ပြည်တွင်းကုန်သွယ်မှုသတင်း

          ရန်ကုန်မြို့တော်စည်ပင်သာယာရေးကော်မတီ၏ ကြီးကြပ်မှုအောက်ရှိ ရန်ကုန်အရှေ့ပိုင်းခရိုင်၊ အထက်ပုဇွန်တောင်လမ်း၊ မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်မှ စားသုံးသူပြည်သူများသို့  နေ့စဉ် ကြက်/ဘဲများကို လက်လီ/လက်ကား ရောင်းချပေးလျက်ရှိပါသည်။

          ရန်ကုန်အရှေ့ပိုင်းခရိုင်၊ စားသုံးသူရေးရာဦးစီးမှူးရုံးမှ ဝန်ထမ်းများသည် မင်္ဂလာတောင်ညွန့် မြို့နယ်ရှိ ကြက်/ဘဲဈေးဒိုင်တွင် ရောင်းချလျက်ရှိသော ကြက်/ဘဲ ဈေးနှုန်းများအား ဈေးကွက်ဈေးနှုန်း စုံစမ်းခြင်းများပြုလုပ်ခဲ့ရာ ကြက်အရှင်အိမ်မွေးကြက် ၁ ပိဿာလျှင် (125၀၀/၁3၀၀၀)ကျပ်၊ အသားတိုးကြက် ၁ပိဿာလျှင် (၅၁၀၀/၅၂၀၀) ကျပ်၊ မွေးမြူရေးကြက် (ထီး/မ) ၁ ပိဿာလျှင် (၇၅၀၀/၉၀၀၀) ကျပ်၊ ဘဲအရှင် ၁ ပိဿာလျှင် (၇၅၀၀/၇၆၀၀) ကျပ်၊ ချယ်ရီဘယ်ရီ ဘဲ ၁ ပိဿာလျှင် (၉၀၀၀)ကျပ်တို့ဖြင့်(၉.၁၀.၂၀၂၃)ရက်နေ့တွင် ‌တစ်ရက်လျှင် ကုန်ချိန် (၆၇၀၀၀)ပိဿာခန့် အဝင်ရှိ နေကြောင်းနှင့် ပထမအပတ်ထက် အဝင်များလာခဲ့ပြီး  ရန်ကုန်တိုင်း ဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်းကောင်း၊ အခြားတိုင်းနှင့် ပြည်နယ်များသို့ အရောက်ပို့စနစ်ဖြင့်လည်းကောင်း တင်ပို့ရောင်းချလျက်ရှိကြောင်း သိရပါသည်။

DOCA(ရန်ကုန်)

      တောင်ငူမြို့၏အရှေ့ဘက် တောင်ပေါ်ဒေသဖြစ်သော ကရင်ပြည်နယ်၊ သံတောင်ကြီးမြို့နယ်မှ ရာသီအလိုက်ထွက်ပေါ်လာသော သစ်သီးဝလံများ တောင်ငူမြို့သို့ လာရောက်ရောင်းချလျက်ရှိရာ ယခုအခါတွင် ကျွဲကောသီးအဖြူသီးနှင့် အနီသီးများဝင်ရောက်လာပါသည်။

    ကျွဲကောသီးကို ရှောက်ပန်းသီးဟုလည်းခေါပြီး အရသာမှာ မချိုလွန်း/ မချဉ်လွန်းရှိသဖြင့် သကြာအနည်းငယ်နှင့်ရောစပ်ပါက ပို၍ကောင်းမွန်ပါသည်။ ကျွဲကောသီးသည် သွေးပျစ်ခြင်းကို ကာကွယ်ပေးကြောင်းသိရပါသည်။

     ကျွဲကောသီးပေါ်ခါစတွင် တစ်လုံးလျှင် အကြီး ၂၅၀၀ကျပ်၊ အလတ် ၂၀၀၀ကျပ်နှင့် အသေး ၁၅၀၀ကျပ်ရှိခဲ့ရာမှ ၂၀၂၃ခုနှစ်၊ အောက်တိုဘာလတွင် အလုံးကြီးတစ်လုံးလျှင် ၁၅၀၀ကျပ်၊ အလုံးလတ်တစ်လုံးလျှင် ၁၀၀၀ကျပ်၊ အလုံးသေးတစ်လုံးလျှင် ၈၀၀ကျပ်၊ နှစ်လုံးယူလျှင် ၁၅၀၀ကျပ်ဖြင့် ရောင်းချလျက်ရှိကြောင်းသိရှိရပါသည်။

DOCA(ပဲခူး)

     တောင်ငူခရိုင်၊ ဖြူးမြို့၌ ၂၀၂၃ခုနှစ်၊ စက်တင်ဘာလတွင် ရွှေဘိုပေါ်ဆန်းတစ်အိတ်လျှင် ၁၄၀၀၀၀ကျပ်ရှိခဲ့ရာမှ ယခုအောက်တိုဘာလတွင် တစ်အိတ်လျှင် ၁၅၀၀၀၀ကျပ်ဖြင့် ဈေးနှုန်းအနည်းငယ်တက်ပြီး ဧည့်မထ(မိုး)ဆန်တစ်အိတ်လျှင် ၇၅၀၀၀ကျပ်၊ ဧည့်မထ(နွေ)ဆန် တစ်အိတ်လျှင် ၆၅၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

     မြေပဲဆီမှာ ယခင်အောက်တိုဘာလ ပထမပတ်တွင် တစ်ပိဿာလျှင် ၁၆၀၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၁၅၀၀၀ကျပ်အထိ ဈေးနှုန်းအနည်းငယ်ကျဆင်းပြီး စားအုန်းဆီမှာ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၅၀၀၀ကျပ်ဖြင့်ရောင်းချလျက်ရှိပါသည်။

      ကြက်သွန်နီမှာ  ယခုအောက်တိုဘာလ ဒုတိယအပတ်တွင် တစ်ပိဿာလျှင် အသေး ၃၂၀၀ကျပ်၊ အလတ် ၃၃၀၀ကျပ်၊ အကြီး ၃၅၀၀ကျပ်၊ ကြက်သွန်ဖြူမှာ တစ်ပိဿာလျှင် အသေး ၇၀၀၀ကျပ်၊ အလတ် ၈၀၀၀ကျပ်၊ အကြီး ၉၀၀၀ကျပ်ဖြင့် ဈေးနှုန်းတည်ငြိမ်နေပါသည်။

     အာလူးမှာ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၂၅၀၀ကျပ်မှ ၂၆၀၀ကျပ်အထိ၊ တရုတ်အာလူးမှာ တစ်ပိဿာလျှင် ၂၀၀၀ကျပ်မှ ၂၂၀၀ကျပ်အထိရှိပါသည်။

    ငရုတ်သီးခြောက်မှာ ယခင်အောက်တိုဘာလ ပထမအပတ်တွင် တစ်ပိဿာလျှင် ၁၅၀၀၀ကျပ်မှ ၁၇၀၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၁၃၀၀၀ကျပ်မှ ၁၄၀၀၀ကျပ်ဖြင့် ဈေးနှုန်းအနည်းငယ်ကျဆင်းပြီး  ကုလားပဲခြမ်းမှာ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၆၄၀၀ကျပ်၊ ကုလားပဲလုံးမှာ တစ်ပိဿာလျှင် ၄၅၀၀ကျပ်ဖြင့် ဈေးနှုန်းတည်ငြိမ်နေပါသည်။

     မြေပဲဆံ(အနီ)မှာ ယခင်အောက်တိုဘာလ ပထမအပတ်တွင် တစ်ပိဿာလျှင် ၈၅၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၈၈၀၀ကျပ်၊ မြေပဲဆံ(အဖြူ)မှာ ယခင်အောက်တိုဘာလ ပထမအပတ်တွင် တစ်ပိဿာလျှင် ၇၅၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၇၈၀၀ကျပ်ဖြင့် ဈေးအနည်းငယ်တက်နေကြောင်းသိရှိရပါသည်။

DOCA(ပဲခူး)

     တောင်ငူခရိုင်၊ အုတ်တွင်းမြို့နယ်တွင် ၂၀၂၃ခုနှစ်အတွင်း မိုးကောင်းစွာရွာသွန်းပြီး ရေကြီးရေလျှံမှုလည်းနည်းပါးသဖြင့် မိုးစပါးများအောင်မြင်ဖြစ်ထွန်းလျက်ရှိပါသည်။ ယခုအချိန်တွင် မိုးစပါးများရင့်မှည့်နေပြီဖြစ်ရာ တချို့ကျေးရွာများ၌ စတင်ရိတ်သိမ်းနိုင်ပြီဖြစ်ပါသည်။

    အုတ်တွင်းမြို့နယ်၊ မြက်နီကွင်းကျေးရွာ၊ သံဘိုကျေးရွာနှင့် ဇီကိုင်းကျေးရွာတို့တွင် ဧကအနည်းငယ် စတင်ရိတ်သိမ်းနေပြီဖြစ်ကြောင်းသိရပါသည်။ ရိတ်သိမ်းပြီးစပါးများကို ချွေလှေ့စက်များဖြင့်ချွေ၍ စပါးပွဲစားများက ကွင်းအရောက်လာရောက်ဝယ်ယူပါသည်။ ၂၀၂၃ခုနှစ်၊ အောက်တိုဘာလ စပါးပေါ်ခါစတွင် စပါးဈေးနှုန်းမှာ ကွင်းဈေး ၁၄၅၀၀၀၀ကျပ်ဖြစ်ကြောင်းသိရှိရပါသည်။

DOCA(ပဲခူး)

    ဖြူးမြို့နေပြည်သူများ အခြေခံစားကုန်နှင့်အသားငါးများကို ဈေးနှုန်းသက်သာစွာဝယ်ယူနိုင်ရန်အတွက် မြို့နယ်စီမံအုပ်ချုပ်ရေးအဖွဲ့၏ လမ်းညွှန်မှုဖြင့် မြို့မဈေးအနီးတွင် ကိုယ်တိုင်စိုက်ပျိုးထုတ်လုပ်သူများက တိုက်ရိုက်အရောင်းဈေးဖွင့်လှစ်၍ ရောင်းချလျက်ရှိရာ မည်သူမဆို လွတ်လပ်စွာဝယ်ယူနိုင်ပါသည်။

    ဆန်ကုန်သည်နှင့်ဆန်စက်ပိုင်ရှင်များက ၂၀၂၃ခုနှစ်၊ အောက်တိုဘာလ ဒုတိယအပတ်တွင် ဆန်တစ်ပြည်လျှင် ၂၅၀၀ကျပ်၊ မွေးမြူရေးထုတ်ကုန်လုပ်ငန်းရှင်များက ကြက်ဥတစ်လုံးလျှင် ၂၅၀ကျပ်၊ ကြက်သား ၁၀ကျပ်သားလျှင် ၁၀၀၀ကျပ်၊ ဝက်သား ၁၀ကျပ်သားလျှင် ၁၃၀၀ကျပ်၊ အမဲသား ၁၀ကျပ်သားလျှင် ၁၂၀၀ကျပ်၊ ဆိတ်သား ၁၀ကျပ်သားလျှင် ၁၅၀၀ကျပ်၊ ငါး ၁၀ကျပ်သားလျှင် ၉၀၀ကျပ်ဖြင့် ရောင်းချပေးလျက်ရှိပါသည်။

   တစ်နိုင်တစ်ပိုင်စိုက်ပျိုးသူများကလည်း ယခုအောက်တိုဘာလ ဒုတိယအပတ်တွင် ကန်စွန်းရွက်တစ်စည်းလျှင် ၁၅၀ကျပ်၊ ချဉ်ပေါင်ရွက်တစ်စည်းလျှင် ၁၅၀ကျပ်၊ မုန်လာရွက်တစ်စည်းလျှင် ၂၅၀ကျပ်၊ ဖရဲသီးတစ်လုံးလျှင် ၁၅၀၀ကျပ်ဖြင့်ရောင်းချပေးလျက်ရှိကြောင်းနှင့် တိုက်ရိုက်အရောင်းဈေးသို့ သက်ဆိုင်ရာဌာဆိုင်ရာများကကြီးကြပ်၍ လိုအပ်သည်များ ကူညီဆောင်ရွက်ပေးကြောင်းသိရှိရပါသည်။

DOCA(ပဲခူး)