ပခုက္ကူမြို့မဈေး၌ ဖေဖေါ်ဝါရီ (စတုတ္ထပတ်)တွင် သံပုရာသီး ဈေးတက်၍ အရောင်းအဝယ်ဖြစ်နေ
ဆေးဖက်ဝင် သံပုရာသီးကို ပခုက္ကူမြို့အနီးတစ်ဝိုက်ရှိ ကျွန်းဦး၊ ကျွန်းညို၊ ကံလှ ကျေးရွာများနှင့် မြစ်ခြေ၊ ကမ္မမြို့ ဥယျာဉ်ခြံမြေများတွင် အများဆုံးစိုက်ပျိုးကြပါသည်။ သံပုရာပင် သည် နှစ်ရှည်ပင်ဖြစ်သည့်အတွက် တစ်ခါစိုက်ပျိုးပြီးလျှင်ပင် နှစ်ရှည်ထိုင်စား၍ရသော သီးနှံပင် ဖြစ်ပါသည်။ သံပုရာပင်ကို တစ်ချို့မှာ အိမ်ခြံဝန်းထဲတွင် တစ်နိုင်တစ်ပိုင်စိုက်ပျိုးကြသလို စီးပွားဖြစ် လည်း စိုက်ပျိုးကြပါသည်။ သံပုရာပင် တစ်ပင်လျှင်ထွက်ရှိသော ပျမ်းမျှအသီးနှုန်းမှာ (၇၀-၉၀)အထိ ထွက်ရှိကြောင်း သိရပါသည်။ ပခုက္ကူဈေးကွက်သို့ အနီးတစ်ဝိုက်ရှိ ကျေးရွာများမှ လာရောက်ရောင်း ချကြောင်း သိရပါသည်။ ပခုက္ကူ ဈေးကွက်တွင်ရောင်းချလျက်ရှိသော သံပုရာသီးဈေးနှုန်းများ အနေ ဖြင့် ၂၀၂၆ခုနှစ်၊ ဖေဖေါ်ဝါရီလ (စတုတ္ထပတ်)တွင် ဆယ်လုံးလျှင် ကျပ်(၅၀၀၀ မှ ၈၀၀၀)၊ တစ်လုံးလျှင် ကျပ်(၅၀၀ မှ ၈၀၀)ဈေးဖြင့် ရောင်းချလျက်ရှိပါသည်။ သံပုရာသီးများကို ပခုက္ကူဈေးကွက်မှ တစ်ဆင့်မြို့ပေါ်ရှိ စားသောက်ဆိုင်များနှင့် ကုန်စိမ်းဈေးကွက်များသို့လည်း တင်ပို့ရောင်းချကြောင်း၊ လူတို့အတွက် သံပုရာသီးကို ကျန်းမာရေးအရသော်လည်းကောင်း၊ အသုပ်မျိုးစုံပြုလုပ်ရာတွင်သော်လည်းကောင်း နေ့စဉ်အမျိုးမျိုးပြုလုပ် စားသုံးကြသည့်အပြင် ယခုအချိန်သည် ပူအိုက်ရာသီ နွေရာသီအချိန်ဖြစ်၍ သောက်သုံးမှုများခြင်းကြောင့် ပိုမိုအရောင်းအဝယ်သွက်ကြောင်း ဈေးကွက်မှ သိရပါသည်။
ထို့ကြောင့် သံပုရာပင်စိုက်ပျိုးသော တောင်သူများအနေဖြင့် စိုက်ပျိုးရာတွင်လွယ်ကူပြီး စိုက်ပျိုးစရိတ်လည်းသက်သာ၍ နှစ်ပတ်လည်ဝင်ငွေများရရှိလာသဖြင့် အပိုဝင်ငွေများလည်း ရရှိလာ ကြောင်း သိရှိရပါသည်။
DOCA(မကွေး)
