ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီးတွင် ရော်ဘာကို အဓိကစီးပွားရေးလုပ်ငန်းတစ်ခုအဖြစ် လုပ်ကိုင်လျက်ရှိကြသည်။ ပြည်တွင်းတွင် ရော်ဘာကို မြန်မာနိုင်ငံတောင်ပိုင်းဒေသများဖြစ်သည့် မွန်ပြည်နယ်၊ ကရင်ပြည်နယ်နှင့်တနင်္သာရီတိုင်းဒေသကြီးတို့တွင် အများဆုံး စိုက်ပျိုးပြီး ပဲခူးတိုင်းဒေသကြီး နှင့် ရန်ကုန်တိုင်းဒေသကြီးတို့တွင်လည်း စိုက်ပျိုးကြကြောင်း သိရှိရပါသည်။

     တနင်္သာရီတိုင်းဒေသကြီးမှ ယခုမေလ စတုတ္ထအပတ်အတွင်း ရော်ဘာဈေးနှုန်းအခြေအနေမှာ RSS -3 တစ်ပေါင်လျှင်(၂၈၀ဝိ/-)ကျပ်နှင့် RSS-5 တစ်ပေါင်လျှင်(၂၇၀ဝိ/-)ကျပ်ဈေးနှုန်းရှိကြောင်း သိရှိရပါသည်။ သို့ပါ၍ ယခင်အပတ်ဈေးနှုန်းနှင့် နှိုင်းယှဉ်ပါက ယခုအပတ်ဈေးနှုန်းမှာ မိုးရာသီဖြစ်သဖြင့် ရာဘာများ ခြစ်ယူမှုနည်းခြင်းကြောင်း စျေးနှုန်းအနည်းငယ်တက်လျက်ရှိကြောင်း သိရှိရပါသည်။    

DOCA(တနင်္သာရီ)

              မင်္ဂလာဒုံမြို့နယ်ရှိ ရတနာသီရိဈေးအတွင်းသို့ မေလ(14)ရက်နေ့မှ မေလ(20)ရက်နေ့ အထိ တပ်ကုန်း၊ ရွှေတောင်၊ ဝက်ပုတ်၊ ပုတီးကုန်း၊ အောင်ပန်း၊ မင်းလှ၊ နတ်တလင်း၊ ကြို့ပင် ကောက်နှင့် ခရမ်းသုံးခွတို့မှ ဟင်းသီးဟင်းရွက်များ ဝင်ရောက်ရောင်းချနေကြောင်း သိရှိရပါ သည်။ ထိုသို့ ဝင်ရောက်ရာတွင် ယခုရက်သတ္တပတ်အတွင်း ဂေါ်ဖီ(ထုပ်) ကျပ် 100၀ မှ  18၀၀၊ ဂေါ်ရခါးသီး (လုံး)ကျပ် 45၀ မှ  500၊ ခရမ်းချဉ်သီး (ပိဿာ) ကျပ် 15၀၀ မှ 20၀၀၊ ပန်းဂေါ်ဖီ (ထုပ်) ကျပ် 15၀၀ မှ 20၀၀၊ ခရမ်းသီး(ပိဿာ) ကျပ် 100၀ မှ  15၀၀၊ ခဝဲသီး(တောင့်) ကျပ် 60၀ မှ  70၀၊ ဂျူးမြစ်(ပိဿာ) ကျပ် 18၀၀ မှ 21၀၀၊ ငရုတ်သီးစိမ်း (ပိဿာ) ကျပ် 15၀၀ မှ  22၀၀၊ ပဲသီး(စီး) ကျပ် 5၀၀ မှ 80၀၊ ကန်စွန်းရိုးနီ (စီး) ကျပ် 15၀ မှ 20၀၊ ချဉ်ပေါင်ရွက်(စီး) ကျပ် 15၀ မှ 20၀၊ ဗုံလုံသီး(တောင့်)ကျပ် 40၀ မှ 6၀၀၊ သံပုရာသီး(လုံး) ကျပ် 10၀ မှ  15၀၊ ကင်ပွန်းချဉ်(စီး)ကျပ် 10၀ မှ 20၀၊ ငရုတ်အာဝါးသီး(တောင့်) ကျပ် 10၀ မှ 150၊ ကြက်ဟင်းခါးသီး(လုံး)ကျပ် 30၀ မှ 35၀၊ ရှမ်းနံနံ(စီး) ကျပ် 150 မှ 20၀၊ ပင်စိမ်း(စီး) ကျပ် 10၀ မှ 15၀၊ ရွှေဖရုံသီး(ကြီး/လတ်/သေး) ကျပ် 100၀ မှ 20၀၀၊ ကျောက်ဖရုံသီး(လုံး) ကျပ် 200၀ မှ 25၀၀၊ ဗူးသီး(လုံး)ကျပ် 20၀၀ မှ 250၀၊ ဂွေးတောက်ရွက်(စီး) ကျပ် 10၀ မှ 150၊ ရုံပတီသီး(တောင့်) ကျပ် 30 မှ 50၊ ခရမ်းကျွတ်သီး (လုံး) ကျပ် 20 မှ 30၊ ပဲစောင်းလျားသီး(ပိဿာ) ကျပ် 220၀ မှ 25၀၀၊ ရွှေပဲသီး(ပိဿာ) ကျပ် 70၀၀ မှ 80၀၀၊ ငရုတ်ပွ(ပိဿာ) ကျပ် 50၀၀ မှ 70၀၀၊ မုန်လာဥနီ (ပိဿာ) ကျပ် 80၀၀ မှ 90၀၀၊ ဘိုစားပဲ(ပိဿာ) ကျပ် 80၀၀ မှ 120၀၀၊ ကိုက်လန်(စီး) ကျပ် 60၀ မှ 80၀၊ တရုတ်နံနံ (စီး)ကျပ် 30၀ မှ 50၀၊ ဗမာနံနံ(ပိဿာ) ကျပ် 20၀၀ မှ 30၀၀၊ မျှစ်(ပိဿာ) ကျပ် 250၀ မှ 30၀၀၊ တရုတ်ကန်စွန်း(စီး) ကျပ် 30၀ မှ 50၀၊ ဆူးပုတ်(စီး) ကျပ် 15၀ မှ 30၀၊ မြင်းခွာရွက် (စီး) ကျပ် 10၀ မှ 15၀၊ ဟင်းနုနွယ်(စီး) ကျပ် 20၀ မှ 30၀၊ ပြောင်းဖူး(ဖူး)ကျပ် 60၀ မှ 80၀၊ မုန့်ညှင်းရွက်(စီး) ကျပ် 30၀ မှ 50၀၊ ဆလပ်ရွက် (စီး) ကျပ် 20၀ မှ 25၀၊ ခရမ်းပြုတ်သီး(ပိဿာ)ကျပ် 13၀၀ မှ 18၀၀၊ ဒညင်းသီး(လုံး) ကျပ် 7၀ မှ 15၀ အတွင်းဖြစ်ကြောင်း သိရှိရပါသည်။ ရတနာသီရိဈေးအတွင်းသို့ နေ့စဉ်ကုန်အဝင်မှာ ရုံးပတီသီး ကုန်ချိန်ပိဿာ (250၀) ကျော်၊ ငရုတ်ပွကုန်ချိန်ပိဿာ (250၀)ကျော်၊ ခရမ်းသီးကုန်ချိန်ပိဿာ (20၀၀)ကျော်၊ ရွှေဖရုံသီးကုန်ချိန်ပိဿာ (30၀၀)ကျော်၊ နံနံပင်ကုန်ချိန် ပိဿာ (100၀)ကျော် အသီးသီးအဝင်ရှိကြောင်း သိရှိရပါသည်။

DOCA (ရန်ကုန်)

     မြိတ်မြို့၊ သီဟဇေယျာဈေးကြီး၌ ဘုရားပန်းအမျိုးမျိုးဖြစ်သော အိုစကာပန်း၊ ပုလဲဖြူပန်း (ဂန္ဓာမာပန်း)၊ မြနှင်းပုလဲပန်း(ချင်းမိုင်ပန်း)၊ စန်းမားဝါးပန်း၊ လီလီပန်း(မင်္ဂလာပန်း)၊ နှင်းဆီပန်း၊ သပြေပန်း(အောင်သပြေ)အငုတ်၊ ဇွန်စိမ်းပန်းတို့ကို ရန်ကုန်မြို့မှ တစ်ပတ်လျှင် နှစ်ကြိမ်ခန့် ကားလမ်း၊ လေယာဥ်လမ်းတို့ဖြင့် ဝယ်ယူရောင်းချလျက်ရှိပါသည်။

   ၂၀၂၅ခု၊ မေလနောက်ဆုံးပတ်တွင် လူကြိုက်များ၍ အဝယ်များသော ပုလဲဖြူပန်း(ဂန္ဓာမာပန်း)(၁၀)ပွင့်တစ်စည်းလျှင်(၄၀၀၀)ကျပ်၊ မြနှင်းပုလဲပန်း(ချင်းမိုင်ပန်း)(၁၀)ပွင့်တစ်စည်းလျှင် (၃၀၀၀)ကျပ်၊ နှင်းဆီပန်း (၁၀)ပွင့်တစ်စည်းလျှင်(၁၃၀၀၀)ကျပ်၊ လီလီပန်း(မင်္ဂလာပန်း) ၁၀ခက် တစ်စည်းလျှင်(၂၀၀၀၀)ကျပ်၊ သပြေပန်း(အောင်သပြေ) အငုတ်တစ်ခု လျှင် (၁၅၀၀)ကျပ်၊ ဇွန်စိမ်း ပန်း(၁၀)ခက် တစ်စည်းလျှင် (၄၀၀၀)ကျပ်ဈေးနှုန်းတို့ဖြင့် ရောင်းချလျက်ရှိနေသည်ကို တွေ့ရှိရပါသည်။ ယခုမေလနောက်ဆုံးပတ်တွင် ဘုရားပန်းများအဝင်များလာသဖြင့် ဈေးနှုန်းအနည်းငယ် ကျဆင်းခဲ့ကြောင်း သတင်းရရှိပါသည်။

DOCA(တနင်္သာရီ)

      ကချင်ပြည်နယ်၊ မိုးညှင်းခရိုင်သည် မိုးစပါးရိတ်သိမ်းပြီးနောက် သီးထပ်၊ သီးညှပ်အဖြစ် ပဲပုပ်ကို အဓိကထားစိုက်ပျိုးသော ဒေသတစ်ခုဖြစ်ပြီး ပဲပုပ်ကို ဆောင်းသီးနှံအဖြစ် အောက်တိုဘာလနှင့် နိုဝင်ဘာလတို့တွင် စိုက်ပျိုးကြပြီး ဧပြီလနှင့် မေလတို့တွင် ရိတ်သိမ်းကြပါသည်။ ယခုအချိန်တွင် ပဲပုပ်စေ့များ လှိုင်လှိုင်ထွက်‌ပေါ်လာပြီဖြစ်ပါသည်။ ပဲပုပ်စိုက်ပျိုးရာတွင် သဘာဝ မြေဩဇာ၊ နွားချီး၊ မြေဆွေးနှင့် ဓါတ်မြေဩဇာများကို တွဲဖက်အသုံးပြုနိုင်ခြင်းဖြင့် ပဲပုတ်ပင်အကြီးမြန် စေခြင်း၊ ရေအစိုဓါတ်ကိုပိုမိုထိန်းသိမ်းနိုင်စေခြင်း၊ မြေတွင်းရှိအာဟာရဓါတ်များကိုစုပ်ယူလွယ်ခြင်းများကြောင့် ပဲပုပ်အထွက်ကောင်းရရှိစေပါသည်။ ပဲပုပ်သီးနှံတွင် ရောဂါကျရောက်မှုနည်းပါးစေရန် နှင့်ပိုးမွှားရောဂါဒဏ်မှ ကာကွယ်နိုင်ရန်အတွက် သက်ဆိုင်ရာပိုးသတ်ဆေးများအားလည်း ရွေးချယ် ပက်ဖြန်းပေးရန်လိုအပ်ပါသည်။ မိုးညှင်းဒေသနှင့် ကိုက်ညီသည့် ပဲပုပ်မျိုးများဖြစ်သည့် ရေဆင်း-၁၄၊ ရေဆင်း-၁၅ မျိုးများအား အဓိကစိုက်ပျိုးလျက်ရှိပြီး ၂၀၂၄-၂၀၂၅ ဘဏ္ဍာရေးနှစ်တွင် စိုက်ဧက (၃၈၈၂)ဧကအပေါ် ရိတ်သိမ်းဧက (၃၈၆၇)ဧက ရိတ်သိမ်းခဲ့ပြီး တစ်ဧကအထွက်နှုန်း (၁၈.၈၆)တင်း ထွက်ရှိ၍ စုစုပေါင်းအထွက်တင်း (၇၂၉၃၂)တင်း ထွက်ရှိခဲ့ကြောင်း စိုက်ပျိုးရေးဦးစီးဌာနမှ သိရပါသည်။

          မိုးညှင်းပဲပုပ်ဈေးကွက်အနေဖြင့် ဒေသ‌‌ပေါက်ဈေး (၁၈)ပိဿာပါ တစ်တင်းလျှင် ၇၃၀၀၀ ကျပ်မှ ၇၅၀၀၀ ကျပ်ဖြင့် ဝယ်ယူလျက်ရှိကြောင်း၊ မန္တလေးဈေးကွက်သို့ တင်ပို့ရာတွင် (၁၈)ပိဿာပါ တစ်တင်းလျှင် ၉၈၀၀၀ ကျပ်မှ ၁၀၁၀၀၀ ကျပ်ဖြင့် အရောင်းအဝယ်ဖြစ်နေကြောင်း၊ မန္တလေး ဈေးကွက်သို့ မော်တော်ယာဉ်များဖြင့် အဓိကတင်ပို့လျက်ရှိပြီး (၁၈)ပိဿာပါ တစ်အိတ်လျှင် ၁၅၀၀၀ ကျပ် ကျသင့်ကြောင်း၊ ယခုနှစ်တွင် လမ်းခရီးအခြေအနေအခက်အခဲများကြောင့် တင်ပို့မှုလျော့နည်းနေကြောင်းနှင့် ယခုအချိန်အထိ တင်ပို့မှု တင်း(၃၇၀၀၀)တင်းခန့် တင်ပို့ထားကြောင်း ပဲပုပ်ကုန်သည် တစ်ဦးထံမှ သိရပါသည်။

          တင်ပို့မှုလျော့နည်းခြင်းကြောင့် ဒေသတွင် ပဲပုပ်လက်ကျန်များရှိနေပြီး ဒေသတွင်းအသုံးပြုမှု နည်းပါးခြင်းကြောင့် ပဲပုပ်ဆီကြိတ်ခွဲထုတ်လုပ်ပါက ဒေသတွင်း ဆီဖူလုံရေးနှင့် တိရစ္ဆာန်အစားအစာအတွက် အထောက်အကူဖြစ်နိုင်သလို ဒေသတွင်း အလုပ်အကိုင်အခွင့်အလမ်းနှင့် ပဲပုပ်စိုက်ပျိုးသူများ၊ ဆီစက်လုပ်ငန်းရှင်များ ဝင်ငွေအခွင့်အလမ်းများ ပိုမိုရရှိနိုင်မည်ဖြစ်သောကြောင့် ပဲပုပ်ဆီ ထုတ်လုပ်သည့် နည်းပညာများ၊ လူတိုင်းစားသုံးနိုင်ရန်အတွက် ဆီထုတ်လုပ်ရာတွင် သန့်စင်သည့် နည်းပညာများရရှိနိုင်ရန် သက်ဆိုင်ရာဌာနများအနေဖြင့် ပံ့ပိုးဖြည့်ဆည်း‌ဆောင်ရွက်ပေးပါက အကျိုးအမြတ်များစွာ ရရှိမည်ဖြစ်ကြောင်း မိုးမြင့်ကြယ်ပဲပုတ်အသင်းမှ ပြောကြားလာခဲ့ပြီး မိုးညှင်းဒေသထွက် ပဲပုပ်စိုက်ပျိုးထုတ်လုပ်မှုနှင့် ဈေးကွက်အခြေအနေအား တင်ပြလိုက်ပါသည်။

DOCA(ကချင်)

      ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ်၏ ဆန်ကွဲဖွဲနုဈေးကွက်အနေဖြင့် မေလဒုတိယပတ်တွင် ဆန်ကွဲဈေးနှုန်းများမှာ ဆန်ကွဲ(Extra) တစ်အိတ်လျှင် (၄၈၀၀)ကျပ်၊ဆန်ကွဲ (၁၂)တစ်အိတ်လျှင် (၄၆၀၀၀)ကျပ်၊ဆန်ကွဲ(၂၃၄) တစ်အိတ်လျှင် (၄၄၀၀၀)ကျပ်နှင့် ဖွဲနုဈေးနှုန်းမှာ တစ်ပေါင်လျှင်(၃၇၅)ကျပ်ဈေးရှိခဲ့ပါသည်။ယခုမေလတတိယပတ်တွင် ဆန်ကွဲဈေးနှုန်းများမှာ ဆန်ကွဲ(Extra)တစ်အိတ်လျှင် (၄၆၀၀၀)ကျပ်၊ဆန်ကွဲ(၁၂) တစ်အိတ်လျှင် (၄၅၀၀၀)ကျပ်၊ဆန်ကွဲ(၂၃၄) တစ်အိတ်လျှင် (၄၃၀၀၀)ကျပ်၊ဖွဲနုဈေးနှုန်းမှာတစ်ပေါင်လျှင် (၃၈၂)ကျပ်ဈေးဖြင့် ရောင်းချလျက်ရှိသောကြောင့် ယခင်အပတ်နဲ့ယှဉ်လျှင် ဆန်ကွဲဈေးနှုန်းမှာ အနည်းငယ်ကျဆင်း၍ ဖွဲနုဈေးနှုန်းမှာ အနည်းငယ်မြင့်တက်လျက်ရှိကြောင်း သိရှိရပါသည်။

DOCA(ပဲခူး)