ပြည်တွင်းကုန်သွယ်မှုသတင်း

         ၂၀၂၄ ခုနှစ်၊ ဧပြီလတွင် ကရင်ပြည်နယ်၊ ဘားအံမြို့ဒေသထွက် ပိန္နဲသီးများ ဈေးကောင်းရ လျက်ရှိနေကြောင်း သတင်းရရှိသည်။ ပိန္နဲသီးသည်ပူနွေသောရာသီတွင် လှိုင်လှိုင်ပေါလေ့ရှိပြီး အိမ်မာနှင့်အိမ်ပျော့ဟူ၍နှစ်မျိုးရှိသည်။ အသားကြွပ်ဆက်ဆက် အိမ်မာသီးကို လူကြိုက်များလှပါ သည်။ ချိုချိုလေးနဲ့ အရသာရှိတဲ့ ပိန္နဲသီးကို အခွံနွာကာ အသစ်သီအဖြစ် အဆာပြေ စားကြသလို ယို၊ ဂျယ်လီ၊ ရေခဲမုန့်၊ စည်သွတ်ဘူးအဖြစ်သော်လည်းကောင်း၊ အစေ့ကိုပြုတ်၍သောလည်ကောင်း၊ အသီးနုနုကိုပြုတ်ကာ ပိန္နဲသီးသုပ်၊ ပိန္နဲသီးသနပ်၊ တာလပေါ့ဟင်းရည်စသည့်ဖြင့် အမျိုးမျိုး ချက်စားနိုင်ပါသည်။ ပွင့်လင်းရာသီ နွေရာသီချိန်တွင် ကရင်ပြည်နယ်၊ ဘားအံမြို့ဒေသထွက် ပိန္နဲသီးများ ရောင်းချဝယ်ယူရာတွင် အရွယ်အစားလိုက်ပြီး ဈေးနှုန်းကွာဟမှုရှိပါသည်။ ပိန္နဲသီး အလုံးကြီးတစ်လုံးဈေးနှုန်း (၁၅၀၀၀) ကျပ်၊ ပိန္နဲသီးအလုံးလတ်တစ်လုံးဈေးနှုန်း (၁၀၀၀၀) ကျပ်၊ နှင့် ပိန္နဲသီးအလုံးငယ်တစ်လုံးဈေးနှုန်း (၈၀၀၀) ကျပ်၊ တို့ဖြင့် ဈေးကောင်းရ၍ အရောင်း အဝယ်ဖြစ် လျက်ရှိကြောင်း သိရှိရပါသည်။

DOCA(ကရင်)

     မကွေးတိုင်းဒေသကြီး၊ မကွေးခရိုင်၊ မကွေးမြို့နယ်၊ မကြီးကန်အုပ်စုရှိ ပုထိုးစမ်းကျေးရွာသည် နှမ်း၊ ကုလားပဲ၊ မြေပဲ၊ ပဲတီစိမ်း၊ မတ်ပဲနှင့် ပဲစဉ်းငုံသီးနှံများကို စိုက်ပျိုးကြပြီး မြေပဲစိုက်တောင်သူမှာ (၅၀)ဦးခန့်ရှိပြီး စိုက်ဧက(၃၀၀၀)ဧကကျော် စိုက်ပျိုးထားကြောင်း သိရှိရပါသည်။

   ယခင်နှစ်ကထွက်ရှိသည့် မြေပဲများကို မျိုးအဖြစ်ဖယ်ချန်ကာ ကြောင်းဆွဲစနစ်ဖြင့် စိုက်ပျိုးခြင်းဖြစ်ကြောင်း၊ မြေပဲစိုက်ခင်း(၆)ဧကခန့် စိုက်ပျိုးထားပြီး တစ်ဧကလျှင် မျိုး(၃)တင်းခန့် ကုန်ကျကြောင်း၊  ၂၀၂၃ခုနှစ်၊ အောက်တိုဘာလတွင် စတင်စိုက်ပျိုးပြီး ရက်ပေါင်း(၉၀)အကြာတွင် ရိတ်သိမ်းကြောင်း၊ ကုန်ကျစရိတ်အနေဖြင့် ယခင်နှစ်က တစ်ဧကလျှင် ကျပ်(၆၀၀၀၀၀)ခန့်ကုန်ကျပြီး ယခုနှစ်တွင် သွင်းအားစုစရိတ်မြင့်တက်လာ၍ ကျပ်(၇၀၀၀၀၀)ခန့် ကုန်ကျကြောင်း၊ အထွက်နှုန်း အနေဖြင့် (၁)ဧကလျှင် ယခင်နှစ်နည်းတူ ယခုနှစ်တွင်  မြေပဲတောင့် တင်း(၈၀)ခန့်ထွက်ရှိကြောင်း၊ ဈေးနှုန်းမှာ ယခင်နှစ်က မြေပဲတောင့်တစ်တင်းလျှင် ကျပ်(၁၇၀၀၀)၊ မြေပဲဆံ တစ်တင်းလျှင် ကျပ် (၁၃၀၀၀၀)ဈေးရရှိခဲ့ပြီး ယခုနှစ် ၂၀၂၄ခုနှစ်၊ ဧပြီလ(တတိယပတ်)တွင် မြေပဲတောင့် တစ်တင်းလျှင် ကျပ်(၂၀၀၀၀)၊ မြေပဲဆံ တစ်တင်းလျှင်  ကျပ်(၁၆၀၀၀၀)အထိ ဈေးရရှိကြောင်း၊  မိမိအနေဖြင့် မြေပဲတောင့်အဖြစ်သာ မကွေးမြို့ပေါ်ရှိပွဲရုံများသို့ ရောင်းချကြောင်း၊ ယခုနှစ်တွင် သွင်းအားစုစရိတ် မြင့်တက်လာသော်လည်း မြေပဲတောင့်၊ မြေပဲဆံဈေးနှုန်းမှာ ဈေးကောင်းရရှိသောကြောင့် မြေပဲစိုက်တောင်သူများအနေဖြင့် ထိုက်သင့်သည့်အကျိုးအမြတ်များရရှိကာ အဆင်ပြေလျက်ရှိပါကြောင်း ပုထိုးစမ်းကျေးရွာနေ မြေပဲစိုက်တောင်သူဦးလှမြင့်ထံမှ သိရှိရပါသည်။

DOCA(မကွေး)

     ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများမှာ အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ် မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန် အခြေအနေများကို  အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေကို နေ့စဉ်စုံစမ်းလျက်ရှိပါသည်။ ဧပြီလတွင် သင်္ကြန်ရုံးပိတ်ရက်များရှိသည့်အတွက် ဧပြီလ (၂၀) ရက်နေ့မှ ဧပြီလ (၂၃)ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိပ်ဖြူ၊ တောင်တွင်း၊ မြင်းခြံ၊ အောင်လံဒေသတို့မှ ကြက်သွန်နီ (၄၂၀၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့်ပြန်လည်စီးထွက်မှုရှိကြောင်းသိရှိရပါသည်။ ထို့ကြောင့် ကြက်သွန်နီလက်ကျန်မှာ (၁၆၈၀၀၀) ပိဿာကျန်ရှိကြောင်း ကုန်စည်ဒိုင်သတင်းအရသိရှိရသည်။ တောင်တွင်း ကြက်သွန်နီ(အသစ်) အချောတစ်ပိဿာလျှင် ကျပ်၁၇၀၀၊ အသန့်မှာ တစ်ပိဿာလျှင် ကျပ်၂၃၀၀၊ အကြီးမှာ ကျပ်၂၄၀၀၊ ရှယ်မှာ ကျပ်၂၅၀၀၊  ဆိပ်ဖြူကြက် သွန်နီ (အသစ်) အချောတစ်ပိဿာလျှင် ကျပ်၁၇၀၀၊ အသန့်မှာ တစ်ပိဿာလျှင် ကျပ် ၂၃၀၀၊ အကြီးမှာ ကျပ်၂၄၀၀၊ ရှယ်မှာ ကျပ်၂၅၀၀၊  မြင်းခြံကြက်သွန်နီ (အသစ်) အချောတစ်ပိဿာလျှင် ကျပ်၁၆၅၀၊ အသန့်မှာ တစ်ပိဿာလျှင် ကျပ်၂၂၀၀၊ အကြီးမှာ ကျပ်၂၃၀၀၊ ရှယ်မှာ ကျပ်၂၄၀၀၊ အောင်လံကြက်သွန်နီ (အသစ်) အချောတစ်ပိဿာလျှင် ကျပ်၁၃၀၀၊ အသန့်မှာ တစ်ပိဿာလျှင် ကျပ်၁၇၀၀၊ အကြီးမှာ ကျပ်၂၂၀၀၊ ရှယ်မှာ ကျပ်၂၄၀၀ စသည်ဖြင့် ဈေးနှုန်းအသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် (၂၂-၄-၂၀၂၄) ရက်နေ့၊ နံနက် (၁၀:၀၀) နာရီအချိန်တွင် အမှတ် (ခ)၊ စည်ပင်လမ်း၊ (၂၅) ရပ်ကွက်၊ တောင်ဒဂုံမြို့နယ်ရှိ စိန်ကျော်စားအုန်းဆီ လက်လီ/ လက်ကားရောင်းချသည့် အရောင်းဆိုင်သို့သွားရောက်၍ စားအုန်းဆီများ ရည်ညွှန်းလက်ကားဈေးနှုန်းအပေါ်  သယ်ယူပို့ဆောင်ခကုန်ကျစရိတ်များထပ်ပေါင်း၍ ၂%အမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချခြင်း၊ အလေးချိန်မှန်ကန်စွာရောင်းချပေးခြင်းရှိ/မရှိတို့ကို သွားရောက်စစ်ဆေးခဲ့ရာ စားအုန်းဆီ ၁ပိဿာလျှင် လက်လီဈေး ၅၇၄၀ကျပ်နှင့် လက်ကားဈေး ၅၅၄၀ကျပ်တို့ဖြင့် ရောင်းချပေးနေကြောင်းသိရှိရပါသည်။

DOCA(ရန်ကုန်)

      မြန်မာနိုင်ငံစက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းတို့ကို နေ့စဉ်ထုတ်ပြန်ပေးလျက်ရှိပါသည်။

      ကရင်ပြည်နယ်၊   ဘားအံမြို့ပေါ်တွင်   စက်သုံးဆီဆိုင်  (၇)ဆိုင်ပုံမှန်ဖွင့်လှစ်ရောင်းချလျက်ရှိပြီး ဧပြီလ စတုတ္ထပတ်တွင်ဖြစ်ပေါ်နေသော စက်သုံးဆီဈေးနှုန်းများမှာ  ဓာတ်ဆီ (95) တစ်လီတာလျှင် (၃၀၀၀)ကျပ်၊ (92) တစ်လီတာလျှင် (၂၈၈၀)ကျပ်၊ ဒီဇယ်(ရိုးရိုး)တစ်လီတာလျှင် (၂၄၇၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၅၂၀)ကျပ်ဖြင့်ရောင်းချလျက်ရှိပြီး  ယခင်ဧပြီလ တတိယပတ် စက်သုံးဆီဈေးနှုန်းများမှာ  ဓာတ်ဆီ (95) တစ်လီတာလျှင် (၂၉၇၀)ကျပ်၊ (92) တစ်လီတာလျှင် (၂၈၆၀)ကျပ်၊ ဒီဇယ်(ရိုးရိုး)တစ်လီတာလျှင် (၂၅၂၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၅၇၀) ကျပ်တို့ဖြင့် သက်မှတ်ရည်ညွှန်းဈေးနှုန်းအတိုင်း ရောင်းချခဲ့ကြောင်းသိရသည်။ သုံးစွဲသူမိဘပြည်သူများအနေဖြင့် စက်သုံးဆီများဝယ်ယူသုံးစွဲရာတွင် ကျေနပ်မှုမရှိပါက စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏  (၀၆၇-၄၁၁၃၇၃၊ ၀၆၇-၄၁၁၂၈၂၊ ၀၉-၂၅၄၆၂၅၄၇၇၊  ၀၉-၇၇၅၂၉၃၆၃၂) ဖုန်းနံပါတ်များသို့ လုံခြုံစိတ်ချစွာသတင်းပေးတိုင်ကြားနိုင်ကြောင်း ပြောကြားခဲ့မှုကို သတင်းရရှိပါသည်။

DOCA(ကရင်)