ပြည်တွင်းကုန်သွယ်မှုသတင်း

မြန်မာတို့ကြိုက်နှစ်သက်သည့် စားတော်ပဲပြုတ်

မြန်မာတို့၏ နံနက်ခင်းထမင်းကြမ်းဝိုင်းတွင် ပဲပြုတ်သည် မပါမဖြစ်သည့် ဟင်းအမည်တစ်မျိုးဖြစ်သည်။ ပဲပြုတ်ပူပူလေးဆိုသည့်အသံကို နံနက်တိုင်း၊ ရပ်ကွက်တိုင်း၊ လမ်းတိုင်းတွင် ကြားနေရပါသည်။ ပဲပြုတ်ကို ထမင်းပူပူနှင့်ဖြစ်စေ၊ ထမင်းကြော်၊ ပလာတာ၊ အီကြာကွေးတို့နှင့်ဖြစ်စေ စားသုံးလေ့ရှိပါသည်။ ပဲပြုတ်ကို အလွယ်တကူဝယ်ယူနိုင်သော်လည်း အရသကောင်းမွန်သည့်ပဲပြုတ်ကိုမူ လွယ်လွယ်ကူကူနှင့်မရပါ။ နှစ်ရက်ခန့် အချိန်ပေးရပါသည်။

ပဲပြုတ်ကို စားတော်ပဲဖြင့်ပြုလုပ်ပါသည်။ စားတော်ပဲကို ရေထဲသို့လက်နှစ်ကြည့်လျှင် လက်အပူခံနိုင်သည့် ရေနွေးနွေဖြင့် ၃နာရီအကြာစိမ်ရပါမည်။ ထို့နောက် စကာဖြင့်ရေစစ်ပြီး နံနက်တစ်ကြိမ်၊ ညတစ်ကြိမ် ရေလောင်းပေးရပါသည်။ နောက်တစ်နေ့ရောက်လျှင် ပဲအညှောင့်ပေါက်လာမှသာ ပြုတ်ကြပါသည်။ ပြုတ်သည့်အခါတွင် ပဲနှင့်ရေကို အတိဖြစ်အောင်ထည့်ရပါသည်။ ရေခမ်းသွားလျှင် ထမင်းအိုးနှပ်သည့်အတိုင်း မီးအေးအေးဖြင့် ရေခမ်းအငွေ့ထွက်အောင် ထားရပါသည်။ တချို့က ရေခမ်းလာလျှင် စကာနှင့်စစ်ပြီး ရေနွေးငွေ့ဖြင့်ပေါင်းသဖြင့် ပဲပေါင်းဟု ခေါ်ကြသူများလည်းရှိပါသည်။

စားတော်ပဲကို ယခင်တွင် ပိဿာ ၃၀ဝင် တစ်အိတ်လျှင် ၁၈၀၀၀၀ကျပ်ဖြင့် ဝယ်ယူရစဉ်က ပဲပြုတ်တစ်ဆယ်ကျပ်သားလျှင် ၅၀၀ကျပ်ဖြင့်ရောင်းချခဲ့ပြီး ယခုအခါတွင် စားတော်ပဲ ပိဿာ ၃၀ဝင် တစ်အိတ်လျှင် ၂၀၀၀၀၀ကျပ်ပေးရသဖြင့် ပဲပြုတ် ၁၀ကျပ်သားလျှင် ၆၀၀ကျပ်ဖြင့် ရောင်းချကြကြောင်းသိရပါသည်။

DOCA(ပဲခူး)

တောင်ငူမြို့ရှိ ကြက်ဥ၊ ဘဲဥဈေးနှုန်းအခြေအနေ

ပြည်တွင်းကုန်သွယ်မှုသတင်း

တောင်ငူမြို့၊ ညောင်ပင်ဈေးရှိ ကြက်ဥ၊ ဘဲဥအရောင်းဆိုင်များတွင် ၂၀၂၃ခုနှစ်၊ အောက်တိုဘာလ ဒုတိယအပတ်တွင် ကြက်ဥတစ်လုံးလျှင် အသေး ၂၅၀ကျပ်၊ အလတ် ၂၆၀ကျပ်နှင့် အကြီး ၂၈၀ကျပ်တို့ရှိခဲ့ပြီး ယခုအပတ်တွင် ကြက်ဥတစ်လုံးလျှင် အသေး ၂၄၅ကျပ်၊ အလတ် ၂၅၅ကျပ်နှင့် အကြီး ၂၇၀ကျပ်တို့ဖြင့် ဈေးနှုန်းအနည်းငယ်ကျဆင်းလာခဲ့သည်။

ဘဲဥမှာ ယခင်အပတ်တွင် တစ်လုံးလျှင် အသေး ၃၀၀ကျပ်၊ အလတ် ၃၄၀ကျပ်နှင့် အကြီး ၃၈၀ကျပ်ရှိခဲ့ရာမှ ယခုအပတ်တွင် တစ်လုံးလျှင် အသေး ၂၈၀ကျပ်၊ အလတ် ၃၀၀ကျပ်နှင့် အကြီး ၃၂၀ကျပ်တို့ဖြင့် ဈေးနှုန်းအနည်းငယ်ကျဆင်းလာခဲ့သည်။

ကြက်ဥ၊ ဘဲဥမှာ ချက်ပြုတ်ရန်လွယ်ကူသဖြင့် အခြေခံလူတန်းစားများနှင့် အလုပ်များသော ရုံးဝန်ထမ်းများကဝယ်ယူကြသောကြောင့် အရောင်းအဝယ်ကောင်းကြောင်း တောင်ငူမြို့၊ ငါးသုံးလုံး ကြက်ဥ၊ ဘဲဥအရောင်းဆိုင်မှသိရပါသည်။

DOCA(ပဲခူး)

တောင်ငူမြို့တွင် အသားငါးဈေးနှုန်း အတက်အကျရှိ

ပြည်တွင်းကုန်သွယ်မှုသတင်း

တောင်ငူမြို့၊ ညောင်ပင်ဈေးရှိ အသားငါးဆိုင်များတွင် ကြက်သား (အိမ်မွေးကြက်)မှာ ၂၀၂၃ခုနှစ်၊ အောက်တိုဘာလ အစောပိုင်းတွင် အကောင်လိုက်ဈေးတစ်ပိဿာလျှင် ၁၆၀၀၀ကျပ်၊ အခြမ်းလိုက်ဈေးတစ်ပိဿာလျှင် ၂၀၀၀၀ကျပ်ရှိခဲ့ရာမှ ယခုအပတ်တွင် အကောင်လိုက်ဈေးတစ်ပိဿာလျှင် ၁၇၀၀၀ကျပ်၊ အခြမ်းလိုက်ဈေးတစ်ပိဿာလျှင် ၂၂၀၀၀ကျပ်ဖြင့် ဈေးနှုန်းအနည်းငယ်တက်နေပြီး စီပီကြက်မှာ တစ်ပိဿာလျှင် အကောင်လိုက်ဈေး ၈၀၀၀ကျပ်၊ အခြမ်းလိုက်ဈေး ၁၀၀၀၀ကျပ်၊ ရင်အုပ်သား ၁၁၀၀၀ကျပ်ဖြင့် ဈေးနှုန်းတည်ငြိမ်နေပါသည်။

ဝက်သား(ရေလွတ်သား) သုံးထပ်သားတစ်ပိဿာလျှင် ၁၆၀၀၀ကျပ်ဖြင့် ဈေးနှုန်းတည်ငြိမ်နေပြီး ပေါင်သားမှာ ယခုလအစောပိုင်းတွင် တစ်ပိဿာလျှင် ၁၈၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၇၀၀၀ကျပ်၊ အသားသီးသန့်မှာ ယခုလအစောပိုင်းတွင် တစ်ပိဿာလျှင် ၂၀၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၈၀၀၀ကျပ်ဖြင့် ဈေးနှုန်းအနည်းငယ်ကျဆင်းလာပါသည်။

ငါးကြင်းမှာ ယခုလအစောပိုင်းတွင် အကောင်လိုက်ဈေးတစ်ပိဿာလျှင် ၁၀၀၀၀ကျပ်၊ အခြမ်းလိုက်ဈေးတစ်ပိဿာလျှင် ၁၄၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် အကောင်လိုက်ဈေး ၈၀၀၀ကျပ်၊ အခြမ်းလိုက်ဈေး ၁၂၀၀၀ကျပ်ဖြင့် ဈေးနှုန်းအနည်းငယ်ကျဆင်းနေပြီး ငါးကြင်းဖြူမှာ အကောင်လိုက်ဈေးတစ်ပိဿာလျှင် ၁၇၀၀၀ကျပ်၊ အမြီးလွတ်၊ ခေါင်းလွတ်တစ်ပိဿာလျှင် ၂၀၀၀၀ကျပ်ဖြင့် ဈေးနှုန်းတည်ငြိမ်နေပါသည်။

ငါးရံ့မှာ တစ်ပိဿာလျှင် အသေး ၁၂၀၀၀ကျပ်၊ အလတ် ၁၄၀၀၀ကျပ်နှင့် အကြီး ၁၆၀၀၀ကျပ်ဖြင့် ဈေးနှုန်းတည်ငြိမ်နေပြီး ငါးခူမှာ ယခင်အပတ်တွင် တစ်ပိဿာလျှင် အသေး ၁၃၀၀၀ကျပ်၊ အလတ် ၁၅၀၀၀ကျပ်နှင့် အကြီး ၁၇၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် အသေး ၁၂၀၀၀ကျပ်၊ အလတ် ၁၄၀၀၀ကျပ်နှင့် အကြီး ၁၆၀၀၀ကျပ်ဖြင့် ဈေးနှုန်းအနည်းငယ်ကျဆင်းလာပါသည်။

ပုစွန်ဆိတ်တစ်ပိဿာလျှင် ၁၂၀၀၀ ကျပ်၊ ပုစွန်ကျော့မှာ တစ်ပိဿာလျှင် ၁၅၀၀၀ကျပ်၊ ပုစွန်အသေးမှာ တစ်ပိဿာလျှင် ၂၄၀၀၀ကျပ်၊ ပုစွန်အလတ်မှာ တစ်ပိဿာလျှင် ၂၆၀၀၀ကျပ်နှင့် ပုစွန်အကြီးမှာ တစ်ပိဿာလျှင် ၂၈၀၀၀ကျပ်ဖြင့် ဈေးနှုန်းတည်ငြိမ်နေကြောင်းသိရပါသည်။

DOCA(ပဲခူး)

တောင်ငူမြို့တွင် လိမ္မော်သီးနှင့် သခွားမွှေးသီးဈေးနှုန်းကျ

ပြည်တွင်းကုန်သွယ်မှုသတင်း

တောင်ငူမြို့၊ ဘုရင့်နောင်ဈေး၊ ညောင်ပင်ဈေးများအနီးရှိ သစ်သီးဆိုင်များတွင် လိမ္မော်သီးများမှာ အရွယ်အစားပေါ်မူတည်၍ တစ်ပိဿာလျှင် ၃၀၀၀ကျပ်မှ ၅၀၀၀ကျပ်ထိရှိသဖြင့် ၂၀၂၃ခုနှစ်၊ စက်တင်ဘာလထက် ဈေးနှုန်းအနည်းငယ်ကျဆင်းခဲ့သည်။ လိမ္မော်သီးပေါ်ခါစကာလဖြစ်သော ယခင်လက တစ်ပိဿာလျှင် ၅၀၀၀ကျပ်မှ ၇၀၀၀ကျပ်ထိရှိခဲ့ပါသည်။

ပျားလိမ္မော်မှာလည်း ယခင်လတွင် တစ်ပိဿာလျှင် ၁၂၀၀၀ကျပ်မှ ၂၀၀၀၀ကျပ်ထိရှိခဲ့ရာမှ ယခုအောက်တိုဘာလတွင် တစ်ပိဿာလျှင် ၁၀၀၀၀ကျပ်ထိ ဈေးနှုန်းကျဆင်းလာပါသည်။ သခွားမွှေးမှာ ယခင်လတွင် တစ်လုံးလျှင် ၅၀၀၀ကျပ်ရှိခဲ့ရာမှ ယခုလတွင် တစ်လုံးလျှင် ၃၅၀၀ကျပ်မှ ၄၀၀၀ကျပ်ထိ ဈေးနှုန်းကျဆင်းလာပါသည်။

ပန်းသီးများမှာ အရွယ်အစားအလိုက် တစ်လုံးလျှင် ၁၀၀၀ကျပ်မှ ၃၅၀၀ကျပ်ထိ၊ စပျစ်သီးမှာ အစေ့ပါတစ်ပိဿာလျှင် ၁၄၀၀၀ကျပ်၊ အစေ့လွတ်တစ်ပိဿာလျှင် ၂၀၀၀၀ကျပ်၊ ထောပတ်သီးမှာ တစ်လုံးလျှင် ၇၀၀ကျပ်မှ ၈၀၀ကျပ်ထိ၊ နာနတ်သီး(ဗမာသီး)မှာ တစ်လုံးလျှင် ၂၀၀၀ကျပ်၊ ယိုးဒယားသီးတစ်လုံးလျှင် ၄၀၀၀ကျပ်၊ ပန်းသစ်တော်သီးတစ်လုံးလျှင် ၃၅၀၀ကျပ်မှ ၄၀၀၀ကျပ်ထိဖြစ်၍ ယခင်လနှင့် ဈေးနှုန်းကွာခြားချက်မရှိကြောင်းသိရပါသည်။

DOCA(ပဲခူး)

ပခုက္ကူမြို့ပေါ်ရှိ အောက်တိုဘာလ(ဒုတိယပတ်)တွင်ဖြစ်ပေါ်နေသော စားသုံးဆီဈေးကွက်အခြေအနေ

ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်၌ ၂၀၂၃ခုနှစ်၊ အောက်တိုဘာလ (ဒုတိယပတ်)တွင် အရောင်းအဝယ်ဖြစ်လျက်ရှိသော စားသုံးဆီဈေးနှုန်းများမှာ ပဲဆုံဆီ လက်ကားတစ်ပိဿာလျှင် ကျပ်(၁၃၀၀၀)၊ လက်လီတစ်ပိဿာလျှင် ကျပ်(၁၄၈၀၀-၁၅၀၀၀)၊ ပဲရောဆီ လက်ကားတစ်ပိဿာလျှင် ကျပ်(၁၁၀၀၀)၊ လက်လီတစ်ပိဿာလျှင် ကျပ်(၁၁၅၀၀)၊ နှမ်းဆီ လက်ကားတစ်ပိဿာလျှင် ကျပ်(၁၂၈၀၀)၊ လက်လီတစ်ပိဿာလျှင် ကျပ်(၁၃၀၀၀)၊ စားအုန်းဆီ လက်ကားတစ်ပိဿာလျှင် ကျပ်(၄၈၀၀)၊ လက်လီတစ်ပိဿာလျှင်ကျပ် (၅၀၀၀/၆၀၀၀)၊ နေကြာဆီ လက်ကားတစ်ပိဿာလျှင် ကျပ် (၁၂၅၀၀)နှင့် လက်လီတစ်ပိဿာလျှင် ကျပ်(၁၃၀၀၀)ဈေးနှုန်းတို့ဖြင့် အရောင်းအဝယ်ဖြစ်လျက်ရှိပါသည်။

အောက်တိုဘာလ(ပထမပတ်)ဈေးနှုန်းတို့နှင့်နှိုင်းယှဉ်ကြည့်လျှင် အောက်တိုဘာလ (ဒုတိယပတ်)တွင် နှမ်းဆီဈေးနှုန်းမှာ ဈေးငြိမ်ပြီး ပဲဆီနှင့်နေကြာဆီဈေးနှုန်းမှာ ဈေးအနည်းငယ်ကျ၍ အရောင်းအဝယ်ဖြစ်လျက်ရှိကြောင်း၊ စားအုန်းဆီဈေးနှုန်းမှာလည်း ယခင်က တစ်ပိဿာလျှင် ကျပ်(၅၀၀၀)မှ ယခုအချိန်၌ တစ်ပိဿာလျှင် ကျပ်(၄၈၀၀)ဖြစ်၍ ဈေးနှုန်းကျဆင်းနေပြီး အရောင်းအဝယ်ဖြစ်နေကြောင်းသိရှိရပါသည်။

ပခုက္ကူမြို့ရှိ စားသုံးသူများသည် မြေပဲဆီကိုသာအဓိကစားသုံးမှုများပြီး လုပ်ငန်းရှင်များကလည်း မြေပဲဆံ၊ မြေပဲဆီများကို ထုတ်လုပ်ရောင်းဝယ်ဖောက်ကားလျက်ရှိပြီး မြန်မာနိုင်ငံနေရာဒေသအနှံ့အပြားသို့ မြေပဲဆီများ ထုတ်လုပ်တင်ပို့ရောင်းချဖြန့်ဖြူးလျက်ရှိကြောင်းသိရှိရပါသည်။

DOCA(မကွေး)

သီတင်းကျွတ်ရာသီတွင် စက္ကူမီးပုံးများ ရောင်းအားကောင်းလျက်ရှိ

ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၊ အမှတ်(၁၃)ရပ်ကွက်၌ တော်သလင်းလပြည့်ကျော်မှ သီတင်းကျွတ်လဆန်းပိုင်းတို့၌ ရောင်စုံစက္ကူမီးပုံးများ၊ ရောင်စုံစက္ကူကားများ၊ လေယာဉ်ပျံများ၊ သင်္ဘောပုံစံတို့ဖြင့် စက္ကူမီးပုံးများပြုလုပ်၍ တစ်ရာသီ စီးပွားဖြစ်ပြုလုပ်ရောင်းချနေကြောင်း ရပ်ကွက်တွင်းရှိ စက္ကူမီးပုံးပြုလုပ်သူထံမှသိရှိရပါသည်။

ရောင်စုံစက္ကူမီးပုံများပြုလုပ်ရာတွင် လိုအပ်သောပစ္စာည်းများမှာ ဝါး၊ မှန်ရောင်စက္ကူ၊ ကောက်ညှင်းမှုန့်၊ ဗလာစာအုပ်၊ သစ်သားဘီးလုံး၊ နို့စိမ်းဘူး၊ ပုဆိုးအနည်းငယ်၊ ကြိုးတစ်ထုံး၊ သံကြိုးခွေ တစ်ခွေ၊ လျှာခံပြားများဖြစ်ကြောင်း၊ ဝါးတစ်လုံးလျှင် ကျပ်(၄၀၀၀)၊ ကောက်ညှင်းကော်မှုန့်တစ်ပြည်လျှင် ကျပ်(၂၅၀၀)၊ ရောင်စုံစက္ကူတစ်ချပ်လျှင် ကျပ်(၆၀၀)၊ ဗလာစာအုပ် ဗြောင်အချောတစ်အုပ်လျှင် ကျပ်(၁၅၀၀)၊ သံကြိုးခွေတစ်ပိဿာလျှင် ကျပ်(၂၅၀၀)၊ ပုဆိုးအကျတစ်ကွင်းလျှင် ကျပ်(၅၀၀)၊ သစ်သားဘီးတစ်စုံလျှင် ကျပ်(၈၅)၊ ကြိုးတစ်ထုံးလျှင် ကျပ်(၂၅၀၀)၊ ဖော့လျှာခံတစ်ခုလျှင် ကျပ်(၂၅)၊ စက္ကူဒီဇိုင်းဆွဲရေးခမှာ ကျပ်(၂၀၀/၃၀၀)ပေးရကြောင်း၊ ဆီစိမ်စက္ကူတစ်ရွက်လျှင် ကျပ်(၁၀၀)ဖြင့် တစ်နေ့လျှင် အခုရေ (၂၀ မှ ၃၀)ထိပြုလုပ်ရကြောင်း၊ အိမ်တွင်းစီးပွားဖြစ် တစ်ပိုင်တစ်နိုင်ပြုလုပ်ရောင်းချနေကြောင်းသိရှိရပါသည်။

ရောင်စုံစက္ကူမီးပုံးများကို ရေစကြို၊ ပေါက်၊ မြစ်ခြေနှင့် ပဲခူတိုင်းဒေသကြီးသို့လည်းတင်ပို့ရောင်းချမှုရှိကြောင်း၊ ပခုက္ကူမြို့ပေါ်ရှိ မြို့မဈေးကြီး၊ လွတ်လပ်ရေးပန်းခြံ၊ ဗိုလ်ချုပ်ပန်းခြံ၊ ရွှေကူဘုရား၊ ရွှေမုဌောဘုရား၊ ပြန့်ကျဈေးနှင့် သီဟိုဠ်ရှင်ဘုရားကြီးတို့တွင်လည်း ရောင်းချလျက်ရှိကြောင်းသိရှိရပါသည်။

ရောင်စုံမီးပုံစက္ကူဈေးနှုန်းများမှာ ရိုးရိုးမီးပုံးတစ်ခုးလျှင် ကျပ်(၅၀၀)၊ အသဲပုံသဏ္ဌာန် မီးပုံးတစ်ခုးလျှင် ကျပ်(၁၀၀၀)၊ အိမ်ပုံသဏ္ဌာန် မီးပုံးတစ်ခုလျှင် ကျပ်(၁၅၀၀)၊ ကြယ်ပုံသဏ္ဌာန် မီးပုံးတစ်ခုလျှင် ကျပ်(၁၅၀၀)၊ လေယာဉ်ပျံပုံသဏ္ဌာန် မီးပုံးတစ်ခုလျှင် ကျပ်(၄၅၀၀-၅၀၀၀)၊ သင်္ဘောသဏ္ဌာန် မီးပုံးတစ်ခုလျှင် ကျပ်(၂၅၀၀)၊ ကားပုံသဏ္ဌာန် မီးပုံးတစ်ခုးလျှင် ကျပ်(၂၅၀၀)၊ ယုန်ပုံသဏ္ဌာန် လက်တွန်းမီးပုံးတစ်ခုလျှင် ကျပ်(၂၅၀၀)ဖြင့်ရောင်းချကြောင်း၊ ယခုအခါတွင် သီတင်းကျွတ်မီးထွန်းရာသီဖြစ်သည့်အတွက် ရောင်းအားကောင်းနေကြောင်း အမှတ်(၁၃) ရပ်ကွက်ရှိ မီးပုံးပြုလုပ်သူထံမှသိရှိရပါသည်။

DOCA(မကွေး)

သရက်မြို့၊ ထုံးတောင်အုပ်စုအတွင်းရှိ စားသုံးသူပြည်သူများအား သက်သာသောဈေးနှုန်းဖြင့် ဆန်များရောင်းချပေး

ပြည်တွင်းကုန်သွယ်မှုသတင်း

စားသုံးသူရေးရာဦးစီးဌာန၊ သရက်ခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးအုန်းမြင့်ဦးဆောင်သောဝန်ထမ်းများသည် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ၏ အစီအစဉ်ဖြင့် မြို့နယ်အထွေထွေအုပ်ချုပ်ရေးဦးစီးဌာန၊ သရက်မြို့ဆန်ကုန်သည်နှင့်ဆန်စက်ပိုင်ရှင်များနှင့်ပူးပေါင်း၍ မကွေးတိုင်းဒေသကြီး၊ သရက်ခရိုင်၊ သရက်မြို့နယ်၌ (၁၄-၁၀-၂၀၂၃)ရက်နေ့၊ နံနက်(၀၈:၀၀) နာရီအချိန်တွင် ထုံးတောင်အုပ်စုအတွင်းရှိ ထုံးတောင်ကျေးရွာနှင့် သဲတောကျေးရွာများမှ စားသုံးသူပြည်သူများအား သက်သာသောဈေးနှုန်းဖြစ်သည့် ဧည့်မထဆန်(၁)ပြည်လျှင် (၂၅၀၀)ကျပ်နှုန်းဖြင့် အိမ်ထောင်စု (၂၄၇)စုတို့အား ရောင်းချပေးခဲ့ပါသည်။

ထိုသို့ သက်သာသောဈေးနှုန်းဖြင့် ဆန်များရောင်းချပေးနေမှုမှာ သရက်မြို့နယ်အတွင်း (၆)ကြိမ်မြောက်ရောင်းချပေးမှုဖြစ်ပြီး ဆန်(၁၆၈၃)ပြည်ရောင်းချပေးပြီးဖြစ်ကြောင်းနှင့် ကျန်ရှိနေသေးသည့် သရက်မြို့အတွင်းရှိ ရပ်ကွက်များတွင်လည်း ဆက်လက်ရောင်းချပေးသွားမည်ဖြစ်ကြောင်းသိရှိရပါသည်။

DOCA(မကွေး)

သရက်မြို့၊ မြို့မစည်ပင်သာယာဈေး၌ ပလတ်စတစ် Campaign ပြုလုပ်ခြင်းနှင့် အောက်တိုဘာလ (ဒုတိယပတ်)တွင်ဖြစ်ပေါ်နေသော အခြေခံစားကုန်ဈေးနှုန်းများ

ပြည်တွင်းကုန်သွယ်မှုသတင်း

စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဝန်ထမ်းများသည် (၁၆-၁၀-၂၀၂၃)ရက်နေ့၊ နံနက်(၀၈:၀၀)နာရီအချိန်တွင် သရက်မြို့၊ မြို့မစည်ပင်သာယာဈေးအတွင်း၌ မြို့နယ်စည်ပင်သာယာရေးအဖွဲ့၊ သဘာဝပတ်ဝန်းကျင်ထိန်းသိမ်းရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာနတို့နှင့်ပူးပေါင်း၍ အသားငါးရောင်းချနေသော ဈေးတန်းတစ်လျှောက်နှင့် ကုန်စိမ်းရောင်းချသောဈေးသည်များအား ပလတ်စတစ်လျော့ချအသုံးပြုစေရေး၊ အင်ဖက်အစားထိုးအသုံးပြုစေရေး အပတ်စဉ်ဆောင်ရွက်လျက်ရှိသော ပလတ်စတစ် Campaign ပြုလုပ်ဆောင်ရွက်ခဲ့ကြပါသည်။

ထို့နောက် အောက်တိုဘာလ (ဒုတိယပတ်)အတွင်းဖြစ်ပေါ်လျက်ရှိသော အခြေခံစားသောက်ကုန်ဈေးနှုန်းတို့ကို သွားရောက်မေးမြန်းစုံစမ်းရာ အာလူး (အကြီး၊အသေး) အရွယ်အစားအလိုက် (၁)ပိဿာလျှင် ကျပ်(၂၄၀၀ မှ ၂၈၀၀)၊ ကြက်သွန်ဖြူ (အကြီး၊အသေး) (၁)ပိဿာလျှင် ကျပ်(၈၀၀၀မှ ၈၅၀၀)၊ ကြက်သွန်နီ (အသေး၊ အလတ်၊ အကြီး)(၁)ပိဿာလျှင် ကျပ်(၂၇၀၀၊ ၃၀၀၀၊ ၃၅၀၀)၊ ကုလားပဲခွဲခြမ်း (၁)ပိဿာလျှင် ကျပ်(၆၅၀၀မှ ၆၈၀၀)၊ ငရုတ်စို(အမှည့်)(၁)ပိဿာလျှင် ကျပ် (၃၀၀၀မှ ၃၅၀၀)၊ ငရုတ်ခြောက် (၁)ပိဿာလျှင် ကျပ်(၁၈၀၀၀မှ ၂၀၀၀၀)၊ သရက်မြို့နယ်၊ ကျေးရွာများမှထွက်ရှိသော ခရမ်းချဉ်သီး (တိုင်ထောင်သီး) (၁)ပိဿာလျှင် ကျပ်(၁၅၀၀မှ ၁၈၀၀)၊ ကြက်သား(CP) (၁)ပိဿာလျှင် ကျပ် (၁၀၀၀၀မှ ၁၂၀၀၀)၊ ကြက်သား (ဗမာ) (၁)ပိဿာလျှင် ကျပ်(၁၆၀၀၀)၊ ဝက်သား (၁)ပိဿာလျှင် ကျပ် (၁၃၀၀၀)၊ အမဲသား (၁)ပိဿာလျှင် ကျပ်(၁၃၀၀၀)၊ ဆိတ်သား (၁)ပိဿာလျှင် ကျပ်(၁၆၀၀၀)၊ ငါးကြင်း(၁)ပိဿာလျှင် အကောင်အကြီး/အသေးအလိုက် ကျပ်(၁၀၀၀၀မှ ၁၅၀၀၀)၊ ပေါ်ဆန်းမွှေးဆန် (ပုသိမ်) (၁)ပြည်လျှင် ကျပ်(၄၅၀၀မှ ၄၈၀၀)၊ ဧရာပဒေသာဆန်(ပုသိမ်) (၁)ပြည်လျှင် ကျပ်(၄၁၀၀မှ ၄၂၀၀)၊ မနောသုခဆန်(၁)ပြည်လျှင် ကျပ်(၃၂၀၀မှ ၃၃၀၀)၊ မှော်ဘီဆန်(၁)ပြည်လျှင် ကျပ် (၃၅၀၀မှ၃၆၀၀)၊ ပဲဆီ(၁)ပိဿာလျှင် ကျပ်(၁၄၀၀၀မှ ၁၆၀၀၀)၊ နှမ်းဆီ(၁)ပိဿာလျှင် ကျပ် (၁၄၀၀၀မှ ၁၆၀၀၀) စသည်ဖြင့် ဈေးနှုန်းအသီးသီးရှိခဲ့ကြောင်းနှင့် ခရမ်းချဉ်သီးဈေးနှုန်းမှာ အနည်းငယ်မြင့်တက်လျက်ရှိပြီး အခြားသောအခြေခံစားသောက်ကုန်နှင့် အသားငါးဈေးနှုန်းမှာ ယခုအပတ်အတွင်း ဈေးနှုန်းအနည်းငယ်ကျဆင်းလျက်ရှိပြီး နေ့စဉ် ပုံမှန်အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေးအတွင်းရှိ ဈေးသည်များထံမှသိရှိရပါသည်။

DOCA(မကွေး)

ချောက်မြို့မစျေးအတွင်းရောင်းချနေသော ရေထွက်ပစ္စည်းစျေးနှုန်းအခြေအနေ

ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်ရှိ မြို့မဈေးသည် ပတ်ဝန်းကျင်ကျေးရွာများမှ နေ့စဉ် လာရောက်သည့်အပြင် ဆိပ်ဖြူနှင့်ယောဒေသမှ စားသုံးသူများကလည်း လာရောက်ရောင်းဝယ်ဖောက်ကားရာဈေးဖြစ်ပါသည်။ ရေထွက်ကုန်များကို ရန်ကုန်ဘုရင့်နောင်ပွဲရုံမှ မှာယူရောင်းချကြောင်းသိရပါသည်။

၂၀၂၃ခုနှစ်၊ အောက်တိုဘာလ (တတိယပတ်)အတွင်း ချောက်မြို့မဈေး၌ရောင်းချနေသော ရေထွက်ကုန်ပစ္စည်းစျေးနှုန်းများမှာ ပုစွန်ခြောက် (၁)ပိဿာလျှင် ကျပ်(၆၅၀၀၀)၊ ငါးပုတ်သင်အသေး (၁)ပိဿာလျှင် ကျပ်(၈၅၀၀)၊ ငါးပုတ်သင်အကြီး(၁)ပိဿာလျှင် ကျပ်(၁၇၀၀၀)၊ ငါးရံ့လုံး(၁) ပိဿာလျှင် ကျပ်(၃၇၀၀၀)၊ ငါးတံခွန် (၁)ပိဿာလျှင် ကျပ်(၁၀၀၀၀)၊ ငါးမဲလုံး (၁)ပိဿာလျှင် ကျပ် (၁၄၅၀၀)၊ ငါးအသားမျှင်(၁)ပိဿာလျှင် ကျပ် (၂၃၀၀၀)၊ ငါးနီတူခြောက် (၁)ပိဿာလျှင် ကျပ် (၁၆၅၀၀)၊ ငါးကြီးခြောက်(၁)ပိဿာလျှင် ကျပ်(၆၀၀၀၀)၊ ငါးဇင်းလုံး(၁)ပိဿာလျှင် ကျပ်(၉၀၀၀)၊ ငါးဇင်းပြား (၁)ပိဿာလျှင် ကျပ်(၁၃၅၀၀)၊ မြီးဆံသွယ်(၁)ပိဿာလျှင် ကျပ်(၉၀၀၀) စျေးနှုန်းတို့ဖြင့် အရောင်းအဝယ်ဖြစ်နေကြောင်း လေ့လာသိရှိရပါသည်။

DOCA(မကွေး)

မြင်းခြံခရိုင်အတွင်း၌ ဈေးကားဖြင့် စားအုန်းဆီများ လက်လီရောင်းချပေး

ပြည်တွင်းကုန်သွယ်မှုသတင်း

မန္တလေးတိုင်းဒေသကြီး၊ မြင်းခြံခရိုင်၊ စားသုံးသူရေးရာဦးစီးဌာနနှင့် မြင်းခြံခရိုင်ဆီကုန်သည်နှင့်ဆီလုပ်ငန်းရှင်များအသင်းတို့သည် ၂၀၂၃ခုနှစ်၊ စက်တင်ဘာလ(၁၂)ရက်နေ့တွင် စားသုံးသူပြည်သူများ ကျန်းမာရေးနှင့်ညီညွတ်သောစားသုံးဆီများကို ဈေးနှုန်းသက်သာစွာဝယ်ယူစားသုံးနိုင်ရေးတို့အတွက် မြင်းခြံမြို့၊ အမှတ်(၁၇)ရပ်ကွက်၌ လူတစ်ဦးလျှင် တစ်ပိဿာနှုန်းဖြင့် လူဦးရေ (၅၅၀)ဦးအတွက် စားအုန်းဆီပိဿာချိန် (၅၅၀) ပိဿာကို တစ်ပိဿာလျှင် (၄၇၅၀)ကျပ်နှုန်းဖြင့် ရောင်းချပေးခဲ့ပါသည်။ အလားတူ ညောင်ဦးခရိုင်၊ ကျောက်ပန်းတောင်းမြို့နယ်ရှိ စီရင်စုကျေးရွာမှာလည်း ၂၀၂၃ခုနှစ်၊ စက်တင်ဘာလ(၁၂)ရက်နေ့၊ နံနက်ပိုင်းတွင် လူဦးရေ (၅၅၀)ဦးအတွက် စားအုန်းဆီပိဿာချိန် (၅၅၀)ပိဿာကို တစ်ပိဿာလျှင် (၄၇၅၀)ကျပ်နှုန်းဖြင့်လည်းကောင်း၊ နေ့လယ်ပိုင်းတွင် ညောင်ကန်ကျေးရွာရှိ လူဦးရေ (၅၅၀)ဦးအတွက် စားအုန်းဆီပိဿာချိန်ိ(၅၅၀)ကို တစ်ပိဿာလျှင် (၄၇၅၀) ကျပ်နှုန်းဖြင့် စားသုံးသူပြည်သူများအား အခြေခံရည်ညွှန်းဈေးဖြင့် လက်လီရောင်းချပေးခဲ့ပြီး ဈေးနှုန်းများအဆမတန်မြှင့်တင်ရောင်းချခြင်းများမပြုလုပ်ကြရန် ကြီးကြပ်ဆောင်ရွက်ခဲ့ကြောင်းသိရှိရပါသည်။

DOCA(မန္တလေး)

Languages

Main menu

ပြည်တွင်းကုန်သွယ်မှုသတင်း

မြန်မာတို့ကြိုက်နှစ်သက်သည့် စားတော်ပဲပြုတ်

တောင်ငူမြို့ရှိ ကြက်ဥ၊ ဘဲဥဈေးနှုန်းအခြေအနေ

တောင်ငူမြို့တွင် အသားငါးဈေးနှုန်း အတက်အကျရှိ

တောင်ငူမြို့တွင် လိမ္မော်သီးနှင့် သခွားမွှေးသီးဈေးနှုန်းကျ

ပခုက္ကူမြို့ပေါ်ရှိ အောက်တိုဘာလ(ဒုတိယပတ်)တွင်ဖြစ်ပေါ်နေသော စားသုံးဆီဈေးကွက်အခြေအနေ

သီတင်းကျွတ်ရာသီတွင် စက္ကူမီးပုံးများ ရောင်းအားကောင်းလျက်ရှိ

သရက်မြို့၊ ထုံးတောင်အုပ်စုအတွင်းရှိ စားသုံးသူပြည်သူများအား သက်သာသောဈေးနှုန်းဖြင့် ဆန်များရောင်းချပေး

ချောက်မြို့မစျေးအတွင်းရောင်းချနေသော ရေထွက်ပစ္စည်းစျေးနှုန်းအခြေအနေ

မြင်းခြံခရိုင်အတွင်း၌ ဈေးကားဖြင့် စားအုန်းဆီများ လက်လီရောင်းချပေး

Pages

You are here

ပြည်တွင်းကုန်သွယ်မှုသတင်း

Pages