ပြည်တွင်းကုန်သွယ်မှုသတင်း

ရှမ်းပြည်နယ်အစိုးရအဖွဲ့၏ လမ်းညွှန်ချက်အရ ရှမ်းပြည်နယ်(တောင်ပိုင်း)၊ တောင်ကြီးမြို့နယ်အတွင်းရှိ အငြိမ်းစား(ပင်စင်စား)ဝန်ထမ်းများအား သက်သာသောနှုန်းထားဖြင့် ဝယ်ယူနိုင်ရန်အတွက် ရည်ညွှန်းဈေးဖြင့် စားအုန်းဆီ တစ်လလျှင် (၁)ပိဿာနှုန်းဖြင့် ရောင်းချပေးနိုင်ရန် ညွှန်ကြားခဲ့ရာ ရှမ်းပြည်နယ်၊ စားသုံးသူရေးရာဦးစီးဌာနနှင့် ရှမ်းပြည်နယ်(တောင်ပိုင်း)၊ ဆီကုန်သည်နှင့် ဆီလုပ်ငန်းရှင်အသင်းတို့မှ ပူးပေါင်း၍ လစဉ်ရောင်းချပေးလျက်ရှိရာ ယခုလ ပင်စင်လစာထုတ်ပေး သည့် ၂၀၂၅ခုနှစ်၊ ဇွန်လ (၂၁)ရက်နေ့၊ နံနက်(၉)နာရီအချိန်မှစ၍ သက်သာသောနှုန်းထားဖြင့် အငြိမ်းစားဝန်ထမ်းတစ်ဦးလျှင် စားအုန်းဆီ (ရည်ညွှန်းဈေး) (၁)ပိဿာနှုန်းဖြင့် ရောင်းချပေးခဲ့ပြီး ၂၁-၆-၂၀၂၅ ရက်နေ့တွင် အငြိမ်းစားဝန်ထမ်းဦးရေပေါင်း (၁၃၃၃)ဦးအား ရောင်းချပေးနိုင်ခဲ့ကြောင်း သိရှိရပါသည်။
DOCA(ရှမ်း)

   ရန်ကုန်တိုင်းဒေသကြီး၊ မြောက်ပိုင်းခရိုင်အတွင်းရှိ အင်းစိန်ဈေးအတွင်း အခြေခံစားသောက်ကုန်ဈေးနှုန်းများဖြစ်သော ဆန်ကြမ်း/ဆန်ချော အမျိုးအစားများအလိုက် ဇွန်လနောက်ဆုံးပတ်တွင် ငစိန်တစ်ပြည်လျှင် ကျပ် ၃၀၀၀ မှ ၃၂၀၀၊ ဧည့်မထတစ်ပြည်လျှင် ကျပ် ၃၃၀၀ မှ ၃၄၀၀၊ ဇီယာ တစ်ပြည်လျှင် ကျပ် ၃၆၀၀ မှ ၃၇၀၀၊ မနောသုခတစ်ပြည်လျှင်ကျပ် ၄၁၀၀ မှ ၄၃၀၀၊ ပေါ်ကျွဲ တစ်ပြည်လျှင် ကျပ် ၄၇၀၀ မှ ၄၈၀၀၊ ပေါ်ဆန်းတစ်ပြည်လျှင် ကျပ် ၅၅၀၀ မှ ၅၇၀၀၊ ရွှေဘိုပေါ် ဆန်းမွှေးတစ်ပြည်လျှင် ကျပ် ၆၅၀၀ မှ ၆၇၀၀ လည်းကောင်းအရောင်းအဝယ်ဖြစ်လျက်ရှိကြောင်း သိရှိရပါသည်။

    စားဖိုးဆောင်စားသောက်ကုန်များတွင် ပဲဆီတစ်ပိဿာလျှင် ကျပ် ၂၀,၀၀၀၊ ကြက်သွန်နီ တစ်ပိဿာလျှင် ကျပ် ၂,၅၀၀၊ ကြက်သွန်ဖြူ(ဥတစ်လုံး)တစ်ပိဿာလျှင် ကျပ် ၂၀,၀၀၀ ကြက်သွန်ဖြူ (ကြူကုတ်)တစ်ပိဿာလျှင် ကျပ် ၁,၄၀၀၀၊ အာလူးတစ်ပိဿာလျှင် ကျပ် ၄,၅၀၀၊ မန်ကျည်းသီး မှည့်တစ်ပိဿာလျှင် ကျပ် ၁၂,၀၀၀၊ ချင်းတစ်ပိဿာလျှင် ကျပ် ၇,၀၀၀ မှ ၈,၀၀၀၊ စားအုန်းဆီ တစ်ပိဿာလျှင် ကျပ် ၆၄၈၅တို့ဖြစ်ပြီး၊ အသား/ငါးဈေးနှုန်းများမှာ မွေးမြူရေးကြက်တစ်ပိဿာ ကျပ် ၂၀,၀၀၀၊ မြန်မာကြက်တစ်ပိဿာကျပ် ၃၈,၀၀၀၊ ဝက်သားတစ်ပိဿာကျပ် ၃၅,၀၀၀၊ ဆိတ်သား တစ်ပိဿာလျှင် ကျပ် ၄၅,၀၀၀၊ ဘဲသားတစ်ပိဿာလျှင် ကျပ် ၃၀,၀၀၀၊ အမဲသား တစ်ပိဿာလျှင် ကျပ် ၃၀,၀၀၀၊ ငါးကြင်းတစ်ပိဿာကျပ် ၂၂,၀၀၀၊ ငါးမြစ်ချင်းတစ်ပိဿာလျှင်ကျပ် ၁၆,၀၀၀၊ ပုစွန်ထုပ်(ကြီး)တစ်ပိဿာကျပ် ၅၀,၀၀၀၊ ပုစွန်ကြော့တစ်ပိဿာကျပ် ၃၀,၀၀၀၊ ကြက်ဥတစ်လုံးလျှင် ကျပ် ၃၇၀၊ ဘဲဥတစ်လုံးလျှင် ကျပ် ၅၅၀ တို့ဖြင့်အရောင်းအဝယ်ဖြစ်လျက်ရှိပါသည်။ ဟင်းသီးဟင်းရွက်များကို တညင်းကုန်းလက်ကားကြီးနှင့်သီရိမင်္ဂလာဈေးတို့မှ ဝယ်ယူရောင်းချလျက်ရှိကြောင်း သိရှိရပါသည်။

     စားအုန်းဆီမှ ရည်ညွှန်းဈေးကျပ် ၆၀၆၀ အပေါ် အခြေခံရောင်းချရ၍ ဈေးနှုန်းထပ်မံကျဆင်း ပြီး အခြေခံစားကုန်နှင့်အသားငါးတို့မှာ ဈေးနှုန်းတည်ငြိမ်လျက်ရှိရာ ဇွန်လ (၃၀)ရက်အတွက် ဈေးကွက်စုံစမ်းသိရှိရပါသည်။

DOCA(ရန်ကုန်)

၂၀၂၅ ခုနှစ်၊ ဇွန်လ စတုတ္ထအပတ်တွင် ကျိုင်းတုံမြို့ရှိ ဘိလပ်မြေနှင့် ဓာတ်မြေဩဇာ ဈေးနှုန်းအနေဖြင့် ဘိလပ်မြေ ကျားတံဆိပ် (40)kg တစ်အိတ်လျှင် (၂၆၈၀၀) ကျပ်၊ ဆင်တံဆိပ် (50)kg တစ်အိတ်လျှင် (၂၈၆၀၀)ကျပ်၊ စိန်တံဆိပ် (50)kg တစ်အိတ်လျှင် (၂၈၈၀၀)ကျပ် ဖြစ်ပါသည်။ ဓာတ်မြေဩဇာဈေးနှုန်းများမှာ ပုလဲ (MEP) (50)kg တစ်အိတ်လျှင် (၁၄၅၀၀၀)ကျပ်၊ တီဆူပါ (လေဆာ) (50)kg တစ်အိတ်လျှင် (၄၀၀၀၀) ကျပ်၊ တီဆူပါ (may) (၁) လီတာလျှင် (၇၀၀၀၀) ကျပ်၊ ယူရီးယား (မြင်းပျံ) (50)kg တစ်အိတ်လျှင် (၁၄၀၀၀၀) ကျပ် တို့ဖြစ်ပါသည်။
တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၂၂၃၀၀) ကျပ်၊ ဆင်တံဆိပ်(50)kg တစ်အိတ်လျှင် (၂၄၀၀၀)ကျပ်၊ စိန်တံဆိပ်(50)kg တစ်အိတ်လျှင် (၂၄၃၀၀)ကျပ် တို့ဖြစ်ပါသည်။
ရှမ်းပြည်နယ်(အရှေ့ပိုင်း)၊ ကျိုင်းတုံမြို့၏ ဘိလပ်မြေနှင့်ဓာတ်မြေဩဇာဈေးနှုန်းများမှာ ယခင် ဇွန်လတတိယအပတ်နှင့် ဈေးနှုန်းနှိုင်းယှဉ်ပါက ဘိလပ်မြေဈေးနှုန်း အနည်းငယ်ကျဆင်းခဲ့ပြီး ဓာတ်မြေဩဇာဈေးနှုန်းများမှာ တည်ငြိမ်လျက်ရှိပါသည်။ တာချီလိတ်မြို့၏ ဘိလပ်မြေဈေးနှုန်းများမှာ အနည်းငယ်ကျဆင်းခဲ့ကြောင်း သိရှိရပါသည်။
DOCA(ရှမ်း)

၂၀၂၅ ခုနှစ်၊ ဇွန်လ စတုတ္ထအပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်း(YA) တစ်ပြည် ၇၇၀၀ ကျပ်၊ ဧည့်မထ (ဒေသ) ဆန်တစ်ပြည် ၅၂၀၀ ကျပ်ဖြင့်ရောင်းဝယ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီ တစ်ပိဿာ ၃၃၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၁၂၀၀၀ ကျပ်၊ (ရှမ်းစ) တစ်ပိဿာ ၁၂၀၀၀ ကျပ်၊ ငရုတ်သီးခြောက်(ရှည်)တစ်ပိဿာ ၁၇၀၀၀ ကျပ်၊ ခရမ်းချဉ်သီး တစ်ပိဿာ ၅၈၀၀ ကျပ်၊ အာလူး တစ်ပိဿာ ၅၅၀၀ ကျပ်၊ မန်ကျည်းသီးမှည့် တစ်ပိဿာ ၁၀၀၀၀ ကျပ်နှင့်ချင်း (ဂျင်း)တစ်ပိဿာ ၅၇၀၀ ကျပ် စသည်ဖြင့် ရောင်းဝယ်လျက်ရှိပါသည်။
ကျိုင်းတုံမြို့တွင် ဇွန်လ စတုတ္ထအပတ် စားသုံးဆီနှင့်ဥ ဈေးနှုန်းများအနေဖြင့် စားအုန်းဆီ တစ်ပိဿာ ၁၃၅၀၀ ကျပ်နှင့် ပဲဆီ(ရိုးရိုး) တစ်ပိဿာ ၂၃၀၀၀ ကျပ်၊ ကြက်ဥဈေးနှုန်းမှာ တစ်လုံး ၅၀၀ ကျပ်နှင့်ဘဲဥ တစ်လုံး ၈၀၀ ကျပ်ဖြင့်ရောင်းဝယ်လျက်ရှိပါသည်။ အသား/ငါးဈေးနှုန်းများမှာ ကြက်သား (CP) တစ်ပိဿာ ၂၀၀၀၀ ကျပ်၊ ကြက်သား(ဒေသ) တစ်ပိဿာ ၂၆၀၀၀ ကျပ်၊ ဝက်သား တစ်ပိဿာ ၄၀၀၀၀ ကျပ်၊ အမဲသား တစ်ပိဿာ ၃၂၀၀၀ ကျပ်၊ ငါးကြင်း တစ်ပိဿာ ၂၅၀၀၀ ကျပ်၊ ငါးမြစ်ချင်း တစ်ပိဿာ ၁၈၀၀၀ ကျပ် ဈေးနှုန်းများဖြင့် ရောင်းဝယ်လျက်ရှိကြောင်း သိရှိရပါသည်။
ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင် ဇွန်လ တတိယအပတ်နှင့် ဈေးနှုန်းနှိုင်းယှဉ်ပါက ချင်း(ဂျင်း)၊ အာလူးနှင့်ခရမ်းချဉ်သီး ဈေးနှုန်းအနည်းငယ်မြင့်တက်ခဲ့ပြီး ကြက်သွန်နီနှင့်ပဲနီလေး ဈေးနှုန်းအနည်းငယ်ကျဆင်းခဲ့ပါသည်။ ယင်းသို့ ဈေးနှုန်းမြင့်တက်ရခြင်းမှာ ဒေသထွက်များ လက်ကျန်လျော့နည်းလာသောကြောင့် ဖြစ်ပါသည်။ ကြက်သွန်နီနှင့်ပဲနီလေး ဈေးနှုန်းကျဆင်းရခြင်းမှာ ပြည်မမှဒေသတွင်းသို့အဝင်များပြီး ဝယ်လိုအားနည်းသောကြောင့် ဖြစ်ပါသည်။ ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရှိရပါသည်။
DOCA(ရှမ်း)

၂၀၂၅ ခုနှစ်၊ ဇွန်လ (၂၇)ရက်နေ့၊ နံနက်(၀၉း၃၀)နာရီအချိန်တွင် ရှမ်းပြည်နယ် (အရှေ့ပိုင်း)၊ ကျိုင်းတုံခရိုင်စီမံအုပ်ချုပ်ရေးအဖွဲ့၊ ခရိုင်အထွေထွေအုပ်ချုပ်ရေးဦးစီးဌာနရုံးဝန်းအတွင်း ဝန်ထမ်းများအတွက် ကြက်ဥနှင့်ဝက်သားများကို သက်သာသောဈေးနှုန်းဖြင့် ရောင်းချပေးလျက်ရှိကြောင်း သိရှိရပါသည်။
ထိုသို့ ရောင်းချရာတွင် ကျိုင်းတုံခရိုင်စီမံအုပ်ချုပ်ရေးအဖွဲ့၊ ခရိုင်အထွေထွေအုပ်ချုပ်ရေးဦးစီးဌာန၊ မွေးမြူရေးနှင့်ကုသရေးဦးစီးဌာနနှင့် မွေးမြူရေးလုပ်ငန်းရှင်များအဖွဲ့တို့ပူးပေါင်း၍ ကြက်ဥ အလုံးသေး(၃၀)ပါတစ်ကတ်လျှင်(၁၃၀၀၀)ကျပ်၊ ကြက်ဥအလုံးကြီး(၃၀)ပါတစ်ကဒ်လျှင် ၁၃၅၀၀ ကျပ်ဖြင့် (၂၄၀)ကတ်နှင့် ဝက်သားတစ်ပိဿာ(၃၀၀၀၀)ကျပ်ဖြင့်(၆၅)ပိဿာ ရောင်းချပေးခဲ့ကြောင်း သိရှိရပါသည်။
DOCA(ရှမ်း)