ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး ၊ ကန့်ဘလူမြို့မဈေးတွင် ဘုရားပန်းအမျိုးမျိုးဖြစ်သော  ဂန္ဓာမာပန်း၊ သစ္စာပန်း၊ နှင်းဆီ၊ မေမြို့ပန်း၊ ပန်းထိမ်းငိုပန်း၊ သပြေပန်းအငုတ်၊ သပြေပန်းအခက်များ၊ စကားဖြူပန်း၊ စကားဝါပန်းနှင့် အာစီယံသပြေတို့ကို ရောင်းချနေကြောင်း သိရှိရပါသည်။

    ၂၀၂၅ ခုနှစ်၊ ဇူလိုင်လ တတိယပတ်တွင် ကန့်ဘလူမြို့မဈေး၌ ဖြစ်ပေါ်နေသော ဘုရားပန်း အမျိုးမျိုး၏ဈေးနှုန်းများမှာ စကားဖြူပန်း(၃)ပွင့်ပါ တစ်ကုံးလျှင်(၃၅၀)ကျပ်၊ စကားဖြူပန်း(၃) ကုံးလျှင် (၁၀၀၀)ကျပ်၊ စကားဝါပန်း(၃)ပွင့်ပါ တစ်ကုံးလျှင်(၂၀၀)ကျပ်၊ (၃)ကုံးလျှင်(၅၀၀)ကျပ်၊ နှင်းပန်းတစ်စီး လျှင်(၈၀၀)ကျပ်၊ ကျောက်ခက်စိမ်း တစ်စီးလျှင်(၅၀၀)ကျပ်၊ သပြေပန်းဈေးနှုန်းအနေဖြင့် သပြေပန်း အငုတ်(အကြီး)လျှင် (၄၀၀၀မှ ၅၀၀၀)ကျပ်၊ သပြေပန်းအခက်(၁)စည်းလျှင် (၁၅၀၀မှ ၂၀၀၀) ကျပ်၊ နှင်းဆီပန်းအပွင့်ကြီးတစ်ပွင့်လျှင် (၇၀၀)ကျပ်၊ နှင်းဆီပန်းအပွင့်(အသေး) တစ်ပွင့်လျှင် (၄၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း ပန်းရောင်းချသူများထံမှ သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ သစ်သီးမျိုးစုံရောင်းချသည့် ဆိုင်များတွင် ပန်းသီး၊ နာနတ်သီး၊ စပျစ်သီး၊ သရက်သီးနှင့် ဒူးရင်းသီးများ ရောင်းချလျက်ရှိရာ ဒေသထွက်သစ်သီးများ ရောင်းချသလို မြစ်ကြီးနားမြိုနှင့် မန္တလေးမြို့မှလည်း မှာယူရောင်းချလျက်ရှိကြောင်း သိရှိရသည်။

      ၂၀၂၅ ခုနှစ်၊ ဇူလိုင်လ တတိယပတ်အတွင်း ဖြစ်ပေါ်နေသော ကန့်ဘလူမြို့၏ သစ်သီးဆိုင်များ တွင်ရောင်းချနေသော ဒူးရင်းသီးဈေးနှုန်းမှာ ဒူးရင်းသီး  အကြီးတစ်လုံးလျှင်(၆၅၀၀၀)ကျပ်၊  ဒူးရင်းသီး အလတ် တစ်လုံးလျှင် (၄၅၀၀၀)ကျပ်နှင့် ဒူးရင်းသီး အလုံးသေးတစ်လုံးလျှင် (၃၀၀၀၀)ကျပ်ဖြင့် ‌အရောင်းအဝယ်ဖြစ်လျက်ရှိကြောင်း၊ ဒူးရင်းသီးသည် အခြားဒေသမှ ဝယ်ယူရောင်းချရသည့်အတွက် အဝင်နည်းကာ ကြိုက်နှစ်သက်သူများ၍ အရောင်းသွက်လျက်ရှိကြောင်း သစ်သီးဆိုင်များမှ သတင်းရရှိပါသည်။       

DOCA(စစ်ကိုင်း)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ဒေသထွက်ကုန်များအပြင် အခြားဒေသမှဝင်ရောက်သည့် ဟင်းသီးဟင်းရွက်များကို ရောင်းချလျက်ရှိရာ ယခုလိုမိုးရာသီ အချိန် တွင် သဘာဝဟင်းသီးဟင်းရွက်များ ပေါများစွာပေါက်ရောက်ကြပြီး ရာသီစာ ဟင်းကြွက်နားတောင်းရွက်နှင့် ငါးရံ့ပတူရွက်တို့ ရောင်းချလျက်ရှိကြောင်း သိရသည်။

    ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့၊ မြို့မဈေးတွင် ရောင်းချနေသည့်  ဟင်းကြွက်နားတောင်းရွက် အစိမ်း(၁)ပုံလျှင် (၃၀၀)ကျပ်၊ (၂)ပုံလျှင် (၅၀၀)ကျပ်၊ ဟင်းကြွက်နား တောင်းရွက်အပြုတ် (၁)လုံးလျှင် (၅၀၀)ကျပ်ဖြင့်လည်းကောင်း၊ ငါးရံ့ပတူရွက်အစိမ်း(၁)ပုံလျှင် (၃၀၀)ကျပ်၊ ငါးရံ့ပတူရွက်အပြုတ် တစ်လုံးလျှင်(၅၀၀)ကျပ်ဖြင့် အရောင်းအဝယ်ဖြစ်လျက် ရှိကြောင်း၊ ဟင်းကြွက်နားတောင်းရွက်နှင့် ငါးရံ့ပတူရွက်တို့ကို ပြုတ်၍ ငါးပိရည်နှင့်ပဲစားစား၊ မြေပဲလှော်ထောင်းနှင့် သုတ်၍ပဲစားစား ခံတွင်းမြိန်စေသည့် သဘာဝအစားအစာ တစ်မျိုးဖြစ်သည့် အတွက် လူကြိုက်များကာ အရောင်းသွက်လျက်ရှိကြောင်း လုပ်ငန်းရှင်များထံမှ သိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် မိသားစုစားဝတ်နေရေးအတွက် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ စပျစ်သီး၊ သခွားမွှေးသီး၊ ကျောက်သခွားမွှေးသီးတို့ကို  မန္တလေးမြို့နှင့် မြစ်ကြီးနားမြို့တို့မှမှာယူ ရောင်းချလျက်ရှိကြောင်း သိရသည်။

      ၂၀၂၅ ခုနှစ်၊ ဇူလိုင်လ တတိယပတ်အတွင်း ဖြစ်ပေါ်နေသော ကန့်ဘလူမြို့သစ်သီးဈေးကွက်၌ ကျောက်သခွားမွှေးသီး အကြီး(၁)လုံးလျှင်(၅၀၀၀)ကျပ်၊ ကျောက်သခွားမွှေးသီး အလတ်(၁)လုံးလျှင် (၄၀၀၀)ကျပ်နှင့် ကျောက်သခွားမွှေးသီး အသေး(၁)လုံးလျှင်(၃၅၀၀)ကျပ်တို့ဖြင့်လည်းကောင်း စပျစ်သီး ဈေးနှုန်းများမှာ စပျစ်သီးတရုတ် လက္ကားတစ်ပိဿာလျှင်(၄၀၀၀၀)ကျပ်၊ စပျစ်သီး လက်လီတစ်ပိဿာ လျှင်(၃၈၀၀၀)ကျပ်နှင့် စပျစ်သီး(၂၅)ကျပ်သားလျှင် (၁၀၀၀၀)ကျပ်ဖြင့်‌ အရောင်းအဝယ်ဖြစ်လျက်ရှိကြောင်း သစ်သီးမျိုးစုံရောင်းချသည့် လုပ်ငန်းရှင်ထံမှ  သိရှိရပါသည်။

DOCA(စစ်ကိုင်း)

     ကန့်ဘလူခရိုင်၊ ကန့်ဘလူမြို့တွင် စိုက်ပျိုးရေးကိုလုပ်ငန်းများကို အဓိကလုပ်ကိုင်လျက်ရှိပြီး လယ်ယာလုပ်ငန်းကို ပိုင်ဆိုင်သူများရှိသလို စားဝတ်နေရေးအတွက် နေ့စားအလုပ်သမားအဖြစ် လုပ်ကိုင်နေရသူများ၊ တောတောင်၊ မြစ်ချောင်း၊ အင်း၊ အိုင်များတွင် စားဝတ်နေရေးအတွက် လုပ်ကိုင်နေရသူများလည်း ရှိကြသည်။ တောတောင်များတွင် ပျားရှာသည့်အလုပ်မှာလည်း ထိုက်သင့်သည့် ဝင်ငွေရရှိသည့်အတွက် ဒေသခံအချို့က လုပ်ကိုင်လျက်ရှိကြောင်း သိရသည်။

     ၂၀၂၅ ခုနှစ်၊ ဇူလိုင်လ တတိယအပတ် ကန့်ဘလူမြို့မဈေးတွင် ရောင်းချနေသော ပျားသလက်ဈေးနှုန်းအနေဖြင့် ပျားသလက်မီးကင် တစ်ထုပ်လျှင်(၂၀၀၀)ကျပ်နှုန်း၊ (၃)ထုပ်လျှင် (၅၅၀၀)ကျပ်၊ ပျားသလက် အစိမ်းတစ်ထုပ်လျှင် (၁၅၀၀)ကျပ်ဖြင့်ရောင်းချရပြီး၊ ပျားရည်ပါ ရောင်းချရသည့်အတွက် မိသားစုဝင်ငွေရရှိကာ အဆင်ပြေလျက်ရှိကြောင်း ပျားရှာသူတစ်ဦးထံမှ သိရှိရပါသည်။

DOCA(စစ်ကိုင်း)