သတင်းနှင့် လှုပ်ရှားမှုများ

            စားသုံးသူရေးရာဦးစီးဌာနသည် စားသုံးသူအခွင့်အရေးများကို သိရှိနားလည်စေရန် စားသုံးသူကာကွယ်ရေးအသိပညာပေးဟောပြောပွဲလုပ်ငန်းများဆောင်ရွက်ခြင်းနှင့်စားသုံးသူများဘေးအန္တရာယ် ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်း လုပ်ငန်း များ လုပ်ဆောင်လျှက်ရှိရာ ၂၀၂၂ခုနှစ်၊ ဩဂုတ်လ ၂၄  ရက်နေ့ (၁၀း၃၀)အချိန်တွင် စားသုံးသူရေးရာဦးစီးဌာန ၊ မိတ္ထီလာခရိုင်၊ ခရိုင်ဦးစီးမှူးရုံး၊ ခရိုင်ဦးစီးမှုး၏ လမ်းညွှန်မှုဖြင့် သာစည်မြို့နယ်တာဝန်ခံနှင့် အဖွဲ့သည် သာစည်မြို့ပေါ်ရှိ မုန့်မျိုးစုံဆိုင်များအား လူသုံးကုန်ဆေးဝါးနှင့် ဆေးပစ္စည်းအရောင်းဆိုင် များတွင် စားသုံးရန်မသင့် တားမြစ်ထားသော အစားအစာနှင့် သုံးစွဲရန်မသင့်သည့် ဆေးဝါးများ စျေးကွက်အတွင်း ရောင်းချမှု ရှိ/မရှိ စျေးကွက် စောင့်ကြည့်စစ်ဆေးခြင်းများဆောင်ရွက်ခဲ့ပါသည်၊ 

          ထုတ်လုပ်ဖြန့်ဖြူးရောင်းချသူ စျေးဆိုင်ပိုင်ရှင်များအား စားသုံးသူကာကွယ်ရေးဥပဒေ ၂၀၁၉ ပါ    ပြဌာန်းချက်များအရ အခန်း(၁၀) ပါ စီးပွားရေးလုပ်ငန်းရှင်များ၏ တာဝန်များ ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေး ဥပဒေ (၁၈)ပါ ကုန်အညွှန်းအမှတ် အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ (၄၁) ပုဒ်မခွဲ (ခ)နှင့် (ဆ) တို့ပါ ကုန်အညွှန်း အမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု (သို့) တစ်ခုထက်ပို၍တွဲလျှက်ဖြစ်စေ ရေးသားဖော်ပြထားသော ကုန်ပစ္စည်းများကိုသာ စားသုံးသူများ ဘေး ကင်းလုံခြုံမှုရှိစေရေးအတွက် ရောင်းချဖြန့်ဖြူးရမည်ဖြစ်ကြောင်း၊ ကုန်စည်ကြောင့် စားသုံးသူများ ထိခိုက်နစ်နာမှုရှိပါက တာဝန်ယူဖြေရှင်းပေးရမည်ဖြစ်ပြီး အာမခံမှုနှင့်အညီဆောင်ရွက်ပေးမှုမရှိပါက စားသုံးသူမှတိုင်ကြားနိုင်သည့် အခွင့်အရေးရှိပြီး ဌာနနှင့် စားသုံးသူကာကွယ်ရေးကော်မတီတို့၏ စီမံခန့် ခွဲရေးနည်းလမ်းအရအရေးယူနိုင်သည့် အချက်အလက်များကို အသေးစိတ်ရှင်းလင်းဆွေးနွေးခဲ့ပါသည်။

DOCA(မန္တလေး)

         စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ဓနုဖြူမြို့နယ်ဦးစီးမှူး ဦးဝင်းမင်းစိုးနှင့် ဝန်ထမ်းများသည် မိတ်ဖက်ဌာနများဖြစ်သော ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အားကစားနှင့် လူငယ်လေ့ကျင့်ရေးဦးစီးဌာနတို့နှင့်အတူ (၂၄.၈.၂၀၂၂) နေ့ လယ် (၁၃:၀၀) အချိန်တွင် ဓနုဖြူမြို့  အမှတ်-၂ အ.ထ.က ရွှေကူကျောင်းအထက်တန်းကျောင်းတွင် စားသုံးသူကာကွယ်ရေးအသိပညာပေး ဟောပြောပွဲပြု လုပ်ခဲ့ကြပါသည်။

          အဆိုပါအသိပညာပေး ဟောပြောမှုတွင် စားသုံးသူရေးရာဦးစီးဌာန၊ ဓနုဖြူမြို့နယ် ဦးစီးမှူးက စားသုံးသူအခွင့်အရေးနှင့် တာဝန်များအကြောင်း၊ ကုန်စည်နှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးအကြောင်း၊ ဝန်ဆောင်မှုလုပ်ငန်းများ၏ အာမခံချက်နှင့် စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးအကြောင်း၊ ကုန်စည်နှင့် ဝန်ဆောင်မှုနှင့် စပ်လျဉ်၍ နစ်နာဆုံးရှုံးမှု ရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်းများအကြောင်းနှင့် တိုင်ကြားခြင်းနှင့် စိစစ်ညှိနှိုင်းဖြေရှင်းဆောင်ရွက်ခြင်း၊ စီမံခန့်ခွဲရေးအရ အရေး ယူခြင်း၊ ပြစ်မှု၊ပြစ်ဒဏ်များအကြောင်းကို အကျယ်တဝင့်ဟောပြောဆွေးနွေးပြီး ကျောင်းသား၊ ကျောင်းသူများမှ သိရှိလိုသည်များမေးမြန်းမှုကို ပြန်လည်ဖြေကြားဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

      တနင်္သာရီတိုင်းဒေသကြီး၊မြိတ်ခရိုင် ၊စားသုံးသူရေးရာဦးစီးဌာနနှင့် မြိတ်ခရိုင် အသေးစားစက်မှုလက်မှုလုပ်ငန်းဦးစီးဌာနတို့သည် (၂၃.၈.၂၀၂၂)ရက်နေ့၊ နံနက်(၉း၃၀)အချိန်တွင် မြိတ်မြို့၊ အောင်မင်္ဂလာရပ်၊ အမှတ်(၆)၊ အခြေခံပညာ အထက်တန်းကျောင်း(အုန်းတော) သို့ သွားရောက်၍ ကျောင်းသူ၊ ကျောင်းသားများ ဘေးအန္တရယ်ကင်းရှင်းစွာ‌ ရွေးချယ်ဝယ်ယူစား‌သောက်နိုင်ရေးအတွက် စားသုံးသူကာကွယ်ရေး အသိပညာပေး ဟောပြောခြင်းနှင့် ကွင်းဆင်းစစ်ဆေးခြင်းဆောင်ရွက်ခဲ့ကြပါသည်။

      အဆိုပါဟောပြောပွဲတွင် စားသုံးသူရေးရာဦးစီးဌာနဖြစ်ပေါ်လာပုံ၊ မျှော်မှန်းချက်၊ ရည်မှန်းချက်၊ စားသုံးသူရေးရာဦးစီးဌာနမှ ထုတ်ပြန်ထားသော စားသုံးသူဥပဒေပါကုန်အညွှန်းအမှတ်အသားများ၊ သုံးစွဲရန်မသင့်သောစားသောက်ကုန်များတွင် ထည့်သွင်းအသုံနေကြသည့် ဓါတုဆိုးဆေးနှင့် ဓါတုဆေးများအကြောင်း၊ အစားအသောက်ခွင့်ပြုချက်အား အသေးစားစက်မှုလက်မှုလုပ်ငန်းဦးစီးဌာနတွင် ပြုလုပ်နိုင်ပြီး အစားအသောက်များတွင်ပါဝင်သော   ပစ္စည်းများနှင့်အဟာရအကြောင်း အစားအသောက်များ ရွေးချယ်ဝယ်ယူစားသောက်ရာတွင် အသေးစားစက်မှုလက်မှုလုပ်ငန်းဦးစီးဌာနနှင့် အစားအသောက်နှင့် ဆေးဝါးကွပ်ကဲရေးဦးစီးဌာနတို့မှ ထောက်ခံချက်ရရှိထားသော စားသောက်ကုန်နှင့် မြန်မာဘာသာဖြင့်ဖော်ပြထားသော စားသောက်ကုန်များသာ ရွေးချယ်ဝယ်ယူရန်၊ စားသုံးသူထိခိုက်နစ်နာမှုရှိခဲ့ပါက စားသုံးသူရေးရာဦးစီးဌာနသို့ တိုင်ကြားရန်၊ စားသောက်ကုန်များအား သက်တမ်းကုန်ဆုံးရက်ကြည့်ရန်၊ ဟင်းသီးဟင်းရွက်၊ အသီးအနှံများကိုရေဖြင့်သေချာစွာ ဆေးကြောပြီးမှစားရန်၊ ပလတ်စတစ်အိတ်များအား အပူဖြင့်ထည့်၍ မစားသောက်ရန် ဟောပြော ပို့ချခဲ့ပြီး ကျောင်းသူ ကျောင်းသားများ ဘေးအန္တရာယ်ကင်းရှင်းစွာစားသောက်နိုင်ရန် ကျောင်းပတ်ဝန်းကျင်ရှိ မုန့်စျေးတန်းအား ကွင်းဆင်းစစ်ဆေးခြင်း ဆောင်ရွက်ခဲ့ကြောင်းသိရှိရပါသည်။

       ကွင်းဆင်းစစ်ဆေးရာတွင် သက်တမ်းလွန်စားသောက်ကုန်များနှင့် စားသောက်ရန်မသင့်သောစားသောက်ကုန်များအား စစ်ဆေးခဲ့ပြီး ကုန်အညွှန်းအမှတ်အသား ဖော်ပြပါရှိသောစားသောက်ကုန်များသာ ရောင်းချရန်နှင့် ဘေးအန္တရာယ်ကင်းသောစားသောက်ကုန်များသာ ရောင်းချရန်ပြောကြား၍ အသိပညာပေးလက်ကမ်းစာစောင်ဖြန့်ဝေပေးခြင်းများ ဆောင်ရွက်ခဲ့ကြောင်း သိရှိရပါ သည်။

DOCA(တနင်္သာရီ)

     ရခိုင်ပြည်နယ် မောင်တောခရိုင်၊ မောင်တောမြို့၊ စားသုံးသူရေးရာဦးစီးဌာနမှ မြို့နယ် တာဝန်ခံ ဦးအောင်ထွန်းမြ(ဦးစီးမှူး)နှင့်ဝန်ထမ်းများသည် (၂၅-၈-၂၀၂၂)ရက် နံနက် (၁၀:၀၀)နာရီ အချိန်တွင် ကညင်တန်းရပ်ကွက်  နယ်စပ်ဒေသတိုင်းရင်းသားလူငယ်များဖွံ့ဖြိုးရေးသင်တန်း ကျောင်းတွင်သင်တန်းသား/သူများအား စားသုံးသူကာကွယ်ရေး အသိပညာပေး ဟောပြောပွဲ ဆောင်ရွက်ခဲ့ပါသည်။

      အဆိုပါအသိပညာပေးဟောပြောပွဲတွင် စားသုံးသူရေးရာဦးစီးဌာန မြို့နယ်တာဝန်ခံ ဦးအောင်ထွန်းမြ(ဦးစီးမှူး)မှ မိမိဌာန၏ မျှော်မှန်းချက်၊ ရည်မှန်းချက်များ စားသုံးသူ၏ အခွင့်အရေး နှင့်တာဝန်များ၊ စားသုံးသူကာကွယ်ရေးဉပဒေအရ ကုန်ပစ္စည်းများကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တွဲလျှက်ဖြစ်စေ ဖော်ပြပါရှိမှသာလျှင် ဈေးကွက်အတွင်းသို့ ဖြန့်ဖြူးရောင်းချရမည်ဖြစ်ကြောင်း စားသုံးသူများအနေဖြင့် ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာဖော်ပြထားသော ကုန်ပစ္စည်းများကိုသာ ‌ရွေးချယ်ဝယ်ယူစားသုံးရန် လိုအပ်ပါကြောင်း ကျန်မာရေး၊ ပညာရေးဝန်ဆောင်မှု၊ ခရီးသွားဝန်ဆောင်မှုလုပ်ငန်းစသည့် ဝန်ဆောင်မှုလုပ်ငန်းများတွင်လည်းကောင်း၊ အစားအသောက်နှင့်ပတ်သက်၍လည်းကောင်း နစ်နာဆုံးရှုံးမှုဖြစ်ပေါ်လာပါက စားသုံးသူသတင်း ပြန်ကြားရေးနှင့် တိုင်ကြားမှုလက်ခံဆောင်ရွက် ရေးစင်တာ (CICC)ရုံး ဖွင့်လှစ်ထားရှိရာသို့ လာရောက်တိုင်ကြားနိုင်သလို w.w.w doca gov.mm တွင်လည်းကောင်း၊ Doca Myanmar မိုဘိုင်း အက်ပလီကေရှင်းမှတဆင့်လည်းကောင်း တိုင်ကြားနိုင်ပါကြောင်း ဟောပြောဆွေးနွေးခဲ့ပြီး ဟောပြောပွဲသို့ သင်တန်းသား/သူ (၁၁၀)ဦးခန့် တက်ရောက်ခဲ့ပါကြောင်း သိရှိရပါသည်။

DOCA(ရခိုင်)

        ဧရာဝတီတိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာနမှ ဖျာပုံခရိုင်၊ ဒေးဒရဲမြို့နယ် ၊တညင်းကုန်းကျေးရွာရှိ ကျေးလက်နေပြည်သူများ ဆင်းရဲနွမ်းပါးမှုလျော့ချရေး ဒေသတွင်း အလုပ်အကိုင် အခွင့်အလမ်းများရရှိစေရန်နှင့် တနိုင်တပိုင်ကိုယ်ပိုင်လုပ်ငန်းများ ထူထောင်၍ မိသားစုဝင်ငွေ ရရှိစေရန် ရည်ရွယ်ပြီး ဒီဇယ်အင်ဂျင်ပြုပြင်နည်းသင်တန်းကို ၂၅.၈.၂၀၂၂မှ ၈.၉.၂၀၂၂နေ့အထိ အခမဲ့ ဖွင်လှစ်သင်ကြားပေးမည်ဖြစ်ကြောင်း သိရသည်။

        အဆိုပါသင်တန်းတွင် သင်တန်းဆရာများအဖြစ်ဌာနမှ ဦးထက်နိုင်ထွန်း၊ ဦးဇင်မောင်မောင် ဒု-ဦးစီးမှူးများမှ သင်တန်းသား ၃၀ဦးအား ဒီဇယ်တစ်လုံးထိုးအင်ဂျင်အစိတ်အပိုင်းများနှင့် အလုပ်လုပ်ပုံ၊နော်ဇယ်၊ ပလန်ဂျာများဖြုတ်တပ်ဆင်ခြင်း၊ ဆီလိုက်မှန်မမှန်စစ်ဆေးခြင်းတို့ကို စာတွေ့ လက်တွေ့သင်ကြားပေးသွားမှာဖြစ်ကြောင်း အသေးစားစက်မှုလက်မှုလုပ်ငန်းဦးစီးဌာနမှ သိရသည်။

DOCA(ဧရာဝတီ)