သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဟင်္သာတခရိုင်၊  ဟင်္သာတမြို့နယ်နယ်တာဝန်ခံသည် (၁၈.၉.၂၀၂၂) ရက်နေ့ နံနက်(၁၀:၀၀) နာရီအချိန်တွင် နတ်မော်ကျေးရွာအုပ်စု အ-ထ-က ကျောင်းမုန့်ဈေးတန်းအား  ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။

    ထို့သို့ကွင်းဆင်းစစ်ဆေးရာတွင် ကျောင်းမုန့်ဈေးတန်းအတွင်းရောင်းချနေသော မြန်မာလက်လုပ် မုန့်များသန့်ရှင်းလက်ဆက်မှုရှိစေရေးနှင့် လေဖောင်းမုန့်များ၊ ဖျော်ရည်ဗူးများစသည့် အသင့်စားမုန့်များ၌ ကုန်အညွှန်းအမှတ်အသားများပြည့်စုံမှုရှိ/မရှိစစ်ဆေးခဲ့ပြီး၊ စားသုံးသူကာကွယ်ရေးဥပဒေ အခန်း(၁၈)ပါ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြ ရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက် ဖြစ်စေ ရေးသားဖော်ပြရမည့် ကုန်ပစ္စည်းကိုသာ စားသုံးသူများလက်ဝယ်အရောက် ဘေးကင်းလုံခြုံမှုရှိစေ ရေးအတွက် ဖြန့်ဖြူးရောင်းချရမည်ဖြစ်ကြောင်း၊ မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန် ကြားချက်အမှတ်(၂/၂၀၁၉)ပါ ဥပဒေများအကြောင်း၊ စီးပွားရေးလုပ်ငန်းရှင်၏ တာဝန်များအကြောင်း၊ စားသုံးသူ၏ အခွင့်အရေးနှင့် တာဝန်များအကြောင်းနှင့် စားသုံးသူရေးရာဦးစီးဌာနမှ ဆောင်ရွက်နေ့သည့် လုပ်ငန်းများ အကြောင်းတို့ကို အသိပညာပေးဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြကြောင်း သိရှိရပါသည်။

DOCA(ဧရာဝတီ)

      ၂၀၂၂ ခုနှစ်၊ စက်တင်ဘာလ ၂၂ ရက်နေ့တွင် 13^th Meeting of the Committee of the Whole (CoW) for the ASEAN Economic Community (AEC) ကို Virtual စနစ်ဖြင့် ကျင်းပပြုလုပ်ခဲ့ရာ အစည်းအဝေးသို့ AEC မှ တာဝန်ရှိသူများ၊ သက်ဆိုင်ရာ AEC Sectoral Bodies မှ ဥက္ကဋ္ဌများ၊  အာဆီယံအတွင်းရေးမှူးချုပ်ရုံးမှ တာဝန်ရှိသူများ တက်ရောက်ခဲ့ပါသည်။ အစည်းအဝေးသို့ အာဆီယံ စားသုံးသူကာကွယ်ရေးကော်မတီ ဥက္ကဋ္ဌဖြစ်သူ မြန်မာနိုင်ငံစားသုံးသူကာကွယ်ရေးကော်မရှင် အဖွဲ့ဝင်၊ ညွှန်ကြားရေးမှူးချုပ်၊ မူပိုင်ခွင့်ဦးစီးဌာန ဒေါက်တာမိုးမိုးသွယ်က ရုံးအမှတ် (၅၂) မှနေ၍ အစည်းအဝေး သို့ တက်ရောက်ခဲ့ပါသည်။ အဆိုပါ အစည်းအဝေးတွင် အာဆီယံစီးပွားရေးအသိုက်အဝန်းအောက်ရှိ ကဏ္ဍတစ်ခုနှင့်တစ်ခု ဆက်စပ်နေသည့်လုပ်ငန်းများနှင့် Committee of the Whole (CoW) ၏ အုပ်ချုပ်မှုပုံစံ၊ နှစ်အလိုက် ဦးစားပေးဆောင်ရွက်သွားရမည့်ကိစ္စရပ်များစသည်တို့နှင့်စပ်လျဉ်း၍  ရှင်းလင်းဆွေးနွေးခဲ့ကြပါသည်။ Committee of the Whole (CoW) for the ASEAN Economic Community (AEC) ၏ ၁၄ ကြိမ်မြောက်အစည်းအဝေးကို ၂၀၂၃ ခုနှစ်၊ ဇန်နဝါရီလတွင် ကျင်းပပြုလုပ်ရန် လျာထားကြောင်း ‌ဆွေးနွေးခဲ့ပါသည်။

  ကယားပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၂၀၂၂ ခုနှစ်၊ စက်တင်ဘာလ(၁၉)ရက်နေ့၊ နံနက်(၁၀:၀၀)နာရီအချိန်တွင် လွိုင်ကော်မြို့၊ ဒေါဥခူရပ်ကွက်ရှိ အမှတ်(၆)အခြေခံပညာအထက်တန်းကျောင်း၌ ကျောင်းသား/ကျောင်းသူစုစုပေါင်း(၁၁၀)ဦးကို COVID စည်းကမ်းများနှင့်အညီ စားသုံးသူကာကွယ်ရေးအကြောင်း အသိပညာပေးဟောပြောဆွေးနွေးခဲ့ပါ သည်။

    အဆိုပါဟောပြောပွဲတွင် ဦးမိုးညွန့်ဦး(ဦးစီးအရာရှိ)က စားသုံးသူကာကွယ်ရေးနှင့်စပ်လျဉ်း၍ အခွင့်အရေးများ၊ စားသုံးသူများလိုက်နာရမည့် တာဝန်များကို ရှင်းလင်း ပြောကြားခဲ့ပြီး ဒေါ်နော်ကြူကြူ(ဒု-ဦးစီးမှူး)က ကျောင်းသား/ ကျောင်းသူများအား စားသုံးသူ ကာကွယ်ရေးဥပဒေပါ စားသုံးသူအခွင့်အရေးများ၊ ကုန်စည်(သို့)ဝန်ဆောင်မှုကို ဝယ်ယူသုံးစွဲခြင်း ကြောင့် နစ်နာဆုံးရှုံးမှုနှင့်စပ်လျဉ်း၍ စားသုံးသူဘက်မှ တောင်းဆိုနိုင်သည့် အချက်များကို လည်း ကောင်း၊ စားသုံးသူများ လိုက်နာရမည့်တာဝန်များကိုလည်းကောင်း၊ ကုန်အညွန်းအမှတ်အသားနှင့် စပ်လျဉ်း၍ ကုန်ပစ္စည်းများ ဝယ်ယူသုံးစွဲခြင်းမပြုမီ သတိပြုရမည့် အချက်များကိုလည်းကောင်း၊ စားသုံးသူအခွင့်အရေးများ နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးဌာနသို့ လူကိုယ်တိုင်ဖြစ်စေ၊ Website မှဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြားနိုင်ပါကြောင်း ၊ Consumer call center ၁၅၃၅ နံပါတ်များသို့ ခေါ်ဆို၍ စားသုံးသူရေးရာနှင့် စပ်လျဉ်း၍ သိရှိလိုသည်များကို မေးမြန်းနိုင်ပါကြောင်း ရှင်းလင်းပြောကြားခဲ့ပြီး အသိပညာပေးလက်ကမ်းစာစောင်များ၊ ဗွီနိုင်းများကို သက်ဆိုင်ရာ ကျောင်းအုပ်ဆရာမကြီးထံသို့ ပေးအပ်ခဲ့ကြောင်း သတင်းရရှိပါသည်။

DOCA(ကယား)

     မွန်ပြည်နယ်၊ စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်းများသည် ၁၃.၉.၂၀၂၂ ရက်နေ့၊ ၁၄.၉.၂၀၂၂ ရက်နေ့တို့တွင် ပို့ကုန်/သွင်းကုန် လုပ်ငန်းရှင်မှတ်ပုံတင် သက်တမ်း(၅) နှစ်နှင့် အောက်သက်တမ်းရှိသော ကုမ္ပဏီများအား မြေပြင်ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရသည်။

       ထိုသို့ စစ်ဆေးရာတွင် မော်လမြိုင်မြို့နယ်အတွင်းရှိ ကုမ္ပဏီ (၇၈) ခု၏ ကုမ္ပဏီတည်ရှိမှု၊ စီးပွားရေးလုပ်ငန်းအမျိုးအစားများခိုင်မာမှု ရှိ/မရှိနှင့် အမှန်တကယ်လုပ်ငန်းဆောင်ရွက်မှု ရှိ/မရှိ အခြေအနေတို့အား စစ်ဆေးခဲ့ကြောင်း သိရှိရပါသည်။

DOCA(မွန်)

      မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးသည် (၁၆.၉.၂၀၂၂) ရက်နေ့တွင် ပြည်တွင်းကုန်သွယ်ရေးဖွံ့ဖြိုးတိုးတက်မှုအတွက် မွန်ပြည်နယ်ရှိ ကွမ်းသီးလုပ်ငန်းရှင်များအား ပြည်နယ်ဦးစီးမှူးရုံးခန်း၌ တွေ့ဆုံဆွေးနွေးခဲ့သည်။

    ထိုသို့ဆွေးနွေးရာတွင် ဒေသထွက်ကွမ်းသီးများ အခြားဒေသများသို့ သယ်ယူပို့ဆောင်ရာတွင် မလိုလားအပ်သောကြန့်ကြာမှုများ မဖြစ်ပေါ်စေရန်နှင့် ကုန်စည်စီးဆင်းမှု လျင်မြန်ချောမွေ့စေရေးအတွက် ကွမ်းသီးများသယ်ဆောင်ရာတွင် စည်ပင်လုပ်ငန်းလိုင်စင်၊ ပြည်တွင်းအခွန်များဦးစီးဌာနသို့ ကြိုတင်ခွန် ၂% ပေးဆောင်ထားသည့်အထောက်အထားနှင့် မွန်ပြည်နယ်ကွမ်းသီးစိုက်ပျိုး ထုတ်လုပ်တင်ပို့ရောင်းချသူများအသင်း၏ ဒေသထွက်ဖြစ်ကြောင်း ထောက်ခံချက်များ လိုအပ်ကြောင်းနှင့် ကွမ်းသီးယာဉ်များဖြတ်သန်း သွားလာခြင်းများအား သက်ဆိုင်ရာဌာနများမှ ကဏ္ဍအလိုက်စစ်ဆေးခြင်းများ ဆောင်ရွက်နိုင်ရန်အတွက် ဌာနအလိုက်စစ်ဆေးရမည့် အချက်များအပေါ် မူတည်၍ ဒေသအခြေအနေနှင့် ကိုက်ညီသည့် Standard Operating Procedures (SOPs) ရေးဆွဲဆောင်ရွက်သွားရန် ပြည်နယ်အစိုးရအဖွဲ့မှညွှန်ကြားထားသည့် ကိစ္စရပ်များကို တွေ့ဆုံဆွေးနွေးခဲ့ကြောင်း သိရှိရပါသည်။

DOCA(မွန်)