ပြည်တွင်းကုန်သွယ်မှုသတင်း

              တောင်ငူမြို့ ညောင်ပင်ဈေးသို့ အရပ်ဒေသအသီးသီးမှ ဒေသထွက်ကုန်များ၊ သစ်သီးဝလံများ လာရောက်‌ရောင်းချလျက်ရှိရာ ရှမ်းပြည်နယ်ထွက် ကန်စွန်းဥနှင့် ပဲမြစ်များလည်း လူကြိုက်များ၍ ရောင်းအားကောင်းပါသည်။

              ပဲမြစ်ကို ပြုတ်၍ ဆီဆမ်းပြီး သားရေစာအဖြစ် စားသုံးခြင်းကို အများက နှစ်ခြိုက်ကြပါသည်။ ပဲမြစ်အကြီး၊ အသေး ပေါ်မူတည်၍ (၁)ပိဿာလျှင် ၅၀၀၀ ကျပ် မှ ၆၀၀၀ ကျပ်အထိ ရောင်းချကြောင်း ဈေးသည်များထံမှ သိရပါသည်။

              ကန်စွန်းဥကို ပြုတ်၍သော်လည်းကောင်း ၊မီးဖုတ်၍သော်လည်းကောင်း၊ အခြောက်လှန်းပြီး ဆီနှင့်ကြော်စား၍သော်လည်းကောင်း စားသုံးနိုင်ပါသည်။ ကန်စွန်းဥကို ပြုတ်၍ ဆီဆမ်းပြီး သားရေစာ အဖြစ် စားသုံးခြင်းကို အများက နှစ်ခြိုက်ကြပါသည်။

              ကန်စွန်းဥတွင် ရွှေဝါနှင့် ငချိပ်ဟူ၍ (၂)မျိုးရှိသော်လည်း ယခုအခါ ရွှေဝါကန်စွန်းဥ (၁)မျိုး တည်းသာ ရောင်းချလျက်ရှိရာ တစ်ပိဿာလျှင် ၃၀၀၀ ကျပ်မှ ၃၅၀၀ ကျပ် ‌ရောင်းချပါကြောင်း ညောင်ပင်ဈေးရှိ သစ်သီးဆိုင်များမှ သိရှိရပါသည်။

DOCA(ပဲခူး)

           တောင်ငူမြို့ရှိ အိမ်ဆောက်ပစ္စည်းအရောင်းဆိုင်များတွင် ကြံ့နှစ်ကောင်(အနီ) အမှတ်တံဆိပ် ဘိလပ်မြေမှာ ‌ဖေဖော်ဝါရီလက တစ်အိတ်လျှင် ၂၆၀၀၀/-ကျပ်ရှိရာမှ မတ်လတွင် တစ်အိတ်လျှင် ၁၇၀၀၀/- ကျပ်ဖြစ်ပြီး တစ်အိတ်လျှင် (၉၀၀၀/-)ကျပ်အထိဈေးနှုန်း ကျဆင်းပါသည်။

          Alpha နှင့် Apache အမှတ်တံဆိပ်ဘိလပ်မြေများမှာ ဖေဖော်ဝါရီလက တစ်အိတ်လျှင် ၂၃၀၀၀/-ကျပ်ရှိရာမှ မတ်လအတွင်း ၁၆၅၀၀/-ကျပ်ဖြစ်ပြီး တစ်အိတ်လျှင် (၆၅၀၀/-)ကျပ် ဈေးနှုန်းကျသွား ပါသည်။

          Max အမှတ်တံဆိပ်ဘိလပ်မြေမှာ ဖေဖော်ဝါရီလက တစ်အိတ်လျှင် ၂၁၀၀၀/- ကျပ်ရှိရာမှ မတ်လ အတွင်း ၁၆၀၀၀/-ကျပ် ဖြင့်ရောင်းချပြီး  တစ်အိတ်လျှင် ၅၀၀၀/-ကျပ်ဈေးနှုန်း ကျဆင်းပြီး ပွင့်လင်းရာသီ ရောက်ရှိလာပြီဖြစ်သဖြင့် ဆောက်လုပ်ရေးလုပ်ငန်းများ ဆောင်ရွက်ကြသောကြောင့် ရောင်းအား ပိုကောင်းကြောင်း အိမ်ဆောက်ပစ္စည်းအရောင်းဆိုင်များမှ သိရှိရပါသည်။

DOCA(ပဲခူး)

           တောင်ငူခရိုင်၊ ဖြူးမြို့တွင် မတ်ပဲ၊ ပဲတီစိမ်း ပဲသစ်များပေါ်နေပြီဖြစ်ရာ ယခင်အပတ်က မတ်ပဲ (ပိဿာ ၃၀ ဝင်အိတ်) တစ်အိတ်လျှင် ၁၄၈၀၀၀ ကျပ်ရှိရာမှ ယခုအပတ်တွင် တစ်အိတ် လျှင် ၁၄၅၀၀၀ ကျပ်ရှိသဖြင့် တစ်အိတ်လျှင် ၃၀၀၀ ကျပ် ဈေးနှုန်းကျဆင်းပါသည်။

          ပဲတီစိမ်းမှာ ယခင်အပတ်က (ပိဿာ ၃၀ ဝင်အိတ်) တစ်အိတ်လျှင် ၁၅၀၀၀၀ ကျပ်ရှိရာမှ ယခုအပတ်တွင် တစ်အိတ်လျှင် ၁၅၉၀၀၀ ကျပ်ရှိသဖြင့် တစ်အိတ်လျှင် ၉၀၀၀ ကျပ် ဈေးတက်ပါသည်။ ပဲလွန်းဖြူမှာ ဖြူးမြို့နယ်တွင် အရောင်းအဝယ်မရှိကြောင်း ဖြူးမြို့ ရွှေခြင်္သေ့မင်းပွဲရုံ မှ သိရှိရပါသည်။

DOCA(ပဲခူး)

       ဟင်္သာတခရိုင်၊ ဇလွန်မြို့နယ်တွင် ထိုင်းကျောက်စိမ်းပန်းကို ရာသီချိန်ဘုရားပန်းအဖြစ် အရောင်းအဝယ်ဖြစ်လျက်ရှိပါသည်။ စိုက်ပျိုးသူဦးမြင့်ဇော်နှင့် တွေ့ဆုံမေးမြန်းရာတွင် ထိုင်း ကျောက် စိမ်းစိုက်ပျိုးရာတွင် ပန်းမျိုးကို တောင်ကြီးမြို့မှ မျိုးတစ်ပင်လျှင် ၂၀/-ကျပ်ဖြင့် ဝယ်ယူစိုက်ပျိုး ကြောင်း သိရှိရပါသည်။ တိုကျောက်စိမ်းပန်းစိုက်ပျိုးရာတွင် ပျိုးပင်များကို ၁၅ ရက်ကြာ ပြန်လည် ပြုစုရပြီး၊ အပင်သန် ကြီးထွားမှုပေါ် မူတည်၍ တစ်ပင်နှင့် တစ်ပင်ကြား (၆ လက်မ)ခြားကာ စိုက်ပျိုးကြရပါသည်။ စိုက်ပျိုးပြီး တစ်လခွဲခန့်အကြာတွင် အညွှန့်များဖြတ်ပြီးနောက် မီးအလင်းရောင် (၁)လ ထွန်းကာ ပန်းပင်များ ကြီးထွားစေရေး၊ အပွင့်လှပရေးနှင့် ပိုးမွှားများ ကျရောက်မှုမရှိစေရေး ပြုစုထိန်းသိမ်းရပါသည်။  ကုန်ကျစရိတ်အနေဖြင့် ဒဿမ ၂၀ ဧကတွင် အပင်ရေ ၅၀၀၀ စိုက်ပျိုးထား ပြီး ၁၀၀၀၀၀၀/- ကျပ် ကုန်ကျကြောင်းသိရှိရပါသည်။ မိုးရာသီကာလတွင် စိုက်ပျိုးပါက အပင်သက် တမ်း(၄)လအကြာတွင် အပွင့်များပွင့်ကာ ခူးဆွတ်နိုင်ပြီး ယခုနှစ် နွေဦးကာလအမှီ စိုက်ပျိုးသော အပင်များမှာ သက်တမ်း(၅)လခွဲ ကြာမြင့်ကြောင်း သိရှိရပါသည်။ ယခုအခါ စတင်ခူးဆွတ်သော ပန်း များကို  တစ်စီးလျှင် ၂၀၀၀/- ကျပ်ဖြင့် ရောင်းချရပြီး ၁၅ ရက်ခြား တစ်ကြိမ်ခူးဆွတ်ကာ  ဒေသတွင်း နှင့် အခြားမြို့နယ်များမှ ခြံတိုက်ရိုက်လက္ကား ဝယ်ယူကြောင်း၊ ယခုအခါ ပန်းများ စတင်ခူးဆွတ်နေပြီး ဈေးကောင်းရရှိသောကြောင့် အကျိုးအမြတ်ပိုမိုရရှိကြောင်း စိုက်ပျိုးသူဦးမြင့်ဇော်ထံမှ သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့နယ်တွင် မိုးစပါးစိုက်ပျိုးပြီးချိန်၌ မတ်ပဲ သီးနှံကို သီးထပ်အဖြစ်စိုက်ပျိုးကြပြီး  (၆၆၁၅၉)ဧက စိုက်ပျိုးထားကြောင်း သိရှိရပါသည်။ဇလွန်မြို့ နယ်၏ ၂၀၂၄-၂၀၂၅ ဘဏ္ဍာနှစ် မတ်ပဲ စိုက်ပျိုးမှု တစ်ဧက ကုန်ကျစရိတ်မှာ ၉ သိန်းခွဲကျပ်ခန့်ရှိပြီး လယ်မြေ တစ်ဧက ပျမ်းမျှအထွက်နှုန်းမှာ ၁၄ တင်းခန့်ရှိပါသည်။ မတ်ပဲစတင်စိုက်ပျိုးသော ကာလများတွင် မိုးရွာသွန်းမှုကြောင့် တချို့သော အပင်များပျက်စီးဆုံးရှုံးခြင်း၊ စိုက်ပျိုးမှုနောက်ကျ ခြင်းကြောင့် ဖြစ်ထွန်းမှု နည်းပါးခြင်း စသည့်အခြေအနေများကြောင့် ယခုနှစ်မတ်ပဲထွက်ရှိနှုန်းမှာ ယခင်နှစ်များထက် အထွက်နှုန်း နည်းကြောင်း ဒေသခံတောင်သူများထံမှ သိရသည်။ ယခုအခါ မတ်ပဲအသစ်များ စတင်ထွက်ရှိပြီဖြစ်ရာ ဒေသတွင်း ပွဲရုံများမှတစ်ဆင့် ရန်ကုန်၊ဟင်္သာတဈေးကွက် သို့ ရက်ခြား၍  တင်ပို့ကာ အရောင်းအဝယ်ဖြစ်လျက်ရှိပါသည်။ ဇလွန်မြို့နယ်မှ တင်ပို့ရောင်းချရာ တွင် မတ်ပဲအသစ် တစ်တင်းလျှင် အရည်အသွေး အလိုက် ၉၅၀၀၀ ကျပ်မှ ၁၀၀၀၀၀ ကျပ်ကြား ဈေးပေါက်လျက်ရှိရာ တောင်သူများ တစ်ဧက ပျမ်းမျှ ၄ သိန်းကျပ်ခန့် အကျိုးအမြတ်ရလျက်ရှိပါ သည်။၂၀၂၄ ခုနှစ် ဇန်နဝါရီမှစ၍ မတ်ပဲ ဈေးမှာ ကျဆင်းခြင်းမရှိပဲ တစ်တင်းလျှင်  ၁၀၀၀၀၀ ကျပ် ဝန်းကျင်တွင် ဆက်လက်တည်ရှိနေသော်လည်း ယခင်နှစ်များထက် အထွက်နှုန်း ကျဆင်းမှုကြောင့် ယခင်နှစ်ကာလတူဈေးနှုန်းဖြင့် နှိုင်းယှဉ်ပါက အကျိုးအမြတ်နည်းကြောင်းသိရှိရပါသည်။ မတ်ပဲသည် ဒေသ၏ ရာသီချိန်စိုက်ပျိုးသော ဆောင်းသီးနှံ ဖြစ်ခြင်းကြောင့် တောင်သူတို့အနေဖြင့် တစ်နှစ်ထက် တစ်နှစ် အထွက်နှုန်းကောင်းမွန်စေရေး ကြိုးစားစိုက်ပျိုးသွားမည်ဖြစ်ကြောင်း  မတ်ပဲစိုက်တောင်သူများထံမှ သိရှိရပါသည်။

DOCA(ဧရာဝတီ)