သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင်၊ သာပေါင်းမြို့နယ်မှ မြို့နယ်တာဝန်ခံနှင့် ဝန်ထမ်းများသည် သာပေါင်းမြို့နယ် မွေး/ကုရုံး၌ စက်တင်ဘာ ၁၆ရက် မနက် (၁၀:ဝဝ) နာရီတွင် မွေးမြူရေးလုပ်ငန်းရှင် ၁၄ဦး တို့အား စားသုံးသူကာကွယ်ရေးဆိုင်ရာ အသိပညာပေး ဟောပြောဆွေးနွေးခဲ့ကြောင်း သိရပါသည်။

      ဆွေးနွေးဟောပြောရာတွင် မြို့နယ်တာဝန်ခံမှ အဖွင့်အမှာစကားပြောကြားပြီး စားသုံးသူများ သိသင့်သိထိုက်သော အခွင့်အရေးများနှင့် စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များကို ရှင်းလင်းပြောကြားခဲ့ပါသည်။ ထို့အပြင် စီးပွားရေးလုပ်ငန်းရှင်များ၏ တာဝန်များ၊ စားသုံးသူများနစ်နာမှု နှင့်စပ်လျဉ်း၍ တိုင်းကြားမှုများအား ဖြေရှင်းဆောင်ရွက်ပေးရသည့် အခြေအနေများကိုပါရှင်းလင်း ဆွေးနွေးဟောပြောခဲ့ပါသည်။

      ထို့နောက် တက်ရောက်လာကြသော လုပ်ငန်းရှင်များ၏ သိလိုသမျှမေးခွန်းတို့အား ပြန်လည် ဖြေကြားပေးခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

    ကယားပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၂၀၂၂ ခုနှစ်၊ စက်တင်ဘာလ (၁၆)ရက်နေ့၊ နံနက်(၁၁:၀၀)နာရီအချိန်တွင် လွိုင်ကော်မြို့ ဈေးပိုင်းရက်ကွက်၊ မင်္ဂလာရပ်ကွက်နှင့် ရွှေတောင်ရပ်ကွက်ရှိ စိုက်ပျိုးရေးသုံးပစ္စည်းဓါတ်မြေဩဇာနှင့် ပိုးသတ်ဆေးဆိုင်များသို့ ကုန်စည် များပေါ်တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူရေးရာ ကော်မရှင်၏ ညွှန်ကြားချက်အမှတ်(၂/ ၂၀၁၉)ပါသတ်မှတ်ချက်များနှင့် ကိုက်ညီမှုရှိ/ မရှိ ပြည်နယ် ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ မြို့နယ်အခွန်ဦးစီးဌာန၊ မြို့နယ်စိုက်ပျိုးရေးဦးစီးဌာန၊ သစ်တောဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ဈေးကွက်စောင့်ကြည့် ကွင်းဆင်းစစ်ဆေးခဲ့ပါသည်။

    ထိုသို့ကွင်းဆင်းစစ်ဆေးရာတွင် စိုက်ပျိုးရေးသုံးပစ္စည်းဓါတ်မြေဩဇာနှင့် ပိုးသတ်ဆေးရောင်းချသော ဆိုင်ပိုင်ရှင်များအား သက်ဆိုင်ရာဌာနက တားမြစ်ပိတ်ပင်ထားသော ဓါတ်မြေဩဇာနှင့် ပိုးသတ်ဆေးများ ရောင်းချခြင်းမပြုရန်၊ တရားဝင်မှတ်ပုံတင်ထားသော ဓါတ်မြေဩဇာနှင့် ပိုးသတ်ဆေးများတင်သွင်းရောင်းချရန်၊ စိုက်ပျိုးသူတောင်သူများ ဘေးကင်းလုံခြုံမှုရှိစေရန် သုံးစွဲပုံအညွှန်း ကို မြန်မာစာဖြင့် တိတိကျကျဖော်ပြထားသော ဓါတ်မြေဩဇာနှင့် ပိုးသတ်ဆေးများကိုသာ ရောင်းချ ကြရန်၊ စီးပွားရေးလုပ်ငန်းရှင်များအနေဖြင့် ကုန်စည်နှင့်သက်ဆိုင်သည့် ကုန်အညွှန်းအမှတ်အသား တွင် ဖော်ပြထားသည့် အချက်အလက်များနှင့် ကိုက်ညီမှုမရှိသော ကုန်စည်များကို ရောင်းချခြင်းနှင့်  ကုန်သွယ်ခြင်းမပြုကြရန် လိုအပ်ကြောင်း၊ သတ်မှတ်ချက်နှင့် မကိုက်ညီသော ဓါတ်မြေဩဇာနှင့် ပိုးသတ်ဆေးများ ဈေးကွက်အတွင်းတွေ့ရှိပါက စိုက်ပျိုးရေးဦးစီးဌာန၏ ဥပဒေအရသော်လည်းကောင်း စားသုံးသူကာကွယ်ရေးဥပဒေအရ သော်လည်းကောင်း အရေးယူခံရနိုင်ကြောင်း အသိပညာပေး ဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မ မြို့နယ်တာဝန်ခံ ဦးအောင်မိုးသည်  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာန၊ တိုင်းရင်းဆေးပညာဦးစီးဌာနတို့နှင့် ပူးပေါင်းကာ (၁၄.၉.၂၀၂၂)ရက်နေ့ နံနက် (၁၀;၀၀)နာရီအချိန်တွင် ဝါးခယ်မ မြို့နယ်၊ (အထက) ကနစိုးကုန်းကျောင်း၌ ဆရာ/ဆရာမ ကျောင်းသား/သူများအား စားသုံးသူကာကွယ်ရေး အသိပညာပေးဟောပြောခဲ့ပါသည်။

    ထိုသို့ဟောပြောဆွေးနွေးရာတွင် ဝါးခယ်မ မြို့နယ်တာဝန်ခံ ဦးအောင်မိုးမှ စားသုံးသူရေးရာ ဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူ၏အခွင့်အရေးနှှင့်တာဝန်များ၊ လုပ်ငန်းရှင်၏တာဝန်များ၊ စားသုံးသူရေးရာဦးစီးဌာန၏ လက်ရှိဆောင်ရွက်နေသောလုပ်ငန်းများ၊ ဆောင်ရွက် ချက်များအား ရှင်းလင်းဆွေးနွေးပြီး၊ စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ပုဒ်မ(၄၁) ပုဒ်မခွဲ(ခ) နှင့်(ဂ) (ဆ)တို့ပါ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများ၊ ထုတ်လုပ်မှု အမှတ်စဉ်၊ ကျန်းမာရေးဆိုင်ရာဘေးထွက်ဆိုးကျိုး(သို့)ဓါတ်မတည့်ကြောင်းဖော်ပြချက်နှင့် ကြိုတင်သတိပေး ချက်များအကြောင်းကို ရှင်းလင်းဆွေးနွေးခဲ့ပြီး၊ မိမိတို့ပါတ်ဝန်းကျင်တွင်ရောင်းချနေသော အစားအသောက်များတွင် စားသုံးရန်မသင့်သော အစားအစာများ၊ ဓါတုဆိုးဆေးများလွန်ကဲစွာအသုံးပြု ထားသော မုန့်ပဲသွားရည်စာများကို စားသောက်မိပါက ကျန်းမာရေးဆိုင်ရာဘေးထွက်ဆိုးကျိုးများ ခံစားရပြီး၊ ဆေးရုံဆေးခန်းပြသရန်အတွက် ကုန်ကျစရိတ်များနှင့် နောက်ဆက်တွဲဆိုးကျိုးများဖြစ် ပေါ်လာနိုင်ကြောင်း၊ ကျောင်းသား/သူများအနေဖြင့် အစားအသောက်များကို ရွေးချယ်ဝယ်ယူစား သောက်နိုင်စေရန် အသိပေးဟောပြောခဲ့ပါသည်၊ပြီးနောက်အဖွဲ့ဖြင့်  ကျောင်းတွင်ရောင်းချနေသော ကျောင်းမုန့်ဈေးတန်းရှိ ဈေးဆိုင်ပိုင်ရှင်များအား သက်တမ်းလွန်နေသော အစားအသောက်များ၊ သတ်မှတ်ချက်များနှင့်အကိုက်ညီသော အစားအသောက်များရောင်းချခြင်းမပြုရန် ဆိုင်ရှင်များအား ဆွေးနွေးမှာကြားစစ်ဆေးခဲ့ပါသည်။ စားသုံးသူကာကွယ်ရေး အသိပညာပေးဟောပြောပွဲသို့ ဆရာ/ဆရာမ၊ ကျောင်းသား/သူ စုစုပေါင်း(၂၄၆)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင် ဒု-ခရိုင်ဦးစီးမှူး ဦးအောင်ဇော်ဦးနှင့် မအူပင်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ ခရိုင်ပြန်ကြားရေးနှင့် ပြည်သူ့ဆက်ဆံရေး Communit Center ခန်းမ၌ စားသုံးသူအသိပညာပေး Talk Showကို စက်တင်ဘာလ ၁၅ ရက်နေ့ မွန်းလွဲ (၁၃း၀၀)နာရီက ကျင်းပပြုလုပ်ခဲ့ကြပါသည်။

    ထိုသို့ ကျင်းပပြုလုပ်ရာတွင် ခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီး အရာရှိ ဒေါ်တင်သူဇာလှိုင်က ခရိုင် စားသုံးသူရေးရာဦးစီးဌာန နှင့် Talk Show ကျင်းပပြု လုပ်ရခြင်း ရည်ရွယ်ချက်နှင့် လုပ်ငန်းဆောင်ရွက်ချက်များ အကြောင်းကိုရှင်းလင်း ပြေားကြားပြီး၊ စားသုံးသူ ရေးရာဦးစီးဌာနမှလည်း စားသုံးသူများအနေဖြင့် အွန်လိုင်းမှတဆင့် ဝယ်ယူသုံးစွဲရာတွင် လိုက်နာရ မည့်အချက်များ၊ မိုဘိုင်း(သို့) အွန်လိုင်းငွေကြေးဝန်ဆောင်မှုများ အသုံးပြုရာတွင် စားသုံးသူများ အနေဖြင့် သတိပြုရမည့် အချက်များ၊ စားသုံးသူများအနေဖြင့်  ကုန်စည်နှင့် ဝန်ဆောင်မှုကို ဝယ်ယူ အသုံးပြုရာတွင်လည်းကောင်း၊ ထုတ်လုပ်ဖြန့်ဖြူးရောင်း ချသည့် လုပ်ငန်းရှင်များကြောင့် နစ်နာဆုံးရှုံးမှုရှိပါက မအူပင်ခရိုင် စားသုံးသူရေးရာဦးစီးဌာနရှိ စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC)သို့ တိုင်ကြား နိုင်မှုနှင့် တိုင်းဒေသကြီးဦးစီးမှူးရုံးနှင့် စားသုံးသူရေးရာဦးစီးဌာန ရုံးချုပ်ရှိ Website နှင့် အခြားတိုင်ကြားနိုင်သည့် နည်းလမ်းများ ဌာန၏ လက်ရှိ လုပ်ဆောင်ချက်များကိုရှင်းလင်းဆွေးနွေးခဲ့ပါသည်။

  ထို့နောက် မေးမြန်းလာသည့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများ ဆောင်ရွက်နိုင်မှု၊ ဈေးကွက်စောင့်ကြည့် စစ်ဆေးမှုများစသည့် စားသုံးသူရေးရာအသိပညာပေး အကြောင်းများကို ဆွေးနွေးပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ ပုသိမ်မြို့တွင်၂၀၂၂- ၂၀၂၃ခုနှစ်၊ မိုးစပါး/ မျိုးစေ့ထုတ်/ စံပြကွက်/ စမ်းသပ်ကွက်စိုက်ပျိုးသည့် တောင်သူများအတွက် ယူရီးယားဓါတ်မြေဩဇာ ဖြန့်ဖြူးပေးအပ်ပွဲ အခမ်းအနား ကို ၉.၉.၂၀၂၂နေ့ နံနက်(၁၀:၀၀)နာရီအချိန်က မြို့နယ်စိုက်ပျိုးရေးဦးစီး ဌာန ရုံးအစည်း အဝေးခန်းမ၌  ကျင်းပခဲ့ကြောင်း သိရသည်။

     အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဝင်(၂) ဦးစိုးပိုင်က အဖွင့်အမှာစကား ပြောကြားခဲ့ပြီး စိုက်ပျိုးရေးဦးစီးဌာနမြို့နယ်ဦးစီးမှူး ဦးဆန်းဝင်းက ယခုနှစ်မိုးရာသီ မိုးစပါး/မျိုးစေ့ထုတ်/စံပြကွက်/စမ်းသပ်ကွက်စိုက်ပျိုးပါကတောင်သူများအနေဖြင့်ဓါတ်မြေဩဇာဈေးနှုန်းကြီးမြင့်စွာ ဝယ်ယူရမှုအခက်အခဲများမရှိစေရန် နိုင်ငံတော်မှဈေးနှုန်းသက်သာစွာ ဖြန့်ဖြူးရောင်းချပေးရခြင်းဖြစ်ကြောင်း နှင့် တစ်ဧကချင်းအလိုက် အထွက်နှုန်းတိုးတက်ရေး အတွက် နိုင်ငံတော်အစိုးရမှ ပေးအပ်ခြင်းဖြစ် ကြောင်းသိရသည်။

    ပုသိမ်မြို့နယ်တွင်မျိုးစေ့ထုတ် စိုက်ဧက(၄၉၄)ဧက၊စံပြစိုက်ဧက(၂၉၀)ဧက၊ မိုးစပါး စိုက်ဧက (၆၆၀)၊ဘက်စုံအဆင့်မြင့်နည်းပညာသုံးစံပြကွက်(၃၄၉)ဧက၊ ပုသိမ်မြို့နယ်အတွင်း မိုးစပါးစိုက်ဧက စုစုပေါင်း(၉၁၄၃၆)ရှိပြီး မျိုးစေ့ထုတ်စိုက်ဧကများနှင့် စံပြကွက်စိုက်ဧကများ အတွက်  တစ်ဧကလျှင် ဓါတ်မြေဩဇာ(၁)အိတ်နှုန်း ဩဂုတ်လအတွက် ထုတ်ပေးသည့် ဓါတ်မြေဩဇာအိတ်ပေါင်း (၁၇၉၃) အိတ်ကို ဈေးနှုန်းချိုသာစွာဖြင့် ရောင်းချပေးသွားမည်ဖြစ်ကာ ကျန်ရှိသော မိုးစပါးစိုက်ဧကများကိုလည်းရရှိသည့် အိတ်အရေအတွက်ကို အချိုးကျ ဆက်လက်ခွဲဝေပေးသွားမည်ဖြစ်ကြောင်း သိရ သည်။

      ဆက်လက်ပြီး တက်ရောက်လာသော တာဝန်ရှိသူများက ဒေသခံတောင်သူများအား ဈေးနှုန်း ချိုသာစွာဖြင့် ဖြန့်ဖြူးရောင်းချပေးခဲ့ပြီး အဆိုပါအခမ်းအနားအား ပုသိမ်မြို့နယ်စီမံအုပ်ချုပ်ရေးအဖွဲ့ နှင့်အဖွဲ့ဝင်များ၊ စာသုံးသူရေးရာဦးစီးဌာနမြို့နယ်တာဝန်ခံနှင့် မြို့နယ်အဆင့် ဌာနဆိုင်ရာများ၊ ဒေသ ခံတောင်သူများ တက်ရောက်ခဲ့ကြောင်းသိရသည်။

DOCA(ဧရာဝတီ)