ပြည်တွင်းကုန်သွယ်မှုသတင်း

          စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ၊ ဖြူးမြို့နယ် ဈေးကွက်စောင့်ကြည့်စစ်ဆေးကြပ်မတ်ရေးကော်မတီ အတွင်းရေးမှူးဒေါ်သန္တာစိုးသည် မြို့နယ်ဈေးကွက် စောင့်ကြည့်စစ်ဆေးကြပ်မတ်ရေးကော်မတီဝင် ဌာနဆိုင်ရာများဖြစ်ကြသော မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့နှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်အတူ ဖေဖော်ဝါရီလ ၁၁ ရက်နေ့ နံနက်ပိုင်းက မြန်မာနိုင်ငံတော်ဗဟိုဘဏ်မှ ရည်ညွှန်း ငွေလဲလှယ်နှုန်းဖြင့် ရောင်းချပေးသည့် နိုင်ငံခြားငွေရရှိသော စက်သုံးဆီကုမ္ပဏီများမှ ဖြူးမြို့နယ်အတွင်း အထူးဈေးနှုန်းဖြင့် ရောင်းချသည့် ဖြူးမြို့နယ်၊ ရန်ကုန်-မန္တလေး အမြန်လမ်းရှိ Denko စက်သုံးဆီဆိုင်သို့ ကွင်းဆင်း၍ ကြပ်မတ်စစ်ဆေးဆောင်ရွက်ခဲ့ပါသည်။

          မြို့နယ်တာဝန်ခံ ဒေါ်သန္တာစိုးနှင့် အဖွဲ့ဝင်များသည် Denko စက်သုံးဆီဆိုင်မှ ရောင်းချလျှက်ရှိသည့် Diesel နှင့် Premium Disel စက်သုံးဆီများ၏ ဈေးနှုန်းနှင့် အခြင်အတွယ်မှန်ကန်ရေးတို့ကို ကြည့်ရှုစစ်ဆေးရာ ဆိုင်တာဝန်ခံဦးသန်းဌေးအောင်က စက်သုံးဆီအထူးဈေးနှုန်းဖြင့် ရောင်းချနေမှု အခြေအနေများကို ရှင်းလင်းတင်ပြပြီး မြို့နယ်တာဝန်ခံက စက်သုံးဆီဈေးနှုန်းမြှင့်တက်မှုမရှိစေရေးနှင့် ဈေးနှုန်းတည်ငြိမ်မှုရှိစေရေးအတွက် စည်းကမ်းသတ်မှတ်ချက်များနှင့်အညီ ရောင်းချရန် မှာကြားခဲ့ကြောင်း သိရှိရပါသည်။

DOCA(ပဲခူး)

       ပဲခူးတိုင်းဒေသကြီး၊ သာယာဝတီခရိုင် စားသုံးသူရေးရာဦးစီးဌာန ခရိုင်ဦးစီးမှူး ဦးအောင်သိန်း၊ ပြည်တွင်းတာဝန်ခံ ဒေါ်ခင်ခင်ထိုက်၊ သတင်းနည်းဌာနခွဲတာဝန်ခံ ဒေါ်ကြည်ကြည်ချို ၊ ကြို့ပင်‌ကောက်မြို့နယ်တာဝန်ခံ ဒေါ်ရီရီရှိန်တို့သည် (၁၈.၂.၂၀၂၂) ရက်နေ့ ၊ ‌နေ့လည် (၁:၀၀)နာရီချိန်တွင် ကြို့ပင်ကောက်မြို့ နယ် ၊ ဥက္ကံအုပ်စု ၊မကျည်းကုန်းကျေးရွာ၊ ရန်ကုန်-ပြည်ကားလမ်းဘေးတွင် တည်ရှိသော ဆန်စက်လုပ်ငန်းရှင်များအသင်း ဥက္ကဌဦးမင်းအောင်ထံသို့ သွားရောက်ပြီး စား/ဆန် ဈေးနှုန်းများကို တွေ့ဆုံမေးမြန်းခဲ့ပါသည်။

         သာယာဝတီခရိုင်ဦးစီးမှူး ဦးအောင်သိန်းမှ ဆန်စက်ကြိတ်ခွဲလည်ပတ်နေမှု အခြေအနေများကို ကြည့်ရှုပြီး ယခုကြိတ်ခွဲနေသော စပါးအမျိုးအစားနှင့် ဆန်/စပါးဈေးနှုန်းများမေးမြန်းခဲ့ရာ ဆန်စက်ပိုင်ရှင်မှ ကရင်မထိပ် ဆောင်းစပါးများ ကြိတ်ခွဲနေခြင်းဖြစ်ပြီး စပါးတင်း (၁၀၀) လျှင် ခုနှစ်သိန်းရှစ်သောင်းကျပ် ရှိကြောင်းနှင့် တစ်နေ့လျှင် စပါးတင်း (၅၀၀၀) ခန့်ကြိတ်ခွဲနိုင်ကြောင်း သိရှိရပါသည်။ ယခုကြိတ်ခွဲနေသော ဆန်မှာ စူပါဖိုက်ဆန်ဖြစ်ပြီး ဆန်သား ၉၅% ၊ဆန်ကွဲ ၅  % ကြိတ်ခွဲခြင်းဖြစ်ကြောင်း ကရင်မဆန် တစ်အိတ်လျှင် (၂၄၅၀၀/) ကျပ် ၊A1-Extra တစ်အိတ်လျှင် (၂၄၀၀၀/) ကျပ်၊ A1-2 တစ်အိတ်လျှင် (၂၃၀၀၀/) ကျပ်ရှိကြောင်း သိရှိရပါသည်။

DOCA(ပဲခူး)

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်ဦးစီးမှူး ဦးဆောင်၍ လက်ပံတန်းမြို့နယ်တာဝန်ခံနှင့် ပြည်တွင်းတာဝန်ခံတို့သည်  ဖေဖော်ဝါရီ ၁၆ ရက်နေ့တွင် လက်ပံတန်း မြို့နယ်ရှိ တောင်သူကြီး ပိုးသတ်ဆေးအရောင်းဆိုင်နှင့် ပစ်တိုင်းထောင် ဓာတ်မြေသြဇာ အရောင်းဆိုင် သို့ သွားရောက်၍ ရောင်းချလျက်ရှိသော ဓာတ်မြေသြဇာနှင့် ပိုးသတ်ဆေးတို့၏ ဈေးနှုန်းဈေးကွက် အခြေအနေ၊ အရောင်းအဝယ်ဖြစ်မှု  အခြေအနေများကို ကွင်းဆင်းသွားရောက်မေးမြန်းခဲ့ရာ ယခုအပတ်တွင် ယူရီးယား (အာမို) တစ်အိတ်လျှင် ၈၀၀၀၀ ကျပ်၊ ကွန်ပေါင်း (အာမို) တစ်အိတ်လျှင် ၈၂၀၀၀ ကျပ် နှင့် ပိုးသတ်ဆေး စူပါပါဝါတစ်ဗူးလျှင် ၁၂၀၀၀ ကျပ်၊ ဟလို ၁/၂တစ်ဗူးလျှင် ၂၉၀၀၀ကျပ် ၊ဆလက်ပလက်တစ်ဗူးလျှင်  ၁၄၀၀၀ ကျပ်တို့ဖြင့် အရောင်းအဝယ်ဖြစ်လျှက်ရှိကြောင်း သတင်းရရှိပါ သည်။

DOCA(ပဲခူး)

          ဧရာဝတီတိုင်းဒေသကြီး၊ ဟင်္သာတခရိုင်သည် မိုးစပါးစိုက်ဧက ငါးသိန်းခုနှစ်သောင်းကျော်ရှိပြီး၊ မိုးစပါးရိတ်သိမ်းပြီးချိန် နိုဝင်ဘာ၊ ဒီဇင်ဘာလများတွင် သီးထပ်အဖြစ် မတ်ပဲ၊ ပဲတီစိမ်း၊ အစေ့ထုတ်ပြောင်းတို့ကို စိုက်ပျိုးကြသလို၊နန်ကသူဆည်၊ ကညင်ဆည်၊ မမြဆည်၊ ကွန်ချောင်းရေလှောင်တမံတို့၏ ဆည်ရေသောက်ဒေသများဖြစ်သည့် မြန်အောင်၊ ကြံခင်း၊ အင်္ဂပူမြို့နယ်များတွင်လည်း နွေစပါးကိုဦးစားပေးစိုက်ပျိုးကြပြီး၊ ဟင်္သာတ၊ ဇလွန်၊ လေးမျက်နှာမြို့နယ်များတွင်မူ ရေတင်၍ ဧကအနည်းငယ် စိုက်ပျိုးကြပါသည်။

          ဟင်္သာတခရိုင်တွင် နွေစပါးစိုက်ဧကသည် ၂၀၁၉-၂၀၂၀ ခုနှစ်တွင်  ၃၈၁၃၄ဧက၊ ၂၀၂၀-၂၀၂၁ ခုနှစ်တွင် ၃၈၈၈၀ ဧက စိုက်ပျိုးခဲ့ပြီး၊ မနောသုခ၊ သီးထပ်ရင်၊ မှော်ဘီ ၃၊ ဆင်းသုခ၊ ထိုင်း(၉၀)၊ ပခန်းရွှေဝါ၊  GW 11၊ ရတနာတိုး မျိုးများကို အများဆုံးစိုက်ပျိုးကြပါသည်။ နွေးစပါးသည် သတ်မှတ်ရေ Level နှင့် နေရောင်ခြည်ကို ကောင်းစွာရရှိသောကြောင့် အထွက်နှုန်းကောင်းပြီး ပျမ်းမျှ တဧက တင်း ၉၀ ခန့်ထွက်ရှိသည့်အတွက် ဆည်ရေသောက်ဒေသများဖြစ်သော အင်္ဂပူမြို့နယ်၊ မြန်အောင်မြို့နယ်၊ ကြံခင်းမြို့နယ်တို့ရှိ တောင်သူတို့ ပိုမိုတွက်ချေကိုက်အကျိုးရှိကြမည်ဖြစ်ပါသည်။

         ၂၀၂၂ ခုနှစ် နွေစပါးစိုက်ရာသီတွင် ဖေဖော်ဝါရီလ ၁၈ ရက်နေ့ထိ ဟင်္သာတမြို့နယ်တွင် ၇၈၆ဧက၊ ဇလွန်မြို့နယ်တွင် ၃၀၉၀ ဧက၊ လေးမျက်နှာမြို့နယ်တွင် ၁၄၅၄ ဧက၊ မြန်အောင် မြို့နယ်တွင် ၇၅၃၄ ဧက၊ ကြံခင်းမြို့နယ်တွင် ၁၂၉၉ ဧက၊ အင်္ဂပူမြို့နယ်တွင် ၁၅၇၁၁ ဧက ၊စုစုပေါင်း ၂၉၈၇၄ဧကစိုက်ပျိုး ပြီးစီးခဲ့ပြီး ၊ ယခင်နှစ်နွေစပါးစိုက်ဧက၏ ၇၅ ရာနှုန်း ကျော်စိုက်ပျိုးပြီးစီးခဲ့ကာ၊ ဇလွန်တမြို့တည်းသာ ရာနှုန်းပြည့်စိုက်ပျိုးပြီးခဲ့ပြီး ကျန်မြို့နယ်များမှာ မတ်လပထမပတ်လောက်မှသာ စိုက်ပျိုးပြီးစီးမှာဖြစ်ကြောင်း ဟင်္သာတခရိုင်မြေစာရင်းဦးစီးဌာနမှ သိရှိရသည်။

           နိုင်ငံတော်မှလည်း နွေစပါးစိုက်တောင်သူများကို မြန်မာ့ရေနံနှင့် ဓာတုလုပ်ငန်းမှ ထုတ်လုပ်သော ဓာတ်ဆားများကို သက်သာသောဈေးနှုန်းဖြင့်ရောင်းချပေးခြင်း၊ ဟင်္သာတခရိုင်အတွင်းရှိ ဟင်္သာတ၊ ဇလွန်၊ မြန်အောင်၊ ကြံခင်း၊ အင်္ဂပူမြို့နယ်များတွင် ဒီဇယ်များကို အထူးဈေးနှုန်းဖြင့် ရောင်းချပေးလျက်ရှိသည့်အတွက် နွေစပါးစိုက်တောင်သူတို့ စိုက်ပျိုးစရိတ်သက်သာစေမှာဖြစ်ပြီး၊ ဖေဖော်ဝါရီလလယ် စပါးပေါက်ဈေးမှာလည်း ၄၆ပေါင် တင်း၁၀၀ လျှင် ၆၈၀၀၀၀ ကျပ်ဈေးပေါက်နေပြီး ယမန်နှစ်ကာလတူထက် ၇၀၀၀၀ကျပ် ပိုမြင့်နေသည့်အတွက် ဟင်္သာတခရိုင်၏ နွေစပါးစိုက်တောင်သူတို့ တွက်ချေကိုက်အကျိုးရှိမှာဖြစ်ကြောင်း လေ့လာတင်ပြအပ်ပါသည်။

DOCA(ဧရာဝတီ)

           အောင်လံကုန်စည်ဒိုင်တွင် နှမ်း(စမုံ)ဈေးနှုန်းမှာ ယခင်အပတ်(၉.၂.၂၀၂၂)နေ့နှင့် ယခုအပတ် (၁၆.၂.၂၀၂၂)နေ့ ဈေးနှုန်းများ နှိုင်းယှဉ်ပါက ပြောင်းလဲမှုမရှိပဲ ပုံမှန်အရောင်းအဝယ်ဖြစ်လျက်ရှိပါသည်။ အရောင်းအဝယ်များမှာ နှမ်းပြာ၊ နှမ်းဖြူနှင့် နှမ်းနီတို့မှာ ယခုအပတ်တွင် (၅၀၀ဝိ/-) ဈေးနှုန်း မြင့်တက်ခဲ့ပြီး အရောင်းအဝယ်ဖြစ်သည့် ပမာဏမှာ နှမ်း(စမုံ)(၆၅၀)အိတ်၊ နှမ်းပြာ(၂၁၀)အိတ်၊ နှမ်းနီ (၂၂၅)အိတ်၊ နှမ်းဖြူ(၁၆၀)အိတ်တို့ အရောင်းအဝယ်ဖြစ်လျက်ရှိကြောင်း သိရှိရပါသည်။

           ပဲမျိုးစုံ ဈေးကွက်မှာ ပဲစဉ်းငုံ(အနီ) ယခင်အပတ်(၄၀၃၀ဝိ/-)ရှိခဲ့ပြီး ယခုအပတ်(၄၁၈၀ဝိ/-) ဖြစ်သည့်အတွက် (၁၅၀ဝိ/-)ဈေးနှုန်းမြင့်ခဲ့ပြီး (၁၃၅၀)အိတ် အရောင်းအဝယ်ဖြစ်ခဲ့ပါသည်။ မတ်ပဲမှာ ယခင်အပတ်(၃၇၀၀ဝိ/-) ယခုအပတ်(၄၁၀၀ဝိ/-)ရှိ၍ (၄၀၀ဝိ/-)ဈေးမြင့်၊ ကုလားပဲ(H.L) ယခင် အပတ်(၄၁၀၀ဝိ/-) ယခုအပတ်(၃၉၀၀ဝိ/-) ဖြစ်သည့်အတွက် (၂၀၀ဝိ/-)လျော့၊ ပဲကြီး ယခင်အပတ် (၈၅၀၀ဝိ/-) ယခုအပတ်(၆၀၀၀၀-၆၅၀၀ဝ) ရှိသည့်အတွက် (၁၅၀၀-၁၀၀၀)ဈေးလျှော့၊ မြေပဲ (လုံးဆံဖြူ) ယခင်အပတ် (၃၂၀ဝိ/-) ယခုအပတ်(၃၁၅ဝိ/-) ရှိသည့်အတွက် (၅ဝိ/-)လျှော့၊ မြေပဲ (လုံးဆံနီ) ယခင်အပတ် (၂၉၇၅°/-) ယခုအပတ်(၃၀၀ဝိ/-) ဖြစ်သည့်အတွက် (၂၅°/-)ဈေးမြင့်ခဲ့ပြီး ဘိုကိတ်ပဲမှာ ဈေးနှုန်းအပြောင်းအလဲမရှိ အရောင်းအဝယ်ဖြစ်လျှက်ရှိပါသည်။ အရောင်းအဝယ်များမှာ ကုလားပဲ(H.L)(၃၅၀)အိတ်၊ ဘိုကိတ်(အဖြူ)(၂၅၀)အိတ်၊ ဘိုကိတ်(အပြာ)(၃၉၀)အိတ်၊ ပဲကြီး(၇၅၀) အိတ်၊ မြေပဲ(လုံးဆံဖြူ) (၁၂၀၀)အိတ်၊ မြေပဲ(လုံးဆံနီ)(၇၀၀)အိတ်တို့ အရောင်းအဝယ်ဖြစ်ခဲ့ကြောင်း သိရှိရပါသည်။

         ဝါသီးနှံမှာ ယခင်အပတ် (၁၇၀ဝ-၁၈၀၀)မှ ယခုအပတ် (၁၈၀၀-၁၉၀၀)ဈေးရှိခဲ့ပြီး (၁၀၀)ဈေးမြင့်ကာ ဝါပိဿာချိန် (၄၀၀၀ဝိ/-)ခန့် အရောင်းအဝယ်ဖြစ်ခဲ့ကြောင်း  ကုန်သည်ထံမှ သိရှိခဲ့ရပါသည်။

DOCA(မကွေး)