ပြည်တွင်းကုန်သွယ်မှုသတင်း

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်” ဆိုသည့် ဌာန၏ မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မစည်ပင်သာယာဈေးတွင် ငါးမျိုးစုံ ရောင်းချလျက်ရှိပြီး အောက်တိုဘာလ စတုတ္တပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင်လိုက်တစ်ပိဿာလျှင် (၁၂၀၀၀)ကျပ်၊ တီလားဗီးယား အကောင်သေး တစ်ပိဿာလျှင် (၄၈၀၀)ကျပ်၊ တီလားဗီးယားအကောင်ကြီး တစ်ပိဿာလျှင် (၇၀၀၀)ကျပ်၊ ငါးကြင်း တစ်ပိဿာလျှင် (၉၅၀၀)ကျပ်၊ ငါးဖယ်တစ်ပိဿာလျှင် (၈၀၀၀)ကျပ်၊ ငါးမုတ်တစ်ပိဿာလျှင် (၆၅၀၀)ကျပ်၊ ငါးမြင်းတစ်ပိဿာလျှင် (၆၅၀၀)ကျပ်၊ ငါးဘတ်တစ်ပိဿာလျှင် (၂၀၀၀၀)ကျပ်၊ ငါးဂျောင်းတစ်ပိဿာလျှင် (၁၂၀၀၀)ကျပ်၊ ငါးအုံတုံတစ်ပိဿာလျှင် (၁၁၀၀၀)ကျပ်၊ ငါးအုံတုံခုတ် သားတစ်ပိဿာလျှင်  (၁၈၀၀၀)ကျပ်၊ ငါးမြင်းခုတ်သားတစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သားတစ်ပိဿာလျှင် (၁၆၀၀၀)ကျပ်၊ ငါးဖယ်ခြစ်တစ်ပိဿာလျှင် (၂၀၀၀၀)ကျပ်၊  ပုစွန်ထုပ် တစ်ပိဿာလျှင် (၃၅၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

        ငါးဈေးနှုန်းများအား အောက်တိုဘာလ တတိယပတ်နှင့်နှိုင်းယှဉ်ပါက ငါးဈေးနှုန်းများမှာ ငါးကြင်းတစ်ပိဿာလျှင် (၅၀၀)ကျပ်ဈေးနှုန်းမြင့်တက်ကာ တီလားဗီးယား အကောင်သေး တစ်ပိဿာလျှင်(၂၀၀)ကျပ်နှင့် ငါးအုံတုံတစ်ပိဿာလျှင် (၁၀၀၀)ကျပ်ဈေးနှုန်းကျဆင်းပြီး ကျန်ငါးဈေး နှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း  ကန့်ဘလူမြို့မ စည်ပင်သာယာ ဈေးအတွင်း ရောင်းချလျက်ရှိသော ငါးဒိုင်များမှ သတင်းရရှိပါသည်။

DOCA(စစ်ကိုင်း)

ရက်စွဲ၊ ၂၅.၁၀.၂၀၂၃

          မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများအား  နေ့စဉ် ထုတ်ပြန်ပေးလျက်ရှိပါသည် ။

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင် (၃)ဆိုင် ပုံမှန် ဖွင့်လှစ် ရောင်းချလျက်ရှိပြီး အောက်တိုဘာလ တတိယအပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာ လျှင် (၂၀၉၀)ကျပ်၊ ဓါတ်ဆီ(95)တစ်လီတာ(၂၁၉၀)ကျပ်၊ ဒီဇယ်(ရိုးရိုး)တစ်လီတာ(၂၃၄၅)ကျပ်၊ ဒီဇယ် (ပရီမီယမ်)တစ်လီတာ(၂၄၅၅)ကျပ်ဖြင့် ရောင်းချလျက်ရှိကြောင်း သိရပါသည်။

        ယခု အောက်တိုဘာလ စတုထ္ထအပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင်    (၂၁၃၀)ကျပ်၊ ဓါတ်ဆီ(95)တစ်လီတာ(၂၂၃၅)ကျပ်၊ ဒီဇယ်(ရိုးရိုး)တစ်လီတာ(၂၃၉၅)ကျပ်၊ ဒီဇယ်(ပရီမီယမ်) တစ်လီတာ(၂၅၁၀)ကျပ်ဖြင့် ရောင်းချသောကြောင့်  ယခင်အပတ်နှင့်နှိုင်းယှဉ်ပါက ဓါတ်ဆီ(92) တစ်လီတာ လျှင်(၄၀)ကျပ်၊ ဓါတ်ဆီ(95)တစ်လီတာ(၄၅)ကျပ်၊ ဒီဇယ်(ရိုးရိုး)တစ်လီတာ(၅၀)ကျပ်၊ ဒီဇယ် (ပရီမီယမ်) တစ်လီတာ(၅၅)ကျပ်  မြင့်တက်လျက်ရှိကြောင်း ကျွန်းလှမြို့ စက်သုံးဆီဆိုင်များမှ သတင်းရရှိပါသည်။

DOCA(စစ်ကိုင်း)

    ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးနှင့်ဝန်ထမ်းများသည် ဈေးကားဖြင့် ၂၀၂၃ခုနှစ်၊ အောက်တိုဘာလ(၂၀)ရက်နေ့၊ နေ့လယ် (၁၅:၀၀) နာရီအချိန်တွင် ဖျာပုံမြို့နယ်အတွင်းရှိ သလိပ်ကြီး၊ သလိပ်ကလေးကျေးရွာများသို့သွားရောက်၍ ဆန်၊ ဆီ၊ ဘဲဥ၊ ကြက်ဥတို့ကို လုပ်သားပြည်သူများထံသို့ သက်သာဈေးနှုန်းဖြင့် လိုက်လံရောင်းချပေးခဲ့ကြပါသည်။ ထိုသို့ရောင်းချရာတွင် ဖျာပုံမြို့နယ်၊ ရပ်ကွက်၊ ကျေးရွာများအတွင်းရှိ အမှန်တကယ်လိုအပ်လျက်ရှိသော လုပ်သားပြည်သူများထံသို့ သက်သာဈေးနှုန်းဖြင့် ဆန်(၁)ပြည်လျှင် (၂၅၀၀)ကျပ်၊ ဆီ(၁)ပိဿာလျှင်(၄၇၀၀)ကျပ်၊ ကြက်ဥတစ်လုံးလျှင် (၂၄၀)ကျပ်၊ ဘဲဥတစ်လုံးလျှင် (၂၈၀)ကျပ် စသည်ဖြင့် ရောင်းချပေးခဲ့ကြပါသည်။

     ထိုသို့ရောင်းချရာတွင် ဖျာပုံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးက မိမိတို့စားသုံးသူရေးရာဦးစီးဌာနမှ ဝန်ထမ်းများအနေဖြင့် အမှန်တကယ်လိုအပ်လျက်ရှိသော ရပ်ကွက်၊ ကျေးရွာများသို့ ဈေးကားဖြင့် နေ့စဉ်နေ့တိုင်း ကွင်းဆင်းရောင်းချလျက်ရှိရာ ကုန်ဈေးနှုန်းများတည်ငြိမ်ကျဆင်းသွားစေရန် အထူးလေးထားလုပ်ဆောင်လျက်ရှိကြောင်း သတင်းရရှိခဲ့ပါသည်။

DOCA(ဧရာဝတီ)

     ၂၀၂၃ခုနှစ်၊ အောက်တိုဘာလ စတုတ္ထအပတ်တွင် မော်လမြိုင်မြို့၊ သံလွင်ဈေးအတွင်း အခြေခံစားကုန်များဖြစ်သော ပေါ်ဆန်း(ဆန်)(သစ်) ၂၄ပြည်ပါတစ်အိတ်လျှင် ကျပ် (၁၀၄၀၀၀)၊ ဧည့်မထ(ဆန်)(သစ်) ၂၄ပြည်ပါတစ်အိတ်လျှင် ကျပ် (၇၃၀၀၀)၊ စားအုန်းဆီတစ်ပိဿာလျှင် ကျပ် (၇၃၀၀)၊ မြေပဲဆီတစ်ပိဿာလျှင် ကျပ် (၁၆၀၀၀)၊ ကြက်သွန်နီ(အသစ်) တစ်ပိဿာလျှင် ကျပ် (၃၃၀၀) ၊ ချင်းတစ်ပိဿာလျှင် ကျပ် (၆၀၀၀)၊ ကြက်သွန်ဖြူ(ရှမ်းစ) တစ်ပိဿာလျှင် ကျပ် (၁၂၀၀၀)၊ ကြက်သွန်ဖြူ(ကြူကုတ်) တစ်ပိဿာလျှင် ကျပ် (၁၀၀၀၀)၊ ဆားတစ်ပိဿာလျှင် ကျပ် (၈၀၀)၊ အာလူးတစ်ပိဿာလျှင် ကျပ် (၂၃၀၀)၊ မန်ကျည်းသီးမှည့်တစ်ပိဿာလျှင် ကျပ် (၅၀၀၀)၊ ငရုတ်ခြောက်ရှည်တစ်ပိဿာလျှင် ကျပ် (၁၄၀၀၀)၊ နနွင်းတက်တစ်ပိဿာလျှင် ကျပ် (၈၀၀၀)၊ ပဲနီလေး (မြန်မာ) တစ်ပိဿာလျှင် ကျပ် (၇၀၀၀)၊ ကုလားပဲခြမ်းတစ်ပိဿာလျှင် ကျပ် (၇၀၀၀)၊ မြေပဲဆံတစ်ပိဿာလျှင် ကျပ် (၁၂၀၀၀)၊ သကြားတစ်ပိဿာလျှင် ကျပ် (၄၂၀၀)၊ မွေးမြူရေးကြက်တစ်ပိဿာလျှင် ကျပ် (၁၀၀၀၀)၊ ဝက်သားတစ်ပိဿာလျှင် ကျပ် (၁၆၀၀၀)၊ ဆိတ်သားတစ်ပိဿာလျှင် ကျပ် (၃၀၀၀၀)၊ အမဲသားတစ်ပိဿာလျှင် ကျပ် (၁၇၀၀၀)၊ ငါးကြင်းတစ်ပိဿာလျှင် ကျပ် (၁၇၀၀၀)၊ ငါးမြစ်ချင်းတစ်ပိဿာလျှင် ကျပ် (၁၂၀၀၀)၊ ငါးခူတစ်ပိဿာလျှင် ကျပ် (၁၂၀၀၀)၊ အာဗြဲခြောက်တစ်ပိဿာလျှင် ကျပ် (၃၂၀၀၀)၊ ကြက်ဥတစ်လုံးလျှင် ကျပ် (၂၇၀)၊ ဘဲဥတစ်လုံးလျှင် ကျပ် (၄၀၀)၊ ကန်စွန်းရွက်တစ်စည်းလျှင် ကျပ် (၂၀၀)၊ ခရမ်းချဉ်သီးတစ်ပိဿာလျှင် ကျပ် (၂၅၀၀)၊ ပဲတောင့်ရှည်တစ်စည်းလျှင် ကျပ် (၅၀၀) ဖြင့် အရောင်းအဝယ်ဖြစ်ပေါ်လျက်ရှိပြီး အောက်တိုဘာလ ပထမအပတ်အတွင်း အရောင်းအဝယ်ဖြစ်ပေါ်ခဲ့သောဈေးနှုန်းထက် အနည်းငယ်ကျဆင်းလာခဲ့ကြောင်း ဈေးဆိုင်များမှသိရှိရပါသည်။

DOCA(မွန်)

          Top Dairy Farm ထိပ်တန်းနို့စားနွား မွေးမြူရေးခြံသည် ညောင်တုန်းမြို့နယ်၊ ကျုံတမာကျေးရွာအုပ်စု၊ ပဲရုံဆိပ်ကျေးရွာ ရန်ကုန်၊ ပုသိမ်ကားလမ်းမကြီးဘေး မိုင်တိုင်အမှတ် (၃၇/၄)တွင် တည်ရှိပြီး ခြံအကျယ်တစ်ဧကနှင့် စားကျက် ၅.၅ဧကရှိသည့် မွေးမြူရေးခြံတစ်ခြံဖြစ်ပါသည်။

ယင်းခြံအား ဦးမြတ်သိန်းထွန်းက ၂၀၁၇ခုနှစ် ဇန်နဝါရီလမှစ၍ ရင်းနှီးမြုပ်နှံမှုတန်ဖိုး ကျပ်သန်း (၂၅၀)ခန့်ဖြင့် စတင်ဆောင်ရွက်ခဲ့ပြီး လုပ်ငန်းစတင်ချိန်တွင် လုပ်သားအင်အား (၂၃)ဦးခန့်ရှိခဲ့ပြီး ၂၀၁၆၊ ၂၀၁၇ခုနှစ်တွင် ဖရီရှန်(Holstein Friesian)အမျိုးအစား နို့စားနွားမ အကောင်ရေ(၃၀)ဖြင့် စတင်မွေးမြူခဲ့ရာ နှစ်စဉ်တိုးပွားမွေးမြူ၍ လက်ရှိအချိန်တွင် နို့စားနွား (၉၃)ကောင်အထိ တိုးပွားမွေးမြူနိုင်ခဲ့ကြောင်းသိရသည်။

          နို့ထုတ်ယူပုံမှာ နို့ပေးနွားမ (၃၀)ကောင်မှ ထုတ်လုပ်ပေးလျက်ရှိကြောင်း၊ ၎င်းနို့များအား၊ မွေးမြူရေး နှင့် ကုသရေးဦးစီးဌာနနှင့် ပူးပေါင်း၍ School Milk Program ဖြင့် ငှားယူထားသော ပေါင်းခံစက်နှင့် ပေါင်းခံထုတ်လုပ်လျက်ရှိကြောင်း၊ Top Dairy Products အမည်ဖြင့် ဧရာဝတီတိုင်းဒေသကြီးနှင့် ရန်ကုန်တိုင်းဒေသကြီး အတွင်းရှိ မြို့နယ်များသို့ ထုတ်လုပ်ဖြန့်ဖြူး ရောင်းချလျက်ရှိကြောင်းသိရသည်။

          ထုတ်လုပ်သော နို့ထွက်ပစ္စည်းအမျိုးအစားများမှာ (က) နို့စိမ်း(Fresh Milk)၊ (ခ) နို့ပေါင်း (Pasteurized Milk)၊ (ဂ) အဆီထုတ်နို့ပေါင်း (Low Fat Pasteurized Milk)၊ (ဃ) ဒိန်ချဉ် (Yogurt)၊ (င)အဆီထုတ်ဒိန်ချဉ် (Law Fat Yogurt)တို့ ဖြစ်ကြောင်း Top Dairy Farm နို့စားနွားမွေးမြူရေးခြံသို့ ၂၀၂၃ခုနှစ် အောက်တိုဘာလ ဒုတိယပတ်တွင် စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများ ကွင်းဆင်းလေ့လာခဲ့မှုအရ သိရပါသည်။

          ကွင်းဆင်းစစ်ဆေးရာတွင် ဦးအောင်လွင်က MSMEsလုပ်ငန်းများ ဖွံ့ဖြိုးတိုးတက်ရေးအတွက် နိုင်ငံတော်မှ တွန်းအားပေးဆောင်ရွက်လျက်ရှိရာ စားသုံးသူရေးရာဦးစီးဌာနအနေဖြင့် MSMEs လုပ်ငန်းဖွံ့ဖြိုးတိုးတက်ရေးအတွက် အလားအလာရှိသော လုပ်ငန်းများ၏ မတည်ရင်းနှီးငွေလိုအပ်ချက်များနှင့် နည်းပညာများ ဖွံ့ဖြိုးတိုးတက်စေရေးအတွက် သက်ဆိုင်ရာဌာနများအဖွဲ့အစည်းများနှင့်ချိတ်ဆက်၍ ပူးပေါင်းဆောင်ရွက်ပေးခြင်း၊ ဈေးကွက်အတွင်းအမည်ရရှိထားသော နို့စိမ်း၊ နို့ပေါင်း၊ အဆီထုတ်နို့ပေါင်း၊ ဒိန်ချဉ်နှင့် အဆီထုတ်ဒိန်ချဉ်များ ထုတ်လုပ်သည့်လုပ်ငန်းများ၏ အရည်အသွေးမြင့်ထုတ်ပိုးမှုစနစ်နှင့် ဈေးကွက်ရရှိနိုင်ရေး၊ လုပ်ငန်းများတို့ချဲ့နိုင်ရေးတို့ကို အပြန်အလှန်ဆွေးနွေးခဲ့ပါသည်။

          Top Dairy Farm နို့စားနွားခြံမှ ထွက်သော နို့နှင့် နို့ထွက်ပစ္စည်းများသည် ကျောင်းသူ၊ ကျောင်းသား၊ လူငယ်များ သက်ကြီးရွယ်အိုများနှင့် လူလတ်ပိုင်းများပါ ကြိုက်နှစ်သက်ကြပြီး အသင့်စားနို့ဗူးများကို စားသောက်ဆိုင်များ စတိုးများ၊ City Markများတွင် အလွယ်တကူဝယ်ယူသောင်းသုံးနိုင်ပြီး စားသုံးသူများအတွက် ဘေးအန္တရာယ်ကင်းရှင်းအောင် ဦးစားပေးထုတ်လုပ်ထားသော ကုန်စည်ဖြစ်ပြီး သောက်သုံရန်သင့်သော အစားအစာဖြစ်၍ ဈေးကွက်ရရှိလာမည်ဖြစ်ကြောင်း ရေးသားဖော်ပြလိုက်ရပါသည်။

DOCA(ဧရာဝတီ)