ပြည်တွင်းကုန်သွယ်မှုသတင်း

      မကွေးတိုင်းဒေသကြီးသည် ဆီထွက်သီးနှံဖြစ်သော မြေပဲ၊ နှမ်း၊ ကြက်သွန်နီနှင့် အခြားပဲမျိုးစုံကို အဓိကထားစိုက်ပျိုးပြီး အခြားတိုင်းဒေသကြီးနှင့်ပြည်နယ်များသို့ တင်ပို့ရောင်းချလျက်ရှိပါသည်။

      မကွေးတိုင်းဒေသကြီးအတွင်းရှိ မကွေး၊ တောင်တွင်းကြီး၊ အောင်လံ၊ ရေနံချောင်း၊ ဆိပ်ဖြူနှင့် ပခုက္ကူကုန်စည်ဒိုင်တွင် နှမ်း၊ ကြက်သွန်နီနှင့် ပဲမျိုးစုံသီးနှံများ ပုံမှန်အရောင်းအဝယ်ဖြစ်လျက်ရှိ ပါသည်။ ၂၀၂၄ခုနှစ်၊ မေလ(၆)ရက်နေ့မှ (၁၀)ရက်နေ့အထိ ကုန်စည်ဒိုင်များ၏ အရောင်းအဝယ် ဖြစ်ပေါ်နေသော ဈေးနှုန်းများမှာ မကွေးကုန်စည်ဒိုင်တွင် နှမ်းဖြူ(၁)ပိဿာလျှင် ကျပ်(၈၅၃၀-၈၇၃၀)၊ နှမ်းနီ ကျပ် (၇၆၇၀-၇၈၀၀)၊ နှမ်းနက်(စမုံ) ကျပ်(၈၅၃၀-၈၆၇၀)၊ မြေပဲဆီဆံ (အောက်ကျ) ကျပ်(၄၈၀၀-၅၀၀၀)၊ ပဲတီစိမ်း ကျပ်(၃၆၀၀-၃၆၅၀)၊ ပဲနောက် ကျပ်(၂၇၅၀-၂၉၀၀)၊ ပဲလွန်ဝါ (ကြီး) ကျပ်(၂၈၀၀-၃၀၅၀)၊ ကုလားပဲ ကျပ်(၄၁၆၀-၄၂၁၀)၊ မတ်ပဲ ကျပ်(၅၀၀၀)၊ ပဲစဉ်းငုံနီ ကျပ်(၆၄၅၀)၊ စားတော်ပဲ ကျပ်(၄၅၀၀)၊ ထောပတ်ပဲ ကျပ်(၅၅၃၀-၅၈၄၀)ဖြစ်ပြီး ယခင်တစ်ပတ်ထက် ယခုတစ်ပတ်တွင် မတ်ပဲ ကျပ်(၃၀)၊ ပဲစဉ်းငုံ(နီ) ကျပ်(၁၀၀)၊ ကုလားပဲ ကျပ်(၁၀)၊ မြေပဲဆီဆံ(အောက်ကျ)ကျပ်(၁၀၀)အသီးသီးဈေးကျခဲ့ပြီး  ထောပတ်ပဲ ကျပ်(၂၇၀-၂၈၀)ဈေးမြင့်တက်ခဲ့ပါသည်။ တစ်ပတ်အတွင်း တန်ချိန်(၇၄၀)ခန့်အရောင်းအဝယ်ဖြစ်ခဲ့ပြီး ရန်ကုန်၊ မန္တလေးမြို့တို့မှ အများဆုံးဝယ်ယူလျက်ရှိကြောင်း သိရှိရပါသည်။

         တောင်တွင်းကြီး ကုန်စည်ဒိုင်တွင် ကုလားပဲ ကျပ်(၄၀၅၀)ဖြစ်ပြီး ယခင်တစ်ပတ်ထက် ယခုတစ်ပတ်တွင် ကျပ်(၈၀)ဈေးကျခဲ့ပြီး တစ်ပတ်အတွင်း တန်ချိန်(၅၈.၇၈)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။

         အောင်လံကုန်စည်ဒိုင်တွင် သိပ္ပံနှမ်းနက် ကျပ်(၇၇၈၀-၈၄၄၅)၊ ရိုးရိုးနှမ်းနက် ကျပ်(၇၅၅၅)၊ နှမ်းနီ ကျပ်(၇၅၅၅)၊ နှမ်းဖြူသန့် ကျပ်(၇၇၈၀)၊ ပဲစဉ်းငုံနီ ကျပ်(၆၄၅၀-၆၄၇၀)၊ ကုလားပဲ(မြကြေး) ကျပ် (၄၃၅၀)၊ ကုလားပဲ (ဟော်လန်) ကျပ်(၄၁၂၅)၊ ပဲကြီး(သစ်) ကျပ်(၄၃၀၀-၄၆၅၀)၊ မြေပဲဆီဆံ(နီ) ကျပ်(၇၂၀၀)၊ မြေပဲဆီဆံ(ဖြူ) ကျပ်(၆၇၀၀-၆၈၀၀)၊ မတ်ပဲ ကျပ်(၄၈၇၅)၊ ဝါ ကျပ်(၂၇၀၀-၂၈၀၀)၊ ဘိုကိတ်ပြာ ကျပ်(၃၁၀၀)ဖြစ်ပြီး ယခင်တစ်ပတ်ထက် ယခုတစ်ပတ်တွင် ပဲစဉ်းငုံ(နီ)ကျပ်(၈၀-၁၀၀)၊ ကုလားပဲ(ဟော်လန်) ကျပ်(၅၀)၊ ကုလားပဲ(မြကြေး) ကျပ်(၁၀၀)၊ မတ်ပဲ ကျပ်(၂၅)၊ မြေပဲလုံးဆံ(နီ) ကျပ်(၁၀၀)၊ ပဲကြီး(သစ်) ကျပ်(၃၅၀-၄၅၀)အသီးသီးဈေးကျခဲ့ပြီး မြေပဲလုံးဆံဖြူ ကျပ်(၁၀၀)ဈေးမြင့်ခဲ့ပါသည်။ တစ်ပတ်အတွင်း တန်ချိန်(၁၃၄)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။  

       ရေနံချောင်းကုန်စည်ဒိုင်တွင် ကြက်သွန်နီ ကျပ်(၁၉၀၀-၃၂၀၀)ဖြစ်ပြီး ယခင်တစ်ပတ်ထက် ယခုတစ်ပတ်တွင် ကျပ်(၄၀၀)ဈေးမြင့်တက်ခဲ့ပြီး တစ်ပတ်အတွင်း တန်ချိန်(၉၇.၉၇)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။  

       ဆိပ်ဖြူကုန်စည်ဒိုင်တွင် ကြက်သွန်နီ(သစ်) ကျပ်(၁၆၀၀-၂၂၀၀)ဖြစ်ပြီး ယခင်တစ်ပတ်ထက် ယခုတစ်ပတ်တွင်  ကြက်သွန်နီ(သစ်) ကျပ်(၁၀၀)ဈေးတက်ခဲ့ပြီး တစ်ပတ်အတွင်း တန်ချိန်(၄၂.၃၃) ခန့် အရောင်းအဝယ်ဖြစ်ခဲ့ကြောင်း သိရှိရပါသည်။

       ပခုက္ကူကုန်စည်ဒိုင်တွင် ကုလားပဲ(929) ကျပ်(၄၁၀၀)၊ (CP)ပြောင်း ကျပ်(၉၃၅-၉၅၀)၊ ထော ပတ်ပဲ(ကျွန်း) ကျပ်(၅၃၂၀)၊ ပဲစဉ်းငုံနီ ကျပ်(၆၄၇၀)၊ ပဲဇီးကွက် ကျပ်(၂၄၀၀)၊ စွန်တာနီ ကျပ် (၂၄၉၀)၊ ပဲတီစိမ်း ကျပ်(၃၀၅၀)ဖြစ်ပြီး ယခင်တစ်ပတ်ထက် ယခုတစ်ပတ်တွင် ပဲစဉ်းငုံ ကျပ်(၈၀)၊  ကုလားပဲ (929) ကျပ်(၁၁၀)ဈေးကျခဲ့ပြီး ထောပတ်ပဲ(ကျွန်း) ကျပ်(၃၇၀) ဈေးနှုန်းမြင့်တက်ခဲ့ကြောင်း၊ တစ် ပတ်အတွင်း တန်ချိန်(၁၈၉.၇၂)ခန့် အရောင်းအဝယ်ဖြစ်ခဲ့ကြောင်း သိရှိရပါသည်။        

DOCA(မကွေး)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၁၈/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

   ၁၄.၅.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     ဧရာဝတီတိုင်းဒေသကြီး၊ မြန်အောင်မြို့နယ်သည် မိုးစပါးစိုက်ပျိုးပြီး သီးထပ်အဖြစ် မတ်ပဲသီးနှံကို ဧကရှစ်သောင်းကျော် စိုက်ပျိုးသောဒေသဖြစ်ပါသည်။ မတ်ပဲကို နှစ်စဉ်နှစ်တိုင်း နိုဝင်ဘာလမှ စတင်စိုက်ပျိုး၍ မတ်လတွင်ရိတ်သိမ်းပြီး တစ်ဧကပျမ်းမျှ ထွက်နှုန်းမှာ ၁၅တင်းမှ ၂၀တင်း ကြားထွက်ရှိ‌ကြောင်း သိရှိရပါသည်။ မတ်ပဲစိုက်ဧက တစ်ဧက၏ ပျမ်းမျှကုန်ကျ စရိတ်မှာ ကျပ် ငါးသိန်းခန့်ရှိပြီး တစ်ဧကပျမ်းမျှထွက်နှုန်းမှာ ၁၅တင်း ခန့်ထွက်ရှိကြောင်း သိရှိရပါသည်။ ယခုလက်ရှိ မတ်ပဲတစ်တင်း၏ ပေါက်ဈေးမှာ ၉၈၀၀၀ကျပ် ဖြစ်သည့်အတွက် မတ်ပဲစိုက်တောင်သူများသည် တစ်ဧက ကုန်ကျစရိတ်နှုတ်ပြီးပါက ပျမ်းမျှ ၉သိန်းကျော် အကျိုးအမြတ်ရရှိကြောင်း သိရှိရပါသည်။

    ယခင်နှစ်ကာလတို မတ်ပဲတစ်တင်းဈေးနှုန်း ၆၃၀၀၀ကျပ်နှင့် နှိုင်းယှဉ်ပါက တစ်တင်း ပျမ်းမျှ ၃၀၀၀၀ ကျော်ခန့် ဈေးနှုန်းပိုမိုရရှိလျက်ရှိပါသည်။ မတ်ပဲစိုက်တောင်သူတို့သည် မျိုးကောင်း မျိုးသန့်များကို စနစ်တကျရွေးချယ်၍ စိုက်ပျိုးခြင်း၊ ရာသီဥတုကောင်းမွန်ခြင်းတို့ကြောင့် ယခုနှစ်တွင် အထွက်နှုန်းကောင်းမွန်သည့် တောင်သူများအနေဖြင့် ယခင်နှစ်ထက် တစ်ဧကလျင်  ကျပ်လေးသိန်းကျော် အကျိုးအမြတ် ပိုမိုရရှိကြောင်းကို တောင်သူနှင့်ကုန်သည်များထံမှ သိရှိရပါသည်။

DOCA(ဧရာဝတီ)

    ရေချို ရေငန် ထွက်ကုန်မျိုးစုံ ပေါများသည့် ဧရာဝတီတိုင်းဒေသကြီး၊ မြောင်းမြခရိုင်အတွင်းရှိ အိမ်မဲမြို့တွင် ဒေသထွက်ကုန်အနေဖြင့် ပုဇွန်ချဉ်လုပ်ငန်းကို တနိုင်တပိုင်လုပ်ကိုင်လျက်ရှိကြပြီး ဒေါ်ခင်မာအေး၊ ဒေါ်မီးမီး၊ ဒေါ်သန်းသန်းဝင်း၊ ဒေါ်မြင့်မြင့်သန်း၊ ဦးမြသိန်း၊ ဒေါ်မြမြ၊ ဒေါ်နွယ်နွယ်၊ ဒေါ်ထွေးထွေးစသည့် တံဆိပ် အသီးသီးဖြင့် ထုတ်လုပ်လျက်ရှိကြောင်း သိရှိရပါသည်။

    ပုဇွန်ချဉ် ပြုလုပ်ပုံမှာ ပုဇွန်ခေါင်းချိုးပြီးသားကို ရေနှင့်ဆေးကြောသန့်စင်၍ ရေခဲနှင့် ထားရပြီး ရေခဲရိုက် ပြီးသော ပုဇွန်များကို အခွံခွာ၍ ဇကာ (သို့) လင်ဗန်း ထဲ ဖြန့်ထားရ ပါသည်။ ဆက်လက်၍ ဖြန့်ထားသော ပုဇွန်များကို စဉ်းတီတုံးပေါ်တင်၍ နုတ်နုတ်စဉ်းပါသည်။ စဉ်းပြီးပုဇွန် ၉ ပိဿာ၊  ထမင်း (၁) ပိဿာခန့်၊ ဆားအနည်းငယ်၊ ရှာလကာရည်အနည်းငယ်၊ အရသာမှုန့် အနည်းငယ်တို့ ရောနှော ထည့်၍ သမအောင်နယ်ရမည်။ သမအောင်နယ်ဖတ်ထားသော ပုဇွန်ထမင်းနယ် အသားများအား (၁၀) ကျပ်သား အလုံးများထား၍ ဖက်ရွက်နှင့် ထုတ်ပါသည်။တစ်ညသိပ် ထားပြီးပါက နောက်တစ်နေ့ မနက်စားသုံးရန် အသင့်ဖြစ်နေသည့် ပုဇွန်ချဉ်ကို ဈေးကွက်အတွင်း ရောင်းချပါသည်။

     ပုဇွန်ချဉ်ပြုလုပ်ရန် ကုန်ကြမ်းများဖြစ်သော ပုဇွန်များကို မြို့မဈေးထဲတွင် ဝယ်ယူကြပြီး ပုဇွန်ချဉ် ထုတ်ရန် ထုပ်ပိုးပစ္စည်းဖြစ်သည့် တောင်စွန်းဖက်ရွက်ကို ဒေသတွင်း ကျေးရွာများမှ ၁ ရွက်လျှင် ၂ ကျပ်နှုန်းဖြင့် အရွက် ၁၀၀ လျှင် ၂၀၀ ကျပ်ဖြင့် မှာယူရပါသည်။ပုဇွန်ချဉ်တစ်ထုပ်လျှင် ပုဇွန်ချဉ် (၁၀) ကျပ်သားခန့်ပါရှိကာ တောင်စွန်းဖက်ရွက် ၃ ရွက်ခန့် အသုံးပြု၍ ထုပ်ပိုးရောင်းချကြောင်း သိရှိရပါသည်။

     ပုဇွန်ချဉ်ထုတ်လုပ်သည့် လုပ်ငန်းငယ်တစ်ခုတွင် ၁ရက် ပိဿာချိန် (၅) မှ (၁၀) အထိ လုပ်ကိုင်နိုင်ပြီး၊ ပိဿာချိန် (၁၀) အတွက် အထုပ်အရေအတွက် (၁၀၀) ခန့် ထွက်ရှိကြောင်း၊ ပုဇွန်ချဉ် ပိဿာချိန် (၁၀) အတွက် ထုတ်လုပ်မှုကုန်ကျစရိတ် (၁၈၁၃၀၀) ကျပ်ဝန်းကျင် ခန့်ရှိ ကြောင်း၊ ပုဇွန်ချဉ်ပိဿာချိန် (၁၀) အတွက် အမြတ်ငွေ (၁၈၇၀၀) ကျပ်ဝန်းကျင်ခန့် ရရှိကြောင်း သိရပါသည်။ ဈေးနှုန်းအနေဖြင့် ပုဇွန်ချဉ် (၁၀) ကျပ်သား တစ်ထုပ်လျှင် (၂၀၀၀) ကျပ်နှုန်းဖြင့် ရောင်းချလျက်ရှိကြောင်း၊ ဈေးကွက်အနေအားဖြင့် အိမ်မဲမြို့နယ် မြို့မဈေးအတွင်း ရောင်းချနေကြောင်း သိရှိရပါသည်။

    အိမ်မဲမြို့၏ ဒေသထွက်ကုန် ပုဇွန်ချဉ်လုပ်ငန်းမှာ သန့်ရှင်းလတ်ဆတ်သော အစားအစာဖြစ်ခြင်း၊ စားသုံးသူတို့အတွက် အသုံးပြုရန်သင့်တော်သော Food Colour ကိုသာ အသုံးပြု၍ အရောင်ထည့်ထားခြင်း၊ ဟင်းလျာသဖွယ် လွယ်ကူစွာ စားသုံးနိုင်ခြင်းကြောင့် သုံးစွဲသူတို့မှာ နှစ်သက်သဖြင့် ဒေသခံများအပြင် ခရီးသွားဧည့်သည်များလည်း ဒေသလက်ဆောင်အဖြစ် ဝယ်ယူသုံးစွဲမှု မြင့်တက်လျက်ရှိကြောင်း သတင်းရရှိပါသည်။

DOCA(ဧရာဝတီ)