ပြည်တွင်းကုန်သွယ်မှုသတင်း

 စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြို့တိုးတက်ရေး၊ ကုန်စည်များဈေးကွက်သို့မရောက်မီ ထုတ်ကုန်များလုံခြုံစိတ်ချရမှုရှိစေရန် ၊ ဥပဒေများနှင့်အညီ ထုတ်လုပ်နိုင်စေရေးအတွက်  ဈေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်ရှိရာ (၂၅.၃. ၂၀၂၅ ) ရက်နေ့၊ နံနက် ( ၀၉:၀၀ ) နာရီအချိန်တွင် ခရိုင် ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ အမှတ်(၃)ရပ်ကွက်ရှိ ကရဝိတ်မုန့်ကြွပ်နှင့် ပေါင်မုန့်လုပ်ငန်းခွင်သို့ကွင်းဆင်းဆောင်ရွက်ခဲ့ကြောင်း သိရသည်။

          ကရဝိတ်အမှတ်တံဆိပ်လုပ်ငန်းသည် နေ့စဉ် ဒုံးပျံဂျုံ (ပိဿာ၅၀)ပါ (၂)အိတ် အသုံးပြုပါ ကြောင်း၊ ကြက်ဥ (၁၀၀/၁၅၀) လုံးနှင့် သကြား (၂၀/၃၀)ပိဿာ အသုံးပါကြောင်း၊ဂျုံတစ်အိတ်လျှင် (၁) သိန်း(၇)သောင်းကျပ်၊ သကြားတစ်အိတ်လျှင်(၁) သိန်း (၅)သောင်းကျပ်နှင့် ကြက်ဥ (၁)ပိဿာ (၁၀၀၀၀)ကျပ် ဈေးနှုန်းရှိပါကြောင်း၊ မုန့်ဖုတ်၊ မုန့်လုပ် လုပ်သား (၅)ဦး အသုံးပြုပါကြောင်းနှင့် ဖြန့်ဖြူးမှုအနေဖြင့် ဒေသတွင်း ရောင်းချပါကြောင်း သိရသည်။ ခရိုင်ဦးစီးမှူးမှ MSME လုပ်ငန်းများဖွံ ဖြိုးတိုးတက်ရေးကို အားပေးဆောင်ရွက်လျက်ရှိပါကြောင်း၊ လုပ်ငန်းရှင်များအနေဖြင့် မိမိတို့ထုတ် လုပ်သောကုန်ပစ္စည်းများကို သန့်ရှင်းသပ်ရပ်စွာဖြင့်ထုတ်လုပ်၍ ကျန်းမာရေးနှင့်ညီညွတ်ရန် အထူး အလေးထားလုပ်ဆောင်ရမည်ဖြစ်ပါကြောင်း၊ စက်မှုလုပ်ငန်းသုံးဆီများကိုလည်း လုပ်ငန်းခွင်များ တွင်အမှန်တကယ်အသုံးပြုမှုရှိစေရေး၊ ဥပဒေပါစီးပွားရေးလုပ်ငန်းရှင်၏တာဝန်များ၊ စားသုံးသူများ ဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(မန္တလေး)

  မြင်းခြံမြို့နယ်အတွင်းရှိ ကျေးရွာများ၌ အလှူအတန်း၊ မင်္ဂလာဆောင်များ၊ သာရေး၊ နာရေးနှင့် ပွဲလမ်းသဘင်များ၌ အခြားအသားငါးများအပြင် ငါးခြောက်ချက်ပြုတ်ဧည့်ခံကျွေးမွေး မှုများလည်းရှိရာ ယခုလိုပွင့်လင်းရာသီတွင်  ငါးခြောက်ရောင်းချမှုများ ကောင်းကြောင်းမြင်းခြံမြို့ မြို့မစည်ပင်သာယာဈေးရှိ ရေချိုရေငန်ငါးပိ၊ ငါးခြောက်ရောင်းချသူများထံမှ သိရှိရသည်။

မြင်းခြံမြို့တွင် ရောင်းချလျက်ရှိသောရေချို၊ ရေငန်ငါးပိငါးခြောက်များကို ရန်ကုန်မြို့မှ မှာယူ ရောင်းချကြောင်းနှင့်  ယခုနှစ်မတ်လတတိယပတ်တွင် ဒေသခံများ  အများဆုံးဝယ်ယူစားသုံး ကြသည့် ငါးခြောက်ဈေးများအနေဖြင့် ငါးရံ့ခြောက် အလတ်စားတစ်ပိဿာ  (၆၀၀၀၀)ကျပ်၊ ငါးရောင်အသားမြောင်း အလတ်စားတစ်ပိဿာလျှင် (၄၅၀၀၀ )ကျပ်၊   ငါးထောပတ်တစ်ပိဿာလျှင် (၂၂၀၀၀)ကျပ်၊  ငါးနီတူးတစ်ပိဿာလျှင်  (၂၀၀၀၀ ) ကျပ်၊ ငါးပုတ်သင်တစ်ပိဿာလျှင် (၂၀၀၀၀) ကျပ်၊ ငါးဖောင်ရိုး တစ်ပိဿာလျှင် ( ၃၀၀၀၀ )ကျပ်ဖြင့်အရောင်းအဝယ်ဖြစ်ကြောင်း သိရပြီး ယခင် ဇန္နဝါရီလ တတိယပတ်တွင် ငါးရံ့ခြောက် အလတ်စားတစ်ပိဿာ  (၄၅၀၀၀)ကျပ်၊ ငါးရောင်အသား မြောင်းအလတ်စားတစ်ပိဿာလျှင် ( ၄၀၀၀၀ )ကျပ်၊   ငါးထောပတ်တစ်ပိဿာလျှင်( ၂၂၀၀၀)ကျပ်၊  ငါးနီတူးတစ်ပိဿာလျှင် ( ၂၀၀၀၀ ) ကျပ်၊ ငါးပုတ်သင်တစ်ပိဿာလျှင် (၁၆၀၀၀) ကျပ်၊ ငါးဖောင်ရိုး တစ်ပိဿာလျှင်(၂၃၀၀၀)ကျပ်များဖြင့် အရောင်းအဝယ်ရှိခဲ့သောကြောင့် ယခုလတွက် ဈေးအနည်း ငယ်မြင့်တက်လာသည်ကို သိရသည်။

DOCA(မန္တလေး)

          စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြို့တိုးတက်ရေး၊ ကုန်စည်များဈေးကွက်သို့မရောက်မီ ထုတ်ကုန်များလုံခြုံစိတ်ချရမှုရှိစေရန် ၊ ဥပဒေများနှင့်အညီထုတ်လုပ်နိုင်စေရေးအတွက်  ဈေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်ရှိရာ ( ၂၂.၃. ၂၀၂၅ ) ရက်နေ့၊ နံနက် ( ၁၀:၀၀ ) နာရီအချိန်တွင် ခရိုင်ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ အမှတ်(၁၆)ရပ်ကွက်ရှိ ရွှေကောင်း အမှတ်တံဆိပ် ဆိတ်သားခြောက်ကင်၊ စာကလေးကြော်၊ ဂျူးစုံကြော်လုပ်ငန်းခွင်သို့ကွင်းဆင်း ဆောင်ရွက်ခဲ့ကြောင်း သိရသည်။

          ရွှေကောင်းအမှတ်တံဆိပ်လုပ်ငန်းသည် နေ့စဉ်ကုန်ကြမ်း(ဆိတ်သား) အချိန် (၅၀) ပိဿာ အသုံးပြုလျက်ရှိပြီး အသားများကို မီးဖြင့်ပေါင်း၍ နေလှန်းခြင်း၊   နေလှန်းပြီးအသားခြောက်များ အား အသားများမွသွားစေရန် ပြန်လည်ထုပြားလုပ်ခြင်း၊ ပါကင်ထည့်ခြင်းများအတွက် အမျိုး သမီးလုပ် သား(၈)ဦးခန့်နှင့် နေ့စဉ်လုပ်ကိုင်လျက်ရှိသောလုပ်ငန်းဖြစ်ပါသည်။ အသားခြောက်ဗူးများ ကို(၇) ကျပ်သားတစ်ဗူးလျှင်(၁၀၀၀၀)ကျပ်၊ (၁၂)ကျပ်သားတစ်ဗူးလျှင်(၁၉၀၀၀)ကျပ်များ ရောင်းချ ထုတ်လုပ်ပြီး ဒေသတွင်းအပြင် တောင်ကြီးမြို့၊ ကလောမြို့ ၊ ရန်ကုန်မြို့ ၊ မိတ္ထီလာမြို့ စသည့်ဒေသများသို့ တင်ပို့ရောင်းချလျက်ရှိကြောင်းသိရသည်။ ခရိုင်ဦးစီးမှူးမှ MSME လုပ်ငန်းများဖွံ ဖြိုးတိုးတက်ရေးကို အားပေးဆောင်ရွက်လျက်ရှိပါကြောင်း၊ လုပ်ငန်းရှင်များအနေဖြင့် မိမိတို့ထုတ် လုပ်သောကုန်ပစ္စည်းများသည် အရည်အသွေးကောင်းမွန်ပြီး သန့်ရှင်းသပ်ရပ်စွာဖြင့်ထုတ်လုပ်၍ ကျန်းမာရေးနှင့်ညီညွတ် ရန်အထူးအလေးထား လုပ်ဆောင်ရမည်ဖြစ်ပါကြောင်း၊ ကုန်အညွှန်းအမှတ် အသားများပြည့်စုံစွာ ထည့်သွင်းဖော်ပြခြင်း၊ စားသုံးသူများဘေးအန္တရာယ်ကင်းရှင်းစွာ စားသုံး နိုင်စေရေးနှင့်သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်လိုအပ် ပါကြောင်း အသိပညာပေး၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(မန္တလေး)

             စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

           ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ခရမ်းကြွပ်သီးများကို စိုက်ပျိုးကြကြောင်း၊ ခရမ်းကြွပ်သီးများကို ကန့်ဘလူမြို့မဈေးတွင် ရောင်းချကြောင်း၊ ၂၀၂၅ ခုနှစ်၊ မတ်လ စတုတ္ထပတ်အတွင်း ခရမ်းကြွပ်သီး(၁)ပိဿာလျှင်  (၃၈၀၀)ကျပ်၊ ခရမ်းကြွပ် သီး(၂၅)ကျပ်သားလျှင်  (၁၀၀၀)ကျပ်ဖြင့်ရောင်းချကြောင်း၊ ခရမ်းကြွပ်သီးကို ငပိရည်နဲ့တွဲဖက်၍ အတို့အမြှုပ်အဖြစ်စားသုံးကြကြောင်း၊ ထမင်းဆိုင်များမှ နေ့စဉ်ဝယ်ယူကြသဖြင့် အရောင်းအဝယ် သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)

မြင်းခြံမြို့နယ် ပြည်သူများသက်သာသောဈေးနှုန်းဖြင့် အခြေခံစားသောက်ကုန်များဝယ်ယူ သုံးစွဲနိုင်ရေးအတွက် ခရိုင်၊ မြို့နယ်စီမံအုပ်ချုပ်ရေးအဖွဲ့၏လမ်းညွှန်မှုဖြင့် ပြည်သူ့သက်သာ ဈေးရောင်းနေ့အား ၆-၃-၂၀၂၅ ရက်နေ့၊ နံနက် ၀၈ : ၀၀ နာရီအချိန်တွင် မြင်းခြံမြို့ရှိ စံပြဈေးတွင် ရောင်းချခဲ့ကြောင်းသိရသည်။ ထိုအရောင်းဆိုင်ဖွင့်လှစ်ရောင်းချခြင်းအား မြို့နယ်စည်ပင်သာယာ ရေးအဖွဲ့မှဦးဆောင် ဆောင်ရွက်လျက်ရှိပြီး စားသုံးသူရေးရာဦးစီးဌာန ၊ ဆန်အသင်းအဖွဲ့ ၊ ဆီအသင်းအဖွဲ့နှင့်ဈေးကော်မတီဝင်များပူပေါင်း၍ ဆန်တစ်ပြီ ၃၆၀၀/- ကျပ် ၊ စားအုန်းဆီ တစ်ပိဿာ ၈၂၀၀/- ကျပ် ၊ ကြက်ဥတစ်လုံး ၄၀၀/- ကျပ် ၊ အမဲသားတစ်ပိဿာ ၁၁၀၀၀/-ကျပ် ၊ ဝက်သားတစ်ပိဿာ ၁၅၀၀၀/- ကျပ် နှင့်ဆိတ်သားတစ်ပိဿာ ၁၆၀၀၀/- ကျပ်တို့ဖြင့် ရောင်းချ ပေးခဲ့ပြီး လွတ်လပ်စွာလာရောက်ဝယ်ယူနိုင်သည့်အတွက် ရပ်ကွက်စုံမှလာရောက်ဝယ်ယူကြ ကြောင်း ဦးဆောင် ဆောင်ရွက်သူထံမှသိရပြီး ယင်းရောင်းချမှုအစီအစဉ်အား မြင်းခြံမြို့ရှိ မြို့မဈေး ၊ စံပြဈေး နှင့်အေးမြသီတာဈေးတို့တွင် အလှည့်ကျပုံမှန် ရောင်းချပေးလျက်ရှိကြောင်းသိရသည်။

DOCA(မန္တလေး)