သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူး၏ လမ်းညွှန်မှုဖြင့် သြဂုတ်လ ၃၀ ရက် နံနက် ၁၀ နာရီတွင်  မုံရွာခရိုင်ဦးစီးမှူးနှင့် ဝန်ထမ်း(၂)ဦးတို့သည် မုံရွာခရိုင်ဆီကုန်သည်နှင့် ဆီလုပ်ငန်း ရှင်များအသင်း အသင်းဝင်(၄)ဦးက ဦးဆောင်၍ မုံရွာမြို့ပေါ်ရှိ ဘုန်းစိုးရပ်ကွက်၊ သာစည်ဈေး အနီး၊ စက်မှုဇုန်ရပ်ကွက်၊ ဒေါနခြံရပ်ကွက်၊ လယ်တီကျောင်းရှေ့နှင့် အေးသာယာရပ်ကွက်တို့တွင် တစ်ရက်လျှင် ဈေးကား(၂)စီး၊ တစီးလျှင် (၆)ပေပါနှုန်း စုစုပေါင်း (၁၂) ပေပါကို တစ်ပိဿာလျှင် (၅၅၀၀)ကျပ်နှုန်း ဖြင့် (၂၉.၈.၂၀၂၂) မှစ၍ ပြည်သူများသို့ နေ့စဉ်ရောင်းချပေးမှုကို ကွင်းဆင်းစိစစ်ကြပ်မတ်ခဲ့ပါသည်။

         ထိုသို့ရောင်းချရာတွင် လူတန်းစေ့ဝယ်ယူရရှိနိုင်စေရေးရည်ရွယ်၍ လာရောက်ဝယ်ယူကြသော အိမ်ထောင်စုများအား စနစ်တကျတန်းစီစေခြင်း၊ တုံကင်နံပါတ်များပေး၍ စောင့်ဆိုင်းစေခြင်း၊ လူတစ်ဦးလျှင် (၁)ပိဿာနှုန်း ဈေးနှုန်းသက်သာစွာဖြင့် ဖြန့်ဖြူးပေးနိုင်ခဲ့ကြောင်း သတင်းရရှိပါသည်။

DOCA(စစ်ကိုင်း)

       စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ပြည်ပမှတင်သွင်းလာသည့် စားအုန်းဆီများ သတ်မှတ်အရည်အသွေးပြည့်မီရေး၊ ကျန်းမာရေးနှင့်ညီညွတ်ပြီး ဘေးအန္တရာယ် ကင်းရှင်းသည့် စားသုံးဆီများကို  သုံးစွဲနိုင်ရေး၊ ဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေးတို့အတွက် လုပ်ငန်းစဉ်များချမှတ်၍ ကြီးကြပ်ဆောင်ရွက်လျက်ရှိသည့်အပြင် စားသုံးသူ ရေးရာဦးစီးဌာန ရွှေဘိုခရိုင်ဦးစီးမှူးရုံးအနေဖြင့် စီးပွားရေးလုပ်ငန်းရှင်များအား အထက်ဌာနမှ ထုတ်ပြန် ထားရှိသည့်အမိန့်နှင့်ညွှန်ကြားချက်များ သိရှိလိုက်နာဆောင်ရွက်နိုင်ရန်၊ စားသုံးသူကာကွယ်ရေး ဥပဒေ ပါစီးပွားရေးလုပ်ငန်းရှင်များ သိသင့်သိထိုက်သည့် အချက်များအားသိရှိစေရန် လစဉ်တွေ့ဆုံ၍ ဆွေးနွေးခြင်းများ ဆောင်ရွက်လျက်ရှိပါသည်။

    ဩဂုတ်လ(၂၅)ရက်နေ့ (၁၅:၃၀)နာရီအချိန်တွင် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူး နှင့်ရွှေဘိုမြို့နယ်တာဝန်ခံတို့မှ ရွှေဘိုမြို့ရှိ ကိုတာနှင့်ညီများဆီရောင်းဝယ်ရေးလုပ်ငန်းရှင်၊ (BT)ဆီနှင့် ကုန်မျိုးစုံရောင်းဝယ်ရေးလုပ်ငန်းရှင်၊ အေးမေတ္တာ(၁)ဆီရောင်းဝယ်ရေးလုပ်ငန်းရှင်၊ အေးမေတ္တာ(၂) ဆီရောင်းဝယ်ရေးလုပ်ငန်းရှင်နှင့် ထွန်းဆီနှင့်ကုန်မျိုးစုံရောင်းဝယ်ရေးလုပ်ငန်းရှင်တို့နှင့် တွေ့ဆုံ ဆွေးနွေးခဲ့ပါသည်။ ထိုသို့တွေ့ဆုံရာတွင် ခရိုင်ဦးစီးမှူးမှ စီးပွားရေးနှင့်ကူးသန်းရောင်းဝယ်ရေး ဝန်ကြီး ဌာနမှ (၂၀.၁၂.၂၀၂၁)ရက်နေ့တွင် ဟင်းသီးဟင်းရွက်ဆီ (Vegetable Oil, Cooking Oil)နှင့် စပ်လျဉ်း၍ ကုန်အညွန်းအမှတ်အသား ဖော်ပြရာတွင် စီးပွားရေးလုပ်ငန်းရှင်များ လိုက်နာဆောင်ရွက်ရန် ထုတ်ပြန် ခဲ့သည့်ညွှန်ကြားချက်အမှတ် (၁/၂၀၂၁) သည်(၆)လပြည့်မြောက်ပြီဖြစ်၍ စီးပွားရေးလုပ်ငန်းရှင်များမှ လိုက်နာဆောင်ရွက်မှုမရှိဘဲ ထုတ်လုပ်ဖြန့်ဖြူးရောင်းချပါက ဥပဒေအရ အရေးယူခြင်းခံရမည်ဖြစ်သဖြင့် လိုက်နာဆောင်ရွက်ကြရန်၊ အကယ်၍ ရွှေဘိုခရိုင်အတွင်းရှိ ဆီကုန်သည်များမှ မိမိ၏ကုန်အမှတ် တံဆိပ်ဖြင့်ရောင်းချလိုပါက ကုန်အညွှန်းအမှတ်အသားဖော်ပြရာတွင် စားသုံးသူကာကွယ်ရေးဥပဒေ ပြဌာန်းချက်များ၊ အမိန့်ညွှန်ကြားချက်များနှင့် ကိုက်ညီမှုရှိ/မရှိ မိမိတို့ဌာန၏ အတည်ပြုချက်ရယူနိုင်ရေး လာရောက်လျှောက်ထားရန်လိုအပ်ကြောင်း၊ ရွှေဘိုခရိုင်တွင်  နယ်စပ်လမ်းကြောင်းများမှ တရားမဝင် ဝင်ရောက်လာသည့် ပုဇွန်နှစ်ကောင်တံဆိပ်စားသုံးဆီအပါအဝင် စားသုံးဆီပုံးများ ယခင်က ရောင်းချမှု မရှိသော်လည်း စားသုံးဆီလိုအပ်ချက်များအရ နောက်နောင်တွင်လည်း ရောင်းချခြင်း မပြုကြရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်းကို ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

        (၂၄-၈-၂၀၂၂)ရက်နေ့ နံနက်(၁၀:၀၀)အချိန်တွင် မြို့နယ်ကျန်းမာရေးဦးစီးမှူးရုံးတွင် တောင်ကုတ်မြို့ပေါ်ရှိ စီးပွားရေးလုပ်ငန်းရှင်များနှင့် တွေ့ဆုံဆွေးနွေးပွဲကျင်းပခဲ့ရာ ‌ဆွေးနွေးပွဲသို့ တောင်ကုတ်မြို့နယ် စားသုံးသူရေးရာဦးစီးဌာန၊ မြို့နယ်စည်ပင်၊ ကျန်းမာရေးဦးစီးဌာန၊ အထွေထွေအုပ်ချုပ်ရေးဦးစီးဌာနနှင့် တောင်ကုတ်မြို့ပေါ်မှ လုပ်ငန်းရှင်(၃၈)ဦး တက်ရောက်ခဲ့ပါသည်။

       တက်ရောက်လာကြသည့် ဌာနဆိုင်ရာတာဝန်ရှိသူတို့က မိမိတို့ဌာနအလိုက် ဉပဒေ၊ လုပ်ထုံးလုပ်နည်းများအား ရှင်းလင်းပြောကြားခြင်း၊ စားသုံးသူရေးရာဦးစီးဌာနမှ ဒေါ်ခင်မေဝင်း(ဒု-ဦးစီးမှူး)မှ ၂၀၁၉ စားသုံးသူကာကွယ်ရေးဉပဒေပြဌာန်းချက်ပါ စားသုံးသူအခွင့်အရေးများ၊ လုပ်ငန်းရှင်များ၏ တာဝန်များ၊ စီးပွားရေးလုပ်ငန်းရှင်များမှ ကုန်စည်ဝန်ဆောင်မှုနှင့်ပတ်သက်၍ အာမခံချက်ပေးခြင်း၊ အာမခံပေးမှုအပေါ် စားသုံးသူမှ တောင်းဆိုနိုင်သည့်အခွင့်အရေးများ၊ တင်သွင်း၊ ထုတ်လုပ်၊ ဖြန့်ဖြူး ရောင်းချသည့် ကုန်စည်များပေါ်တွင် ဖော်ပြရမည့် ကုန်အညွှန်းအမှတ်အသားပြဌာချက်များ စားသုံးသူ နစ်နာဆုံးရှုံးမှုများရှိပါက တိုင်ကြားနိုင်သည့် CICC ရုံးဖွင့်လှစ်ထားရှိနိုင်မှုအခြေအနေ၊ ကုန်အညွှန်းအမှတ်အသားပြဌာန်းချက်များနှင့်စပ်လျဉ်း၍ လိုက်နာဆောင်ရွက်မှုမရှိပါက အရေးယူဆောင်ရွက်နိုင်သည့် ပြစ်မှုပြစ်ဒဏ်များအား ရှင်းလင်းပြောကြားအသိပညာပေး ဆောင်ရွက်ခဲ့ပါကြောင်း သတင်းရရှိ ပါသည်။

DOCA(ရခိုင်)

        မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏လမ်းညွှန်ချက်ဖြင့် နေပြည်တော် ဆီကုန်သည်နှင့် ဆီလုပ်ငန်းရှင်များအသင်းမှ အသင်းသားများနှင့် စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ တာဝန်ရှိဝန်ထမ်းများပူးပေါင်း၍ နေပြည်တော်ကောင်စီနယ်မြေအတွင်းရှိ ဝန်ကြီးရုံးများ၊ ဌာနဆိုင်ရာများနှင့် ကျေးရွာများသို့ ဈေးကားများနှင့် သက်သာသောဈေးနှုန်းဖြင့် စားသုံးဆီရောင်းချမှုများကို နေ့စဉ်ဆောင်ရွက်လျက်ရှိပါတယ်။

      (၂၇-၈-၂၀၂၂) ရက်နေ့တွင် လယ်ဝေးမြို့နယ်၊ ရွာသစ်ကျေးရွာ၊ တောရကျေးရွာတို့တွင် ဆီလုပ်ငန်းရှင် ဦးအေးထွန်းမှ ဆီတစ်ပိဿာလျှင် (၅၂၀၀) ကျပ်နှုန်းဖြင့် ပိဿာချိန် (၁၃၂၀) ရောင်းချပေးခဲ့ကြောင်း၊ ဇမ္ဗူသီရိမြို့နယ်အတွင်းရှိ ဘူးကွဲအိမ်ရာနှင့် ဉာဏသိဒ္ဓိရပ်ကွက်တွင် ဆီလုပ်ငန်းရှင် ဒေါ်ခင်ရတနာမှ ဆီပိဿာချိန် (၆၆၀)ကိုလည်းကောင်း၊ ရွာမကျေးရွာနှင့် မျောက်ကျောင်းစုရွာတို့တွင် ဆီလုပ်ငန်းရှင် ဒေါ်နန်းခရေဝင်းမှ ပိဿာချိန် (၁၃၂၀) လည်းကောင်း၊ ရွှေပြည်ကျေးရွာနှင့် ‌တောင်ကျောင်းကျေးရွာတို့တွင် ဆီလုပ်ငန်းရှင်ဒေါ်ခိုင်ခိုင်မာမှ ပိဿာချိန် (၁၃၂၀)လည်းကောင်း သိရှိရပါတယ်။

     ပျဉ်းမနားမြို့နယ်ရှိ ကျေးရွာများတွင်လည်း ဆီလုပ်ငန်းရှင် ဦးခင်မောင်ဝင်း၊ ဦးကိုလေး၊ ဦးခင်မောင်မြင့်၊ ဒေါ်ခင်နွယ်အေးတို့မှ တစ်ပိဿာလျှင် (၅၂၀၀)ကျပ်နှုန်းဖြင့် ဆီပိဿာချိန်ပေါင်း (၄၆၂၀) ရောင်းချပေးခဲ့ကြောင်း သိရှိရပါတယ်။

    ဆက်လက်၍ Global Good Pure Group Co;ltd မှ ကိုယ်စားလှယ်ဆီလုပ်ငန်းရှင် ဦးအေးချမ်းသူက ဥတ္တရမြို့နယ်ရှိ ရုံးအမှတ် (၁၃)၊ ပညာရေးဝန်ကြီးဌာနတွင် တာဝန်ထမ်းဆောင်နေသော ဝန်ထမ်းများသို့ ဆီပိဿာချိန်ပေါင်း (၁၁၀၀) ရောင်းချပေးခဲ့ကြောင်းနှင့် တပ်ကုန်း မြို့နယ်အတွင်းရှိ ကျေးရွာများသို့လည်း တပ်ကုန်းဆီလုပ်ငန်းရှင်များမှ ဆီပိဿာချိန်ပေါင်း (၂၆၄၀) ရောင်းချပေးခဲ့ကြောင်း သိရှိရပါတယ်။

      (၂၇-၈-၂၀၂၂) ရက်နေ့အတွင်း စားသုံးဆီပိဿာပေါင်း (၁၂၉၈၀) ရောင်းချပေးနိုင်ခဲ့ကြောင်း သတင်းရရှိပါတယ်။

DOCA(ပြည်ထောင်စုနယ်မြေ)

       (၂၆-၈-၂၀၂၂) ရက်နေ့မှာတော့ ဆီလုပ်ငန်းရှင်များနှင့် စားသုံးသူရေးရာဦးစီးဌာနမှ ဦးခင်မောင်ဆွေ (လက်ထောက်ညွှန်ကြားရေးမှူး)နှင့် ဒေါ်စောမာလာနွယ်(ဦးစီးအရာရှိ)တို့ပူးပေါင်း၍ ဦးစီးဌာနများနှင့် နေပြည်တော်ကောင်စီနယ်မြေအတွင်းရှိ ကျေးရွာနေပြည်သူများသို့ တစ်ဦးလျှင် တစ်ပိဿာနှုန်းဖြင့် စားသုံးဆီတစ်ပိဿာလျှင် (၅၂၀၀)ကျပ်နှုန်းဖြင့် ရောင်းချပေးခဲ့ပါတယ်။

     ထိုရောင်းချမှုတွင် Diamond Dragon Co;ltd မှ ဆီလုပ်ငန်းရှင်ကိုယ်စားလှယ် ဒေါ်နီလာထွေး က ရုံးအမှတ်(၂၆)၊ ရသုံးမှန်းခြေငွေစာရင်းဦးစီးဌာနတွင် ပိဿာချိန် (၈၂၄)ပိဿာ၊ ရုံးအမှတ်(၃၄)၊ ငွေတိုက်ဦးစီးဌာနတွင် ဆီပိဿာချိန် (၂၈၈)ပိဿာ၊ ရုံးအမှတ်(၃၅)၊ ယဉ်ကျေးမှုဦးစီးဌာနတွင် ပိဿာချိန် (၂၀၀)ပိဿာ၊ ရုံးအမှတ် (၄၂)၊ နယ်စပ်ရေးရာဝန်ကြီးဌာန၊ ဝန်ကြီးရုံးတွင် ဆီ(၁၆၈) ပိဿာနှင့် ဇေယျာသီရိမြို့နယ်၊ ကာကွယ်ရေးဦးစီးချုပ်ရုံး (ကြည်း) လုံခြုံ‌ရေးနှင့်သက်ဆိုင်သော ပုံနှိပ်လုပ်ငန်းများညွှန်ကြားရေးမှူးရုံးတွင် ဆီပိဿာချိန် (၂၈၈)ပိဿာ ရောင်းချပေးခဲ့ပါတယ်။

       ဆက်လက်၍ နေပြည်တော်ဆီကုန်သည်နှင့် ဆီလုပ်ငန်းရှင်များအသင်းမှ ဥက္ကဌ ဦး‌အောင်ကိုထက်က ဒက္ခိဏသီရိမြို့နယ်၊ ချိုင်းအုပ်စု၊ ချိုင်း‌ကျေးရွာတွင် ဈေးကားတစ်စီးဖြင့် ဆီပိဿာချိန် (၆၆၀)ကို ရောင်းချပေးခဲ့ပြီး၊ အခြားဆီလုပ်ငန်းရှင်များမှလည်း ဒက္ခိဏသီရိမြို့နယ်၊ ဇမ္ဗူသီရိမြို့နယ်၊ တပ်ကုန်းမြို့နယ်များရှိ ကျေးရွာအများစုတွင် ဈေးကားများဖြင့် စားသုံးဆီများကို လှည့်လည်ရောင်းချပေးခဲ့ကြပါတယ်။

       (၂၆-၈-၂၀၂၂) ရက်နေ့မှာတော့ ဦးစီးဌာနများနှင့် ကျေးရွာနေပြည်သူများကို သက်သာသော ဈေးနှုန်းဖြင့် ဆီပိဿာချိန်ပေါင်း (၇၇၀၈)ပိဿာ ရောင်းချပေးနိုင်ခဲ့ကြောင်း သတင်းရရှိပါတယ်။

DOCA(ပြည်ထောင်စုနယ်မြေ)