သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ်ဦးစီးမှူးရုံးနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးရုံးတို့ ပူးပေါင်းဆောင်ရွက်မှုဖြင့် (၂၃-၈-၂၀၂၄) ရက်နေ့၊ နံနက် (၁၁း၀၀)နာရီအချိန်တွင် စားသုံးသူကာကွယ်ရေးနှင့်ပတ်သက်၍ စားသုံးသူပြည်သူများ အွန်လိုင်းစနစ်မှတ်ပုံတင်ခြင်းဆိုင်ရာ အသိပညာပေး Talk Show ကျင်းပပြုလုပ်ခဲ့ပါသည်။

         အသိပညာပေးဆွေးနွေးရာတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မေးမြန်းရာ ညောင်တုန်းစားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင်က ရှင်းလင်းပြောကြားရာ အွန်းလိုင်းဖြင့် ကုန်စည်ဝန်ဆောင်မှုကို ဖြန့်ဖြူးရောင်းချနေသည့် မည်သည့်စီးပွားရေးလုပ်ငန်းရှင်မဆို အွန်းလိုင်းမှတ်ပုံတင်ပြီးမှသာ ရောင်းချမှုလုပ်ငန်းကိုဆောင်ရွက်ရမည်ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ပြည်ထောင်စုအစိုးရအဖွဲ့အမိန့်ကြော်ငြာချက်အမှတ် (၅၁/၂၀၂၃)ဖြင့် အရေးကြီးကုန်စည်နှင့် ဝန်ဆောင်မှုဥပဒေကို ဥပဒေပုဒ်မ၄၊ ပုဒ်မ (ဂ)အရ ၂၁ရက်နေ့၊ ဇူလိုင်လ ၂၁ရက်တွင် ထုတ်ပြန်ကြော်ငြာခဲ့ကြောင်း၊ ၎င်းအမိန်တွင် အခန်း(၈)ခန်းနှင့် ပုဒ်မ(၃၀)ပါရှိကြောင်း၊ လုပ်ငန်းရှင်များအနေဖြင့် ဦးစီးဌာန၏ လျှောက်လွှာပုံစံ၊ မှတ်ပုံတင်လက်မှတ်ပုံစံ၊ မှတ်ပုံတင်ကြေးနန်းနှင့် အွန်လိုင်းဝန်ဆောင်ခကို   မည်သူမဆို ဤအမိန့်အရ ထုတ်ပေးထားသည့်လက်မှတ်မရှိဘဲ အွန်းလိုင်းစနစ်ဖြင့် လုပ်ကိုင်ဆောင်ရွက်ကြောင်းစိစစ်တွေ့ရှိပါက အရေးကြီးကုန်စည်နှင့် ဝန်ဆောင်မှုပုဒ်မ ၅အရ အရေးယူခံရမည်ဖြစ်ကြောင်း၊ အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၅၏ ပြစ်မှုပြစ်ဒဏ်အနေဖြင့် အနည်းဆုံး ထောင်ဒဏ် (၆)လမှ အများဆုံး ထောင်ဒဏ် (၃)နှစ်အထိချမှတ်နိုင်ကို ပြည်သူနှင့် လုပ်ငန်းရှင်များသိရှိနိုင်ရန် ရှင်းလင်းဆွေးနွေးခဲ့သည်။

       ဆက်လက်၍ အွန်လိုင်းစနစ်မှတ်ပုံတင်ခြင်းဆိုင်ရာနှင့်ပတ်သက်၍ ရောင်းချခြင်းလုပ်ငန်းအား နိဂုံးချုပ်အနေဖြင့် ပြောကြားရမည်ဆိုလျှင် အွန်းလိုင်းဖြင့်သာ မှတ်ပုံတင်ခြင်းလုပ်ငန်းကို ဆောင်ရွက်ရမည်ဖြစ်သဖြင့် လုပ်ငန်းရှင်များအနေဖြင့် လုပ်ငန်းအချက်အခဲရှိပါက စားသုံးသူရေးရာဦးစီးဌာနအနေဖြင့် အွန်လိုင်းမှတ်ပုံတင်ခြင်းလုပ်ငန်းကို အမြဲကူညီဆောင်ရွက်ပေးလျက်ရှိကြောင်းနှင့် လိုအပ်၍ လုပ်ငန်းရှင်များက ဆက်သွယ်လိုပါက ညောင်တုန်းမြို့နယ်အတွင်း စီးပွားရေးလုပ်ငန်းရှင်များအနေဖြင့် ညောင်တုန်းမြို့နယ်ဦးစီးမှူးရုံးဖုန်းသို့ ဆက်သွယ်နိုင်ပါကြောင်း  ဆွေးနွေးအသိပညာပေးခဲ့ပြီး ဆွေးနွေးပွဲကို နေ့လယ်(၁၂း၀၀)နာရီအချိန်တွင် ရုပ်သိမ်းခဲ့ကြောင်းသိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်ဦးစီးမှူးရုံးရှိ စားသုံးသူရေးရာဌာနခွဲတာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ ကြို့ပင်ကောက်မြို့နယ်တာဝန်ခံနှင့် တာဝန်ရှိသူတို့သည်  (၂၂-၈-၂၀၂၄) ရက်နေ့၊ နေ့လယ်(၁၄:၀၀)နာရီအချိန်တွင် ကြို့ပင်ကောက်မြို့အတွင်းရှိ စားအုန်းဆီ လက်လီ/လက်ကားရောင်းချနေသော ကုန်စုံဆိုင်များသို့ သွားရောက်ကွင်းဆင်းစစ်ဆေးခြင်းပြုလုပ်ဆောင်ရွက်ခဲ့ပါသည်။

         ကွင်းဆင်းဆောင်ရွက်ရာတွင် စားအုန်းဆီလက်လီ/ လက်ကားရောင်းချလျက်ရှိသော လုပ်ငန်းရှင်များအနေဖြင့် သက်ဆိုင်ရာဌာနများမှ ထုတ်ပြန်ထားသည့် အမိန့်၊ ညွှန်ကြားချက်များနှင့် အညီ ရောင်းချဖြန့်ဖြူးကြရန်၊ အလေးချိန်ပြည့်ဝမှန်ကန်စွာရောင်းချရန်တို့ကို ရှင်းလင်းပြောကြားခဲ့ ၍ ခွဲတမ်းရရှိသည့်ဆိုင်များအနေဖြင့် ဈေးနှုန်းကို အများမြင်သာသောနေရာများတွင် မြင်သာသော စာလုံးအရွယ်အစားများဖြင့် Vinyl ချိတ်ဆွဲထားရှိရန်၊ စားအုန်းဆီခွဲတမ်းများကို သတ်မှတ်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချရန်တို့ကို အသိပညာပေး ပြောကြားခဲ့ကြောင်းသိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့တွင် မြို့မဈေးအတွင်း/အပြင်ရှိ ကုန်စုံဆိုင်များကို ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် သာယာဝတီခရိုင်ဦးစီးမှူးက ကြီးကြပ်၍ ခရိုင်ဦးစီးမှူးရုံးမှ ဝန်ထမ်းများကို နေ့စဉ် ဈေးကွက်အတွင်းသို့သွားရောက်ပြီး (၂၂-၈-၂၀၂၄)ရက်နေ့၊ နေ့လယ်(၁၃:၀၀)နာရီအချိန်တွင် ဆီများရောင်းချနေမှုအခြေအနေများကိုသိရှိရန် ကွင်းဆင်းဆောင်ရွက်လျက်ရှိပါသည်။

          ထိုသို့စစ်ဆေးရာတွင် မြို့မစည်ပင်သာယာဈေးအတွင်း ရောင်းချလျက်ရှိသော ဆန်၊ ဆီ၊ မီးဖိုချောင်သုံးပစ္စည်းများ၊ သား၊ ငါး၊ အခြေခံစားသောက်ကုန်ဈေးနှုန်းများကို ဒေသတွင်းထုတ်လှုပ်နိုင်မှုအပေါ်အခြေခံသော သင့်တင့်သည့်ဈေးနှုန်းအတိုင်း မြေပြင်တွင် အမှန်တကယ်ရောင်းချခြင်းရှိ/မရှိနှင့် ဈေးနှုန်းအဆမတန်မြှင့်တင်ရောင်းချခြင်းမပြုလုပ်စေရန် နေ့စဉ် ဈေးနှုန်းကောက်ယူကွင်းဆင်းမေးမြန်းခဲ့ကြောင်းသိရှိရပါသည်။

DOCA(ပဲခူး)

      ပြည်ခရိုင်၊ ရွှေတောင်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံနှင့် ဝန်ထမ်းများအဖွဲ့သည် (၂၀-၈-၂၀၂၄)ရက်နေ့၊ နံနက် (၀၉:၃၀) နာရီအချိန်တွင် အခြားမိတ်ဖက်ဌာနဆိုင်ရာများဖြစ်သော မြို့နယ်စည်ပင်သာယာရေးဦးစီးဌာန၊ မြို့နယ်ပြည်သူ့ကျန်းမာရေးအဖွဲ့တို့နှင့်ပူးပေါင်း၍ ကြာနီကန်ရပ်ကွက်ရှိ အသင့်စားမုန့်အမျိုးမျိုးရောင်းချသောဆိုင်များသို့သွားရောက်၍ ကွင်းဆင်းစစ်ဆေးခဲ့ပါသည်။

     ထိုသို့ မုန်ဆိုင်များအားကွင်းဆင်းစစ်ဆေးရာတွင် အသင့်စားမုန့်များတွင် ကုန်အညွှန်းအမှတ်အသားပြည့်စုံမှန်ကန်မှုရှိ/မရှိ၊ မြန်မာဘာသာဖြင့် ဖော်ပြထားမှုရှိ/မရှိတို့ကို သွားရောက်စစ်ဆေးခဲ့ပါသည်။ အသင့်စားမုန့်အမျိုးမျိုးရောင်းချရာတွင် ကုန်အညွှန်းအမှတ်အသားပြည့်စုံမှသာရောင်းချရန်နှင့် မြန်မာဘာသာဖြင့်ဖော်ပြထားမှသာ ရောင်းချကြရန် ရှင်းလင်းပြောကြားခဲ့ပြီး လုပ်ငန်းရှင်များအား စားသုံးသူအခွင့်အရေးနှင့် စီးပွားရေးလုပ်ငန်းရှင်၏တာဝန်များကို ရှင်းလင်းဆွေးနွေးဟောပြောခဲ့ကြောင်းသိရှိရပါသည်။

DOCA(ပဲခူး)

    ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်၊ အောင်ဇေယျဈေးတာဝန်ခံရုံးတွင် စားသောက်ကုန်၊ လူသုံးကုန်ပစ္စည်းအမျိုးမျိုးတို့အား ဖြန့်ဖြူးရောင်းချပေးလျက်ရှိသော ဆိုင်ပိုင်ရှင်စီးပွားရေးလုပ်ငန်းရှင်များအား ဩဂုတ်လ ၂၁ ရက်နေ့၊ နံနက် ၁၀:၃၀ အချိန် အွန်လိုင်းစနစ်ြဖင့် ကုန်စည်နှင့် ဝန်ဆောင်မှုလုပ်ငန်းများ ဖြန့်ဖြူးရောင်းချခြင်းဆိုင်ရာ အသိပညာပေးဆွေးနွေးပွဲကျင်းပခဲ့ကြောင်းသိရသည်။

    အဆိုပါ သိပညာပေးဆွေးနွေးခဲ့ရာတွင် အောင်ဇေယျဈေးတာဝန်ခံက အဖွင့်အမှာစကား ပြောကြားခဲ့ပြီး စားသုံးသူရေးရာဦးစီးဌာန၊ ဒလမြို့နယ်တာဝန်ခံ ဦးသန်းနိုင်က စီးပွားရေး လုပ်ငန်းရှင်များအနေဖြင့် စားသောက်ကုန်၊ လူသုံးကုန်ပစ္စည်းများအား စားသုံးသူပြည်သူများ အပေါ် တိုက်ရိုက်ဖြန့်ဖြူးမှုများရှိသလို ကုန်စည်နှင့် ဝန်ဆောင်မှုများကို Online စနစ်ဖြင့် ဝန်ဆောင်မှုပေး၍ ဆောင်ရွက်ခြင်း များရှိလာပါက Online မှတ်ပုံတင်မဖြစ်မနေ ဆောင်ရွက် ထားရန် လိုအပ်ကြောင်း စားသုံးသူ ကာကွယ်ရေးဥပဒေမှ စားသုံးသူ၏ အခွင့်အရေး (၈)ချက်တွင် ပါဝင်သည့် ကုန်စည်/ ဝန်ဆောင်မှု များအား ဝယ်ယူသုံးစွဲရာတွင် စားသုံးသူများ စိတ်ကျေနပ်မှုရှိစေရေး၊ ဘေးအန္တရာယ် ကင်းရှင်းစေရေး၊ စိတ်ကြိုက်ရွေးချယ်ဝယ်ယူနိုင်ရေး၊ လိုအပ်သော သတင်းအချက်အလက်များ ပြည့်စုံမှန်ကန်စွာ သိရှိခွင့်စသည့် စားသုံးသူအခွင့်အရေးများ မဆုံးရှုံးစေရန် စီးပွားရေးလုပ်ငန်းရှင်များအနေဖြင့် ကျင့်ဝတ်၊ စည်းကမ်းများနှင့်အညီ ဆောင်ရွက်သွားကြရန် လိုအပ်ကြောင်း စီးပွားရေးနှင့် ကူးသန်းရောင်းဝယ ်ရေးဝန်ကြီးဌာန၏ အမိန့်ကြော်ငြာစာအမှတ် ၅၀/၂၀၂၃ ဖြင့်ထုတ်ပြန်ထားသော Online Sales မှတ်ပုံတင်လျှောက်ထားလျှင် ကြိုတင်ပြင်ဆင်သင့်သည့် အထောက်အထားများအား စုဆောင်း၍ မှတ်ပုံတင်တရားဝင်လျှောက်ထား ဆောင်ရွက်သွားကြရန်နှင့် ဆိုင်ပိုင်ရှင် စီးပွားရေးလုပ်ငန်းရှင်များအနေဖြင့် Online မှ ဝယ်ယူပြီး ပြန်လည်ဖြန့်ဖြူးရောင်းချခြင်းများရှိခဲ့ပါက မိမိတို့အနေဖြင့် မဝယ်ယူမှီ Online ရောင်းချမှုနှင့် စပ်လျဉ်း၍ စိစစ်သင့်သည့်အချက်များ အမှန်တကယ်ဆုံးရှုံးနစ်နာမှုများရှိလာပါက တိုင်ကြားနိုင်သည့်နည်းလမ်းများအား ရှင်းလင်းဆွေးနွေး အသိပညာပေးပြောကြားခဲ့ကြောင်း သိရသည်။

DOCA(ရန်ကုန်)