ပြည်တွင်းကုန်သွယ်မှုသတင်း

          ဧရာဝတီတိုင်းဒေသကြီးအတွင်း ပြည်တွင်းဈေးကွက်သုံးစွဲရန် တစ်တိုင်းလုံးမြေပဲ စိုက် ဧက (၈၅၃၉၄) စိုက်ပျိုးလျက်ရှိပြီး မြန်အောင်မြို့နယ်သည် မြေပဲအဓိကစိုက်ပျိုးရာ မြို့နယ် တစ်ခုဖြစ်၍ နှစ်စဉ် စိုက်ဧက(၄၉၆၁၅) ဧက မြန်မာ့ရိုးရာမုန့်လုပ်ငန်းများ ၊ စားသောက်ကုန် လုပ်ငန်းများတွင် သုံးစွဲလျက်ရှိသည့်အပြင် မြေပဲကို ကြိတ်ခွဲ၍ မြေပဲဆီအဖြစ်လည်း ရောင်းချလျက်ရှိရာ မြေပဲမှာ အရောင်းအဝယ် ပုံမှန်ဖြစ်နေကြောင်း ဈေးကွက်မှ သိရသည်။

           ထွက်ရှိလာသော မြေပဲကို မြန်အောင်မြို့နယ်အတွင်း မြေပဲဈေးနှုန်းမှာ အရည်အသွေးပေါ်မူတည်၍ ယခင်နှစ်က ၁ပိဿာလျှင် အနိမ့်ဈေး၊ အမြင့်ဈေး ကျပ် ၅၀၀၀/၇၀၀၀ ဈေးဖြင့်အရောင်းအဝယ်ဖြစ်လျက်ရှိသော်လည်း ယခုနှစ်မြေပဲဈေးနှုန်းမှာ ၁ပိဿာလျှင် အနိမ့်ဈေး ၊ အမြင့်ဈေး ကျပ် ၇၀၀၀/ ၇၅၀၀ ဈေးရရှိသည့်အတွက် ယခင်နှစ်ဈေးနှုန်းဖြင့် နှိုင်းယှဉ်ပါက မြေပဲဈေးနှုန်းမှာ ၁ပိဿာကျပ် ၂၀၀၀/၅၀၀ ဈေးနှုန်း ပိုမိုရရှိကြောင်း မြေပဲဈေးကွက်မှ သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီးအတွင်း ပင်လယ်ကမ်းခြေနှင့် နီးကပ်လျက်ရှိသော သက္ကသောင်၊ သမ္မာဒေဝ၊ တောင်ကလေးကျေးရွာများနှင့် အခြား ပုတောမြို့နယ်အတွင်းရှိ ဟိုင်းကြီးကျွန်းကျေးရွာ မော်တင်၊ ဇီးချိုင်၊ ကံချိုင်၊ ကျေးရွာများ၊ချောင်းသာ၊ ငွေဆောင်ဝန်းကျင်ကျေးရွာများတွင် ရေချို၊ ရေငန်ပုဇွန်များကိုဖမ်းဆီးလျက်ရှိပြီး ပုသိမ်ဈေးကွက်သို့လာရောက် ရောင်းချလျက်ရှိကြောင်း ဈေးကွက်မှ သိရသည်။

          ပုသိမ်ဈေးကွက်တွင် ဒေသတွင်းစားသုံးရန်နှင့် ရန်ကုန်ဈေးကွက်သို့ အဓိကတင်ပို့ရောင်းချလျက်ရှိပြီး ဂရမ် ၂၅၀အထက် ပုဇွန်ဈေးမှာ ၁ပိဿာ ၈၅၀၀၀ကျပ်၊ ဂရမ် ၂၀၀အထက် ဈေးမှာ ၁ပိဿာ ၆၅၀၀ကျပ်ဈေးနှင့် ဂရမ် ၅၀ မှ၁၀၀ အတွင်း ၅၀၀၀၀/၆၀၀၀၀ ကျပ်ဈေးနှုန်းဝန်းကျင် ပုဇွန်အရွယ်အစား အလိုက် ၂၀၀၀၀/၄၀၀၀ရ ကျပ်အတွင်းရှိ ပုဇွန်များကိုလည်း ဈေးကွက်အတွင်းရောင်းချလျက်ရှိကြောင်း သိရသည်။

          ပုသိမ်ဈေးကွက်မှ ပြည်ပဈေးကွက်သို့ တိုက်ရိုက်တင်ပို့ရောင်းချမှုမရှိဘဲ ရန်ကုန်မြို့ရှိ စံပြဈေး၊ ရွှေပိတောက်ပါးဈေးသို့ နေ့စဉ်တင်ပို့ရောင်းချလျှက်ရှိပြီး ပြည်ပသို့တင်ပို့ရောင်းချသည့် ကုမ္ပဏီများ၊အဝယ်တော်များမှ ရန်ကုန်မြို့ရှိ ဂရမ် ၂၀၀အထက်နှင့် ဂရမ် ၂၅၀ အထက် ပုဇွန်များကို အဆိုပါဈေးများတွင် လာရောက်ဝယ်ယူလျက်ရှိပြီး အရှေ့တောင်အာရှနိုင်ငံများဖြစ်သော ယိုးဒယား၊ စင်္ကာပူ၊ အာရှမှာ ဂျဒပန်နိုင်ငံနှင့် ဥရောပနိုင်ငံများသို့လည်း တင်ပို့ရောင်းချလျက်ရှိကြောင်း ပုသိမ်ဈေးကွက်မှရေထွက်ပစ္စည်း များရောင်းချရာတွင် ရန်ကုန်မြို့ရှိ အဝယ်နိုင်ငံများမှ ဖွင့်လှစ်သောဈေးနှုန်းဖြင့် သာရောင်းချရပြီး ရန်ကုန်မြို့ရှိ ပြည်ပသို့ပို့သော ကုမ္ပဏီများမှလည်း အရည်အသွေး၊ ဝယ်လိုအား၊ ဈေးကွက်ပေါ်မူတည်၍ အရောင်းအဝယ်ပြုလုပ်ရကြောင်း ပုသိမ်မြို့ ရေထွက်ပစ္စည်း ရောင်းဝယ်ရေးလုပ်ငန်းရှင်ထံမှ သိရှိရပါသည်။

DOCA (ဧရာဝတီ)

          မြန်မာနိုင်ငံသည် စိုက်ပျိုးရေးနိုင်ငံဖြစ်ပြီး နှစ်စဉ် လက်ယာထွက်ကုန်သီးနှံအမယ်ပေါင်း ၆၀ ဖြင့် ပဲမျိုးစုံစိုက်ဧက (၂၁) ရာခိုင်နှုန်းကျော်ရှိပြီး ပဲမျိုးစုံ သီးနှံ (၁၉) မျိုး စိုက်ပျိုးလျက်ရှိရာ ပြည်ပဈေးကွက်ဝင် မတ်ပဲ၊ ပဲတီစိမ်း စိုက်ဧကမှာ ပဲစိုက်ပျိုးထုတ်လုပ်မှု၏ (၇၀) ရာခိုင်နှုန်း နီးပါး ရှိကြောင်း ပဲအမျိုးမျိုးစိုက်ပျိုးလျက်ရှိသော်လည်း ဈေးကွက်တွင် အများဆုံးစားသုံးလျက် ရှိသော ကုလားပဲ၊ ပဲစင်းငုံ၊ ပဲပုတ်၊ စားတော်ပဲ၊ မြေပဲ၊ ထောပတ်ပဲ၊ ပဲကြီး၊ ဘိုကိတ်ပဲ၊ ပဲနီလေး၊ ပဲဝါလေး၊ ပဲလွန်း၊ ကောက်ညှင်းကူပဲ၊ ပဲကတ္တတီပါ၊ မြေထောက်ပဲတို့မှာ ပြည်တွင်းဈေးကွက်တွင် အရောင်းအဝယ် သွက်လျက်ရှိပြီး ပြည်ပသို့အဓိကတင်ပို့နေသော မတ်ပဲကို စစ်ကိုင်းတိုင်းတွင် မိုးရာသီ ဧရာဝတီတိုင်းနှင့်ပဲခူးတိုင်းဒေသကြီးတို့တွင် မိုးစပါးရိတ်သိမ်းပြီးချိန် ဆောင်းရာသီတွင် သီးထပ် သီးနှံအဖြစ် စိုက်ပျိုးလျက်ရှိပြီး မတ်ပဲစိုက်ပျိုးဧရိယာ၏ (၉၀) ရာခိုင်နှုန်းခန့်မှာ အောက်မြန်မာပြည်တွင် စိုက်ပျိုးလျက်ရှိပြီး ဧရာဝတီတိုင်းအတွင်းမှာလည်း မြို့နယ်အားလုံးနီးပါး မတ်ပဲစိုက်ဧက (၉၉၉၄၂၆) ကျော် စိုက်ပျိုးလျက်ရှိပြီး နှစ်စဉ် တင်းပေါင်း သိန်း (၉၀) ဝန်းကျင် တင်ပို့လျက်ရှိကြောင်း သိရသည်။

          မြန်မာ့လယ်ယာထွက်ကုန်ကဏ္ဍတွင် ပြည်ပဈေးကွက်အတွက် ဆန်စပါးပြီးလျှင် ပဲမျိုးစုံ သီးနှံမှာ ဒုတိယအမျိုးဆုံး တင်ပို့လျက်ရှိပြီး မတ်ပဲကို ပြည်တွင်း၌ ပဲပင်ပေါက်၊ ပဲဟင်း၊ ပရာကြော်၊ ပါပရာ၊ တိုရှည်၊ ပဲမုန့်တို့ပြုလုပ်ကာ အနည်းငယ်သာ စားသုံးမှုရှိပြီး အများအားဖြင့် ပြည်ပဈေးကွက် အကျိုးအမြတ်များစွာရရှိနေသောအတွက် စိုက်ပျိုးထုတ်လုပ်လျက် ဈေးကွက်ဝင်သီးနှံ ဖြစ်ပါသည်။  မတ်ပဲသည်ပူနွေး၍ ခြောက်သွေ့သော ရာသီဥတုကို ကြိုက်နှစ်သက်ပြီး အပူချိန်မြင့်မားခြင်းကို ခံနိုင်ရည်ရှိသည့်အတွက် နေရောင်ခြည်ကောင်းစွာရရှိ၍ အပူချိန် (၂၅) ဒီဂရီစင်တီ ဂရိတ်မှ (၃၅) ဒီဂရီစင်တီဂရိတ်အတွင်း ရှိသည့်ဒေသများနှင့် ရေငတ်ဒဏ်ခံနိုင်ရည် ရှိသည့် အတွက် တစ်နှစ်မိုးရေချိန် (၃၆) လက်မ အောက်ရွာသွန်းသည့် ဒေသများတွင် အောင်မြင်ဖြစ်ထွန်းလျက် မိုးများသောဒေသများတွင် ဆောင်းသီးနှံအဖြစ် စိုက်ပျိုးကြပြီး၊ ရာသီဥတုမိုးရေချိန်နှင့် အပူချိန်များအရ မိုးရာသီ မြန်မာနိုင်ငံအထက်ပိုင်းနှင့် အလယ်ပိုင်းမိုးများသော အောက်ပိုင်းဒေသများတွင် မတ်ပဲကို မိုးနှောင်းနှင့် ဆောင်းဦးတွင်သာ စိုက်ပျိုးပြီး ဆောင်းနှောင်းနှင့် နွေဦးရာသီတွင် ရိတ်သိမ်းကြပါသည်။ မတ်ပဲကို မြေသားနု၍ ရေမဝပ်သော မြေတွင်စိုက်ပျိုးနိုင်ပြီး မြေစေးကို ကြိုက်နှစ်သက်၍ အသင့်တော်ဆုံး အထွက်နှုန်းရရှိရန် မြေနီ(သို့မဟုတ်) သဲသမမြေ၊ လယ်မြေကဲ့သို့ မြေများတွင်လည်း စိုက်ပျိုးနိုင်ကြောင်း သိရှိရပါသည်။

DOCA(ဧရာဝတီ)

     မွန်ပြည်နယ်၊ ကျိုက်မရောမြို့နယ်ရှိ အောင်သုခရပ်ကွက်တွင် စီးပွားဖြစ် ကြက်ဟင်းခါး သီး စိုက်ပျိုးရောင်းချသူများ ယခုနှစ်တွင် မိုးကောင်းပြီး အသီးအထွက်နှုန်းလည်းကောင်းကာ ဈေးကောင်းလည်းရနေသဖြင့် မိသားစုအပိုဝင်ငွေတိုး၍ စီးပွားရေး အဆင်ပြေလျက်ရှိကြောင်း သိရသည်။

ကြက်ဟင်းခါးသီး တစ်ဧကစိုက်ပျိုးရန်အတွက် မြေအမျိုးအစားပေါ်မူတည်၍ ရွေးချယ် ရကြောင်း  သဲနှုန်းမြေပွပွပေါ်တွင် မြေသြဇာအဖြစ် နွားချေးကို ထည့်ပေးရပါတယ်၊ ကြက်ဟင်းခါးသီး တစ်ဧကလျှင်  မျိုးစေ့များကို အိတ်လေးများဖြင့် ပျိုးထောင်၍ အပင်ပေါက်လေးများ  ရှင်သန်လာလျင်    အိတ်လေးများကို ခွဲ၍ အတန်းလိုက်ချ၍ စိုက်ပျိုးပေးရပါတယ်၊   စိုက်ပျိုးပြီး     ရက်ပေါင်း ၂၀ ခန့်အကြာတွင်   အညွန့်လေးများ ထွက်လာပြီး စင်ပေးရကြောင်း၊ စင်ပေးပြီး ၄၅ ရက်ကြာလျှင် ကြက်ဟင်းခါးသီး အသီးများ လှိုင်လှိုင် ထွက်လာခဲ့ပြီး အပင်ကို သုံးရက်တစ်ခါ ရေမောင်းပေးရပါတယ်   ကြက်ဟင်းခါးသီး တစ်ဧကအတွက် ကုန်ကျစရိတ်အနေဖြင့် ငွေကျပ်ခြောက်သိန်းခန့် ကုန်ကျကြောင်း စင်ပေါ်မူတည်ပြီး   ကုန်ကျစရိတ် သိရကြောင်း အသီးကို နှစ်ရက်ခြား တစ်ကြိမ် တစ်ကြိမ်အလုံး ၁၀၀၀ ခန့် ခူးယူရရှိနိုင်ကြောင်း၊ ယခုကာလမှာ ကြက်ဟင်းခါးသီးဈေးနှုန်း ကောင်းသဖြင့်  တစ်လုံးလျှင် ၅၀၀ ကျပ်မှ ၆၀၀ ကျပ်အထိ ရရှိသဖြင့် တစ်ကြိမ်ခူးလျှင် ငါးသိန်းခန့် ရရှိသဖြင့် မိသားစုများ ပုံမှန်ဝင်ငွေရရှိဖြင့် အဆင်ပြေလျှက်ရှိကြောင်း၊ ကြက်ဟင်းခါးသီး စီးပွားဖြစ် စိုက်ပျိုးရောင်းချသူ ဒေါ်စိုးစိုးလွင်၏ ပြောပြချက်အရ သိရသည်။ ကြက်ဟင်းခါးသီးကို လူတိုင်းကြိုက်နှစ်သက်ကြပြီး မြန်မာထမင်းဝိုင်းတွင် မပါမဖြစ် စားသုံးကြကြောင်း  ထမင်းလည်းမြိန်ကာ ကြက်ဟင်းခါးသီးကို ပုံစံအမျိုးမျိုးဖြင့် ချက်ပြုတ်စားသောက်ကြကြောင်း ကြက်ဟင်းခါးသီးစားပေးခြင်းက နာကျင်မှုဝေဒနာကို လျော့ပါးသက်သာစေနိုင်သဖြင့် စိုက်ပျိုး ရောင်းချသူများလာကြောင်း သိရသည်။

DOCA (မွန်)

       မန္တလေးမြို့တွင်းသို့ ယခုရက်ပိုင်းအတွင်း ဘူးသီးများဝင်ရောက်မှုများပါသည်။ ဘူးသီး ကို ဟင်းလျာအဖြစ်ချက်ပြုတ်စားသုံးခြင်း ၊ ဘူးသီးကြော်အဖြစ်ကြော်၍ စားသုံးခြင်းဖြင့် စား သောက်ကုန်တစ်ခုအဖြစ် ရောင်းဝယ်လျက်ရှိပါသည်။ ဘူးပင်ကို သီးသန့်စိုက်ပျိုးခြင်းမရှိဘဲ လယ်မြေယာမြေများတွင် စိုက်ပျိုးကြပါသည်။ ဘူးပင်သည် အသီးသာမက အရွက်အညွှန့်များ ကို စားသုံးရပါသည်။ ယခုရက်ပိုင်းအတွင်း မန္တလေးမြို့ရှိ သိရီမာလာဈေးအတွင်း ကျောက်ဆည် ၊ စဉ့်ကိုင် ၊ မြစ်သား ၊ ပုသိမ်ကြီးနှင့် မတ္တရာနယ်များမှ ဘူးသီးများဝင်ရောက်မှု များပြီး ဈေးနှုန်းအနေနှင့် လုံးကြီး (၁) လုံးလျှင် 3000 ကျပ် မှ 3500 ကျပ် ၊ လုံးလတ် (၁) လုံး လျှင် 2000 ကျပ် မှ 2500 ကျပ် ၊ လုံးသေး (၁) လုံးလျှင် 1000 ကျပ် ၊ ဈေးနှုန်းများနှင့် ကုန်စိမ်း ဒိုင်များမှ ရောင်းဝယ်မှုရှိပြီး လက်လီဈေးကွက် အနေနှင့် မိသားစုတပိုင်တနိုင် စားသုံးရန် အတွက် ဘူးသီး တစိတ်လျှင် 500 ကျပ်ဘူးသီးကြော်ရောင်းဝယ်သည့် အကြော်လုပ် ငန်းများ အနေနှင့် ကုန်စိမ်းဒိုင်များသို့ တိုက်ရိုက်ဝယ်ယူခြင်း လက်လီသမားများထံမှ ဝယ်ယူခြင်း များဖြင့် ဈေးကွက်တွင် အရောင်းအဝယ်ဖြစ်လျက်ရှိကြောင်း လေ့လာသိရှိရပါသည်။

DOCA(မန္တလေး)