ပြည်တွင်းကုန်သွယ်မှုသတင်း

      ၂၀၂၃ ခုနှစ် ဇူလိုင်လ ဒုတိယပတ်အတွင်း မိတ္ထီလာမြို့နယ် စျေးကွက်ရှိ အခြေခံစားကုန်စျေးနှုန်းများမှာ ရွှေဘိုပေါ်ဆန်း ဆန်တစ်အိတ်လျှင် (၁၀၅၀၀၀) ကျပ်၊ မဂျမ်းတော ဆန်တစ်အိတ်လျှင် (၈၅၀၀၀) ကျပ်၊ မနောသုခ ဆန်တစ်အိတ်လျှင် (၈၀၀၀၀) ကျပ်၊ ပဲဆီ၊ နှမ်းဆီတို့မှာ တစ်ပိဿာလျှင် (၁၄၀၀၀) ကျပ်၊ စာအုန်းဆီ တစ်ပိဿာလျှင် (၈၀၀၀) ကျပ်၊ ကြက်သွန်နီအလတ် တစ်ပိဿာလျှင် (၂၂၀၀) ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် (၇၅၀၀) ကျပ်၊ အာလူး (လတ်) တစ်ပိဿာလျှင် (၂၈၀၀) ကျပ်၊ ဂျင်း တစ်ပိဿာ (၆၀၀၀) ကျပ်၊ ကြက်ဥ တစ်လုံး (၂၆၀ မှ ၃၀၀) ကျပ်၊ ဘဲဥ တစ်လုံးလျှင် (၃၅၀) ကျပ်၊ ခရမ်းချဉ်သီး တစ်ပိဿာလျှင် (၂၀၀၀) ကျပ်၊ ဂေါ်ဖီထုပ် တစ်ထုပ်လျှင် (၆၀၀မှ ၇၀၀) ကျပ်၊ ကြက်သား တစ်ပိဿာလျှင် (၁၂၀၀၀) ကျပ်၊ ဝက်သား တစ်ပိဿာလျှင် (၂၀၀၀၀) ကျပ်၊ အမဲသား တစ်ပိဿာလျှင် (၁၆၀၀၀) ကျပ်၊ ငါးမြစ်ချင်း တစ်ပိဿာလျှင် (၈၀၀၀) ကျပ် စျေးရှိပါသည်။ ယခင်ဇွန်လ ဒုတိယပတ်နှင့် နှိုင်းယှဉ်ပါက ဆန်စျေးနှုန်းများတွင် စားသုံးမှုများသော မနောသုခ၊ မဂျမ်း တောဆန်‌စျေးများ အနည်းငယ်မြင့်တက်လာပြီး စာသုံးဆီစျေးများ အတက်၊ အကျ များစွာပြောင်းလဲမှု မရှိကြောင်းသိရသည်။ ကုန်ခြောက်စျေး အတော်များများစျေးငြိမ်နေပြီး၊ ကုန်စိမ်းစျေးများတွင် ခရမ်းချဉ်သီးစျေးမြင့်လာကာ အသားငါးစျေးနှုန်းမျာတွင် ကြက်ဥနှင့်ကြက်သားစျေးမြင့်လာကြောင်း စျေးကွက်မှ သိရသည်။

DOCA(မန္တလေး)

     မြန်မာနိုင်ငံ စက်သုံးဆီ တင်သွင်း၊ သိုလှောင်၊ ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျှက်ရှိပါသည်။

     မင်းဘူးမြို့ပေါ်၌ စက်သုံးဆီအရောင်းဆိုင် (၁၆)ဆိုင်ရှိရာ ပုံမှန်ဆိုင်ဖွင့်ရောင်းချလျက်ရှိကြပြီး ၂၀၂၃ ခုနှစ်၊ ဇူလိုင်လ (စတုတ္တပတ်) စက်သုံးဆီ ဈေးနှုန်းများမှာ ဒီဇယ်(ရိုးရိုး) (၁)လီတာလျှင် ယခင်အပတ်တွင် ကျပ်(၂၁၄၀)ဖြစ်ပြီး ယခုအပတ်တွင် ကျပ်(၂၂၄၅)ဖြစ်၍ ကျပ်(၁၀၅) ဈေးမြင့်ခဲ့ကြောင်း၊ ဒီဇယ်(ပရီမီယမ်) (၁)လီတာလျှင် ယခင်အပတ်တွင် ကျပ်(၂၂၂၀)ဖြစ်ပြီး ယခုအပတ်တွင် ကျပ်(၂၃၂၅)ဖြစ်၍ ကျပ်(၁၀၅) ဈေးမြင့်ခဲ့ကြောင်း၊ ဓာတ်ဆီ(92) (၁)လီတာလျှင် ယခင်အပတ်တွင် ကျပ်(၂၁၆၀)ဖြစ်ပြီး ယခုအပတ်တွင် ကျပ်(၂၂၅၅)ဖြစ်၍ ကျပ်(၉၅) ဈေးမြင့်ခဲ့ကြောင်း၊ ဓာတ်ဆီ(95) (၁)လီတာလျှင် ယခင်အပတ်တွင် ကျပ်(၂၂၇၅)ဖြစ်ပြီး ယခုအပတ်တွင် ကျပ်(၂၃၇၀)ဖြစ်၍ ကျပ် (၉၅)ဖြင့် ဈေးနှုန်းအသီးသီးမြင့်တက်လာကြောင်း စက်သုံးဆီအရောင်းဆိုင်များမှ သိရှိရပါသည်။    

DOCA(မကွေး)

 မင်းဘူးမြို့ပေါ်၌ ရောင်းချလျက်ရှိသော ရေထွက်ပစ္စည်းများမှာ ၂၀၂၃ခုနှစ်၊ ဇူလိုင်လ (စတုတ္ထပတ်)တွင် ငါးကြင်းဖြူ (၁)ပိဿာလျှင် ကျပ်(၁၅၀၀၀-၁၇၀၀၀)၊ ငါးတံခွန် (၁)ပိဿာလျှင် ကျပ်(၁၀၀၀၀-၁၂၀၀၀)၊ ငါးသေတ္တာခြောက် (၁)ပိဿာလျှင် ကျပ်(၁၀၀၀၀)၊ ငါးပုတ်သင် (၁)ပိဿာ လျှင် ကျပ်(၁၂၀၀၀-၁၅၀၀၀)၊ ငါးကွင်းရှပ်(၁)ပိဿာလျှင် ကျပ်(၁၅၀၀၀-၂၁၀၀၀)၊ ငါးရံ့ခြောက်ပြား (၁)ပိဿာလျှင် ကျပ်(၅၅၀၀၀-၈၅၀၀၀)၊ ငါးနီတူး(၁)ပိဿာလျှင် ကျပ်(၁၆၀၀၀)၊ အာဗြဲခြောက် (၁)ပိဿာလျှင် ကျပ်(၂၀၀၀၀-၂၅၀၀၀)၊  ပုဇွန်ခြောက် (၁)ပိဿာလျှင် ကျပ်(၅၅၀၀၀-၈၀၀၀၀)ထိ ဖြစ်ကြောင်း ပုဇွန်ခြာက်သည် ဆားအပေါ့၊ အငန်ပေါ်မူတည်၍ ဈေးနှုန်းကွာခြားရခြင်းဖြစ်ကြောင်း သိရှိရပါသည်။

   ပုဇွန်ခြောက်များကို ရခိုင်ပြည်နယ်မှဝယ်ယူ၍ ငါးခြောက်များကို ရန်ကုန်၊ ဘုရင့်နောင်ပွဲရုံနှင့် ရခိုင်ပြည်နယ်တို့မှလည်းကောင်း ဝယ်ယူရောင်းချလျက်ရှိကြောင်း ကွင်းဆင်းမေးမြန်းမှုအရ သိရှိရပါသည်။

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ နှင့်အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ် စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံ လက်ကား ရည်ညွှန်းဈေးနှုန်းကို ထုတ်ပြန်ပေးလျက်ရှိပါသည်။

      ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့်ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ ဩဂုတ်လ ၁၄ ရက်နေ့ မှ ဩဂုတ်လ ၂၀ ရက်နေ့အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၄၀၃၅ ကျပ် ဖြစ်ကြောင်း ထုတ်ပြန်ကြေညာထားပါသည်။

   ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။

    အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန၏ Website: www.doca.gov.mm၊  Facebook Page နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

   တောင်ငူမြို့၊ ညောင်ပင်ဈေးရှိ သားငါးဆိုင်များတွင် ကြက်သား (အိမ်မွေးကြက်) အကောင်လိုက်ဈေးတစ်ပိဿာလျှင် ၁၆၀၀၀ကျပ်၊ အသားသီးသန့်တစ်ပိဿာလျှင် ၂၀၀၀၀ကျပ်၊ စီပီကြက်အခြမ်းလိုက်ဈေးမှာ တစ်ပိဿာလျှင် ၁၀၀၀၀ကျပ်၊ အသားသီးသန့်မှာ တစ်ပိဿာလျှင် ၁၂၀၀၀ကျပ်ဖြင့် ဈေးနှုန်းတည်ငြိမ်နေပါသည်။

  ဝက်သား (ရေလွတ်သား) မှာ ၂၀၂၃ခုနှစ်၊ ဇူလိုင်လ၊ အစောပိုင်းအချိန်တွင် သုံးထပ်သားတစ်ပိဿာလျှင် ၁၅၀၀၀ကျပ်၊ ပေါင်သားတစ်ပိဿာလျှင် ၁၇၀၀၀ကျပ်၊ အသားသီးသန့်တစ်ပိဿာလျှင် ၁၉၀၀၀ကျပ်ရှိပြီး ယခုလဆန်းတွင် သုံးထပ်သားတစ်ပိဿာလျှင် ၁၆၀၀၀ကျပ်၊ ပေါင်သားတစ်ပိဿာလျှင် ၁၈၀၀၀ကျပ်၊ အသားသီးသန့်တစ်ပိဿာလျှင် ၂၀၀၀၀ကျပ်ရှိဖြင့် ဈေးအနည်းငယ်တက်လာခဲ့ပါသည်။

     ငါးကြင်းမှာ ယခင်လကုန်ပိုင်းတွင် အကောင်လိုက်ဈေးတစ်ပိဿာလျှင် ၈၀၀၀ကျပ်၊ အသားသီးသန့်တစ်ပိဿာလျှင် ၁၀၀၀၀ကျပ်ရှိခဲ့ရာမှ ယခုလဆန်းတွင် အကောင်လိုက်ဈေးတစ်ပိဿာလျှင် ၈၀၀၀ကျပ်မှ ၁၀၀၀၀ကျပ်အထိ၊ အသားသီးသန့်တစ်ပိဿာလျှင် ၁၂၀၀၀ကျပ်မှ ၁၃၀၀၀ကျပ်အထိ၊ ငါးကြင်းဖြူမှာ ယခင်လအစောပိုင်းတွင် အကောင်လိုက်ဈေးတစ်ပိဿာလျှင် ၁၂၀၀၀ကျပ်၊ အမြီးလွတ်၊ ခေါင်းလွတ်တစ်ပိဿာလျှင် ၁၅၀၀၀ကျပ်ရှိခဲ့ရာမှ ယခုအပတ်တွင်  အကောင်လိုက်ဈေးတစ်ပိဿာလျှင် ၁၅၀၀၀ကျပ်၊ အမြီးလွတ်၊ ခေါင်းလွတ်တစ်ပိဿာလျှင် ၂၀၀၀၀ကျပ်ဖြင့် ဈေးနှုန်းမြင့်တက်လာခဲ့ပါသည်။

    ငါးရံ့မှာ အကောင်သေးတစ်ပိဿာလျှင် ၁၄၀၀၀ကျပ်၊ အကောင်လတ်တစ်ပိဿာလျှင် ၁၆၀၀၀ကျပ်နှင့် အကောင်ကြီးတစ်ပိဿာလျှင် ၁၈၀၀၀ကျပ်ဖြင့် ဈေးနှုန်းတည်ငြိမ်နေပြီး ငါးခူမှာ ယခင်လ၊ အစောပိုင်းအချိန်တွင် အကောင်သေးတစ်ပိဿာလျှင် ၁၈၀၀၀ကျပ်၊ အကောင်လတ် တစ်ပိဿာလျှင် ၂၀၀၀၀ကျပ်နှင့် အကောင်ကြီးတစ်ပိဿာလျှင် ၂၂၀၀၀ကျပ်ရှိခဲ့ရာမှ ယခုလဆန်းပိုင်းတွင်  အကောင်သေးတစ်ပိဿာလျှင် ၂၆၀၀၀ကျပ်၊ အကောင်လတ်တစ်ပိဿာလျှင် ၂၈၀၀၀ကျပ်နှင့် အကောင်ကြီးတစ်ပိဿာလျှင် ၃၀၀၀၀ကျပ်ဖြင့် ဈေးနှုန်းမြင့်တက်လာခဲ့ပါသည်။

   ပုစွန်ဆိတ်မှာ ယခင်လ၊ အစောပိုင်းအချိန်တွင် အသေးတစ်ပိဿာလျှင် ၈၀၀၀ကျပ်ရှိခဲ့ရာမှ ယခုလဆန်းပိုင်းတွင် တစ်ပိဿာလျှင် ၁၂၀၀၀ကျပ်ဖြင့် ဈေးတက်ခဲ့ပြီး ပုစွန်ကျော့မှာ တစ်ပိဿာလျှင် ၁၅၀၀၀ကျပ်၊ ပုစွန်အသေးမှာ တစ်ပိဿာလျှင် ၂၂၀၀၀ကျပ်၊ အလတ်တစ်ပိဿာလျှင် ၂၄၀၀၀ကျပ်နှင့် အကြီးတစ်ပိဿာလျှင် ၂၆၀၀၀ကျပ်တို့ဖြင့် ဈေးနှုန်းတည်ငြိမ်နေကြောင်းသိရပါသည်။

DOCA(ပဲခူး)