ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပုဂံပဲစိုက်ပျိုးမှုမရှိဘဲ ပဲတီစိမ်း(၁၀၆၃၄)ဧက စိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင် ရောင်းချသည့် ပုဂံပဲနှင့်ပဲတီဆံများကို အခြားဒေသများမှ မှာယူရောင်းချခြင်းမရှိဘဲ သယ်ယူခ ကုန်ကျစရိတ်များ သက်သာစေရန်  ရွှေဘိုမြို့ရှိ ပွဲရုံများမှဝယ်ယူရောင်းချကြောင်း သိရှိရပါသည်။

ပုဂံပဲ

ရွှေဘိုမြို့ဈေးကွက်အတွင်း အောက်တိုဘာလ၊ ဒုတိယအပတ်တွင်ရောင်းချသည့် ပုဂံပဲဈေးနှုန်းမှာ (၁)ပြည်လျှင်(၉၅၀ဝိ/-)ကျပ်နှင့် တစ်တင်းလျှင်(၁၅၂၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခု အပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပုဂံပဲ(၁)ပြည်လျှင် (၉၅၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်နှင့် ယခင်အပတ်တို့၏ အရောင်းအဝယ်ဖြစ်သည့် ဈေးနှုန်းတူညီကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့် သူများ၊ ပဲပြုတ်ရောင်းချသည့်သူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း၊ ဈေးကွက်အတွင်း ပုဂံပဲကို နိုင်လွန်ပဲဟုလည်းခေါ်ကြကြောင်း  ပဲမျိုးစုံရောင်းချသည့် ဆိုင်များမှ သတင်းရရှိပါသည်။

ပဲတီဆံ

ရွှေဘိုမြို့ဈေးကွက်အတွင်း အောက်တိုဘာလ၊ ဒုတိယအပတ်တွင်ရောင်းချသည့် ပဲတီဆံဈေးနှုန်းမှာ (၁)ပြည်လျှင်(၉၅၀ဝိ/-)ကျပ်နှင့် တစ်တင်းလျှင်(၁၅၂၀၀ဝိ/-)ကျပ်ဖြစ်ကြောင်း၊ ယခင်အပတ်နှင့်ယခုအပတ် တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲတီဆံ(၁)ပြည်လျှင်(၉၅၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်နှင့် ယခင်အပတ်တို့၏ အရောင်းအဝယ်ဖြစ်သည့်ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့် သူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

DOCA(စစ်ကိုင်း)

          ကြက်သွန်နီသည်အနံ့ပြင်းသော်လည်းအာဟာရနှင့်ကျန်းမာရေးဆိုင်ရာအကျိုးကျေးဇူး များစွာပေးစွမ်းနိုင်သည်။ အထူးသဖြင့် အစိမ်းစားသုံးခြင်းဖြင့် အာနိသင်ပိုမိုထိရောက်စေပါသည်။ ခွန်အားနှင့်သုတ်ကိုပွားစေသည်။ ကြက်သွန်နီတွင် အရည်ဓာတ်(၉၀%)၊ ပရိုတိန်းဓာတ် (၁.၅%)၊ ထုံးဓာတ် (၁%)၊ အချဉ်ဓာတ် (၁%)၊ ခြင်ဆီဓာတ်(၀.၂%)၊ ဖော့(စ်)ဖာရပ် (၀.၁%)နှင့် သံဓာတ် အနည်းငယ်ပါဝင်သည်။ ၎င်းအပြင် ဗီတာမင်အေ၊ ဘီ၊ စီ စသည့်ဓာတ်များလည်း ပါဝင်သည်။ ကြက်သွန်နီ၏ ဆေးဘက်၀င်သတ္တိသည် အမွှန်ဓာတ်တွင် ပါရှိပါသည်။ အချို့လူများသည် အမွှန်ဓာတ်ကို မကြိုက်ကြသည့်အတွက် ဆေးဘက်ဝင်ကြက်သွန်နီကို မစားဖြစ်ကြပါ။ ကြက်သွန်နီ ကို ဓားဖြင့် လှီးသောအခါ အမွှန်ဓာတ် ထွက်လာပါသည်။ ထိုအမွှန်ဓာတ်ကို Allin ဟုခေါ်သည်။ Allin သည် လေထဲမှာရှိသည့် အောက်စီဂျင်နှင့် ဓာတ်ပြုသောအခါ volatile oile အဖြစ်ပြောင်းသွားပြီး လူကို အကျိုးပြု ဆေးဖြစ်သွားသည်ဟု သိရှိရပါသည်။ အညစ်အကြေးများကို ပြင်ပသို့ စုပ်ထုတ်နိုင်သော သတ္တိရှိပါသည်။ ကြက်သွန်နီ လှီးနေစဉ် မျက်ရည်များထွက်ကျသလို နှာခေါင်းထဲမှ အရည်များ ထွက်ကျလာတတ်ပါသည်။ ကြက်သွန်နီသည်နှလုံးကို သန်မာကြံခိုင်စေနိုင်ကြောင်း ကိုလည်း ပညာရှင်များတွေ့ရှိထားသည့်အတွက် နှလုံးရောဂါရှိသူကို ကြက်သွန်နီနေ့စဉ်စားသုံးခြင်း ဖြင့် နှလုံးပြန်လည် ကောင်းမွန်လာကြောင်း သိရှိရပါသည်။ ကြက်သွန်နီတွင် ပါဝင်သော Quercetin ဓာတ်တိုးဆန့်ကျင်ပစ္စည်းက သွေးကြောများကို ပျော့ပြောင်းစေပြီး သွေးတိုးကိုကျစေသည်။ သွေးခဲ ပိတ်ဆို့မှုနှင့် သွေးကြောထဲအဆီစုခြင်းကို ကာကွယ်ပေးသည်။ ဆာလဖာဒြပ်ပေါင်းများက အကျိုးမပြု ကိုလက်စထရောကို လျှော့ချပေးသည်။ ဗီတာမင်စီပါဝင်သဖြင့် သွေးဖြူဥဆဲလ်များ ထုတ်လုပ်မှုကို တိုးမြှင့်ပေးပြီး အအေးမိ၊ ဖျားနာမှုများကို တိုက်ဖျက်နိုင်သည်။ Antibiotic, Antimicrobial နှင့် Antiseptic ဂုဏ်သတ္တိများက ဘက်တီးရီးယားနှင့် ဗိုင်းရပ်စ်များကို ကာကွယ် ပေးသည်။ Allyl propyl disulfide ဒြပ်ပေါင်းက အင်ဆူလင်ထုတ်လုပ်မှုကို လှုံ့ဆော်ပေးပြီး ဆီးချို ရောဂါကို ထိန်းပေးသည်။ အမျှင်ဓာတ်ပါဝင်သဖြင့် အစာစားပြီးချိန် သွေးတွင်းသကြားဓာတ် ရုတ်တရက်တက်ခြင်းကို ကာကွယ်ပေးသည်။ ဝမ်းမှန်စေပြီး ဝမ်းချုပ်ခြင်း၊ အစာမကြေခြင်းကို သက်သာစေသည်။ အူမကြီးလှုပ်ရှားမှုကို အားပေးကာ အူမကြီးကင်ဆာဖြစ်နိုင်ခြေကို လျှော့ချပေးသည်။ ကယ်လ်ဆီယမ်ကြွယ်ဝသဖြင့် အရိုးသိပ်သည်းဆကို မြှင့်တင်ပေးပြီး အရိုးပွ ရောဂါ၊ အရိုးပါးခြင်းမှ ကာကွယ်ပေးသည်။ Flavonoids နှင့် Phenolic ဒြပ်ပေါင်းများက ဆဲလ် ပျက်စီးမှုကို တားဆီးပေးပြီး အစာအိမ်၊ အူမကြီးနှင့် ဆီးကျိတ်ကင်ဆာများမှ ကာကွယ်ပေးသည်။ နနွင်းနှင့်တွဲစားပါက အူမကြီးကင်ဆာ ဖြစ်နိုင်ခြေကို ပိုမိုလျှော့ချပေးနိုင်သည်။ ကြက်သွန်နီစားသုံး ခြင်းကြောင့် ဦးနှောက်သို့ သွေးစီးဆင်းမှုကောင်းစေပြီး အိပ်စက်မှုကို နှိုးဆွပေးသော ဟော်မုန်းများ (ဒိုပါမင်၊ ဆီရိုတိုနင်)ထွက်ရှိစေသည်။ စိတ်ပျော်ရွှင်မှုဟော်မုန်းများ တိုးပွားစေသည်။ အစာအိမ် ရောဂါရှိသူများ အနေဖြင့် အစိမ်းစားခြင်းက ရင်ပူခြင်း၊ ပါးစပ်ပူလောင်ခြင်းကို ဖြစ်စေနိုင် သဖြင့် ရှောင်ရှားသင့်ပါကြောင်း လေ့လာဖတ်ရှု့ရသည်။ ၂၀၂၅ခုနှစ်၊ အောက်တိုဘာဒုတိယပတ်တွင် ကြက်သွန်နီအကြီးတစ်ပိဿာလျှင် (၁၀၀၀-၁၃၀၀) ကျပ်၊ အလတ်စတစ်ပိဿာလျှင် (၈၀၀-၉၀၀)ကျပ်ခန့်ပေါက်ဈေး များရှိကြောင်း သိရှိရသည်။

DOCA (မန္တလေး)

  စစ်ကိုင်းတိုင်းဒေသကြီး၊ ချင်းတွင်းရတနာဈေးနှင့်သံလမ်းဈေးရှိ  ဟင်းသီးဟင်းရွက် ဈေးတန်းများ၌ ပန်းဂေါ်ဖီ၊ ဂေါ်ဖီထုပ်နှင့် မုန်လာဥဖြူများလည်း ရောင်းချလျက်ရှိကြောင်း သိရှိရပါသည်။ ပန်းဂေါ်ဖီ၊ မုန်လာထုပ်နှင့် မုန်လာဥဖြူများကို အိမ်ရှင်မများက အိမ်သုံး အတွက် ဝယ်ယူကြသလို စားသောက်ဆိုင်များမှလည်း အဓိကဝယ်ယူကြောင်း သိရှိရပါသည်။

          ၂၀၂၅ ခုနှစ်၊ အောက်တိုဘာလ တတိယပတ်တွင် ချင်းတွင်းရတနာဈေးနှင့် သံလမ်း ဈေးတို့တွင် ပန်းဂေါ်ဖီတစ်ပွင့်လျှင် (၁၆၀၀ /၃၀၀၀) ကျပ်၊ ဂေါ်ဖီထုပ်တစ်ထုပ်လျှင် (၂၄၀၀/ ၃၀၀၀)ကျပ်၊ မုန်လာဥဖြူမှာ အသေးစည်း (၁၂)ပင်ပါ တစ်စည်းလျှင် (၁၃၀၀) ကျပ်နှင့် အကြီးစည်း (၅)ပင်ပါ တစ်စည်းလျှင် (၁၅၀၀)ကျပ်ဖြင့် ရောင်းချကြောင်း သိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ မုံရွာမြို့နယ်အတွင်ရှိ ကျေးရွာများတွင်  အသီးအရွက်များကို တစ်နိုင်တစ်ပိုင်သော်လည်းကောင်း၊  စီးပွားဖြစ်သော်လည်းကောင်း စိုက်ပျိုးကြပါသည်။  စိုက်ပျိုးရေးသီးနှံများမှ ဆလပ်ရွက်နှင့်အိုးမုန်ညှင်းရွက်ကို ဒေသတွင်း တစ်နိုင်တစ်ပိုင်စိုက်ပျိုး လျှက်ရှိပြီး မုံရွာမြို့၊ ဈေးဟောင်းရှိ  ကုန်စိမ်းစျေးများတွင် ပြန်လည်ရောင်းချကြပါသည်။ ဆလပ်ရွက်နှင့် အိုးမုန်ညှင်းရွက်တို့သည် အသားနှင့်တွဲဖက်၍ဖြစ်စေ၊  ငပိရည်နှင့် တို့စာရာ အဖြစ် တွဲဖက်၍လည်း စားသုံးလေ့ရှိပြီး ဟင်းသီးဟင်းရွက်များထဲမှ စျေးကောင်း ရရှိသော အသီးအနှံများ ဖြစ်ကြပါသည်။

အောက်တိုဘာလ တတိယပတ်တွင် ဈေးဟောင်းတွင် ဖြစ်ပေါ်နေသော ဆလပ်ရွက် ဈေးနှုန်းမှာ ဆလပ်ရွက်တစ်စည်းလျှင် (၂၅၀)ကျပ်မှ(၄၀၀)ကျပ်၊ အိုးမုန်ညှင်းရွက်ဈေးနှုန်းမှာ အစည်းအကြီးအသေးပေါ်မူတည်၍ တစ်စည်းလျှင် (၃၀၀)ကျပ်မှ (၄၀၀)ကျပ်ထိ ရောင်းချ လျက်ရှိကြောင်း သိရှိရပါသည်။

DOCA( စစ်ကိုင်း)

   စစ်ကိုင်းတိုင်းဒေသကြီး၊ မုံရွာမြို့၊ ဈေးဟောင်းရှိ ဟင်းသီးဟင်းရွက်တန်းတွင် ရာသီပေါ် ငရံ့ပတူရွက်၊ ကြက်တက်ရွက်နှင့် မြင်းခွာရွက်များ  ရောင်းချလျက်ရှိကြောင်း သိရ သည်။ မြင်းခွာရွက်သည်  နွယ်ပင်အမျိုးအစားဖြစ်ပြီး လယ်တောများတွင် အများအပြားပေါက်ရောက်တတ်ပါသည်။ ငရံ့ပတူရွက်၊ ကြက်တက်ရွက်နှင် မြင်းခွာရွက်များကို မြေပဲဆံ၊ ပဲမှုန့်တို့ဖြင့် သုတ်၍ စားသောက်ကြသလို ပြုတ်ပြီး ငပိရည်နှင့်တွဲဖက်၍လည်း အတို့မြှုပ် အဖြစ် စားသောက်ကြကြောင်း သိရှိရပါသည်။

          ၂၀၂၅ ခုနှစ်၊ အောက်တိုဘာလ တတိယပတ်တွင် ဈေးဟောင်း၌  ငရံ့ပတူရွက်ပြုတ် (၁၀)ကျပ်သားလျှင် (၈၀၀)ကျပ်၊ (၅၀)ကျပ်သားလျှင် (၃၈၀၀)ကျပ်၊ ကြက်တက်ရွက်ပြုတ် (၁၀)ကျပ်သားလျှင် (၇၀၀)ကျပ်၊ (၅၀)ကျပ်သားလျှင် (၃၄၀၀)ကျပ်နှင့် မြင်းခွာရွက် (၁)ပုံ လျှင် (၄၀၀)ကျပ်မှ (၅၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူထံမှ သိရှိရ ပါသည်။

DOCA(စစ်ကိုင်း)