သတင်းနှင့် လှုပ်ရှားမှုများ

          မန္တလေးတိုင်းဒေသကြီး ၊ ညောင်ဦးခရိုင်စားသုံးသူရေးရာဦးစီးဌာနနှင့် ညောင်ဦးမြို့နယ် အား ကစားနှင့် လူငယ်ရေးရာဦးစီးဌာနတို့ ပူးပေါင်း၍ (၂၂.၈.၂၀၂၂)ရက်နေ့ နေ့လည် ၁၃:၄၅ နာရီအချိန် တွင် ညောင်ဦးမြို့ မြို့မအခြေခံပညာအထက်တန်းကျောင်း၌ စားသုံးသူကာကွယ်ရေး အသိပညာ ပေးဟောပြောဆွေးနွေးပွဲအား ကျင်းပပြုလုပ်ခဲ့ပါသည်။

          ဟောပြောပွဲတွင် စားသုံးသူရေးရာဦးစီးဌာန ၊ ညောင်ဦးခရိုင်ဦးစီးမှူး ဦးသန်းစိုးမှ မိတ်ဆက် အမှာစကားပြောကြားခဲ့ပြီးနောက် ဆက်လက်၍ စားသုံးသူကာကွယ်ရေးဥပဒေပါ စားသုံးသူအခွင့် အရေး(၈)ချက် ၊ စားသုံးသူတို့ လိုက်နာရမည့် အခြေခံတာဝန်များနှင့် စားသုံးသူနစ်နာဆုံးရှုံးမှုများနှင့် ပတ်သက်၍ လုပ်ငန်းရှင်နှင့် စားသုံးသူနှစ်ဦးနှစ်ဖက်ကြား ပြည်သူ့အကျိုးပြုလိုက်လံဆောင်ရွက်ပေး ရပုံ၊ တိုင်ကြားနိုင်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC )တည်ရှိရာနေရာများ ၊ Website နှင့် Call Center ဖုန်းနံပါတ်တို့ကိုပါ အတိအကျ လမ်းညွှန် ဟောပြောပို့ချခဲ့ပါသည်။ထို့နောက် ကျောင်းသား၊ကျောင်းသူတို့အနက်မှ အလယ်တန်းကျောင်းသား၊ ကျောင်းသူများနှင့် အထက်တန်းကျောင်းသား၊ကျောင်းသူတို့သည် ကုန်အညွှန်းအမှတ်အသားနှင့် စပ်လျဉ်း၍လည်းကောင်း ၊ စားသုံးသူအခွင့်အရေးအပြင် နစ်နာဆုံးရှုံးမှုတို့နှင့်စပ်လျဉ်း၍လည်းကောင်း သိလိုသည်များကို စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးနှင့် အပြန်အလှန်ရင်းရင်းနှီးနှီး ဆွေးနွေးခဲ့ကြပါသည်။ဟောပြောဆွေးနွေးပွဲအပြီးတွင် ဆက်လက်၍ ကျောင်းကျန်းမာရေးအဖွဲ့နှင့်အတူ ကျောင်းအတွင်း ရောင်းချနေသော ကျောင်းမုန့်ဈေးဆိုင်များရှိ ကုန်စည်များအား ကုန်အညွှန်းအမှတ်အသားများ ပြည့်စုံစွာပါဝင်ခြင်းရှိမရှိ၊ဘေးအန္တာရာယ်ဖြစ်စေသော ကုန်စည်များ ရောင်းချမှုရှိမရှိ အခြေအနေတို့အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ယင်းဟောပြောဆွေးနွေးပွဲသို့ ညောင်ဦးမြို့  မြို့မအခြေခံပညာအထက်တန်းကျောင်းမှ ကျောင်းအုပ်ဆရာမကြီး ဒေါ်တင်တင်ဝင်းနှင့် ဆရာ ၊ ဆရာမ (၁၁)ဦး ၊ ကျောင်းသား ၊ ကျောင်းသူ စုစုပေါင်း(၁၅၂)ဦးတို့သည် စိတ်ပါဝင်စားစွာ တက်ရောက်နားထောင်ဆွေးနွေးခဲ့ကြကြောင်း သိရှိရပါသည်။

DOCA (မန္တလေး)

        မွန်ပြည်နယ်၊ စားသုံးသူရေးရာဦးစီးဌာန၊ ပေါင်မြို့နယ်တာဝန်ခံသည် ၂၀၂၂ ခုနှစ်၊ ဩဂုတ်လ ၂၂ ရက်နေ့တွင် ပေါင်မြို့နယ်၊ ပေါင်းရပ်ကွက်ရှိ အခြေခံပညာမူလတန်းကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြောပွဲပြုလုပ်ခဲ့ပါသည်။

      အဆိုပါဟောပြောပွဲတွင် ကျောင်းအုပ် ဆရာမကြီး ဒေါ်စမ်းစမ်းမြင့်က အဖွင့်အမှာစကား ပြောကြားခဲ့ပြီး စားသုံးသူရေးရာဦးစီးဌာန၊ ပေါင်မြို့နယ်တာဝန်ခံ ဦးနေဇင်သက် က စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်၊ လုပ်ငန်းတာဝန်များ၊ စားသုံးသူကာကွယ်ရေးဥပဒေပါ စားသုံးသူ အခွင့်အရေး နှင့်တာဝန်များ၊ ကုန်ပစ္စည်းများ ဝယ်ယူသုံးစွဲရာတွင် ကုန်အညွှန်းအမှတ်အသားကို သေချာစွာဖတ်ရှုပြီးမှ ဝယ်ယူသင့်ကြောင်း၊ ကုန်စည်နှင့် ဝန်ဆောင်မှုများကို ဝယ်ယူသုံးစွဲရာတွင် စားသုံးသူထိခိုက်နစ်နာဆုံးရှုံးမှုအတွက် တိုင်ကြားနိုင်သည့် အကြောင်းအရာများကို ဟောပြောဆွေးနွေးခဲ့ပါသည်။         

         ထို့နောက် ကျောင်းအုပ်ဆရာမကြီးထံသို့ လက်ကမ်းစာစောင်များ ပေးအပ်ခဲ့ပြီး အဆိုပါ ဟောပြောပွဲသို့ ဆရာ/ဆရာမများ၊ ကျောင်းသား/ကျောင်းသူ (၁၃၄) ဦး တက်ရောက်ခဲ့ကြောင်း သိရှိရပါသည်။

DOCA(မွန်)

         မကွေးတိုင်းဒေသကြီး၊ စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်းနှင့် ဝန်ထမ်းများအဖွဲ့သည် ၂၀၂၂-ခုနှစ်၊ ဩဂုတ်လ(၁၇)ရက်နေ့ နံနက်(၀၉:၃၀)မှ (၁၁:၃၀)နာရီထိ မကွေးမြို့နယ်၊ မကြီးကန်‌ ကျေးရွာရှိ အထက(ခွဲ) ကျောင်း၌ အခြေခံကျောင်းသား၊ ကျောင်းသူများ သိသင့်သည့် စားသုံးသူကာကွယ်ရေး ဥပဒေအကြောင်း သိကောင်းစရာများအား အသိပညာပေးဆွေးနွေးခဲ့ပါသည်။

        မကွေးခရိုင် ဒု-ခရိုင်ဦးစီးမှူး ဦးမျိုးဝင်း(မကွေးမြို့နယ်တာဝန်ခံ) မှ စားသုံးသူ‌ရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူများ ရရှိနိုင်မည့် အခွင့်အရေး(၈)ချက်၊ လိုက်နာရမည့် တာဝန် (၄)ချက်၊ စားသုံးသူကာကွယ်ရေးဥပဒေ ၂၀၁၉ အခန်း(၁၈)ပါ ကုန်အညွှန်းအမှတ်အသားများတွင် ပြည့်စုံစွာ ပါဝင်ရမည့် အချက်များ၊ စားသုံးသူနစ်နာဆုံးရှုံးမှုများအတွက် တိုင်ကြားနိုင်သူများ တိုင်ကြားပုံ နည်းလမ်းနှင့် Internet၊ Mobile Application တွင် ဝင်ရောက်တိုင်ကြားပုံ၊ Consumer Call No. 1535 သို့ ခေါ်ယူတိုင်ကြားနိုင်မှုများအား အသေးစိတ်ရှင်းလင်းဆွေးနွေးခဲ့ပါသည်။

         အဆိုပါ အသိပညာပေးဆွေးနွေးပွဲသို့ ကျောင်းအုပ်ဆရာမကြီးနှင့် ဆရာ/ ဆရာမ (၂၅)ဦး ကျောင်းသား၊ ကျောင်းသူ (၁၃၂)ဦး စုစုပေါင်း (၁၅၇)ဦး တက်ရောက်ခဲ့ပြီး ဌာနမှ စားသုံးသူအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တာဝန်ခံဦးလေးလွင်သည် (၂၂.၈.၂၀၂၂)ရက်နေ့ နေ့လယ် (၁၃:၀၀)နာရီအချိန်တွင် အိမ်မဲမြို့နယ်၊ အိမ်မဲကြီးရပ်ကွက် မြို့မဈေးတာဝန်ခံရုံးတွင် မြို့နယ်စည်ပင်သာာယာရေးအဖွဲ့နှ့င့် ပူးပေါင်း၍ မုန့်မျိုးစုံရောင်းချနေသော ဆိုင်ရှင်များအား စားသုံးသူကာကွယ်ရေး အသိပညာပေးဟောပြောပွဲ ဆွေးနွေးခဲ့ပါသည်။

        ထိုသို့ ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးသူ ရေးရာဦးစီးဌာန၏ မျှော်မှန်းချက်၊ ရည်မှန်းချက်များ စားသုံးသူများ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား ရှင်းလင်းဆွေးနွေးခဲ့ပြီး၊ စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်များမှ အခန်း(၁၈)ပါ ပုဒ်မ(၄၃)အရ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက် ပို၍ဖြစ်စေ ရေးသားဖော်ပြရမည်၊ မိမိတို့လုပ်ငန်းရှင်များအနေဖြင့်  ကုန်စည်အမျိုးအစားအလိုက် ထုတ်ပြန်ထားသည့်ဥပဒေများနှင့်အညီ လိုက်နာဆောင်ရွက်ကြရန်နှင့် ဌာနအနေဖြင့် အပတ်စဉ် စစ်ဆေးဆောင်ရွက်သွားမည်ဖြစ်ကြောင်း၊ ဆိုင်ပိုင်ရှင်များအား အသိပေးမှာကြားဟောပြောခဲ့ပါသည်၊ ဟောပြောပွဲသို့ မုန့်မျိုးစုံရောင်းချနေသူပိုင်ရှင်(၁၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ‌ဒေးဒရဲမြို့နယ်တာဝန်ခံဦးသိန်းမောင်နှင့် ဝန်ထမ်းတို့သည် သြဂုတ်လ(၂၀)ရက်နေ့ တွင် ‌ဒေးဒရဲမြို့နယ်အမှတ်(၂)ရက်ကွက် အိုဘိုအခြေခံမူလတန်းကျောင်း၌ဆရာ၊ဆရာမနှင့် ကျောင်းသား/သူများအား စားသုံးသူကာကွယ်ရေး အသိပညာပေးဟောပြောခြင်းနှင့် ထုတ်ကုန်များလုံခြုံစိတ်ချရမှုရှိစေရေး၊ အစား အသောက်များ ဘေးအန္တရာယ်ကင်းရှင်းစွာဝယ်ယူ စားသောက်တတ်စေရေးဟောပြောခဲ့ပါသည်။

          ထိုဟောပြောပွဲအခမ်းအနားတွင် ကျောင်းအုပ်ဆရာကြီး ဦးလှဌေးမှအဖွင့်မှာစကားပြောကြားပြီးနောက် ဒေးဒရဲမြို့နယ်တာဝန်ခံ ဦးသိန်းမောင်က စားသုံးသူကာကွယ်ရေးဥပဒေနှင့်ပတ်သက်၍ စားသုံးသူကာကွယ်ရေးဆိုင်ရာ အကြောင်းများဖြစ်သည့် အစားအသောက်များတွင် မူလသဘာဝအားဖြင့် ပါဝင်သောဓါတုပစ္စည်းများအပြင်၊ လူတို့ပြုပြင်ဖန်တီးထားသော ဓါတ်မြေသြဇာ၊ ပိုးသတ်ဆေးများ၊ပဋိဇီဝဆေးဝါးများအစားအစာများတွင်ပါဝင်လာနိုင်ကြောင်း စားသုံးသင့်သောမူလအစားအစာပုံစံများကို ကျော်လွန်ပြီး အရောင်အဆင်းအနံအရသာ ပိုမိုကောင်းမွန်ရန်အတွက်လည်းကောင်း၊ လှလှပပနှင့်အရသာကို အမျိုးမျိုးပြုလုပ်စားသောက်လာကြ၍လည်းကောင်း၊ အစားအစာများတွင်အန္တရာယ်ရှိသောခွင့်မပြု ဓါတုကုန်ကြမ်းအရောင်ဆိုးဆေးများ ထည့်သွင်းလာမူနှင့် အစားအစာများတာရှည်ခံရန် ဘေးအန္တရာယ်ရှိဖော်မလင်ဆေးများ ထည့်သွင်းသုံးစွဲလာမှုကိုလည်းကောင်း ၊ကုန်အညွှန်းအမှတ်အသားများနှင့် ပတ်သက်၍ ရှင်းလင်းပြောကြားပြီး ၊ကျောင်းသူ/ကျောင်းသားများအနေဖြင့်အဓိကထုတ်လုပ်သည့် ရက်စွဲ၊သက်တမ်းကုန်ဆုံးရက်စွဲကြည့်ဝယ်ရန် ဟင်းသီးဟင်းရွက်နှင့်အသီးအနှံများ စားသုံးရာတွင် စနစ်တကျဆေးကြောစားသုံးရန် ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)