သတင်းနှင့် လှုပ်ရှားမှုများ

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မန္တလေးတိုင်း ဒေသကြီးဦးစီးမှူးရုံး၊ အစည်းအဝေးခန်းမတွင် ၁၅-၇-၂၀၂၅ (အင်္ဂါနေ့)နေ့လည် (၁:၀၀) နာရီမှ (၃:၀၀) နာရီအထိ ဝန်ထမ်းထု ဆန္ဒဖော်ထုတ်ပွဲ (၇/၂၀၂၅)ကို ကျင်းပခဲ့ပါသည်။ အဆိုပါ အခမ်းအနားတွင် တိုင်းဒေသကြီးဦးစီးမှူ ဦးဇေယျဆွေ ၊ ဒုတိယတိုင်းဒေသကြီး ဦးစီးမှူး ဒေါက်တာဇော်လွင် ၊ လက်ထောက်ညွှန်ကြားရေးမှူးများ၊ အရာထမ်း/အမှုထမ်းများနှင့် အတူ ကျောက်ဆည်ခရိုင်၊ မိတ္ထီလာခရိုင်၊မြင်းခြံခရိုင်ဦးစီးမှူးရုံးများမှ ခရိုင်ဦးစီးမှူးများနှင့် ဝန်ထမ်းများ ၊ ပြင်ဦးလွင် ခရိုင်နှင့် ညောင်ဦးခရိုင်တို့မှ ခရိုင်တာဝန်ခံများနှင့် ဝန်ထမ်းများက Zoom ဖြင့် တက်ရောက်ခဲ့ကြပါသည်။ တိုင်းဒေသကြီးဦးစီးမှူးက အဖွင့် အမှာစကားပြောကြားပြီး တိုင်းရုံးမှ ဌာနခွဲတာဝန်ခံများ၊ ခရိုင်ရုံးများမှ  ခရိုင်ဦးစီးမှူးများနှင့် ခရိုင်တာဝန်ခံများက မိမိတို့တာဝန် ယူဆောင်ရွက်နေရသည့် လုပ်ငန်းတာဝန်များ၊ အခက်ခဲများအား တင်ပြ၍ တိုင်ပင်ညှိနှိုင်း ဆွေးနွေးခဲ့ကြပါသည်။ထိုနောက် လက်ထောက်ညွှန်ကြားရေးမှူးများနှင့် ဒုတိယတိုင်းဒေသကြီး ဦးစီးမှူးတို့က လိုအပ်သည်များဖြည့်စွက်မှာကြားခဲ့ပြီး တိုင်းဒေသကြီးဦးစီးဦးစီးမှူးက နိဂုံးချုပ် အမှာစကား ပြောကြားခဲ့ကြောင်း သတင်းရရှိပါသည်။

DOCA(မန္တလေး)

    ကျောက်ဆည်ခရိုင်၊ စားသုံးသူရေးရာဦးစီးဌာနမှဦးဆောင်၍ မြို့နယ်ပြည်သူ့ ကျန်းမာရေး ဦးစီးဌာန၊ မြို့နယ်စည်ပင်သာယာရေးအဖွဲ့တို့ပူးပေါင်းပြီး ဇူလိုင်လ(၁၄)ရက်နေ့တွင် လွင်ကဖေး လက်ဖက်ရည်ဆိုင်၊စားသောက်ဆိုင်အား ကွင်းဆင်းစစ်‌ဆေးခဲ့ကြောင်းသိရှိရပါသည်။ ထို့သို့စစ်ဆေး ရာတွင် အစားအသောက်ရောင်းချသည့် လုပ်ငန်းရှင်များအား အစားအသောက်ပြုပြင်ရောင်းချသည့် နေရာများ သန့်ရှင်းသပ်ရပ်စွာထားရှိရန်၊ အစားအသောက်ကိုင်တွယ်သူများအနေဖြင့် တစ်ကိုယ်ရေသန့်ရှင်းမှုရှိရန်၊ ဝန်ထမ်းများ ကျန်းမာရေး‌ဆေးစစ်မှုများခံယူရန် ၊ မိမိတို့ဆိုင်မှ ပေးအပ်ထားသည့် ဝန်ဆောင်မှုနှင့်စပ်လျဉ်းပြီး စားသုံးသူအားလုံလောက်သည့် သတင်းအချက်အလက်များပြည့်စုံ မှန်ကန်စွာ အသိပေးပြောကြားရန်နှင့် ရောင်းချသည့် စားသောက်ဖွယ်ရာများ၏ အမျိုးအစား၊အရွယ် အစား(Size)ပမာဏအလိုက် စျေးနှုန်းအား ဖွင့်လင်းမြင်သာစွာ ကြိုတင်အသိပေးဖော်ပြထားရန် စသည်တို့အား စစ်ဆေးခဲ့ကြောင်း သိရှိရပါသည်။

DOCA(မန္တလေး)

   ကျောက်ဆည်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဇူလိုင်လ(၁၄) ရက်နေ့တွင် မြို့နယ်ပြည်သူ့ကျန်းမာရေးဦးစီးဌာန  ၊  မြို့နယ်စည်ပင်သာယာရေးအဖွဲ့များနှင့် အတူ ပူးပေါင်း၍ နွေမိုးဆောင်း ဆေးနှင့်ဆေးပစ္စည်း လက်လီလက်ကားအရောင်းဆိုင်သို့ သွားရောက်၍ စောင့်ကြည့်စစ်ဆေးခဲ့ပါသည်။ ထို့သို့စစ်ဆေးရာတွင် ဆေးပစ္စည်းအရောင်းဆိုင်များ၌ လုပ်ငန်း လိုင်စင်ရှိ/မရှိ ၊ သက်ဆိုင်ရာဌာနများမှ ထုတ်ပြန်ထားသော သုံးစွဲရန်မသင့်ဆေးဝါးနှင့် အလှကုန်များ ရောင်းချမှုရှိ/မရှိ စစ်ဆေးခဲ့ပြီး ကျောက်ဆည်ခရိုင် ၊ စားသုံးသူရေးရာဦးစီးဌာနမှ စစ်ဆေးရေး အရာရှိမှဆေးဝါးနှင့် ဖြည့်စွတ်စာများနှင့်ပက်သက်၍  မြန်မာနိုင်ငံစားသုံးသူ ကာကွယ်ရေး ကော်မရှင်မှ ညွှန်ကြားအမှတ်(၂/၂၀၂၁၉)ဖြင့် ထုတ်ပြန်ခဲ့ပါကြောင်း ၊ ၄င်းညွှန်ကြားချက်များတွင် ဆရာဝန်ညွှန်ကြားချက်မလိုသော အိမ်သုံးဆေးဝါး သောက်ဆေးအမျိုးမျိုး ၊ အိမ်သုံးဆေးဝါး လိမ်းဆေးအမျိုးမျိုး၊ အာဟာရဖြည့်စွတ်စာအမျိုးမျိုး၊ တိုင်းရင်းဆေးအမျိုးမျိုးတို့တွင် ကုန်ပစ္စည်း အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓါတ်မတည့်ကြောင်းဖော်ပြချက် ၊ ဘေးထွက်ဆိုးကျိုး ၊ ကြိုတင်သတိပေးချက်စသည့် ကုန်အညွှန်း အမှတ်အသား ဖော်ပြခြင်းဆိုင်ရာအချက်အလက်များအား မြန်မာဘာသာဖြင့် ပြည့်စုံမှန်ကန်စွာ ဖော်ပြရန်လိုအပ်ကြောင်း၊ စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ဖော်ပြခြင်း ဆိုင်ရာ အချက်အလက်များပါဝင်မှုမရှိသော ကုန်စည်များရောင်းချ ပါက စားသုံးသူကာကွယ်ရေး ဥပဒေအရ အရေးယူခံရနိုင်ကြောင်း ရှင်းလင်းပြောကြားခဲ့ကြောင်း သတင်းရရှိပါသည်။

DOCA(မန္တလေး)

   ပြင်ဦးလွင်ခရိုင် ၊ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီး ဌာနတို့ပူးပေါင်း၍ ဇူလိုင်လ(၁၄)ရက်နေ့တွင် ပြင်ဦးလွင်မြို့နယ် ၊ ပြန်ကြားရေးနှင့် ပြည်သူ့ဆက်ဆံ ရေးဦးစီးဌာန၊ Community Center ခန်းမ၌ စားသုံးသူ၏အခွင့်အရေး နှင့် တာဝန်များအကြောင်း သိကောင်းစရာများ Talk Show ဆွေးနွေးပွဲ ကို ကျင်းပခဲ့ပါသည် ။ အဆိုပါဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒေါ်ခင်နှင်းရီ(ဦးစီးအရာရှိ)က အသိပညာပေး Talk Show ဆွေးနွေးပွဲကျင်းပရခြင်း၏ ရည်ရွယ်ချက်များအားပြောကြားခဲ့ပြီး၊ ပြင်ဦးလွင်ခရိုင် စားသုံးသူ ရေးရာဦးစီးဌာနမှ ဦးထွန်းထွန်းနိုင် (ဒု-ဦးစီးမှူး)က စားသုံးသူကာကွယ်ရေး ဥပဒေ၌ စားသုံးသူ အခွင့်အရေး(၈)ချက်ရှိပါကြောင်း၊စားသုံးသူများအနေဖြင့် ကုန်စည်နှင့်ဝန်ဆောင် မှုများနှင့်စပ်လျဉ်း၍ အခြေခံလိုအပ်ချက်များပေါ်တွင် စိတ်ကျေနပ်မှုရရှိနိုင်ခြင်း၊ ဘေးအန္တရာယ်ကင်း စွာအသုံးပြုနိုင်ခြင်း၊ ကုန်စည်နှင့်ဝန်ဆောင်မှုများဝယ်ယူရာ၌ နစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်ခြင်းနှင့် ရှင်းလင်းတင်ပြခွင့်ရှိခြင်း ၊ လိုအပ်သောသတင်းအချက်အလက်များရရှိခွင့်နှင့် ပြေစာအထောက် အထားများရရှိနိုင်ခွင့်ရှိခြင်း၊စားသုံးသူများ၏တာဝန်များမှ သတင်းအချက်အလက် နှင့်လမ်းညွှန်ချက် များအားလိုက်နာဆောင်ရွက်ရန်လိုအပ်ကြောင်း ၊ စားသုံးသူများနစ်နာ ဆုံးရှုံးမှုများ ဖြစ်ပေါ်လာပါက တိုင်းဒေသကြီး/ပြည်နယ်ခရိုင်ရုံးများတွင် CICC ရုံးများဖွင့်လှစ် ားပါကြောင်း၊ Consumer Call Center (1535)သို့လည်း ခေါ်ဆိုတိုင်ကြားနိုင်ကြောင်း ဆွေးနွေးပြောကြားခဲ့ကြောင်း သတင်းရရှိ ပါသည်။

DOCA(မန္တလေး)

    မန္တလေးတိုင်းဒေသကြီး ငါန်းဇွန်မြို့နယ်တွင် မြို့နယ်စီမံအုပ်ချုပ်ရေးအဖွဲ့မှ ကြီးကြပ်မှုဖြင့် အငြိမ်းစားနိုင်ငံဝန်ထမ်းများနှင့် ဌာနဆိုင်ရာ ဝန်ထမ်းများအား နိုင်ငံတော်မှသတ်မှတ်ရည်ညွှန်း ဈေးနှုန်းဖြင့် ရောင်းချပေးသောစားအုန်းဆီများ လစဉ်လတိုင်း ရောင်းချပေးလျက်ရှိကြောင်း သိရသည်။၂၀၂၅ ခုနှစ် ဇွန်လ (၂၃)ရက်နေ့မှ (၂၇)ရက်နေ့ထိ အငြိမ်းစားနိုင်ငံဝန်ထမ်း(၄၈၀)ဦးအား တစ်ဦးလျှင် တစ်ပိဿာ (၇၃၀၀)ကျပ်ဈေးဖြင့် လည်းကောင်း၊ ဇွန်လ(၂၉)ရက်မှ ဇွန်လ(၃၀)ရက် ထိ  ဌာနဆိုင်ရာဝန်ထမ်း (၁၂၀၀)ဦးအား လစဉ်လကုန်ရက်တိုင်း တစ်ဦးလျှင် တစ်ပိဿာနှုန်း ယခုလ ဈေးနှုန်း ( ၇၃၀၀ ) ကျပ်ဖြင့် ရောင်းချပေးလျက်ရှိကြောင်း သိရသည်။

DOCA( မန္တလေး)