သတင်းနှင့် လှုပ်ရှားမှုများ

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊  အိမ်မဲမြို့နယ် တာဝန်ခံဒေါ်ဇင်မာသန်းသည်(၂၂.၈.၂၀၂၄)ရက်နေ့၊  နံနက်(၁၁:၀၀)နာရီတွင် ချောင်းဝရပ်ကွက် အုပ်ချုပ်ရေးမှူးရုံးတွင် ကုန်မျိုးစုံရောင်းချသောလုပ်ငန်းရှင်များအား တွေ့ဆုံ၍ အွန်လိုင်းစနစ်ဖြင့်ရောင်းချခြင်း လုပ်ငန်းမှတ်ပုံတင်ခြင်းဆိုင်ရာ အသိပညာပေးဟောပြောပွဲပြလုပ် ဆောင်ရွက်ခဲ့ပါသည်။

          ထိုသို့ ဟောပြောဆွေးနွေးတွင် အိမ်မဲမြို့နယ်တာဝန်ခံမှ တက်ရောက်လာသော ကုန်မျိုးစုံရောင်းချသော လုပ်ငန်းရှင်များအား မိတ်ဆက်စကားပြောကြားပြီး၊ ဌာန၏လုပ်ငန်းတာဝန်များ၊ ရှေ့ဆက်ဆောင်ရွက်ရမည့် လုပ်ငန်း တာဝန်များအား ရှင်းလင်းပြောကြားခဲ့ပါသည်။  Online   Sale  မှတ်ပုံတင်လျှောက်ထားရန်အတွက် ကုမ္ပဏီဖြစ်ပါက ကုမ္ပဏီမှတ်ပုံတင်လက်မှတ် SMEs မှတ်ပုံတင်လက်မှတ်များတင်ပြရန် လိုအပ်ပြီး တစ်ဦးချင်းဖြစ်ပါက တင်ပြရန် မလိုအပ်ပါကြောင်း ရောင်းချမည့် ဆိုင်လိပ်စာမှန်ကန်ကြောင်း ရပ်ကွက်ထောက်ခံစာနှင့် ရဲစခန်းထောက်ခံစာ၊ လိုင်စင်ဓါတ်ပုံ၊ Online   Sale  Owner ၏မှတ်ပုံတင်၊ နေထိုင်ကြောင်းလိပ်စာ မှန်ကန်ကြောင်း၊ ရပ်ကွက်ထောက်ခံစာ၊ ရဲစခန်းထောက်ခံစာ၊ Online   Sale  Logo များပြင်ဆင်ထားရန်လိုအပ်ကြောင်း Online   Sale  လျှောက်ထားရာတွင် email သို့မဟုတ် Mobile Phone  Number ဖြင့် Sign Up (Register) ပြုလုပ်၍ ဆောင်ရွက်ရမည်ဖြစ်ကြောင်း အွန်လိုင်း စနစ်ဖြင့် မှတ်ပုံတင်နိုင်ကြောင်းနှင့်   www. eComreg.gov.mm မှတဆင့် မှတ်ပုံတင်လျှောက်ထားနိုင်ကြောင်း အသိပညာပေးဟောပြောဆောင်ရွက်ခဲ့ကြောင်း သိရှိရပါသည်။ ဟောပြောပွဲသို့ လုပ်ငန်းရှင် (၁၁)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်မှ ဆန်လိုတိုင်းဖြစ်သော တနင်္သာရီတိုင်းဒေသကြီး၊  မြိတ်ခရိုင်သို့ ဆန်များတင်ပို့နိုင်ရေးအတွက် ၂၀၂၄-ခုနှစ်၊ ဩဂုတ်လ(၂၀)ရက်နေ့၊ နံနက် (၀၉:၀၀)တွင် လပွတ္တာခရိုင်အုပ်ချုပ်ရေးမှူးဦးဆောင်၍ မြို့နယ်ရဲတပ်ဖွဲ့၊ မြို့နယ်စားသုံးသူရေးရာဦးစီးဌာန၊ မြို့နယ်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေး  ဦးစီးဌာန၊ ပြည်တွင်းအခွန်များဦးစီးဌာန၊ မြို့နယ် မီးသတ်ဦးစီးဌာန၊ မြို့နယ်ပုဂ္ဂလိကရေယာဉ်များ စနစ်တကျပြေးဆွဲနိုင်ရေး ကြီးကြပ်မှုကော်မတီ၊ မြို့နယ်  ဆန်စက်လုပ်ငန်းရှင်များအသင်းတို့ ပါဝင်သော ပူးပေါင်းအဖွဲ့ဖြင့် မော်လမြိုင်ကျွန်းမြို့မှ မြိတ်မြို့သို့ ဆန်တင်ပို့မည့် MV - ရတနာခိုင်ထွန်းရေယာဉ်ဖြင့် ဆန်တန်(၃၉၅)၊ အိတ်ရေ(၇၉၀၀)အိတ်၊ MV - အာသာဝတီရေယာဉ်ဖြင့် ဆန်တန်(၃၅၀)၊ အိတ်ရေ(၇၀၀၀)အိတ် တင်ဆောင်ထားမှုအခြေအနေနှင့် ဆန်များသယ်ဆောင်ရာတွင် ကန့်သတ်ကုန်ပစ္စည်းများ သယ်ဆောင်ခြင်းမရှိစေရေး၊ တရားဥပဒေနှင့်ညီညွတ်မှုမရှိသည့် ကိစ္စရပ်များ  ဖြစ်ပွားမှုမရှိစေရေးတို့အတွက် ပူးပေါင်းအဖွဲ့များဖြင့် စစ်ဆေးဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

      မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် (၂၃-၈-၂၀၂၄) ရက်နေ့၊ နံနက်(၁၀:၃၀)နာရီအချိန်တွင် မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဆံပင်ပြုပြင်သည့် သုံးစွဲပစ္စည်းအမျိုးမျိုးတို့အား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရှိရပါသည်။

      7-11 အလှကုန်စတိုး၊ Junction စတိုးနှင့် သမ္မာအာဇီဝ ရှောပင်လ်မောစတိုးဆိုင်တို့၌ရောင်းချနေသော ဆံပင်ပြုပြင်ရန် သုံးစွဲပစ္စည်းများဖြစ်သည့် (ဆံပင်ပေါင်းဆေး၊ ဆံပင်ဆိုးဆေး၊ ဆံပင်ဆိုးဆေးခရင်၊ ဆံပင်ပျော့ဆေးတို့တွင် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဆိုင်ရာ သတ်မှတ်ချက်များနှင့် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉) ပါသတ်မှတ်ချက်များနှင့်ပြည့်စုံစွာဖော်ပြပါဝင်မှုရှိကြောင်းစစ်ဆေးတွေ့ရှိရပြီး အရောင်းဆိုင်များအား တရားမဝင်တင်သွင်းလာသောကုန်စည်များ၊ ပုဒ်မ(၄၃)အရ မြန်မာစာတမ်းမပါရှိသောကုန်စည်များနှင့် ကုန်အညွှန်းအမှတ်အသားမပြည့်စုံသော ကုန်စည်များအား ဆိုင်တင်ရောင်းချခြင်းမပြုလုပ်ရန် အသိပညာပေးဆွေးနွေးခဲ့ကြောင်းသိရှိရပါသည်။

DOCA(မကွေး)

      ဧရာဝတီတိုင်းဒေသကြီး စားသုံးသူရေးရာဦးစီးဌာနမှ စားသုံးသူအခွင့်အရေးနှင့် အာမခံဆိုင်ရာ မိတ်ဆက်ဆွေးနွေးဟောပြောပွဲကို ဩဂုတ်လ ၂၀ရက်နေ့၊ နံနက် (၁၀:ဝဝ)နာရီ ပုသိမ်စက်မှုစီမံကိန်း အစည်းအဝေးခန်းမတွင်ကျင်းပပြုုလုပ်ရာ စားသုံးသူရေးရာဦးစီးဌာနမှ ဒု-တိုင်းဦးစီးမှူးနှင့် အရာထမ်း၊အမှုထမ်းများ ဖိတ်ကြားထားသော တိုင်းအဆင့်ဌာနဆိုင်ရာများ ဧရာဝတီကုန်သည်များနှင့် စက်မှုလက်မှုလုပ်ငန်းရှင်များဥက္ကဌ ဦးဝင်းမြင့်လှိုင် A Insurance မှ ဒေါက်တာစိုပြေအောင်ဝင်းနှင့်ဝန်ထမ်းများ မြို့ပေါ်နှင့်ခရိုင်များမှ ဆန်စက်ပိုင်ရှင်၊ ဆန်ကုန်သည်များ၊ ဆီလုပ်ငန်းရှင်များ၊စားသောက်ကုန် လုပ်ငန်းရှင်များ၊ စုစုပေါင်း(၇၀)ဦး ခန့်တက်ရောက်ခဲ့ပါသည်။

    ဧရာဝတီကုန်သည်များနှင့် စက်မှုလက်မှုလုပ်ငန်းရှင်များဥက္ကဌ ဦးဝင်းမြင့်လှိုင်မှ အဖွင့် အမှာစကားပြောကြား၍ စားသုံးသူရေးရာဦးစီးဌာန ဒု-တိုင်းဦးစီးမှူး ဦးထွန်းထွန်းက စားသုံးသူ၏ အခွင့်အရေးနှင့် တာဝန်များစီးပွားရေးလုပ်ငန်းရှင်၏ တာဝန်များ စားသုံးသူ/ စီးပွားရေး လုပ်ငန်းရှင်၏အဓိပ္ပာယ်ဖွင့်ဆိုချက် ကုန်စည်နှင့်စပ်လျဉ်း၍ ဖော်ပြရမည့် အာမခံချက် ကုန်စည်၊ ဝန်ဆောင်မှုထုတ်လုပ်/ကုန်သွယ်/ ရောင်းချခြင်းဆိုင်ရာတားမြစ်ချက်များ၊ အရေးကြီး ကုန်စည်နှင့် ဝန်ဆောင်မှုဥပဒေ အမည်နှင့်အဓိပ္ပာယ်ဖော်ပြချက်များ အသေးစိတ် ဟောပြောဆွေးနွေးခဲ့ပြီးA Insurance မှဒေါက်တာ စိုပြေအောင်ဝင်းက မီးအာမခံ၊မော်တော်ယာဉ်အာမခံ ရေကြောင်း ကုန်စည်ပို့ဆောင်မှုအာမခံ၊ကုန်လမ်းကုန်စည်ပို့ဆောင်မှုအာမခံ၊နှစ်တိုငွေပင်ငွေရင်းအာမခံ၊ စုပေါင်း အသက်အာမခံ၊ကျန်းမာရေးအာမခံစသည်တို့ကို ပြည့်စုံစွာ ဆွေးနွေးဟောပြောခဲ့ပါသည်။

DOCA(ဧရာဝတီ)

       မကွေးတိုင်းဒေသကြီး၊ မကွေးခရိုင်၊ မကွေးမြို့နယ်တာဝန်ခံသည် စျေးကွက်အတွင်း ဆေးနှင့်ဆေးပစ္စည်းများ အဆမတန်စျေးနှုန်းမြှင့်တင်ရောင်းချမှုမရှိစေရေး၊ ပစ္စည်းပြတ်လပ်မှုမရှိစေရေးအတွက် အပတ်စဉ် စျေးနှုန်းကောက်ယူလေ့လာတင်ပြလျက်ရှိရာ (၂၃-၈-၂၀၂၄)ရက်နေ့၊ နေ့လယ်(၁၅:၀၀)နာရီအချိန်တွင် မကွေးမြို့ပေါ်ရှိ နိုင်လင်း၊ ကြယ်စင်နှင့် မေတ္တာမွန်ဆေးအ‌ရောင်းဆိုင်များအား စည်ပင်သာယာရေးအဖွဲ့နှင့်ပူးပေါင်းပြီး စျေးကွက်အတွင်းရောင်းချလျက်ရှိသော ဆေးနှင့်ဆေးပစ္စည်းများ၏ စျေးနှုန်းအခြေအနေနှင့် ပစ္စည်းပြတ်လပ်မှုရှိ/မရှိတို့အား အထူးစျေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

     (၂၃-၈-၂၀၂၄)ရက်နေ့၊ ညနေ(၁၇:၀၀)နာရီအချိန်တွင်လည်း မကွေးမြို့ပေါ်ရှိ စက်သုံးဆီဆိုင်များဖြစ်သော Denko(1)၊ Denko (2)၊ Regency (1)၊ Regency (2)၊ မင်းထက်ကြွယ်၊ ဆယ်စုသစ်နှင့် Five Star တို့အား အထွေထွေအုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ ရေနံထွက်ပစ္စည်း ကြီးကြပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မီးသတ်ဦးစီးဌာနတို့နှင့်ပူးပေါင်းပြီး အထူးစျေးကွက်စောင့်ကြည့်စစ်ဆေးခဲ့ရာ သတ်မှတ်ရည်ညွှန်းစျေးနှုန်းများဖြင့် ရောင်းချလျက်ရှိကြောင်းသိရှိရပါသည်။

DOCA(မကွေး)