ပြည်တွင်းကုန်သွယ်မှုသတင်း

   ၁၄.၁.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

  ၁၂.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     ၁၂.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ သက္ကယ်ချင်း၊ လယ်ဇင်၊ ပုလ္လင်၊ ဇီးကျွန်းနှင့် မအူကျေးရွာများ၌ ဆီးပန်းသီးပင်များကို အများဆုံးစိုက်ပျိုးကြကြောင်းသိရသည်။ တစ်ဧကလျှင် ၁၅ပေပတ်လည်အကျယ်ဖြင့် အပင်၁၀၀ခန့်စိုက်ပျိုးနိုင်ပြီး ဇွန်လနှင့် ဇူလိုင်လတို့မှစတင်၍ ဆီးပန်းသီးကိုင်းကူးပျိုးပင်တစ်ပင်လျှင် ငွေကျပ်၄၀၀နှုန်းဖြင့်ဝယ်ယူစိုက်ပျိုးကာ နိုဝင်ဘာလ၊ ဒီဇင်ဘာလနှင့် ဇန်နဝါရီလ တို့တွင် ဆီးပန်းသီးပင်များကို ခူးဆွတ်ရောင်းချကြကြောင်းသိရသည်။ ဆီးပန်းသီးတစ်ဧကအတွက်  တစ်နေ့လျှင် ဆီးပန်းသီး ပြည်၆၀ကျော် (လေးတင်းခန့်)ခူးဆွတ်ရရှိကြောင်းနှင့် ဆီးပန်းသီးတစ်ပြည်လျှင် ငွေကျပ်၂၀၀၀နှုန်း၊ လက်ရွေးတစ်ဖာလျှင် ငွေကျပ်၂၀၀၀၀နှုန်းဖြင့် မုံရွာ-မန္တလေး ကားလမ်းမကြီးပေါ်တွင် ဆိုင်များဖွင့်လှစ်ရောင်းချခြင်းနှင့် ရန်ကုန်မြို့၊ မန္တလေးမြို့နှင့် ပြင်ဦးလွင်မြို့များသို့ တင်ပို့ရောင်းချ လျက်ရှိကြောင်း၊ တစ်ဧကကုန်ကျစရိတ်အနေဖြင့် ပျိုးပင်၊ ထွန်ယက်ခ၊ မြေပြုပြင်ခြင်း၊ မြေဩဇာနှင့် လုပ်သားခအပါအဝင် စုစုပေါင်းငွေကျပ်၁၁သိန်းခန့်ကုန်ကျကြောင်း၊ တစ်ဧကလျှင် ဆီးပန်းသီးထွက်ရှိမှုနှုန်း ပြည်၂၀၀၀ကျော်ခန့်ထွက်ရှိရာ ဝင်ငွေအနေဖြင့် ငွေကျပ်၂၀သိန်းခန့်ရရှိကြောင်း၊ တစ်ဧကအကျိုးအမြတ်အနေဖြင့် ငွေကျပ်ကိုးသိန်းခန့်ရရှိကာ တွက်ချေကိုက်၍ အဆင်ပြေနေကြကြောင်း သိရှိရပါသည်။

DOCA(စစ်ကိုင်း)

    မုံရွာကုန်စည်ဒိုင်တွင် ပဲအမျိုးအစားအလိုက် ဈေးနှုန်းများမှာ ယခင်နှစ်ကာလတူဈေးထက် ယခုနှစ် ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေးနှုန်းများမှာ ဈေးပိုကောင်းလျက်ရှိကြောင်း မုံရွာကုန်စည်ဒိုင်ဈေးနှုန်းသတင်းများအရသိရသည်။

မတ်ပဲ

       မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၅၄၅၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၉၂၅၀၀ဖြင့်အရောင်း အဝယ်ဖြစ်ခဲ့ကာ တစ်တင်းလျှင် ကျပ်လေးသောင်းကျော်ပိုမိုခဲ့သည်။ တစ်ရက်လျှင် အိတ်ရေ ၁၀အိတ်မှ ၁၅အိတ်ခန့်အရောင်းအဝယ်ဖြစ်ကြောင်းသိရသည်။

ပဲစဉ်းငုံ

       မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၅၄၄၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၁၀၃၄၀၀ဖြင့်အရောင်းအဝယ်ဖြစ်ခဲ့ကာ တစ်တင်းလျှင် ကျပ်ငါးသောင်းကျော်ပိုမိုခဲ့သည်။ တစ်ရက်လျှင် အိတ်ရေ ၁၀အိတ်မှ ၁၅အိတ်ခန့်အရောင်းအဝယ်ဖြစ်ကြောင်းသိရသည်။

ပဲတီစိမ်း

     မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၄၅၅၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၅၉၀၀၀ဖြင့်အရောင်းအဝယ်ဖြစ်ခဲ့ကာ တစ်တင်းလျှင် ကျပ်တစ်သောင်းကျော်ပိုမိုခဲ့သည်။ တစ်ရက်လျှင် အိတ်ရေ  ၂၀အိတ်မှ ၃၀အိတ်ခန့်အရောင်းအဝယ်ဖြစ်ကြောင်းသိရသည်။

ကုလားပဲ

      မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ကုလားပဲဖြူလုံးကြီးတစ်တင်းလျှင် ကျပ်၆၈၀၀၀၊ 929  တစ်တင်းလျှင် ကျပ်၆၃၃၀၀၊ ထိုင်ဝမ်တစ်တင်းလျှင် ကျပ်၆၁၅၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် ကုလားပဲဖြူလုံးကြီးတစ်တင်းလျှင် ကျပ်၉၆၀၀၀၊ 929  တစ်တင်းလျှင် ကျပ်၉၄၀၀၀၊ ထိုင်ဝမ်တစ်တင်းလျှင် ကျပ်၉၃၅၀၀ဖြင့်အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းကျော်ပိုမိုခဲ့သည်။ တစ်ရက်လျှင် အိတ်ရေ ၅၀အိတ်မှ ၇၀အိတ်ခန့်အရောင်းအဝယ်ဖြစ်ကြောင်းသိရသည်။

စွန်တာနီ/ပြာ

      မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၄၅၀၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၅၅၀၀၀ဖြင့်အရောင်းအဝယ်ဖြစ်ခဲ့ကာ တစ်တင်းလျှင် ကျပ်တစ်သောင်းကျော်ပိုမိုခဲ့ပါသည်၊ တစ်ရက်လျှင် အိတ်ရေ ၁၀အိတ်မှ ၂၀အိတ်ခန့်အရောင်းအဝယ်ဖြစ်ကြောင်းသိရသည်။

ထောပတ်ပဲ

     မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၄၅၀၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် ပဲတစ်တင်းလျှင် ကျပ်၁၀၅၀၀၀ဖြင့်အရောင်းအဝယ်ဖြစ်ခဲ့ကာ တစ်တင်းလျှင် ခြောက်သောင်းခန့်ပိုမိုခဲ့ပါသည်။ တစ်ရက်လျှင် အိတ်ရေ ၁၀အိတ်မှ ၁၅အိတ်ခန့်အရောင်းအဝယ်ဖြစ်ကြောင်းသိရသည်။

အစေ့ထုတ်ပြောင်း

     မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် ပြောင်းတစ်တင်းလျှင် ကျပ်၁၇၈၀၀ဖြစ်ခဲ့ပြီး ယခုနှစ်၊  ဇန်နဝါရီလ(ပထမပတ်)တွင် ပြောင်းတစ်တင်းလျှင် ကျပ်၁၈၂၀၀ဖြင့်အရောင်းအဝယ် ဖြစ်ခဲ့ကာ တစ်တင်းလျှင် ကျပ်လေးရာပိုမိုခဲ့ပါသည်။ တစ်ရက်လျှင် အိတ်ရေ ၁၀အိတ်မှ ၁၅အိတ်ခန့်အရောင်းအဝယ်ဖြစ်ကြောင်းသိရသည်။

မြေပဲဆံသီးနှံ

      မုံရွာကုန်စည်ဒိုင်၌  ယခင်နှစ်၊ ဇန်နဝါရီလ(ပထမပတ်)တွင် မြေပဲဆံနီတစ်ပိဿာလျှင် ကျပ်၅၇၅၀၊ မြေပဲဆံဖြူတစ်ပိဿာလျှင် ကျပ်၅၁၅၀ဖြစ်ခဲ့ပြီး ယခုနှစ်၊  ဇန်နဝါရီလ(ပထမပတ်)တွင် မြေပဲဆံနီ တစ်ပိဿာလျှင် ကျပ်၆၃၀၀၊ မြေပဲဆံဖြူတစ်ပိဿာလျှင် ကျပ်၆၂၅၀ဖြင့်အရောင်းအဝယ်ဖြစ်ခဲ့ကာ တစ်ပိဿာလျှင် ကျပ်တစ်ထောင်ကျော်ပိုမိုခဲ့သည်။ တစ်ရက်လျှင် အိတ်ရေ ၅၀အိတ်မှ ၇၀အိတ်ခန့် အရောင်းအဝယ်ဖြစ်ကြောင်းသိရသည်။

နှမ်းမျိုးစုံသီးနှံ

      မုံရွာကုန်စည်ဒိုင်၌ ယခင်နှစ်၊ ဇန်နဝါရီလ(ပထမပတ်)တွင် နှမ်းနက်တစ်တင်းလျှင် ကျပ်၈၂၀၀၀၊ နှမ်းဖြူတစ်တင်းလျှင် ကျပ်၈၆၅၀၀၊ နှမ်းညိုတစ်တင်းလျှင် ကျပ်၇၂၀၀၀ဖြစ်ခဲ့ပြီး ယခုနှစ်၊ ဇန်နဝါရီလ(ပထမပတ်)တွင် နှမ်းနက်တစ်တင်းလျှင် ကျပ်၁၁၈၀၀၀၊ နှမ်းဖြူတစ်တင်းလျှင် ကျပ်၁၁၀၅၀၀၊ နှမ်းညိုတစ်တင်းလျှင် ကျပ်၈၉၀၀၀ဖြင့်အရောင်းအဝယ်ဖြစ်ခဲ့ကာ တစ်တင်းလျှင် ကျပ်သုံးသောင်းကျော်ပိုမိုခဲ့ပါသည်။ တစ်ရက်လျှင် အိတ်ရေ ၅၀အိတ်မှ ၇၀အိတ်ခန့်အရောင်းအဝယ်ဖြစ်ခဲ့ကြောင်း မုံရွာကုန်စည်ဒိုင်ဈေးနှုန်းများစာရင်းအရသိရပါသည်။

DOCA(စစ်ကိုင်း)