ပြည်တွင်းကုန်သွယ်မှုသတင်း

      နံနံပင်သည်  ဟင်းလျာများတွင် အနံ့၊ အရသာပိုမို ကောင်းမွန်စေရန် မရှိမဖြစ် ထည့်သွင်း ရသော ဟင်းခတ်အမွှေးအကြိုင်တစ်မျိုးဖြစ်ပါသည်။ နံနံပင်ကို တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်နှင့် တနင်္သာရီမြို့တို့တွင် တစ်နိုင်တစ်ပိုင် စိုက်ပျိုးကြသလို စီးပွားဖြစ်လည်း စိုက်ပျိုးကြကြောင်း သိရသည်။

          နံနံပင် စိုက်ဧက (၁)ဧကလျှင် နံနံစေ့မျိုးထုတ် (၂၈)ထုပ်ခန့်မှ (၃၀)ခန့် စိုက်ပျိုးမှသာ (၁)ဧကအတွက် အပင်အထွက်နှုန်းနှင့် မျိုးအောင်နှုန်းများမှန်ကန်မည်ဖြစ်ပါသည်။ နံနံပင်များကို ကျင်းများဖြင့်စိုက်ပျိုးရပြီး နံနံစေ့မျိုး(၁)ထုပ်လျှင် ကျပ်(၁၅၀၀)ဖြင့် ဝယ်ယူ၍စတင်စိုက်ပျိုးပြီး စိုက်သည့်ရက်မှ ရက်ပေါင်း(၄၅)ရက်အကြာတွင် ရောင်းချရနိုင်သောအရွယ်သို့ ရောက်ရှိကြသည်။ နံနံပင်အထွက်နှုန်းသည် နွေရာသီနှင့် မိုးရာသီတွင် အထွက်နှုန်းနည်းပါးသော်လည်း ဆောင်းရာသီတွင်မူ အထွက်နှုန်းကောင်းမွန်လျက်ရှိပါသည်။ အရွယ်ရောက်ပြီးသော နံနံပင်များကို စတင်ရိတ် သိမ်း၍ လက်လီ/လက်ကားကုန်သည်များထံသို့ တင်ပို့ကြပြီး ၎င်းလက်လီ/လက်ကားကုန်သည်ကြီး များမှတဆင့် အသုပ်ဆိုင်များ၊ ထမင်းဆိုင်များနှင့် စားသောက်ဆိုင်များသို့ ပြန်လည်တင်ပို့ ရောင်း ချကြသည်။ ယခုဧပြီလသည် နွေနှောင်းကာလဖြစ်သောကြောင့် နံနံပင် အထွက်နှုန်းကျဆင်းသောကြောင့် နံနံပင် အသေး တစ်စည်းလျှင် (၇၀၀)ခန့်ထိရှိကြောင်း လက်လီ/လက်ကား ကုန်သည်များထံမှ သိရှိရပါသည်။

DOCA(တနင်္သာရီ)

          ၂၇.၄.၂၀၂၆ ရက်နေ့ ဘုရင့်နောင်ပွဲရုံတွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ ကျပ် ၁၁၅၀၀၊ အောင်ပန်းထူး-၂ ကျပ် ၄၅၀၀၊ အောင်ပန်းထူး-၃ ကျပ် ၅၅၀၀၊ အောင်ပန်းထူး-၄ ကျပ် ၆၅၀၀၊ အောင်ပန်းထူး-၅ ကျပ် ၇၃၀၀၊ ကြက်သွန်နီ တစ်ပိဿာ ဈေးနှုန်းများမှာ ဆိပ်ဖြူ (ရှယ်) ကျပ် ၂၁၀၀၊ ဆိပ်ဖြူ လတ်ကြီး ကျပ် ၂၁၀၀၊ ဆိပ်ဖြူ လတ်သန့် ကျပ် ၂၁၀၀၊ ဆိပ်ဖြူ လတ်ချော ကျပ် ၁၆၀၀၊ မြစ်သား မျိုးမှား(ရှယ်)ကျပ် ၂၂၀၀၊ မြစ်သား မျိုးမှား လတ်ကြီး ကျပ် ၂၃၀၀၊ မြစ်သား မျိုးမှား လတ်သန့် ကျပ် ၂၃၀၀၊ မြစ်သား မျိုးမှား လတ်ချော ကျပ် ၁၈၀၀ ၊ မုံရွာ (ရှယ်) ကျပ် ၂၀၀၀၊ မုံရွာ (လတ်ကြီး) ကျပ် ၂၀၀၀၊ မုံရွာ(လတ်သန့်) ကျပ် ၂၀၀၀၊ မုံရွာ (လတ်ချော) ကျပ် ၁၆၀၀၊ ၊ ရွှေဘို (ရှယ်) ကျပ် ၂၆၀၀၊ ရွှေဘို(လတ်ကြီး) ကျပ် ၂၈၀၀၊ ရွှေဘို(လတ်သန့်) ကျပ် ၂၆၀၀၊ ရွှေဘို (လတ်ချော) ကျပ် ၂၀၀၀၊ အာလူး အောင်ပန်း A1 တစ်ပိဿာလျှင် ကျပ် ၁၃၀၀၊ အောင်ပန်း OK ကျပ် ၁၇၀၀၊ အောင်ပန်း S1 ကျပ် ၁၇၀၀၊ အောင်ပန်း S2 ကျပ် ၁၄၀၀ တို့ဖြစ်ပါကြောင်း၊ ယခုတစ်ပတ်တွင် ကြက်သွန်နီမှာ တစ်ပိဿာလျှင် ကျပ် ၁၀၀ ဈေးနှုန်းကျပါကြောင်း၊ ကြက်သွန်ဖြူမှာ တစ်ပိဿာလျှင် ကျပ် ၅၀၀ ဈေးနှုန်းကျပါကြောင်း၊ အာလူးမှာ တစ်ပိဿာလျှင် ကျပ် ၈၀၀ ဈေးနှုန်းကျပါကြောင်း၊ ယနေ့ ၂၇.၄.၂၀၂၆ ရက်နေ့တွင် ကြက်သွန်နီမှာ ကား (၃၅) စီးနှင့် (၂၁၀၀၀၀) ပိဿာ အရောင်း အဝယ်ဖြစ်ခဲ့ကြောင်း၊ ကြက်သွန်ဖြူမှာ(၁၀၀၀)အိတ်နှင့် (၂၀၀၀၀) ပိဿာ အရောင်းအဝယ်ဖြစ်ခဲ့ကြောင်း၊ အာလူးမှာ ကား (၈) စီးနှင့် (၄၈၀၀၀) ပိဿာ အရောင်းအဝယ်ဖြစ်ခဲ့ကြောင်း ဘုရင့်နောင် ကုန်စည်ဒိုင်မှ သိရှိရပါသည်။

DOCA(ရန်ကုန်)

            မန္တလေးမြို့တွင်းသို့ အင်းလေးဒေသထွက်နှင့် ရွာငံဒေသထွက်ခရမ်းချဉ်သီးအချိုသီးများ ဝင်ရောက်မှုများပြားလာသော်လည်း ခရမ်းချဉ်သီးဈေးတက်လျက်ရှိခဲ့သည် ခရမ်းချဉ်သီးကို ဟင်းလျာ ချက်ပြုတ်ရာတွင်သာမက ခရမ်းချဉ်သီးအစိမ်းကို အသုတ်သုတ်၍ လည်းကောင်း၊ အသုတ်မျိုးစုံ များတွင်လည်းထည့်၍ စားသုံးမှုများပြုကြသည်။ ခရမ်းချဉ်သီးပေါများသည့် အချိန်တွင်    ခရမ်းချဉ်သီးအချိုသီးကို ယိုထိုး၍လည်းကောင်း ခရမ်းချဉ်သီး အနှစ်ပြုလုပ်၍လည်း ရက်ရှည် ထား၍ ရှားပါးသည့်အချိန်တွင်အသုံးပြုရန် ပြုလုပ်ကြသည်။ အင်းသီး ခရမ်းချဉ်သီးမှာ ၁ပိဿာလျှင် ၄၅၀၀ကျပ် နှင့် လက်လီ ၂၅ ကျပ်သားလျှင်  ၁၅၀၀ ကျပ်ရောင်းချကြောင်း သိရှိ ရပါသည်။ ယခု ဧပြီလ အချိန်တွင် အခြားဒေသထွက်ရှိသည့် ခရမ်းချဉ်သီးများ ဝင်ရောက် လျှက်မရှိသောကြောင့် ဈေးတက်လျက်ရှိသည်။

DOCA(မန္တလေး)

             မြင်းခြံမြို့နယ်သည် ဧရာဝတီမြစ်၏ အရှေ့ဘက်ကမ်း၌တည်ရှိပြီး စိုက်ပျိုးမွေးမြူရေးနှင့် ဥယျာဥ်ခြံမြေများ စိုက်ပျိုးလျှက်ရှိရာ ဟင်းသီးဟင်းရွက်သီးနှံဖြစ်သော ကန်စွန်းရွက်များကိုလည်း မိသားစုစားဝတ်နေရေးအတွက် စိုက်ပျိုးကြကြောင်း၊ ကန်းစွန်းရွက် စိုက်ပျိုးရာတွင် ရေသိုလှောင် ထိန်းနိုင်သောမြေတွင် စိုက်ပျိုးပါက အပင်များဖြစ်ထွန်းအောင်မြင်ကြောင်း၊ မြေကိုထွန်ယက်ပြီး ဘောင်ပေါ်တွင် အစေ့များကို ပင်ကြား၊ တန်းကြား (၄×၆) လက်မထား၍ တစ်ကျင်းလျှင် မျိုးစေ့ (၂-၃)စေ့ခန့်ကို လက်မဝက်အနက်မြှပ်၍ တိုက်ရိုက်အစေ့ချစနစ်ဖြင့် စိုက်ပျိုးကြောင်း၊ (၂-၃) ရက်အတွင်း အပင်များပေါက်လာပြီး (၂၈) ရက်သားတွင် အပင်ရင်းမှဖြတ်၍ ဈေးကွက် သို့ရောင်း ချကြောင်း၊ ရေကြိုက်သောအပင်ဖြစ်သောကြောင့် ရေမပြတ်ရန်အလွန်အရေးကြီးကြောင်း၊ ကန်စွန်း စိုက်ပျိုးရန် တစ်ဧကမျိုးစေ့ (၉-၁၀) ထုပ်စိုက်ပျိုးရပြီး မျိုးစေ့တစ်ထုပ်လျှင်(၂၈၀၀၀) ကျပ်ခန့် ပေးဝယ်ရကြောင်း၊ ကန်စွန်းတစ်ဧကကုန်ကျစရိတ်အနေဖြင့် (၅၀၀၀၀၀) ကျပ်ခန့်ကုန်ကျကြောင်း သိရှိရပါသည်။ ကန်စွန်းရွက် တစ်ဧကလျှင် အစည်းပေါင်း (၂၅၀၀၀) ခန့်အထိ ထွက်ရှိကြောင်း၊ ကန်စွန်းရွက် ဖောက်သည်ဈေး (၁)စည်းလျှင် (၇၀) ကျပ်၊ လက်လီ(၁)စည်းလျှင် (၁၀၀)ကျပ်ဖြင့် ပြန်လည်ရောင်းချကြောင်း၊ ကန်စွန်းရွက်တစ်ဧက အကျိုးအမြတ်အနေဖြင့် ကုန်ကျစရိတ် နှုတ်ပြီး ပါက (၆၅၀၀၀၀) ကျပ်ခန့်ရရှိကြောင်း၊ ကုန်းစိမ်းပွဲစားများက စိုက်ခင်းအထိ လာရောက်ဝယ်ယူကြကြောင်း၊ ဒေသတွင်းရှိဈေးများသို့ ပြန်လည်ရောင်းချကြောင်း၊ တောင်သာမြို့နှင့် ညောင်ဦးမြို့သို့ လည်းတင်ပို့ရောင်းချကြောင်း သိရှိရပါသည်။ ကန်စွန်းရွက်သီးနှံ သည် လူတိုင်းကြိုက်နှစ်သက်သော သီးနှံဖြစ်သောကြောင့် ဈေးကွက်သို့ရောင်းအားကောင်းကြောင်း၊ စိုက်ပျိုးခြင်းဖြင့် စီးပွားလည်းဖြစ် ဝင်ငွေလည်းတိုးကြောင်း ကန်စွန်းပင်စိုက်ပျိုးသော သမုန်းကိုင်းကျေးရွာရှိ တောင်သူထံမှ သိရှိရ ပါသည်။

DOCA(မန္တလေး)

                 မန္တလေးတိုင်းအတွင်းရှိ တောင်သာမြို့နယ်သည်  ဆည်ရေသောက်ရှိသဖြင့် ပဲမျိုးစုံ၊ ကြက်သွန်နီနှင့် ပြောင်းများစိုက်ပျိုးလျက်ရှိရာ ဆီထွက်သီးနှံဖြစ်သော နွေနှမ်းများကို စိုက်ပျိုးရန်အတွက် ဆည်မြောင်း ဝန်ကြီးဌာနမှ ရေပေးဝေသောကြောင့် စိုက်ပျိုးလျက်ရှိကြောင်း၊ နွေနှမ်းများကို အညာဒေသတွင် ဖေဖော်ဝါရီလနှင့် မတ်လတွင်စတင်စိုက်ပျိုးပြီး၊ ဇွန်လ၊ ဇူလိုင်လနှင့် ဩဂုတ်လဆန်းပိုင်း၌ ရိတ်သိမ်း မည်ဖြစ်ကြောင်း၊ ၂၀၂၆ခုနှစ်တွင် တောင်သာမြို့နယ်တွင် နွေနှမ်း လျာထား (၆၉၈) ဧကတွင်စိုက် ပျိုးပြီးဧက ရာနှုန်းပြည့် စိုက်ပျိုးထားကြောင်း၊ နှမ်းစိုက်ပျိုးရာတွင် ဘောင်ကြောင်းပေးစနစ်ဖြင့် စိုက်ပျိုး ကြပြီး အများဆုံး စိုက်ပျိုးသော မျိုးများမှာနှမ်းဖြူနှင့် နှမ်းညို မျိုးများကိုစိုက်ပျိုးကြောင်း၊ စိုက်ပျိုးမှု အနေဖြင့် နှမ်းမျိုးစေ့ တစ်ပြည်လျှင် (၈၅၀၀) ကျပ်ခန့် ပေးရကြောင်း၊ စိုက်ပျိုးရာတွင် မြေကိုမှုန့် ညက်အောင် ထွန်ယက်၍ ကြဲပက်စနစ်ဖြင့် စိုက်ပျိုးကြောင်း၊ တစ်ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါ အဝင်  စုစုပေါင်း (၄၇၀၀၀၀) ကျပ်ခန့် ကုန်ကျကြောင်း၊ တစ်ဧကမျိုး (၃) ပြည်ခန့် စိုက်ပျိုးရကြောင်း၊ ယခင်နှစ် အထွက်နှုန်းအနေဖြင့် နှမ်းတစ်ဧကလျှင် (၉-၁၀) တင်းခန့် ထွက်ရှိကြောင်း၊ မိုးကိုမျှော်၍ စိုက်ပျိုးရသောသီးနှံဖြစ်သောကြောင့် အပင်ပြုစုမှု၊ သွင်းအားစုနှင့် ရေရရှိမှု မှန်ကန်ပါက အထွက်နှုန်းကောင်းမည်ဖြစ်ကြောင်း သာယာကြီးကျေးရွာမှ နွေနှမ်းစိုက် တောင်သူတစ်ဦး၏ ပြောပြချက်အရသိရှိရသည်။ တောင်သာဈေးကွက်၌ ၂၀၂၆ခုနှစ်၊ ဧပြီလဒုတိယပတ်၌ နှမ်းဖြူတစ်တင်းလျှင် (၁၃၉၀၀၀) ကျပ်ခန့်၊ နှမ်းညိုတစ်တင်းလျှင်(၁၄၆၀၀၀)ကျပ်ခန့် ပေါက်ဈေးများဖြင့် အရောင်းအဝယ် ဖြစ်ခဲ့ကြောင်း၊   နှမ်းဆီတစ်ပိဿာလျှင်(၁၈၀၀၀)ကျပ်ခန့် ပေါက်ဈေးများရှိကြောင်း၊ နှမ်ဆီစားသုံးမှု နည်း သောကြောင့် ဒေသတွင်းစားသုံးရန်သာ နှမ်းဆီကြိတ်ခွဲလျက်ရှိကြောင်း၊  နှမ်းထွက်ပေါ်ချိန်တွင် တောင်သူ များကိုယ်တိုင် မြို့ပေါ်ရှိပွဲရုံများသို့လာရောက်ရောင်းချကြောင်း၊ ထိုပွဲရုံများမှတဆင့် မန္တ‌လေးမြို့၊ မကွေးမြို့နှင့် ရန်ကုန်မြို့၊ ရွှေပြည်သာမြို့များသို့ တင်ပို့ရောင်းချလျက်ရှိကြောင်း၊ နှမ်းပေါ်ချိန်တွင် စျေးနှုန်း များကောင်းမွန်ပါက တောင်သူများအနေဖြင့် အကျိုးအမြတ် ပိုမိုဖြစ်ထွန်းနိုင်ကြောင်း၊ နှမ်းစိုက်တောင်သူများအနေဖြင့်  မိသားစုစားသုံးဆီဖူလုံရုံမျှမက ဝင်ငွေရရှိပြီး အကျိုးအမြတ်ရရှိသော နွေနှမ်းသီးနှံကိုလည်း နှစ်စဉ်စိုက်ပျိုးလျက်ရှိသည်။

DOCA(မန္တလေး)