မကွေးတိုင်းဒေသကြီးအတွင်းရှိ ကုန်စည်ဒိုင်များဖြစ်သည့် ပခုက္ကူကုန်စည်ဒိုင်၊ ဆိပ်ဖြူကုန် စည်ဒိုင်နှင့် မကွေးမြို့ကြက်သွန်နီပွဲရုံများသို့ ကြက်သွန်နီကုန်တင်ယာဉ်များ နေ့စဉ်ဝင်ရောက်လျက် ရှိရာ ပခုက္ကူမြို့နယ်အတွင်းရှိ မြစ်ခြေ၊ ကမ္မ စသည့်မြို့များနှင့် မြင်းခြံမြို့မှ ကြက်သွန်နီများကို ပခုက္ကူကုန်စည်ဒိုင်သို့လည်းကောင်း၊ ယောချောင်းနဘေးရှိ ကျေးရွာများမှစိုက်ပျိုးထွက်ရှိသော ကြက်သွန်နီများကို ဆိပ်ဖြူ ကုန်စည်ဒိုင်သို့လည်းကောင်း၊ ယင်းချောင်း ဝဲ/ယာရှိ ကျေးရွာများနှင့် တောင်တွင်းကြီး မြို့နယ်ရှိကြက်သွန်စိုက်တောင်သူများက မကွေးမြို့ရှိ ကြက်သွန် ပွဲရုံများ သို့အဓိက တင်ပို့ရောင်းချကြောင်းသိရသည်။ ၂၀၂၅ခုနှစ်၊ ဇူလိုင်လ(ဒုတိယပတ်)တွင် ပခုက္ကူ ကုန်စည်ဒိုင်သို့ ကြက်သွန်နီကုန်အဝင်ပိဿာချိန် (၁၄၉၅၀၀)၊ ဆိပ်ဖြူကုန်စည်ဒိုင်သို့ကုန်အဝင် ပိဿာချိန် (၁၈၀၀၀၀)၊ မကွေးကြက်သွန်နီပွဲရုံများသို့ ကုန်အဝင်ပိဿာချိန်(၁၄၈၀၀)ဝင်ရောက်ကြောင်း သိရ သည်။

    ၂၀၂၅ခုနှစ်၊ ဇူလိုင်လ(တတိယပတ်)တွင် မကွေးတိုင်းဒေသကြီးအတွင်းသို့  ကြက်သွန်နီဝင် ရောက်မှုမှာ ပခုက္ကူကုန်စည်ဒိုင်တွင် ကုန်အဝင်ပိဿာချိန်(၉၁၇၃၉)၊ ဆိပ်ဖြူကုန်စည်ဒိုင်တွင် ကုန် အဝင်ပိဿာချိန်(၁၆၅၀၀၀)၊ မကွေးကြက်သွန်နီပွဲရုံများသို့ ကုန်အဝင်ပိဿာချိန်(၁၅၁၀၀)ဝင် ရောက်ခဲ့ပြီး ဇူလိုင်လ(ဒုတိယပတ်)နှင့်(တတိယပတ်)  ကြက်သွန်နီဝင်ရောက်မှုနှိုင်းယှဉ်ပါက ပခုက္ကူ ကုန်စည်ဒိုင်တွင် ပိဿာချိန်(၅၇၇၆၁)နှင့် ဆိပ်ဖြူကုန်စည်ဒိုင်တွင် ပိဿာချိန်(၁၅၀၀၀) လျော့နည်းခဲ့ ပြီး မကွေးမြို့ကြက်သွန်နီပွဲရုံများတွင်မူ ပိဿာချိန် (၃၀၀) ပိုမိုဝင်ရောက်လာခဲ့ကြောင်း တွေ့ရသည်။ ဇူလိုင်လ(တတိယပတ်)ထိ ကြက်သွန်နီလက်ကား/ လက်လီဈေးနှုန်းများမှာ မကွေးမြို့တွင် ကျပ် (၁၁၀ဝ၊ ၁၂၀ဝ)၊ ပခုက္ကူမြို့တွင် ကျပ်(၉၀ဝ၊ ၁၃၀ဝ)၊ ဆိပ်ဖြူမြို့တွင် ကျပ်(၉၀ဝ၊ ၁၂၀ဝ) ဈေးနှုန်း ဖြင့် အရောင်းအဝယ်ဖြစ်ကြောင်း သိရှိရသည်။ ပခုက္ကူနှင့်ဆိပ်ဖြူကုန်စည်ဒိုင်မှ ဝင်ရောက်လာသော ကြက်သွန်နီများကို ဘုရင့်နောင်ပွဲရုံမှတဆင့် မြန်မာနိုင်ငံအရပ်ရပ်သို့တင်ပို့ကြောင်း၊ ပြည်ပမှဝယ် ယူမှုနည်း၍ ယခင်နှစ်နှင့်နှိုင်းယှဉ်ပါက ဈေးအနည်းငယ်ကျဆင်းကြောင်း သိရှိရသည်။

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်၊ ပခုက္ကူဈေးကွက်၌ ဇွန်လ(ဒုတိယပတ်)တွင် ပဲစဉ်းငုံ သီးနှံများ ဈေးပြန်လည်မြင့်တက်ပြီး အရောင်းအဝယ်ဖြစ်ကြောင်း သိရှိရသည်။ ၂၀၂၅ခုနှစ်၊ သီးနှံ ပေါ်စ ဇန်နဝါရီလတွင် တစ်တင်းလျှင် ကျပ်(၁၂၆၅၀၀-၁၂၂၀၀၀)ဈေးဖြင့် အရောင်းအဝယ်ဖြစ်ခဲ့ရာ ပြည်ပဈေးကွက် ဝယ်လိုအားနည်း၍ ဈေးအေးပြီး အရောင်းအဝယ်ဖြစ်လျက်ရှိသည်။ ပဲစဉ်းငုံသီးနှံ ကို ပခုက္ကူ၊ မြိုင်၊ ပေါက်၊ ရေစကြို၊ ဆိပ်ဖြူမြို့နယ်အတွင်းရှိ ကျေးရွာများနှင့် စစ်ကိုင်းတိုင်း ဒေသကြီး၊ မန္တလေးတိုင်းဒေသကြီးအတွင်းရှိ ကျေးရွာများမှ အများဆုံးစိုက်ပျိုးပြီး ပခုက္ကူပဲ ဈေးကွက်သို့ ဝင်ရောက်လျက်ရှိကြောင်း၊ ယခုရာသီချိန်တွင် တောင်သူများတွင် ပဲလက်ကျန်နည်းပြီး မြို့ပေါ်ရှိ ကုန်သည်များမှ သီးနှံလှိုင်လှိုင်ပေါ်ချိန်တွင် ဝယ်ယူသိုလှောင်ထားသော ပဲစဉ်းငုံနီများ ပြန်လည်ဖြန့်ဖြူးမှုများကြောင်း၊ ဇူလိုင်လ(တတိယပတ်)တွင် တစ်ရက်လျှင် ပဲစဉ်းငုံနီပိဿာ(၃၀) ဝင်အိတ်(၄၀၀-၇၅၀)ခန့် အရောင်းအဝယ်ဖြစ်ကြောင်း သိရှိရသည်။

 ဈေးနှုန်းအနေဖြင့် ၂၀၂၅ခုနှစ်၊ ဇွန်လ(ဒုတိယပတ်)တွင် တစ်တင်းလျှင် ကျပ်(၈၆၀၀၀-၈၅၀၀၀)ဖြင့်ဈေးတက်၍ အရောင်းအဝယ်ဖြစ်ခဲ့ပြီး ဇူလိုင်လ(တတိယပတ်)တွင် ဈေးဆက်လက် မြင့်တက်၍ ပဲစဉ်းငုံတစ်တင်းလျှင် ကျပ်(၈၈၀၀၀-၈၅၀၀၀)ဈေးဖြင့် ဈေးကွက်သို့ ကုန်ဝင်သလောက် အရောင်းအဝယ်ဖြစ်ကြောင်း၊ ပခုက္ကူ ဈေးကွက် သို့ ဝင်ရောက်လာသည့် ပဲစဉ်းငုံနီများကို ရန်ကုန်၊ မန္တလေးဈေးကွက်သို့ တင်ပို့ပြီး ထိုမှတစ်ဆင့် ပြည်ပအိန္ဒိယနိုင်ငံသို့ တင်ပို့လျက်ရှိကြောင်း၊ ပဲစဉ်းငုံသီးနှံသည် ပြည်ပပို့ကုန်ပဲတစ်မျိုးဖြစ်၍ ဈေးကွက်ဝယ်လိုအားပေါ်မူတည်ပြီး နေ့စဉ် နှင့်အမျှ ဈေးနှုန်းပြောင်းလဲမှုရှိကြောင်း ဈေးကွက်မှ သိရှိရသည်။

DOCA(မကွေး)

     မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်သည် ကြက်သွန်နီသီးနှံကို အဓိကသီးနှံ အဖြစ် နှစ်စဉ်စိုက်ပျိုးလျက်ရှိပြီး မြို့ပေါ်ရှိ ကြက်သွန်နီကုန်စည်ဒိုင်နှင့် ပွဲရုံဈေးကွက်တွင် နေ့စဉ် အ‌ရောင်းအဝယ်ဖြစ်လျက်ရှိသည်။ ၂၀၂၅ခုနှစ်၊ ဇူလိုင်လ(တတိယပတ်)တွင် ကြက်သွန်နီ အဝယ် လိုက်၍ ဈေးအနည်းငယ်မြင့်ပြီး အရောင်းအဝယ်ဖြစ်လျက်ရှိပါသည်။ ဈေးကွက်သို့ စိုက်ပျိုးမှုများ သော ကျေးရွာများမှဝင်ရောက်ပြီး တစ်ရက်လျှင် ကြက်သွန်နီပျမ်းမျှ ကုန်ချိန်ပိဿာ (၁)သောင်းခွဲခန့် ဝင်ရောက်ကြောင်း ကုန်စည်ဒိုင်ဈေးကွက်မှ သိရှိရသည်။ ဈေးနှုန်းအနေဖြင့် ၂၀၂၅ခုနှစ်၊ ဇူလိုင်လ (တတိယပတ်)တွင် အရောင်းအဝယ်ဖြစ်သော ကြက်သွန်နီဈေးနှုန်းမှာ သီးနှံအရည်အသွေးလိုက်၍ တောဈေး(ဂျွန်)တစ်ပိဿာလျှင် အမြင့်ဈေး ကျပ်(၁၁၀၀)၊ အလတ်ဈေး ကျပ်(၉၀၀)၊ အနိမ့်ဈေး ကျပ်(၇၀၀)ဖြင့် အရောင်းအဝယ်ဖြစ်ကြောင်း၊ ယခင်ဇူလိုင်လ(ဒုတိယပတ်)နှင့် ဈေးနှုန်းနှိုင်းယှဉ် ပါက ကြက်သွန်နီတစ်ပိဿာလျှင် ကျပ်(၅၀)ခန့်ဈေးတက်၍ အရောင်းအဝယ်ဖြစ်ကြောင်း၊ တောင်သူများမှ ကြက်သွန်နီဈေးကျဆင်း၍ ရောင်းချမှုနည်းခြင်းကြောင့် ဈေးကွက်သို့ ကုန်ဝင် ရောက်မှုနည်းကြောင်း၊ ပွဲရုံများမှ ကြက်သွန်နီများကို ပြန်လည်သန့်စင်ပြီး ရောင်းချသော ဈေးနှုန်းမှာ ကြက်သွန်နီတစ်ပိဿာလျှင် အမြင့်ဈေး(ရှယ်) ကျပ်(၁၆၀၀)၊ လတ်ကြီးတစ်ပိဿာလျှင် ကျပ် (၁၅၀၀)၊ လတ်ချောတစ်ပိဿာလျှင် ကျပ်(၁၄၀၀)၊ လတ်သန့် တစ်ပိဿာလျှင် ကျပ်(၁၃၀၀)၊ အသေးစ တစ်ပိဿာလျှင် ကျပ်(၁၂၀၀) ဈေးအသီးသီးဖြင့် ဒေသအနှံ့အပြားသို့ ဖြန့်ဖြူးရောင်းချ လျက်ရှိကြောင်း၊ ဆိပ်ဖြူမြို့ ပတ္တမြားဈေးအတွင်း အရောင်းအဝယ်ဖြစ်သော လက်လီဈေးနှုန်းမှာ အရည်အသွေး၊ အရွယ်အစားလိုက်၍ တစ်ပိဿာလျှင် ကျပ်(၁၅၀၀- ၁၃၀၀- ၁၀၀၀)ဈေးဖြင့် အရောင်းအဝယ်ဖြစ်ကြောင်း သိရှိရသည်။

          ပြည်တွင်းဈေးကွက်အနေဖြင့် ဆိပ်ဖြူဒေသထွက် ကြက်သွန်နီများကို ရန်ကုန်ဘုရင့် နောင် ပွဲရုံသို့ ကုန်ချိန်အများဆုံးတင်ပို့ပြီး ပြည်ပဈေးကွက်သို့ တင်ပို့မှုနည်းကြောင်း၊ ဇူလိုင်လ(တတိယ ပတ်)တွင် ကြက်သွန်နီကုန်ချိန်ပိဿာ(၁)သိန်းခန့်၊ တန်ချိန်အားဖြင့်(၁၆၃)တန်ခန့် ကုန်စည်စီးဆင်း ခဲ့ကြောင်း ဈေးကွက်မှသိရှိရသည်။

DOCA(မကွေး)

    မကွေးတိုင်းဒေသကြီး၊ မင်းဘူးမြို့၊ မြို့မဈေး၌ ကြက်သွန်ဖြူ(ရှမ်း/ဗမာ)မျိုးကို မကွေးပွဲရုံနှင့် အောင်ပန်းမြို့တို့မှ မှာယူရောင်းချကြောင်း သိရသည်။

          ၂၀၂၅ခုနှစ်၊ ဇူလိုင်လ(တတိယပတ်)တွင် ကြက်သွန်ဖြူရှမ်းဥ(၁)ပိဿာလျှင် ကျပ်(၁၁၀၀၀)၊  ကြက်သွန်ဖြူဗမာအကြီးအသေး(၁)ပိဿာလျှင် ကျပ်(၆၀၀၀-၇၀၀၀)ဖြင့် ရောင်းချလျက်ရှိပြီး (ဒုတိ ယပတ်)တွင် ကြက်သွန်ဖြူရှမ်းဥ(၁)ပိဿာလျှင် ကျပ်(၉၀၀၀)၊ ကြက်သွန်ဖြူဗမာ အကြီး အသေး (၁)ပိဿာလျှင် ကျပ်(၅၀၀၀)ဖြစ်၍ ‌ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၁၀၀၀-၂၀၀၀)ခန့် ဈေးနှုန်းအနည်းငယ်မြင့်တက်၍ အရောင်းအဝယ်ဖြစ်လျက်ရှိကြောင်း၊ လမ်းပန်းဆက်သွယ်ရေး အခက်အခဲများကြောင့်သယ်ယူစရိတ်မြင့်မား၍ ဈေးနှုန်းမြင့်တက်လာခြင်းဖြစ်ကြောင်း သိရှိရသည်။

DOCA(မကွေး)

     မကွေးတိုင်ဒေသကြီး၊ မကွေးမြို့ပေါ်ရှိ ဈေးများတွင် ဖရဲသီးကို ဒေသတွင်းအပြင် မန္တလေး မြို့နှင့် ပြင်ဦးလွင်မြို့တို့မှ မှာယူရောင်းချကြောင်း သိရသည်။ ၂၀၂၅ခုနှစ်၊ ဇူလိုင်လ(ပထမပတ်) မှစတင်၍ ထွက်ပေါ်လျက်ရှိရာ ဇူလိုင်လ(တတိယပတ်)တွင် ဈေးအတွင်းသို့ ဝင်ရောက်မှုများလျက် ရှိကြောင်း သိရှိရသည်။

          ၂၀၂၅ခုနှစ်၊ ဇူလိုင်လ(တတိယပတ်)တွင် ဖရဲသီး(အလုံးကြီး)တစ်လုံးလျှင် ကျပ်(၅၀၀၀)၊ အလုံးလတ် တစ်လုံးလျှင် ကျပ်(၄၀၀၀)၊ အလုံးသေးတစ်လုံးလျှင် ကျပ်(၃၀၀၀)ဖြစ်ပြီး (ဒုတိယပတ်) တွင် ဖရဲသီး(အလုံးကြီး) တစ်လုံးတွင်   ကျပ်(၇၀၀၀)၊ အလုံးလတ်တစ်လုံးလျှင် ကျပ်(၅၀၀၀)၊ အလုံး သေးတစ်လုံးလျှင် ကျပ်(၃၀၀၀)ဖြင့် အရောင်းအဝယ်ဖြစ်ခဲ့၍ ဈေးနှုန်းနှိုင်းယှဉ်ပါက ယခုတစ်ပတ် တွင် ဖရဲသီးတစ်လုံးလျှင် ကျပ်(၂၀၀၀)ခန့်ဈေးနှုန်းကျဆင်းလာကြောင်း သိရသည်။ ယခုအချိန်တွင်  ဒေသတွင်း ဖရဲစိုက်ခင်းများမှ လှိုင်လှိုင်ထွက်ရှိနေသောကြောင့် ဈေးနှုန်းမှာ ကျဆင်းလာရ ခြင်းဖြစ် ကြောင်း သိရှိရသည်။

DOCA(မကွေး)