ပြည်တွင်းကုန်သွယ်မှုသတင်း

     စစ်ကိုင်းတိုင်း‌ဒေသကြီး၊ မုံရွာခရိုင်အတွင်း မုံရွာမြို့ပေါ်နှင့် အနီးတစ်ဝိုက်ရှိ ကျေးရွာများမှ တောင်သူများသည် ဒေသထွက်ကုန်နှင့် စားဖိုဆောင်သီးနှံများကို တစ်ပိုင်တစ်နိုင်အနေဖြင့် လည်းကောင်း၊ စီးပွားဖြစ်အနေဖြင့်လည်းကောင်း သီးနှံများကို စိုက်ပျိုး၍ အနယ်နယ် အရပ်ရပ် သို့ တင်ပို့ရောင်းချလျက် ရှိပါသည်။ ၂၀၂၅ခုနှစ် ဇူလိုင်လ တတိယပတ်အတွင်း မုံရွာမြို့ပေါ်ရှိ ဈေးများတွင် ရောင်းချနေသော ပြောင်းဖူးဈေးနှုန်းများအနေဖြင့် ပြောင်းဖူး (၁ ) ဖူးလျှင်(၆၀၀) ကျပ်၊ ( ၂ ) ဖူးလျှင် (၁၅၀၀)ကျပ်နှုန်းဖြင့် ရောင်းချလျက်ရှိကြောင်း ဈေးသည်များထံမှ သိရှိရပါသည်။ ဒေသထွက် ပြောင်းဖူးသည် ဗီတာမင်(B9)ပါဝင်သောကြောင့် နှလုံးကျန်းမာရေးကိုတိုးတက် ကောင်းမွန်စေကြောင်း သိရသည်။

DOCA(စစ်ကိုင်း)

      ပဲပြားဟာ ဈေးသက်သာ၍လွယ်ကူစွာပြုလုပ်စားသုံးနိုင် ပါသည်။  သားသတ်လွတ်စားသူများအတွက် အသားဓာတ်ကိုပဲပြားကရရှိနိုင်ပြီး ခန္ဓာကိုယ်အတွက်လိုအပ်သော ဗီတာမင်ကို မချို့တဲ့အောင်  ပဲပြားကကာကွယ်ပေးပါသည်။  ပဲပြားမှာ ကယ်လိုရီအနည်းငယ်သာပါဝင်ပြီး ပရိုတိန်း ဓာတ်တော်တော်များများ ပါဝင်ကြောင်းသိရပါသည်။  တရုတ်ရိုးရာဆေးပညာမှာပဲ ပြားဟာ ခန္ဓာကိုယ်ထဲရှိ အဆိပ်တွေကိုထုတ်ပေးနိုင်စွမ်းရှိသည် ဟုသိရပါသည်။  ပဲပိစပ်ကို သုံးပြုပြီး ဆင့်ဆင့်ကျိုချက်၍ ပဲပြားကိုရရှိပါသည်။  ပဲပြားကိုကြော်ကာ  အစာသွပ်၊ ပဲပြားသုပ်၍လည်းမိမိစိတ်ကြိုက် အမျိုးမျိးပြုလုပ်စားသုံးနိုင်သည်။ ၂၀၂၅ခုနစ်၊ ဇူလိုင်လ၊ တတိယပတ် အတွင်းမုံရွာမြို့ နန္ဒဝန်စျေးတွင် ရောင်းချလျက်ရှိသော ပဲပြားဈေးနှုန်းမှာ တစ်တုံးလျှင် (၉၀၀) ကျပ်နှုန်းဖြင့် ရောင်းချလျက်ရှိ‌ကြောင်း ဈေးသည်များထံမှ သိရပါသည်။

DOCA(စစ်ကိုင်း)

              စားအုန်းဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီသည် စားအုန်းဆီ များသတ်မှတ်အရည်အသွေး၊ စံချိန်စံညွှန်းများနှင့်အညီများနှင့်အညီ စားသုံးသူပြည်သူများ ကျန်းမာရေးနှင့် ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာ ဝယ်ယူစားသောက်နိုင်ရေး ကြီးကြပ်ထိန်းကျောင်း၍ သက်ဆိုင်ရာ ကုမ္ပဏီများက စားအုန်းဆီများပြည်ပမှ တင်သွင်းလျက်ရှိရာ ရန်ကုန်တိုင်းဒေသကြီး၊ ကြည့်မြင်တိုင်မြို့နယ် ဗားကရာဆိပ်ကမ်းတွင် ၁၇.၇.၂၀၂၅ ရက်နေ့  MT MESON V.14/25 သင်္ဘောဖြင့် ICON ဆီကန်သို့ 2300 MT၊  ROS ဆီကန်သို့ 1600 MT၊ မြဝတီဆီကန် 400 MT စုစုပေါင်းတန်ချိန် 4300 MT ဝင်ရောက်လျက်ရှိကြောင်း သိရှိရပါသည်။

DOCA(ရန်ကုန်)

               ဘုရင့်နောင်ကုန်စည်ဒိုင်သို့ ၁၅.၇.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၁၇၀ အိတ်နှင့် ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၂၉၅၄ နှင့် ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၂၅၄၀ နှင့် ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၉၆၇ နှင့် ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊ ဆန်ကွဲအိတ်ရေ ၄၃၆၂ နှင့် ဈေးနှုန်းများမှာ ၄၆၅၀၀ မှ ၄၉၀၀၀ ကျပ်၊ ပဲခူး(အနောက်) မှ ရှယ်စ ၃၀၂၄ အိတ်၊ ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၃၄၈၂၊ ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၂၆၀၀၊  ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၁၃၈၂၊ ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊ ဧရာဝတီတိုင်းမှ ရှယ်စ ၃၄၅၀၊ ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၃၀၆၇၊ ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၂၃၈၂၊ ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ဆန်ကွဲအိတ်ရေ ၄၂၉၇ နှင့် ဈေးနှုန်းမှာ ၄၆၅၀၀ မှ ၄၉၀၀၀ ကျပ် တို့ဝင်ရောက်ကြောင်း သိရှိရပါသည်။

          သို့ဖြစ်ပါ၍ ၁၅.၇.၂၀၂၅ ရက်နေ့တွင် ဆန်အိတ်ရေ(၄၃၂၄၂) အိတ်ဝင်ရောက်ပြီး ဈေးနှုန်းများမှာ ယခင်နေ့အတိုင်း ပြောင်းလဲမှုမရှိကြောင်း သိရှိရပါသည်။

DOCA(ရန်ကုန်)

            ၁၅.၇.၂၀၂၅ ရက်နေ့ ဖျာပုံမြို့နယ်မှ ဝင်းစိန်ရေယာဉ်ဖြင့်  ကြားပျံ(၆၇၈) အိတ်၊ ဧည့်မထ (၁၃၈၄)အိတ်နှင့် ဆန်ကွဲ(၂၂၆၄) အိတ်၊ ဝါးခယ်မမြို့နယ်မှ ရွှေစန္ဒာလင်းရေယာဉ်ဖြင့် ပေါ်ဆန်း(၂၅၆) အိတ်၊ ပေါ်ကျွဲ(၃၈၀) အိတ်၊ ဧည့်မထ (၃၅၅၂) အိတ်၊ ဆန်ကွဲ(၁၀၀) အိတ်၊ဘိုကလေးမြို့နယ်မှ အောင်ချမ်းသူရေယာဉ်ဖြင့် ကြားပျံ(၁၁၆၄) အိတ်၊ ပေါ်ဆန်း(၅၅၈) အိတ်၊  ဧည့်မထ (၁၇၅၃) အိတ်၊ လပ္ပတ္တာမြို့နယ်မှ ထိန်လင်းရတနာသင်္ဘောဖြင့် ကြားပျံ(၅၅၈၈) အိတ်၊ ပေါ်ကျွဲ (၅၂၁)  အိတ်၊ ဆန်ကွဲ(၇၄၀) အိတ်၊ ဝမ်းစတားထွန်း သင်္ဘောဖြင့်  ကြားပျံ (၃၉၄) အိတ်၊ ပေါ်ဆန်း (၁၂၃) အိတ်၊ ပေါ်ကျွဲ (၁၄၅) အိတ်၊ ဆန်ကွဲ (၃၀၁) အိတ်၊ ကော့မှူးမြို့နယ်မှ ကားဖြင့် ပေါ်ဆန်း(၁၂၀၀) အိတ်၊ ပေါ်ကျွဲ(၁၄၅၀) အိတ်၊ ဧည့်မထအိတ် (၂၄၃၀)အိတ် တို့ဝင်ရောက်ခဲ့ကြောင်း သိရှိရပါသည်။

DOCA(ရန်ကုန်)