ပြည်တွင်းကုန်သွယ်မှုသတင်း

             ဝါးတန်းဆန်စပါးကုန်စည်ဒိုင်သို့ (၁၄.၁.၂၀၂၅) မှ (၂၀.၁.၂၀၂၅) နေ့ထိ ဆန်ဝင်ရောက်မှုစာရင်းများမှာ ဧရာဝတီတိုင်းဒေသကြီး ဖျာပုံ၊ မြောင်းမြ၊ ဘိုကလေး၊ လပွတ္တာ၊ မော်ကျွန်း၊ ကျိုက်လတ်၊ ဟင်္သာတ၊ ဓနုဖြူ၊ ပန်းတနော်၊ ညောင်တုန်း၊ အဖျောက်၊ အသုတ်မြို့နယ်များမှ ပေါ်ဆန်းမွှေး (၂၈၅၉၀) အိတ်၊ ပေါ်ကျွဲ (၆၆၂၇) အိတ်၊ ဧည့်မထ (၇၀၀၄၅) အိတ်၊ ဆန်ကွဲ (၁၄၆၈၀) အိတ် ဝင်ရောက်ခဲ့ပြီး ပဲခူးတိုင်း (အရှေ့) ကျောက်တံခါး၊ ညောင်လေးပင်၊ ဖြူးမြို့နယ်များမှ ဧည့်မထ (၆၆၄၀) အိတ် နှင့် ပဲခူးတိုင်း (အနောက်) မြို့နယ်များဖြစ်သော သာယာဝတီ၊ သုံးဆယ်၊ လက်ပံတန်း၊ ကြို့ပင်ကောက်မြို့နယ်များမှ ဧည့်မထ (၂၀၄၅၁) အိတ်၊ ငစိန် (၁၂၄၀) အိတ်နှင့် ရန်ကုန်တိုင်း ပြင်ပမြို့နယ်များဖြစ်သော ကော့မှူး၊ လက်ခုတ် ကုန်း၊ ပျော်ဘွယ်၊ တိုက်ကြီး၊ ခရမ်း၊ သုံးခွ၊ ဥက္ကံ မြို့နယ်များ မှ ဧည့်မထ (၁၇၈၁၀) အိတ်တို့ဝင်ရောက်မှုရှိကြောင်း ဝါးတန်း ဆန်စပါးကုန်စည်ဒိုင်၏ ပြောကြားချက်အရ သိရှိရပါသည်။

DOCA(ရန်ကုန်)

            ၂၀.၁.၂၀၂၅ ရက်နေ့၊ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ရေထွက်ကုန်ပစ္စည်းများ၏ တစ်ပိဿာ ဈေးနှုန်းများမှာ ဖျာပုံရွှေပုဇွန်ရှယ် မှာ ကျပ် ၂၈၀၀၀၀ ၊ ဖျာပုံရွှေပုဇွန်ရိုးရိုးကျပ် ၂၀၀၀၀၀၊ ဖျာပုံချိုကြီးရှယ် ကျပ် ၁၄၀၀၀၀၊ ဖျာပုံချိုကြီးရိုးရိုး ကျပ် ၁၀၀၀၀၀၊ ဖျာပုံချို သေးရှယ်ကျပ် ၇၀၀၀၀၊ ဖျာပုံ ချိုသေးရိုးရိုးကျပ် ၁၀၀၀၀၀၊ မြိတ်ပုဇွန်လတ် ကျပ် ၁၂၀၀၀၀၊ မြိတ်ပုဇွန်ရိုးရိုး ကျပ် ၉၀၀၀၀၊ ရေချိုငါးခြောက် များဖြစ်ကြသော ငါးကျီးကြပ်တိုက်ကြီး   ကျပ် ၉၀၀၀၀ ၊ ငါးကျီးကြပ်တိုက်သေး  ကျပ် ၇၀၀၀၀၊ ငါးမြွေထိုး ကျပ် ၄၀၀၀၀၊ ငါးရံ့ခြောက်ကြီး ကျပ် ၇၅၀၀၀၊ ငါးရံ့ခြောက်လတ်ကျပ် ၆၀၀၀၀၊ ငါးရံလုံးရှယ် ကျပ် ၅၀၀၀၀၊ ရေငံငါးခြောက်များဖြစ်ကြသော ကလိန် ကျပ် ၁၀၀၀၀၊ ငါးကွမ်းရှပ်ကြီး ကျပ် ၁၈၀၀၀၊ ငါးတံခွန်မျှင်ကြီး ကျပ် ၂၀၀၀၀၊ ငါးတံခွန်လုံးကြီး ကျပ် ၆၀၀၀၊ ငါးနှပ်ခြောက်ကြီး(ရှယ်) ကျပ် ၂၀၀၀၀၊ ငါးရွှေသေး ကျပ် ၁၀၀၀၀၊ ငါးမီးတံသွယ် ကျပ် ၇၀၀၀  ဈေးတို့အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)

           ၂၀.၁.၂၀၂၅ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူ တစ်ပိဿာ ဈေးနှုန်းများမှာ ကြူကုတ်(ရှယ်) တစ်ပိဿာ ကျပ် ၁၇၅၀၀၊ အောင်ပန်းထူး-၂ ကျပ် ၁၁၅၀၀၊  အောင်ပန်းထူး-၃ ကျပ် ၁၂၅၀၀၊ အောင်ပန်းထူး-၄ ကျပ် ၁၃၇၀၀၊ အောင်ပန်းထူး-၅ ကျပ် ၁၄၂၀၀၊ ကြက်သွန်နီ ဈေးနှုန်းများမှာ ဆိပ်ဖြူ(သစ်) ရှယ် ကျပ် ၃၁၀၀ ၊ ဆိပ်ဖြူ(သစ်)လတ်ကြီး ကျပ်  ၃၂၀၀ ၊  ဆိပ်ဖြူ(သစ်)လတ်သန့် ကျပ် ၂၁၀၀၊ ဆိပ်ဖြူ(သစ်) လတ်ချော ကျပ် ၁၇၀၀၊ မြင်းခြံ(သစ်) ရှယ် ကျပ် ၃၄၀၀၊ မြင်းခြံ(သစ်) လတ်ကြီး ကျပ် ၃၁၀၀ ၊  မြင်းခြံ(သစ်) လတ်သန့်  ကျပ် ၂၇၀၀ ၊  မြင်းခြံ(သစ်) လတ်ချော  ကျပ် ၁၉၀၀၊ မြစ်သား(သစ်) ရှယ် ကျပ် ၃၇၀၀၊ မြစ်သား(သစ်) လတ်ကြီး ကျပ် ၄၀၀၀၊ မြစ်သား(သစ်) လတ်သန့် ကျပ် ၃၇၀၀၊ မြစ်သား(သစ်) လတ်ချော ကျပ် ၂၉၀၀၊ တရုတ်အာလူး အမြင့်ဆုံးဈေး ကျပ် ၅၅၀၀ မှ အနိမ့်ဆုံးဈေး ကျပ် ၅၀၀၀ တို့အသီးသီးရှိ ကြကြောင်းကုန်စည်ဒိုင်မှ စုံစမ်းသိရှိရပါသည်။ ယခုရက်သပတ်အတွင်း တရုတ်အာလူးဈေးနှုန်းများမှာ အနည်းငယ်ကျဆင်းလျက်ရှိကြောင် သိရှိရပါသည်။

DOCA(ရန်ကုန်)

           ဆန်ကြိတ်ခွဲစက်များမှ ထွက်ရှိသော ဘေးထွက်ပစ္စည်း စပါးခွံဖြင့် ထင်း/ မီးသွေး အစားထိုး လောင်စာအဖြစ် စပါးခွံလောင်စာတောင့် ထုတ်လုပ်ခြင်းလုပ်ငန်းအား ဇီးကုန်းမြို့၊ အမှတ် (၃) ရပ်ကွက် ရန်ကုန်-ပြည်လမ်းတွင် ထုတ်လုပ် ဖြန့်ဖြူးလျက်ရှိပါသည်။

          လောင်စာတောင့်အတွက် စပါးခွံအားစက်ဖြင့်ပြုလုပ်ပြီး ကုန်ကြမ်းစပါးခွံအားအိတ် (၂၀၀)ပါ (ပုဇဉ်းကား) တစ်စီးအတွက် စပါးခွံဖိုး (၄၅၀၀၀)ကျပ်၊ ကားခ (၂၅၀၀၀)ကျပ်၊လုပ်သားခ (၁၅၀၀၀)ကျပ်ဖြင့် စုစုပေါင်း စပါးခွံကားတစ်စီးလျှင်  (၈၅၀၀၀)ကျပ် ကုန်ကျစရိတ်ရှိပြီး ကုန်ကြမ်း အိတ် ၂၀၀ တွင် ကုန်ချောအိတ် ၅၀ ခန့်ရရှိပြီး ရောင်းချမှုအနေဖြင့် ပိဿာ ၂၀ တစ်အိတ်လျှင် ၇၅၀၀ကျပ် လက်လီတစ်ပိဿာလျှင် ၄၀၀ ကျပ်ဖြင့် ရောင်းချရကြောင်းသိရပါသည်။

          လုပ်ငန်း စတင်ဆောင်ရွက်နေသည်မှာ ၂လခန့်သာရှိပြီး ဈေးကွက်အနေဖြင့် မြို့နယ်တွင်း လုပ်ငန်းသေးများဖြစ်သည့် အကြော်ဆိုင်၊ လ္ဘက်ရည်ဆိုင် (၅)ဆိုင်ခန့်သာ ရောင်းချရပြီးလက်လီ ရောင်းချရမှုများလည်းရှိလာပါသည်။ အကျိုးအမြတ်အနေဖြင့် အလေအလွင့် ၊ စက်လည်ပတ် / လုပ် သားခ ၊ အိတ်ခွံ၊ မီတာခ နူတ်ပြီး ပိဿာ(၂၀)တစ်အိတ် လျှင် (၃၀၀၀)ကျပ် အကျိုးအမြတ်ရရှိကြောင်း စပါးခွံလောင်စာတောင့်ကို သုံးစွဲခြင်းဖြင့် ထင်းနှင့် မီးသွေးတို့ သုံးစွဲခြင်းထက် ကုန်ကျစရိတ်သက်သာ ပြီး လောင်စာတောင့်ပြာများကို ဓာတ်မြေဩဇာအဖြစ် ပြန်လည်အသုံးပြုနိုင်ကြောင်း သိရပါသည်။

DOCA(ပဲခူး)

          ပဲခူးတိုင်းဒေသကြီး၊ သာယာဝတီခရိုင်  အုတ်ဖိုမြို့နယ်သည် စိုက်ပျိုးရေးကိုအဓိကထား၍အ သက်မွေးဝမ်းကြောင်းလုပ်ကိုင်ကာ စီးပွားရေးဖွံ့ဖြိုးလျက်ရှိသော မြို့နယ်ဖြစ်ပါသည်။ ဆန်စပါး၊ မတ် ပဲတို့အဓိကထား၍ စိုက်ပျိုးသည့်အပြင် ရာသီပေါ်သီးနှံများဖြစ်သော ငရုတ်၊ဂေါ်ဖီ၊သခွား၊ ရုံးပတီ၊ ချဉ်ပေါင်တို့ကိုလည်း‌ ဒေသတွင်းစားသုံးရန်သာမက အခြားမြို့နယ်များသို့ တင်ပို့နိုင်သည်အထိစိုက် ပျိုးလျက်ရှိပါသည်။

          အုတ်ဖိုမြို့အတွင်းရှိ လင်းလွန်းပင်ရွာ၊ ဥတိုရွာ၊ ကြက်ဆူတောရွာ၊ နနွင်းကုန်း၊ငါး ရှဉ့်ရိုး၊ သရက်ကုန်း၊ကွေ့ချောင်း ချောင်းနားရွာများသည် ရုံးပတီသီးအများဆုံး စိုက်ပျိုး၍ ဈေးကောင်းရရှိ လျက်ရှိသည်။ ရုံးပတီပင်သည် ရာသီဥတုဒဏ်အကြမ်းခံနိုင်သဖြင့် ရွေးချယ်စိုက်ပျိုးကြကြောင်း၊ စိုက်ပျိုးချိန်မှ သီးနှံဆွတ်ခူးချိန်ထိ ၄၅ရက်ခန့်သာရှိသဖြင့် အချိန်တိုတိုနှင့် ဝင်ငွေရရှိနိုင်ကြောင်း ရုံးပတီသီးစိုက်တောင်သူတစ်ဦးထံမှ သိရှိရပါသည်။ သွင်းအားစုအနေဖြင့် စိုက်ခင်းမြေထွန်ယက်ခ  (၁၆၀၀၀၀)၊ ဘောင်တင်ခ (၁၆၀၀၀၀)ကျပ်၊ စိုက်ပျိုးပင်စိုက်ရန်ကျင်းတူးခ  (၁၅၀၀၀၀)၊ မြက် ကောက်ခ(၁၅၀၀၀၀)ကျပ်၊ အပင်အားဆေး(၂၄၀၀၀၀)ကျပ်၊ အသီးအား ဆေး(၂၄၀၀၀၀ကျပ်)၊ မျိုးစေ့ဘိုး(၈ထုပ်)(၃၆၀၀၀၀)ကျပ်၊ ခူးဆွတ်ခ(၃၅)ကြိမ်အတွက် လုပ်သားခ(၃၅၀၀၀၀)ကျပ်၊ သယ် ယူခ(၃၅ကြိမ်)အတွက်လုပ်သားခ(၁၄၀၀၀၀)ကျပ်၊ ရေသွင်းခြင်းအတွက် (၁၂ကြိမ်) (၁၁၀၀၀၀၀) ကျပ်ကုန်ကျပါသည်။ မျိုးစေ့ဘိုး၊ ဆေးဘိုး၊ ရေသွင်းခ၊ ပေါင်းရှင်းခနှင့် အပင်စိုက်ပျိုးချိန်မှ ခူးဆွတ်ချိန်ထိ ကုန်ကျစရိတ်    ( ၃၀၅၀၀၀၀)ကျပ်   ကုန်ကျနိုင်ပါသည်။ အောက်တိုဘာလအတွင်းရုံး  ပတီသီး တစ်တောင့်လျှင် ၂၅ကျပ်မှ ၂၈ကျပ်ကြားရရှိပါသည်။ ရုံးပတီသီးကို တစ်ရက်ခြားခူးဆွတ် ရပြီးတစ်ခါခူးဆွတ်လျှင် အတောင့်(၅၀၀၀)ခန့်ဖြင့်(၃၅)ရက် ခန့်ခူးဆွတ်ရပြီး အတောင့်ရေ  (၁၇၅၀၀၀)တောင့်ရပါသဖြင့် တစ်ဧက ဝင်ငွေ(၄၅၅၀၀၀၀)ကျပ်ရရှိပါသည်။ အကျိုးအမြတ် အနေ ဖြင့် တစ်ဧကလျှင်(၁၅၀၀၀၀၀)ကျပ် အမြတ်ဝင်ငွေရရှိနိုင်ပါကြောင်း စိုက်ပျိုးသူတောင်သူတစ်ဦး ၏ပြောကြားချက်အရ သိရှိရပါသည်။

DOCA(ပဲခူး)