သတင်းနှင့် လှုပ်ရှားမှုများ

          ပြည်ခရိုင်၊ ပေါင်းတည်မြို့နယ်တွင် စားဖိုဆောင်သီးနှံဖြစ်သော ကြက်သွန်နီမှာ ဈေးဆက် လက်မြင့်တက်လာခဲ့ပါသည်။ ကြက်သွန်နီများ အဝယ်လိုက်နေသဖြင့် ဈေးနှုန်းမြင့်တက်လာသည်ဟု ပေါင်းတည်မြို့ရှိ ကြက်သွန်နီပွဲရုံမှ သိရှိရပါသည်။ ဩဂုတ်လ ပထမပတ်တွင် ကြက်သွန်နီဈေးနှုန်းမှာ (အကြီး) တစ်ပိဿာလျှင် ၂၂၀၀ကျပ် နှင့် (အသေး) တစ်ပိဿာလျှင် ၁၈၀၀ကျပ်ဖြင့် ရောင်းချခဲ့ပါသည်။ ယခုဩဂုတ်လ တတိယပတ်တွင် ကြက်သွန်နီဥ (အကြီး) တစ်ပိဿာလျှင် ၂၆၀၀ကျပ်နှင့် (အသေး) တစ်ပိဿာလျှင် ၂၁၅၀ကျပ်ဖြင့် ဈေးမြင့်တက်သွားပါသည်။

DOCA(ပဲခူး)

          စားသုံးသူရေးရာဦးစီးဌာန၊ သာယာဝတီခရိုင် လက်ပံတန်းမြို့နယ်အတွင်း ကုန်စည်ထုတ်လုပ် ဖြန့်ဖြူရောင်းချနေသည့် လုပ်ငန်းရှင်များနှင့် တွေ့ဆုံ၍ ကုန်စည်များတွင် ကုန်အညွှန်းအမှတ်အသား များ ပြည့်စုံစွာဖော်ပြပါရှိစေရန် ရည်ရွယ်၍ ခရိုင်ဦးစီးမှူးရုံး၌ (၂၂.၈.၂၀၂၂) နေ့၊ (၁၄:၀၀) နာရီအချိန်တွင် ကုန်စည်ထုတ်လုပ်ဖြန့်ဖြူရောင်းချနေသည့် လုပ်ငန်းရှင်များအနေဖြင့် ကုန်အညွှန်းအမှတ်အသား များဖော်ပြခြင်းနှင့် စပ်လျဉ်း၍ ခရိုင်ဦးစီးမှူး ဦးအောင်သိန်းမှ ဌာန၏ လုပ်ငန်းဆောင်ရွက်မှုများ၊ စားသုံး /ထုတ်လုံ တာဝန်ခံ ဒေါ်ခိုင်ခိုင်ရီမှ စားသုံးသူကာကွယ်ရေးဉပဒေပါ အခန်း (၁၈) ပုဒ်မ (၄၁) အရ ကုန်စည်အမျိုးအစားအလိုက် သိသာထင်ရှားစွာဖော်ပြရမည့် အချက်(၇) ချက်နှင့် မြန်မာနိုင်ငံ စားသုံးသူ ကော်မရှင် ညွှန်ကြားချက်အမှတ် (၂/၂၀၁၉) အရ မတူညီသော ကုန်စည်အမျိုးအစားပေါ် မူတည်ပြီး အဓိက ပါဝင်ရမည့် အချက်များကို မဖြစ်မနေဖော်ပြရန်၊ စီးပွားရေးလုပ်ငန်းရှင်များ အနေဖြင့် စားသုံးသူ ကာကွယ်ရေးဉပဒေပါ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များနှင့် ပြစ်မှုပြစ်ဒဏ်များ ကို သိရှိလိုက်နာစေရန်နှင့် အခြေခံ ကုန်အညွှန်းအမှတ်အသားများ ပြည့်စုံစွာဖော်ပြပါရှိခြင်းကြောင့် စားသုံးသူများဝယ်ယူသုံးစွဲရာ၌ သတင်းအချက်အလက်များ ပြည့်စုံစွာပေးနိုင်မည်ဖြစ်ပါကြောင်း၊ စားသုံး သူကာကွယ်ရေး ဉပဒေ အခန်း (၁၀) ပါ စီးပွားရေးလုပ်ငန်းရှင်များ၏ တာဝန်များနှင့် အခန်း (၁၁)ပါ ကုန်စည်နှင့် စပ်လျဉ်း၍ အာမခံချက်ပေးရန် အသိပညာပေး ဆွေးနွေးဟောပြောဆောင်ရွက်ခဲ့ပြီး လက်ကမ်းစာစောင်များ ဖြန့်ဝေခဲ့ပါကြောင်း သတင်းရရှိပါသည်။

DOCA(ပဲခူး)

           ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့နယ်အတွင်းရှိ ကျေးလက်နေပြည်သူ များ လှုမှုစီးပွားဘဝတိုးတက်စေရန်နှင့် အလုပ်အကိုင်အခွင့်အလမ်းများ ရရှိစေရန် ရည်ရွယ်၍ စိုက်ပျိုးရေး မွေးမြူရေးနှင့် ကုန်ထုတ်လုပ်မှု ကဏ္ဍဖွံ့ဖြိုးတိုးတက်ရေးအတွက် ကျေးရွာအုပ်စု ၄၉ အုပ်စု၊ ကျေးရွာခွဲ ၂၇၇ ရွာအနက် သတ်မှတ်ချက်နှင့် ကိုက်ညီသည့် ကျေးရွာ ၄၀ အား ( ဧပြီ၊ မေ၊ ဇွန်၊ ဇူလိုင်) လများတွင် သက်ဆိုင်ရာဌာနများမှ အသိပညာပေးလုပ်ငန်းများ ဆောင်ရွက်ပြီးစီးခဲ့ပါသည်။

          ယခု သြဂုတ်လ ပထမပတ် (၅) ရက်နေ့မှစ၍ ကျေးရွာအုပ်စု ၁၀ အုပ်စု၊ ကျေးရွာ ၁၀ ရွာအနက် အုပ်စု ၄ အုပ်စု၊ ကျေးရွာ ၄ ရွာတို့မှ တောင်သူ ၂၀၁ ဦးတို့အား သက်ဆိုင်ရာ ဌာနများနှင့်အတူ စားသုံးသူရေးရာဦးစီးဌာန မြို့နယ်တာဝန်ခံ ဒေါ်ရီရီရှိန်မှ ဌာန၏ လုပ်ငန်းဆောင်ရွက် ချက်များ အကြောင်း၊ ဌာန၏ သမိုင်းကြောင်းများ၊ စားသုံးသူကာကွယ်ရေးဉပဒေပါ အချက်များ၊ စားသုံးသူ အခွင့်အရေးများ၊ ကုန်စည်များဝယ်ယူသုံးစွဲရာတွင် ကုန်အညွှန်းအမှတ်အသား ပြည့်စုံစွာပါရှိမှ ဝယ် ယူသုံးစွဲကြရန် နမူနာပစ္စည်းများဖြင့် တစ်ချက်ချင်းရှင်းပြခဲ့ပြီး နစ်နာမှုရှိလျှင် တိုင်ကြားနိုင်သည့် အကြောင်းများ၊ ပြည်တွင်းကုန်သွယ်မှု အနေဖြင့် လက်ရှိလုပ်ဆောင်နေသည့် စားအုန်းဆီ၊ စက်သုံးဆီ၊ ဆေးဝါး တောင်သူအများဆုံးသုံးစွဲသည့် ဓာတ်မြေသြဇာ၊ ပိုးသတ်ဆေး၊ စပါး၊ ပဲနှမ်း၊ ဆန် စသည်ဖြင့် ဈေးနှုန်းဈေးကွက်အခြေအနေများကို နေ့စဉ်အပတ်စဉ် လုပ်ငန်းရှင်များနှင့် ချိတ်ဆက်ဆောင်ရွက် ရသည့်အခြေအနေများကို ပြောကြားခဲ့ပြီး တောင်သူများအနေဖြင့် ပြည်တွင်းဆီစားသုံးမှုဖူလုံရေးအတွက် ဆီထွက်သီးနှံများဖြစ်သော မြေပဲ၊ နှမ်း၊ နေကြာများကိုလည်း စိုက်ပျိုးကြရန်နှင့် ဆီစားသုံးမှုများလျှင် ဖြစ်ပေါ်လာနိုင်သည့် ရောဂါများအကြောင်းနှင့် ဆက်စပ်ပြီးဖြစ်လာနိုင်သည့် ကျန်းမာရေး အန္တရာယ်များကို အသိပညာပေးဟောပြောခဲ့ကြောင်း သိရှိရပါသည်။

DOCA(ပဲခူး)

            ပဲခူးတိုင်းဒေသကြီး ၊ နတ်တလင်းခရိုင် ၊ ဇီးကုန်းမြို့နယ်အတွင်းရှိ ကျေးရွာများ၌ ဆီထွက် သီးနှံ ဖြစ်သည့် မျိုးနေကြာများအား မိုးသီးနှံအဖြစ် စိုက်ပျိုးထားရှိပါသည်။  

          ဇီးကုန်းမြို့နယ်တွင် မိုးသီးနှံ မျိုးနေကြာ စိုက်ဧက (၁၅) ဧကအား ကျေးရွာအုပ်စု (၈) အုပ်စု၊ ကျေးရွာခွဲ (၉) ရွာ၊ တောင်သူ ၁၁ ဦးမှ ဇွန်လဒုတိယအပတ်ခန့်တွင် စတင်စိုက်ပျိုးခဲ့ပြီး ယခုအချိန်တွင် အဖူးအပွင့်များ ပွင့်နေပြီးဖြစ်ပါသည်။ မျိုးနေကြာများမှာ  ဆင်းရွှေကြာနေကြာမျိုးများဖြစ်၍  စိုက်ပျိုးပြီး ၄၅ ရက်တွင် အဖူး၊ အပွင့် များပွင့်ပါသည်။  ရက်ပေါင်း ၉၀-၉၅ ရက်တွင် ခူးဆွတ်ရသည်ဖြစ်ကြောင်းကို  စိုက်ပျိုးရေးဦးစီးဌာနဝန်ထမ်း တစ်ဦး၏ ပြောကြားချက်အရ သိရှိရပါသည်။

          ဆောင်းသီးနှံ စိုက်ပျိုးမှုအနေဖြင့်  လျာထားစိုက်ဧက (၂၇၆၀) ဧက ၊ သီးသန့် ဧက (၁၄၄) ဧက ၊ သီးညှပ် ဧက (၂၆၁၆) တို့ကို ဒေသတွင်း စားသုံးဆီဖူလုံရေးအတွက် ဆက်လက်စိုက်ပျိုးသွားမည် ဖြစ်ကြောင်း သိရှိရပါသည်။ ဆောင်းသီးနှံစိုက်ပျိုးရာတွင် စပ်မျိုးနေကြာမျိုးကိုလည်း စိုက်ပျိုးရန် ရှိကြောင်း သိရှိရပါသည်။

DOCA(ပဲခူး)

           စားသုံးသူရေးရာဦးစီးဌာနသည် စားသုံးသူအခွင့်အရေးများကို သိရှိနားလည်စေရန် စားသုံးသူ ကာကွယ်ရေးအသိပညာပေးဟောပြောပွဲလုပ်ငန်းများဆောင်ရွက်ခြင်းနှင့်စားသုံးသူများဘေးအန္တရာယ် ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်း လုပ်ငန်း များ လုပ်ဆောင်လျှက်ရှိရာ ၂၀၂၂ခုနှစ်၊ ဩဂုတ်လ ၂၃  ရက်နေ့ (၀၉း၃၀)အချိန်တွင် စားသုံးသူရေးရာဦးစီးဌာန ၊ မိတ္ထီလာခရိုင်၊ ခရိုင်ဦးစီးမှူးရုံး၊ ခရိုင်ဦးစီးမှုး၏ လမ်းညွှန်မှုဖြင့် စစ်ဆေးရေးအရာရှိနှင့် အဖွဲ့သည် မိတ္ထီလာမြို့ပေါ်ရှိ မုန့်မျိုးစုံဆိုင်များသို့ သွားရောက်၍ ကုန်အညွှန်းအမှတ်အသား ပြည့်စုံမှု ရှိ/မရှိ စစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာတွင် စစ်ဆေးရေးအရှိမှ မုန့်မျိုးစုံဆိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည့် စားသုံးသူကာကွယ်ရေးဥပဒေ ၂၀၁၉ ပါ    ပြဌာန်းချက်များအရ ဥပဒေ အခန်း (၉) ပါ စားသုံးသူ၏ အခွင့်အ‌ရေးနှင့်တာဝန်များ၊ အခန်း(၁၀) ပါ စီးပွားရေးလုပ်ငန်းရှင်များ၏ တာဝန်များ ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေး ဥပဒေ (၁၈)ပါ ကုန်အညွှန်းအမှတ် အသားဖော်ပြခြင်းနှင့် စပ်လျဉ်း၍ မည်သည့်စီးပွားရေး လုပ်ငန်းရှင်မဆို ပုဒ်မ (၄၁) ပုဒ်မခွဲ (ခ)နှင့် (ဆ) တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့် ဖြစ်စေ၊ မြန်မာဘာသာနှင့်အခြား ဘာသာတစ်ခု (သို့) တစ်ခုထက်ပို၍ တွဲလျှက် ဖြစ်စေ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေပါ ပြဌာန်းချက်များအတိုင်း လိုက်နာဆောင်ရွက်ကြရန် လိုက်နာဆောင်ရွက်ခြင်းမရှိပါကအခန်း(၂၄)ပါ ပြစ်မှုပြစ်ဒဏ်များအရ ဆောင်ရွက်သွားမည်ဖြစ်ကြောင်း စျေးကွက်အတွင်းရောင်းချနေသော ကုန်စည် များတွင် ကုန်အညွှန်းအမှတ်အသား ဖော်ပြချက် ပြည့်စုံမှု ရှိ/မရှိကို ဌာနမှ စျေးကွက်စောင့်ကြည့် စစ်ဆေးမှုများ နေ့စဉ်ဆောင်ရွက်သွားမည်ဖြစ်ပြီး၊ ဆိုင်ရှင်များသို့ အသိပေးပြောကြား စစ်ဆေးခဲ့ ကြောင်း သိရှိရသည်။

DOCA(မန္တလေး)