ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် မိသားစုစားဝတ်နေရေးအတွက် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ စပျစ်သီး၊ သခွားမွှေးသီး၊ ကျောက်သခွားမွှေးသီးတို့ကို  မန္တလေးမြို့နှင့် မြစ်ကြီးနားမြို့တို့မှမှာယူ ရောင်းချလျက်ရှိကြောင်း သိရသည်။

      ၂၀၂၅ ခုနှစ်၊ ဇူလိုင်လ တတိယပတ်အတွင်း ဖြစ်ပေါ်နေသော ကန့်ဘလူမြို့သစ်သီးဈေးကွက်၌ ကျောက်သခွားမွှေးသီး အကြီး(၁)လုံးလျှင်(၅၀၀၀)ကျပ်၊ ကျောက်သခွားမွှေးသီး အလတ်(၁)လုံးလျှင် (၄၀၀၀)ကျပ်နှင့် ကျောက်သခွားမွှေးသီး အသေး(၁)လုံးလျှင်(၃၅၀၀)ကျပ်တို့ဖြင့်လည်းကောင်း စပျစ်သီး ဈေးနှုန်းများမှာ စပျစ်သီးတရုတ် လက္ကားတစ်ပိဿာလျှင်(၄၀၀၀၀)ကျပ်၊ စပျစ်သီး လက်လီတစ်ပိဿာ လျှင်(၃၈၀၀၀)ကျပ်နှင့် စပျစ်သီး(၂၅)ကျပ်သားလျှင် (၁၀၀၀၀)ကျပ်ဖြင့်‌ အရောင်းအဝယ်ဖြစ်လျက်ရှိကြောင်း သစ်သီးမျိုးစုံရောင်းချသည့် လုပ်ငန်းရှင်ထံမှ  သိရှိရပါသည်။

DOCA(စစ်ကိုင်း)

     ကန့်ဘလူခရိုင်၊ ကန့်ဘလူမြို့တွင် စိုက်ပျိုးရေးကိုလုပ်ငန်းများကို အဓိကလုပ်ကိုင်လျက်ရှိပြီး လယ်ယာလုပ်ငန်းကို ပိုင်ဆိုင်သူများရှိသလို စားဝတ်နေရေးအတွက် နေ့စားအလုပ်သမားအဖြစ် လုပ်ကိုင်နေရသူများ၊ တောတောင်၊ မြစ်ချောင်း၊ အင်း၊ အိုင်များတွင် စားဝတ်နေရေးအတွက် လုပ်ကိုင်နေရသူများလည်း ရှိကြသည်။ တောတောင်များတွင် ပျားရှာသည့်အလုပ်မှာလည်း ထိုက်သင့်သည့် ဝင်ငွေရရှိသည့်အတွက် ဒေသခံအချို့က လုပ်ကိုင်လျက်ရှိကြောင်း သိရသည်။

     ၂၀၂၅ ခုနှစ်၊ ဇူလိုင်လ တတိယအပတ် ကန့်ဘလူမြို့မဈေးတွင် ရောင်းချနေသော ပျားသလက်ဈေးနှုန်းအနေဖြင့် ပျားသလက်မီးကင် တစ်ထုပ်လျှင်(၂၀၀၀)ကျပ်နှုန်း၊ (၃)ထုပ်လျှင် (၅၅၀၀)ကျပ်၊ ပျားသလက် အစိမ်းတစ်ထုပ်လျှင် (၁၅၀၀)ကျပ်ဖြင့်ရောင်းချရပြီး၊ ပျားရည်ပါ ရောင်းချရသည့်အတွက် မိသားစုဝင်ငွေရရှိကာ အဆင်ပြေလျက်ရှိကြောင်း ပျားရှာသူတစ်ဦးထံမှ သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူမြို့မဈေးတွင် ဘုရားပန်းအမျိုး၊ အလှဆင်းပန်းအမျိုးမျိုးနှင့် စကားဝါပန်း၊ စကားဖြူပန်းများကို ရောင်းချလျက်ရှိကြောင်း သိရသည်။ စကားဝါ/ဖြူပန်းမျိုးမှာ အပင်ကြီးဖြစ်သော်လည်း စိုက်ပျိုးရေးနည်းပညာများ ခေတ်မီလာသည်နှင့်အညီ စကားဝါ/ဖြူပန်းပင်များကို ကိုင်းကူးမျိုးစပ်ကာ အိမ်တွင်းအလှစိုက်ပင်ဖြစ် စိုက်ပျိုးလာကြောင်း သိရသည်။

      ၂၀၂၅ ခုနှစ်၊  ဇူလိုင်လ တတိယပတ်တွင် ကန့်ဘလူမြို့၊ မြို့မဈေး၌ ဖြစ်ပေါ်နေသော စကားဝါပန်း ဈေးနှုန်းဖြင့် စကားဝါပန်း(၇)ပွင့်ပါ တစ်ကုံးလျှင် (၅၀၀)ကျပ်၊ စကားဝါပန်း(၃)ကုံးလျှင်(၁၃၀၀)ကျပ် စကားဖြူပန်း(၃)ပွင့်ပါ တစ်ကုံးလျှင်(၃၀၀)ကျပ်၊ စကားဖြူပန်း(၃)ကုံးလျှင် (၉၀၀)ကျပ်တို့ဖြင့်လည်း ကောင်း ရောင်းချလျက်ရှိကြောင်း ပန်းမျိုးစုံရောင်းချနေသော လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရာသီပေါ်ဟင်းသီးဟင်းရွက်များအပြင် ကြက်တက်ရွက်နှင့် ကြက်မောက်ဖြူရွက်တို့ ရောင်းချလျက်ရှိကြောင်း သိရသည်။ ကြက်တက်ရွက်ကို  မိုးဦးကျစအချိန် ရွက်ဟောင်းကြွေပြီး ရွက်နုထွက်ချိန်တွင် ခူးဆွတ်ကာ ရေနွေးနှင့်ပြုတ်ပြီး လက်ဖက်ကဲ့သို့သုတ်စားကြကြောင်း ရှေးလူကြီးများ၏ ပြောပြချက်အရ သိရသည်။

     ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့၊ မြို့မဈေးတွင် ရောင်းချနေသော  ကြက်တက်ရွက်ပြုတ် တစ်ပိသာလျှင်(၇၅၀၀)ကျပ်၊ ကြက်တက်ရွက်ပြုတ် (၅၀)ကျပ်သားလျှင်(၃၈၀၀) ကျပ်နှင့် ကြက်တက်ရွက်ပြုတ် (၁၀)ကျပ်သားလျှင်(၈၀၀)ကျပ်ဖြင့်လည်းကောင်း ကြက်မောက်ဖြူရွက် ပြုတ်တစ်လုံးလျှင်(၅၀၀)ကျပ်၊ (၄)လုံးလျှင်(၂၀၀၀)ကျပ်ဖြင့်ရောင်းချလျက်ရှိကြောင်း၊ ကြက်တက်ရွက်ကို လက်ဖက်မကြိုက်သူများက စားသုံးကြသလို၊ လက်ဖက်နှင့်ရောနှော၍လည်း စားသုံးကြကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

     မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်ရှိ ဖလန်တိုင်း၊ ဒဟက်ကုန်း၊ ပေပင်ကုန်း၊ ဒန့်ဒလွင်ပင်၊ မလွှကုန်း စသည့်ကျေးရွာများသည် စိုက်ပျိုးရေးကို အဓိကထားလုပ်ကိုင်ပြီး ပဲတီစိမ်း၊ နှမ်း၊ ဝါ၊ ပဲစဉ်းငုံ၊ ပဲကြီး စသည့် သီးနှံများကို ရာသီအလိုက် စိုက်ပျိုးလျက်ရှိကြောင်း သိရသည်။

     မလွှကုန်းကျေးရွာနေ ပဲတီစိမ်းစိုက်တောင်သူတစ်ဦး၏ ပြောကြားချက်အရ ပဲတီစိမ်း (၂)ဧက ခန့်ကို ၂၀၂၅ခုနှစ်၊ မေလလယ်တွင် စိုက်ပျိုးပြီး ဇူလိုင်(ဒုတိယပတ်)တွင် စတင်ရိတ်သိမ်းကြောင်း သိရသည်။ ထွန်ကြောင်းဆွဲအစေ့ချစနစ်ဖြင့် စိုက်ပျိုးထားကြောင်း၊ (၁)ဧကလျှင် မျိုး(၇)ပြည့်ခန့် ကုန်ကျကြောင်း၊ မျိုး အနေဖြင့် ယခင်နှစ်က မိမိစိုက်ခင်းမှ ထွက်ရှိသည့် ပဲတီစိမ်းများကို မျိုးအဖြစ် ဖယ်ချန်၍ စိုက်ပျိုးခြင်းဖြစ်ကြောင်း၊ ကုန်ကျစရိတ်အနေဖြင့် ထွန်ယက်ခ၊ လုပ်အားခ၊ ဆေးဖျန်းခ၊ ရိတ်သိမ်းခနှင့် အခြားသွင်းအားစုစရိတ် အပါအဝင် စုစုပေါင်း ကျပ်(၇၀၀၀၀၀)ခန့် ကုန်ကျ ကြောင်း၊ အထွက်နှုန်းအနေဖြင့် (၁)ဧကလျှင် (၈)တင်းထိထွက်ရှိပြီး ၂၀၂၅ ခုနှစ်၊ ဇူလှိုင်လ (ဒုတိယပတ်)တွင် (၁) တင်းလျှင် ကျပ် (၁၂၀၀၀၀)ဖြင့်ရောင်းချ၍ အကျိုးအမြတ်အနေဖြင့် (၁)ဧက လျှင် ကျပ်(၂၆၀၀၀၀)ခန့် ရရှိကြောင်း၊ ဈေးကွက်အနေဖြင့် တောင်တွင်းကြီးမြို့ရှိ သီးနှံပွဲရုံများသို့ တိုက်ရိုက်တင်ပို့ရောင်းချကြောင်း သိရှိရပါသည်။

DOCA(မကွေး)