FDA)၊ ခရိုင်စားသုံးသူရေးရာဦးစီးဌာန၊ ခရိုင်ကျန်းမာရေးအဖွဲ့၊ စာ်ပင်သာယာရေးအဖွဲ့တို့နှင့်အတူ (၁၈-၇-၂၀၂၅) နေ့နံနက် (၁၀း၃၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

        ထိုသို့ စစ်​​ဆေးရာတွင်​ဆေးဆိုင်များအားစစ်​ဆေးရာ၌ ဆေးဝါးရောင်းချခွင့်လိုင်စင်ရှိ/ မရှိ၊ ရောင်းချ​သော ဆေးဝါးများတွင်အညွှန်းများတပ်ဆင်မှုရှိ/ မရှိ၊ (FDA)မှတားမြစ်ထား​သော ​ဆေးဝါးများ​အား ရောင်းချခြင်းရှိ/ မရှိ စစ်​ဆေးခဲ့​ပြီး ပြည်တွင်းထုတ်အမှတ် တံဆိပ်ပါစားသုံးဆီများ စျေးကွက်အတွင်း ဖြန့်ဖြူးရောင်းချမှုများနှင့်ပတ်သက်၍ FDA ထောက်ခံချက်ရှိ/ မရှိ၊ ဈေးကွက်အတွင်း အမှတ်တံဆိပ်ပါရောနှောဆီ (Blended OIL) ဖြန့်ဖြူးရောင်းချမှုများအား မြေပြင်ကွင်းစစ်ဆေးခြင်းများ ဆောင်ရွက်ခဲ့ခြင်းဖြစ်ကြောင်း သိရသည်။

            စစ်ဆေးစဉ်အတွင်း ဈေးကွက်၌ သတ်မှတ်ချက်နှင့် မညီရောင်းချခြင်းများ တားမြစ်ကုန်စည်များ၊ သက်တမ်းလွန်ကုန်စည်နှင့်၊ ဈေးဝါးများရောင်းချခြင်းတွေ့ရှိပါက အမျိုးသားအစားအသောက်ဥပဒေ၊ စားသုံးသူကာကွယ်ရေးဥပဒေ၊ တည်ဆဲဥပဒေများအရ အရေးယူဆောင်ရွက်မည်ဖြစ်ကြောင်းနှင့် ယခုလို စစ်ဆေးဆောင်ရွက်မှုများကို မကြာခဏ ပြုလုပ်မည်ဖြစ်သဖြင့် ဆိုင်ရှင်းများ အထူးအလေးထားလိုက်နာရောင်းချရန်တို့ကို မှာကြားခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်းသိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ ခုနှစ်၊ ဩဂုတ် ၁8 ရက်နေ့မှ 24 ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ်၆,၂၈၅ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက အသိပေး ထုတ်ပြန်ကြေညာထားကြောင်းသိရှိရပါ​သည်။   

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်းသိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။

စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးနှင့် ဝန်ထမ်း(၃)ဦးတို့သည် ခရိုင်ကျန်းမာရေး ဦးစီးဌာန၊  စည်ပင်သာယာရေးအဖွဲ့တို့မှ တာဝန်ရှိသူများနှင့်အတူ ၂၀၂၅ ခုနှစ် ဇူလိုင်လ ၃၁  ရက်နေ့ နေ့လည် ၁၄း၀၀ နာရီ အချိန်တွင် စစ်ကိုင်းမြို့၊  နီလာစက်မှုဇုန်ရှိ  နိုင်းစတား ဂျုံခေါက်ဆွဲခြောက်စက်ရုံသို့ ကွင်းဆင်း၍ ပိုင်ရှင်ဒေါ်ဌေးဌေးဝင်းနှင့် တွေ့ဆုံပြီး  ဂျုံခေါက်ဆွဲ ထုတ်လုပ်၊ ရောင်းဝယ်မှုအခြေအနေများ၊ ဈေးနှုန်း၊ဈေးကွက် အခြေအနေများကို မေးမြန်းဆွေးနွေးခဲ့ရာ လုပ်ငန်းလည်ပတ်ရင်းနှီးငွေ သိန်း(၂၀၀၀) ကျပ်၊ လုပ်သားအင်အား ကျား (၂၀) ဦး၊ မ (၆၀) ဦးဖြင့် လုပ်ကိုင်ဆောင်ရွက်ကြောင်း၊လုပ်အားခအနေဖြင့် ကျားတစ်ဦးလျှင် (၁၅၀၀ဝိ/- မှ ၁၈၀၀ဝိ/-)၊ မ တစ်ဦးလျှင် (၁၀၀၀ဝိ/-) ဖြင့် နေ့ချင်း ပေးချေကြောင်း၊  ကုန်ကြမ်း ဂျုံများ ဖြစ်သော ဒုံးပျံနှင့် OK အမှတ်တံဆိပ်များအား ရန်ကုန်မြို့မှ တိုက်ရိုက် ဝယ်ယူသုံးစွဲ ကြောင်း၊ ဂျုံ (၅၀) ကီလိုဂရမ် တစ်အိတ်လျှင် (၁၉၀၀၀ဝိ/-) ဖြင့် ဝယ်ယူရကြောင်း၊ တစ်ရက်လျှင် ဂျုံ (၅၀) ကီလိုဂရမ်အိတ် (၅၀) အိတ်အသုံးပြု ထုတ်လုပ်လျှင် ဂျုံခေါက်ဆွဲ (၁၇၅၀၀) ပိဿာ ထွက်ရှိကြောင်း၊ ဈေးနှုန်းများမှာ (၈၀၀) ဂရမ် (၄၆၀ဝိ/-)၊  (၇၅၀) ဂရမ် (၄၃၀ဝိ/-)၊ (၄၀၀) ဂရမ် (၂၃၅ဝိ/-)ဖြင့်  ရောင်းချကြောင်း၊ လက်ရှိတွင် ရန်ကုန်၊ တောင်ကြီး၊ ပျော်ဘွယ်၊ မိတ္ထီလာ၊ ရမည်းသင်း၊ သာစည်၊ မလှိုင် နှင့် နေပြည်တော်သို့ တင်ပို့ ရောင်းချကြောင်း သတင်းရရှိပါသည်။

DOCA(စစ်ကိုင်း)

         အသင့်စားမုန့်တွေ စားသုံးမိတာများခြင်းကြောင့် ကလေးငယ်တွေမှာ နှလုံးရောဂါ၊ ကျောက်ကပ်ရောဂါ၊ ကင်ဆာရောဂါစတဲ့ ရောဂါမျိုးတွေ ဖြစ်ပွားနေတာတွေ့ရှိရတာကြောင့် အခြေခံပညာကျောင်းများတွင် ရောင်းချနေသော အသင့်စားမုန့် များကို စစ်ဆေးဆောင်ရွက်ရန်လိုအပ်သဖြင့် ကျန်းမာရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ကျောင်းအသိပညာပေးခြင်း၊ မုန့်ဈေးတန်းများကို စစ်ဆေးခြင်းများ ဆောင်ရွက်ခဲ့ကြသည်။

            ပန်းတနော် အနောက်ပိုင်းရပ်ကွက် အ-မ-က-၂ ကျောင်းတွင် နံနက်(၀၈၁၅)နာရီအချိန်တွင် စစ်ဆေးခဲကြရာ မုန့်မျိုးစုံနှင့်စားသောက်ကုန်ပစ္စည်းများ ကုန်အညွှန်းအမှတ်အသားများပြည့်စုံ မှန်ကန်စွာဖော်ပြပါရှိမှုရှိ၊ မရှိ၊ သက်တမ်းလွန်မုန့်များ ရောင်းချမှုရှိ၊မရှိ၊ ကျောင်းသား၊ ကျောင်းသူများနှင့် ဆရာ၊ ဆရာများအတွက် ဘေးအန္တရာယ်ကင်းရှင်းပြီး လုံခြုံစိတ်ချရသည့် စားသောက်ကုန်ပစ္စည်းများဖြစ်ရေးတို့ကို ကွင်းဆင်းစစ်ဆေးကြပြီး အစားအသောက် ထုတ်လုပ်ဖြန့်ဖြူးရောင်းချ သူတွေအနေနဲ့ အစားအသောက်မှာ သုံးစွဲရန်ခွင့်မပြုတဲ့ ဆိုးဆေးတွေကို လုံးဝ အသုံးမပြုရန်နဲ့ မုန့်ဈေးတန်း ဆိုင်ရှင်များကို အသိပေးပြောကြားခဲ့ပြီး ကျောင်းကျန်းမာရေးအဖွဲ့မှ ကြပ်မတ်ဆောင်ရွက်ရန် တို့ကိုမှာကြားခဲ့ကြောင်းသိရသည်။

DOCA(ဧရာဝတီ)