ပြည်တွင်းကုန်သွယ်မှုသတင်း

        ပဲခူးတိုင်းဒေသကြီး နတ်တလင်းခရိုင် ပေါင်းတည်မြို့ရှိ မြို့မဈေးနှင့် ရွှေတည်ဈေးကွက်တို့တွင် ၂၀၂၅ခုနှစ်၊ ဩဂုတ်လ ပထမပတ်တွင်ဖြစ်ပေါ်ခဲ့သော  အခြေခံစားကုန်များနှင့် သားငါးဈေးနှုန်းများကို သွားရောက်စုံစမ်းခဲ့ပါသည်။

          အခြေခံစားကုန်ဈေးနှုန်းများမှာ ကြက်သွန်နီလုံးသန့်တစ်ပိဿာ(၂၀၀၀)ကျပ်၊ကြက်သွန်နီအသေးတစ်ပိဿာ(၁၅၀၀)ကျပ်၊ ကြက်သွန်ဖြူ ကြူကုတ်တစ်ပိဿာ(၁၂၀၀၀)ကျပ်၊ ကြက်သွန်       ဖြူရှမ်းမွှာတစ်ပိဿာ (၁၀၀၀၀)ကျပ်၊ ကြက်သွန်ဖြူဥတစ်လုံးတစ်ပိဿာ (၁၅၀၀၀)ကျပ်၊ အာလူးအလုံးချောတစ်ပိဿာ (၆၀၀၀)ကျပ်၊ အာလူးအသေး တစ်ပိဿာ (၄၀၀၀)ကျပ် ၊ငရုပ်ရှည် တစ်ပိဿာ(၁၂၀၀၀)ကျပ်၊ မကျည်းသီးမှည့်အစေ့လွတ် တစ်ပိဿာ(၁၅၀၀၀)ကျပ်၊ နှင့်သားငါးဈေးနှုန်းများမှာ စီပီကြက်တစ်ပိဿာ (၂၅၀၀၀)ကျပ် ၊ဗမာကြက်တစ်ပိဿာ (၃၂၀၀၀)ကျပ် ၊ဝက်သားတစ်ပိ      ဿာ (၃၃၀၀၀)ကျပ် ၊ရန်ကုန်ငါးကြင်း တစ်ပိဿာ (၂၀၀၀၀)ကျပ် ၊ ရိုးရိုးငါးကြင်း တစ်ပိဿာ (၁၅၀၀၀)ကျပ်၊ အမဲသားတစ်ပိဿာ (၃၀၀၀၀)ကျပ် ၊ ကြက်ဥတစ်လုံးလျှင် (၄၇၀) ကျပ်၊ ဘဲဥတစ်လုံးလျှင်(၆၀၀)ကျပ်၊ ပုဇွန်ထုပ်အကြီးတစ်ပိဿာ (၅၀၀၀၀)ကျပ်နှုန်းဖြင့် ရောင်းချနေကြောင်း သိရပါသည်။

         အခြေခံစားကုန်များနှင့် သားငါးဈေးနှုန်းများမှာ ယခင် ၂၀၂၅ ဇူလိုင်လ၊စတုတ္ထပါတ်  ဈေးနှုန်းနှင့် ယခု ၂၀၂၅ ဩဂုတ်လပထမပါတ်ဈေးနှုန်း နှိုင်းယှဉ်ပါကအချို့သော ကုန်ဈေးနှုန်းများမှာ အနည်းငယ်ကျဆင်းပြီး အချို့သောကုန်ဈေးနှုန်းများမှာ  တည်ငြိမ်လျက်ရှိကြောင်း  စုံစမ်း သိရှိခဲ့ရပါသည်၊

DOCA(ပဲခူး)

     ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်ရှိ မ်ိုးရာသီ ငရုတ်စိုက်ပျိုးမှုမှာ နှစ်စဉ် ဧက ၇၀ မှ၁၀၀ ခန့် စိုက်ပျိုးလျှက်ရှိပါသည်။ စိုက်ပျိုးသည့် မျိုးများမှာ ကျောက်စိမ်း၊ ပီနံ၊ တောင်ပေါ်၊ ညောင်ရမ်းမျိုးများကို စိုက်ပျိုးပြီး အများအားဖြင့် အထွက်နှုန်းကောင်းသည့် ကျောက်စိမ်းနှင့် ညောင်ရမ်းမျိုးများ  ကို ပိုမိုစိုက်ပျိုးကြောင်းသိရပါသည်။

     (မိုး)ငရုတ်စိုအား ဧပြီလကုန်တွင် စတင်စိုက်ပျိုးကြပြီး ဇွန်လတွင် စတင်ခူးဆွတ်ပါကြောင်း   ပေါ်ဦးစတွင် မြေအနေအထားနှင့် ရာသီဥတုပေါ်မှုတည်၍ တစ်ဧက ပိဿာ (၇၀)ခန့်ထွက်ရှိ ပါကြောင်း စတင်ခူးဆွတ်သည့်အချိန်၌  တစ်ပိဿာလျှင် ၅၀၀၀-ကျပ်နှုန်း ရောင်းချရပါကြောင်း (၁၀-၁၅)ရက်ခြားတစ်ကြိမ် ခူးဆွတ်ရပြီး မိုးရွာရက်များပါက (၁၀) ရက်တစ်ကြိမ်ခူးဆွတ်ရပြီး မိုးများပါကလည်း အသီးများပုတ်မှုများလည်းရှိပါကြောင်း ဒုတိယအကြိမ် ခူးဆွတ်ရာ၌ တစ်ဧကလျှင် ပိဿာ (၇၀၀)မှ (၈၀၀) ထိထွက်ရှိပြီး ခူးဆွတ်ခမှာ တစ်ပိဿာလျှင် (၅၀၀) ကျပ်နှုန်းပေး ရကြောင်းသိရပါသည်။

      ငရုတ်စို တစ်ဧက စိုက်ပျိုးမည် ဆိုပါက မျိုးစေ့ထုပ် (၁၅)ထုပ်ခန့် အသုံးပြုရပြီး  တစ်ထုပ်လျှင် ပျိုးပင်အရေအတွက် (၈၀၀)မှ (၁၂၀၀)ရရှိပါကြောင်း ၊ တစ်ဧက ကုန်ကျစရိတ်အနေဖြင့် (မျိုးစေ့၊ မြေပြုင်ခ၊ လုပ်အားခ၊ ခူးဆွတ်ခ၊ အသီးအပွင့် အားဆေး၊ ပိုးသတ်ဆေး)အပါအဝင် စုစုပေါင်း ပျမ်းမျှ  ငွေကျပ် (၁၀)သိန်းခန့် ကုန်ကျပါကြောင်းသိရပါသည်။

    ဈေးကွက်အနေဖြင့် ဒေသကုန်သည်များမှ စိုက်ခင်းအထိလာရောက် ဝယ်ယူပြီး မြဝတီမြို့၊ ရန်ကုန်မြို့၊ အောင်လံမြို့ ဈေးကွက်သို့တင်ပို့လျှက်ရှိရာ ယခုကာလတွင် လမ်းပန်းဆက်သွယ်ရေးနှင့် ရာသီဥတု အခြေအနေအရ ရန်ကုန်သီရီမင်္ဂလာဈေးသို့သာ တင်ပို့မှုရှိသဖြင့် ငရုတ်သီးစိမ်း တစ်ပိဿာလျှင် ငွေကျပ် (၂၁၀၀-၂၇၀၀) နှုန်းထိ ဈေးကျဆင်းသွားကြောင်း သိရပါသည်။ ဈေးနှုန်း အတက်အကျ ရှိသော်လည်း အထွက်ကောင်းပြီး ဈေးကွက်ရှိနေသဖြင့် အကျိုးအမြတ်ရရှိနေသည့်သီးနှံဖြစ်ကြောင်း ငရုတ်စိုက်တောင်သူထံမှ သိရပါသည်။

DOCA(ပဲခူး)

      တောင်ငူမြို့ညောင်ပင်လေးဈေးသည် ကုန်စိမ်းသည်များအဓိက လက်လီ/လက်ကား ရောင်းချသည့်နေရာ ဖြစ်သဖြင့် ဟင်းသီးဟင်းရွက်များမှာ တစ်ပါတ်နှင့် တစ်ပါတ်ဈေးနှုန်းမှာလည်း ကွာခြားလျှက်ရှိရာ ယခင်လက ခရမ်းသီး အညို(၁) ပိဿာ ၂၅၀၀ ကျပ် ၊ ယခုအပါတ်တွင် ခရမ်းသီး အညို (၁) ပိဿာ ၃၀၀၀ ကျပ် ၊ ခရမ်းသီး အဖြူ(၁) ပိဿာ ယခင်လက ၂၀၀၀ ကျပ် ၊ ယခုအပါတ်တွင် ခရမ်းသီး အဖြူ (၁) ပိဿာ ၂၇၀၀ ကျပ်၊ ခရမ်းသီး အဖြူ အဝိုင်းသီး မှာ (၁) ပိဿာ ယခင်လက ၃၀၀၀ ကျပ် ၊ယခုလတွင် ခရမ်းသီးအဖြူ အဝိုင်းသီးမှာ ၃၅၀၀ ကျပ်မှ ၄၀၀၀ ကျပ်ထိရှိပြီး ခရမ်းသီး ပြုတ်သီးမှာ (၁) ပိဿာ ယခင်လက ၂၅၀၀ ကျပ် မှ ၃၀၀၀ ကျပ် ထိရှိသော်လည်း ယခုအပါတ်တွင် (၁) ပိဿာ ၃၅၀၀ ကျပ် မှ ၄၀၀၀ ထိ မြှင့်တက်လာပြီး ကြက်ဟင်းခါးသီး (၁) ပိဿာ ယခင်အပါတ်က ၂၅၀၀ ကျပ် မှ ၃၀၀၀ ကျပ်ရှိပြီး ယခုအပါတ်တွင် (၁) ပိဿာ ၃၅၀၀ ကျပ်မှ ၄၀၀၀ ကျပ်ထိ ဈေးနှုန်းအနည်းငယ်မြှင့်တက်လာသည်။

      တောင်ငူမြို့ညောင်ပင်လေးဈေးတွင် ယခင်လက ပဲသီး (ခေါ်) ပဲတောင့်ရှည်သီး များ ၇၅ တောင့် ပါ တစ်ထုံး ကို ၂၀၀၀ ကျပ် မှ ၂၅၀၀ ကျပ် ထိဈေးရှိသော်လည်း ၁၅ တောင့် ပါ အစီး ၁ စီး ကို ၁ စီး ၅၀၀ ကျပ် မှ ၆၀၀ ကျပ်ထိဈေးနှုန်းရှိပြီး ယခုအပါတ်တွင် ၇၅ တောင့်ပါ တစ်ထုံးကို ၃၀၀၀ ကျပ် မှ ၃၅၀၀ ကျပ်ထိ ဈေးရှိပြီး ၁၅ တောင့်ပါ ၁ စီး ကို ၇၀၀ ကျပ် မှ ၈၀၀ ကျပ်ထိ ဈေးနှုန်းမြှင့်တက်လာပြီး ၊ ပဲလင်းမြွေသီး ခေါ် ဗုံပလုံသီး မှာ ယခင်လက ၁၀ တောင့် ၁ စီး ကို ၂၅၀၀ ကျပ် မှ ၃၀၀၀ ကျပ် ထိ ဈေးနှုန်းရှိသော်လည်း ယခုအပါတ်တွင်တော့ ၁၀ တောင့် ၁ စီး ကို ၃၅၀၀ ကျပ် မှ ၄၀၀၀ ကျပ် ထိ ဈေးနှုန်းအနည်းငယ်မြှင့်တက်လာကြောင်း ရောင်းချသည့်ဈေးသည်များထံမှ သတင်းရရှိပါသည်။

DOCA(ပဲခူး)

      တောင်ငူမြို့ ညောင်ပင်လေးဈေးတွင် ယခင်လက ခရမ်းချဉ်သီးများဈေးနှုန်း အနည်းငယ် မြှင့်တက်လျက်ရှိပြီး ခရမ်းချဉ်သီး အသေး (၁) ပိဿာ ၃၀၀၀ ကျပ် အလတ် (၁) ပိဿာ ၄၀၀၀ ကျပ် အကြီး (၁) ပိဿာ ၅၀၀၀ ကျပ်ထိ ဈေးနှုန်းမြှင့်တက်ခဲ့ပြီး ယခုအပါတ်တွင် ခရမ်းချဉ်သီး အသေး (၁) ပိဿာ ၂၅၀၀ ကျပ်၊  (၂) ပိဿာဝယ်လျှင် ၄၅၀၀ ကျပ် ၊ အလတ် (၁) ပိသာ ၃၀၀၀ ကျပ်၊ (၂) ပိဿာ ဝယ်ယူပါက ၅၅၀၀ ကျပ် ၊ အကြီး (၁) ပိဿာ ၄၀၀၀ ကျပ်၊ (၂) ပိဿာ ၇၅၀၀ ကျပ်ထိ အနည်းငယ်ကျဆင်းလာပြီး (၅) ပိဿာနှင့် အထက် ဝယ်ယူပါကဈေးနှုန်းအပြောင်းအလဲရှိပါသည်။

      ဂေါ်ဖီမှာ ယခင်လက (၁) ပိဿာ ၂၅၀၀ ကျပ်မှ ၃၀၀၀ ကျပ် ထိရှိသော်လည်း ယခုအပါတ်တွင် (၁) ပိဿာ ၁၂၀၀ ကျပ် မှ ၁၅၀၀ ကျပ် ထိဈေးနှုန်းကျဆင်းလာပြီး ငရုပ်သီးစိမ်းဈေးနှုန်းအနေဖြင့် ယခင်လနှင့် ယခုအပါတ် ဈေးနှုန်းအတူတူ ရှိပြီး ကျောက်စိမ်း (၁) ပိဿာ ၄၅၀၀ ကျပ် မှ ၅၀၀၀ ကျပ် ၊ မိုးထောင် (၁) ပိဿာ ၈၀၀၀ ကျပ် မှ ၁၀၀၀၀ ကျပ် ထိရှိပြီး ကုလားအော်သီး (၁) ပိဿာ ၁၆၀၀၀ ကျပ် မှ ၁၈၀၀၀ ကျပ် ထိဈေးနှုန်းရှိပြီး အခြေခံစားကုန် ကုန်စိမ်းများဖြစ်သည့်အတွက် အရောင်းအဝယ်သွက်ကြောင်း ကုန်စိမ်းရောင်းချသည့် ဈေးသည်များထံမှ သိရှိရပါသည်။

DOCA(ပဲခူး)

    တောင်ငူမြို့နယ်တွင် ထန်းပင်ထန်းတောများ ပေါများစွာရှိရာ မိရိုးဖလာ ထန်းလျက်လုပ်ငန်း ကိုလည်း တစ်နိုင်တစ်ပိုင် လုပ်ကိုင်ကြသူတွေ ရှိပါသည်။ တောင်ငူမြို့နယ် ဆင်ဆိပ်ကျေးရွာအုပ်စု၊ ပက်တန်းကျေးရွာရှိ တစ်နိုင်တစ်ပိုင် ထန်းလျက်လုပ်ငန်းဖြင့် မိသားစုအပိုဝင်ငွေ ရရှိပါသည်။ ထန်းလျက်ကို ထန်းရည်အချိုဖြင့် ချက်ရကြောင်း သိရပါသည်။

   ထန်းပင်ပေါ်မှ ချချချင်း ထန်းရည်အိုး (၇)အိုးမှ(၈)အိုးခန့် ထန်းရည်အချိုများကို သန့်စင်၍ မိုးပြဲဒယ် တစ်လုံးတွင်ထည့်ပြီး မီးပြင်းပြင်းနှင့် ပွက်လာသည်အထိ ကျိုပေးပြီး သာမအောင် မွှေပေး ရပါသည်။ တစ်ပြိုင်တည်းတွင် မိုးပြဲဒယ် သုံး၊ လေးလုံးခန့် ကျိုချက်ပါသည်။ အရည်ပျစ်လာ၍ ထန်းလျက်သားကျသည့်အခါ မီးဖိုပေါ်မှချပြီး ယောင်းမကြီးနှင့်ကော်၍ ဝါးဖြင့် သုံးမြှောင့်ပုံ အတုံး ချွန်ချွန်ပုံစံ ခုတ်ပေးရပါသည်။

    တောင်ငူထန်းလျက်၏ ထူးခြားချက်မှာ အခြားဒေသ ထန်းလျက်များကဲ့သို့ အလုံးမဟုတ်ဘဲ သုံးမြှောင့်ပုံ အတုံးချွန်ချွန်လေးများ ဖြစ်ပါသည်။ တစ်ဒယ်လျှင် ထန်းလျက် ၁ပိဿာခွဲခန့်ရကြောင်း သိရပါသည်။ ယခုအခါတွင် ထန်းလျက် ၁ပိဿာ ကို ၁၀၀၀၀ ကျပ် ရောင်းချရပါသည်။ ထန်းရည် ကျိုစဉ်တွင် အုန်းသီးရောကျို၍ အုန်းထန်းလျက်အဖြစ်လည်းကောင်း၊ ဇီးသီးမှုန့်ရောကျို၍ ဇီးထန်းလျက် အဖြစ်လည်းကောင်း ထုတ်လုပ်ကြပါသည်။ အုန်းထန်းလျက်နှင့် ဇီးထန်းလျက်များကို ၁ပိဿာလျှင် ၁၄၀၀၀ ကျပ်ဖြင့် ရောင်းချကြောင်း ပက်တန်းကျေးရွာမှ ထန်းလျက်ပြုလုပ်ရောင်းချသူတစ်ဦး၏ ပြောကြားချက်အရ သိရပါသည်။

DOCA(ပဲခူး)