ပြည်တွင်းကုန်သွယ်မှုသတင်း

          ရွှေဘိုမြို့ရှိ ဈေးများတွင် လယ်ကြွက်များကို ရောင်းချလျက်ရှိကြောင်း၊  လယ်ကြွက်များမှာ  စပါးခင်းများတွင် ခိုအောင်းနေသည့်အတွက်  မိုးစပါးများ စတင်ရိတ်သိမ်းသည့်  ဒီဇင်ဘာလ လဆန်းပိုင်းတွင် စတင်ပေါ်ပြီး  ဇန်နဝါရီလကုန်စပါးများ ကွင်းပိတ်ရိတ်သိမ်းပြီးသည့်အချိန်တွင် လယ်ကြွက်များ လှိုင်လှိုင်ပေါ်ကြောင်း၊ ရာသီစာဖြစ်သည့် လယ်ကြွက်များကို စပါးခင်းများတွင် ထောင်ဖမ်းခြင်းများပြုလုပ်ကြပြီး အညှီနံ့သက်သာစေရန်၊ ခြောက်သွေ့စေရန်နှင့် ရောင်းပန်း လှစေရန်အတွက် မရောင်းချခင် ကြွက်များကိုအရေခွံချွတ်၍ ဆီဖြင့်အိုးကင်ပူတိုက်ပြီး ရောင်းချကြကြောင်း သိရှိရပါသည်။

          ရွှေဘိုမြို့တွင် ရောင်းချလျက်ရှိသည့် ပေါ်ဉီးပေါ်ဖျားလယ်ကြွက်ဈေးနှုန်းများမှာ အရွယ်အစား အကောင်အကြီးအသေးပေါ်မူတည်၍ (၁)ကောင်လျှင် (၂၀၀ဝိ/-)ကျပ်၊ (၂၅၀ဝိ/-)ကျပ်နှင့် (၃၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိပြီး လယ်ကြွက်များလှိုင်လှိုင်ပေါ်သည့် ဇန်နဝါရီလ (တတိယ) ပတ်တွင် ရောင်းချသည့် ဈေးနှုန်းများမှာ (၁)ကောင်လျှင် (၁၂၀ဝိ/-)ကျပ်၊ (၁၅၀ဝိ/-)ကျပ်၊ နှင့်(၂၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

            ဇီးသီးပင်များကို မြန်မာနိုင်ငံအနှံ့အပြားတွင် စိုက်ပျိုးကြသော်လည်း အပူပိုင်းဒေသ မန္တလေး၊ စစ်ကိုင်းနှင့်မကွေးနယ်ပယ်တွင်အများဆုံး စိုက်ပျိုးဖြစ်ထွန်းကြောင်းသိရှိရပါသည်။ ဇီးသီးပင်များ     သည် ပူပြင်းခြောက်သွေ့သောရာသီဥတုကို နှစ်သက်သည်။ ဇီးသီးအများဆုံးထွက်ရှိသောရာသီမှာ ဆောင်းရာသီဖြစ်သည်။

            ဇီးသီးတွင် ရေဓာတ်များစွာပါဝင်ပြီး ချိုအေးသောအရသာရှိသည်။ ဇီးသီးအမျိုးပေါင်းများစွာရှိ ပြီး ဇီးချိုသီး၊ ဇီးချဉ်သီး၊ ဇီးပဲလှော်၊ ဇီးကြက်ဥ ဟူ၍အမျိုးအစားများစွာရှိပါသည်။ ဇီးသီးတွင် ဗီတာမင်နှင့်သတ္တုဓာတ်များစွာပါရှိသည့်အတွက် ဘေးဥပါဒ်ဖြစ်စေသော ကိုလက်စထရောလုံးဝမပါ ဝင်သောကြောင့် စိတ်ဖိစီးမှုကိုလျော့ကျစေပြီး စိတ်ကိုတည်ငြိမ်စေသည့်အပြင် အခြားကျန်းမာရေး ကောင်းကျိုးများလည်းရှိနေကြောင်းသိရသည်။

            သံဓာတ်နှင့်အမျှင်ဓာတ်ပါဝင်သောကြောင့် အာရုံကြောစနစ်တွေကိုပြေလျော့စေပြီး ကောင်းမွန် စွာ အိပ်ပျော်စေဖို့ အထောက်အကူပေးနိုင်ပါသည်။ ဇီးသီးကိုအစိမ်းလိုက်စားလို့ရသလို ဖျော်ရည်လုပ် ပြီး သောက်လို့ရသလို ဆား၊ ငရုတ်သီးမှုန့်လေးနဲ့အရသာမှုန့်ပြုလုပ်ပြီးလည်း စားလို့ရပါသည်။ အစာခြေစနစ်ကိုလည်း ကျန်းမာစေပြီး ဝမ်းချုပ်ခြင်းဝေဒနာ မဖြစ်စေဖို့ကိုလည်း ကာကွယ်ပေးပါ သည်။

        သားဥအိမ်ကင်ဆာ၊ အူမကြီးကင်ဆာနှင့်အရေးပြားကင်ဆာတွေ မဖြစ်စေဖို့အထောက်အကူ ပေးကြောင်းသိရသည်။ ပိုတက်ဆီယမ် ကြွယ်ဝစွာပါဝင်သောကြောင့် နှလုံးကျန်းမာရေးကိုကောင်းမွန် စေပြီး နှလုံးသွေးကြောကျဉ်းရောဂါကိုလည်း ကာကွယ်ပေးပါသည်။

            ဗီတာမင်အေနှင့်စီ ပါဝင်သောကြောင့်ကိုယ်တွင်းအဆိပ်အတောက်ဖြစ်စေသောအရာများကို လည်း ဖယ်ရှားပေးပါသည်။ ဇီးသီးတွင် ကျန်းမာရေးအတွက် အကျိုးများတာမှန်ပေမယ့် အလွန်အကျွံ မစားသုံးသင့်ကြောင်းကိုလည်း သိရှိရပါသည်။

             နေရာအနှံ့အပြားမှ ဇီးသီးများဈေးကွက်အတွင်းသို့ဝင်ရောက်လျက်ရှိပြီး ဇီးသီးအရွယ်အစား အလိုက်ရောင်းချလျက်ရှိရာ လက်ရှိဈေးနှုန်းများမှာ ဇီးသီးအသေးကော်ခြင်းတစ်ခြင်းလျှင် (၂၀၀၀ )ကျပ်၊ ဇီးသီးအကြီး (၁၀)လုံးလျှင် (၃၀၀၀ မှ ၅၀၀၀)ကျပ်ဈေးဖြင့်ရောင်းချလျက်ရှိကြောင်းသိရှိရပါသည်။

DOCA(ရှမ်း)

           ထားဝယ်မြို့၏ စျေးကွက်အတွင်း ကြံရည်စျေးကွက်မှာလည်း စျေးကောင်းလျှက် ရှိကြောင်း သိရှိရပါသည်။ ကြံကို ထားဝယ်မြို့အနီးတစ်ဝိုက် ကျေးရွာများတွင် တစ်နိုင်တပိုင် စိုက်ပျိုးကြသည့် အပြင် စီးပွားဖြစ်လည်း စိုက်ပျိုးကြသည်။

          ဆောင်းတွင်းကာလဖြစ်သော်လည်း သဘာဝပျော်ရည်တစ်မျိုးဖြစ်သည့် ကြံရည်ဆိုင်များ လည်းတွေ့ရပါသည်။ ကြံရည်ကို သံပုရာသီး၊ ဂျင်း၊ မြင်းခွာရွက်၊ တို့နှင့်လည်းသောက်သုံး၍ရပါသည်။ အခြားသောက်စရာတွေနဲ့မတူဘဲ သကြားစစ်စစ်မှရ‌သော အချိုရည်တစ်မျိုးဖြစ်သောကြောင့် ခန္ဓာ ကိုယ်ရေဓာတ်ကို လည်းဖြည့်ပေးနိုင်ပါသည်။ ထားဝယ်မြို့ရှိ ဒေသထွက် ကြံစျေးနှုန်းများမှာ (၁၀) ချောင်းပါ တစ်စည်းစျေးနှုန်း (၂၀၀၀၀)ကျပ်၊ ကြံရည်တစ်ခွက်စျေးနှုန်းမှာ (၁၅၀၀)ကျပ်နှုန်းတို့ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(တနင်္သာရီ)

            တောင်ကြီးမြို့ရှိ အမှတ်(၅)ဈေး၊ (၅)ရက်ဈေးနှင့် မြို့မဈေးကြီး ကုန်စိမ်းဈေးတန်းများတွင် ဖက်ပွင့်(ခ) ဖက်သန်းပွင့်များကို အပွင့်လိုက်၊ အတွဲလိုက်ရောင်းချကြောင်းသိရှိရပြီး (၁၀)ပွင့်လျှင် (၁၅၀ဝိ/-)ကျပ်ဖြင့်လည်းကောင်း၊ (၂)ပွင့်ချင်းစီတွဲထားသော(၅)တွဲပါ(၁)တွဲလျှင်(၁၀၀ဝိ/-)ကျပ်နှုန်း ဖြင့်လည်းကောင်းရောင်းချကြောင်းသိရှိရပါသည်။

          ဖက်ပွင့်(ခ)ဖက်သန်းပွင့်သည် အညာဒေသမှထွက်ရှိသောအရသာနှင့် ရှမ်းပြည်ဒေသမှထွက်ရှိ သောအရသာမတူညီဘဲအနည်းငယ်ကွဲပြားကြောင်း၊ အညာဒေသမှထွက်ရှိသောအရသာသည် ခါးသက်မှု ရှိပြီး ရှမ်းပြည်ဒေသမှထွက်ရှိသောအရသာသည် ခါးသက်မှုမရှိကြောင်း စိုက်ပျိုးသည့်နေရာဒေသလိုက်၍ အရသာအနည်းငယ်ကွဲပြားကြောင်း ကုန်စိမ်းရောင်းချသည့် လုပ်ငန်းရှင်ထံမှစုံစမ်းသိရှိရပါသည်။

          ဖက်ပွင့်(ခ)ဖက်သန်းပွင့်များကို နိုဝင်ဘာလ၊ ဒီဇင်ဘာလနှင့်ဇန်နဝါရီလ(ဒုတိယအပတ်)အထိ ဈေးကွက်အတွင်း၌ ဈေးနှုန်းပြောင်းလဲခြင်းမရှိဘဲ ပုံမှန်ဈေးနှုန်းအတိုင်း အတက်/အကျမရှိဘဲ ရောင်းအား ကောင်းလျက်ရှိကြောင်းသိရှိရပါသည်။

          ဖက်ပွင့်(ခ)ဖက်သန်းပွင့်များကို ကြော်စားခြင်း၊ သုပ်စားခြင်း၊ ချက်စားခြင်းနှင့် အတို့အမြှုပ် အဖြစ်စားသုံးကြကြောင်းသိရှိရပြီး စားသုံးသူများပြား၍ ရောင်းဝယ်မှုကောင်းနေကြောင်းသိရှိရပါသည်။

DOCA(ရှမ်း)

             လယ်ယာထွက်ကုန်ပစ္စည်းများနှင့် ကုန်စိမ်းများ လှိုင်လှိုင်ပေါသည့် ဒေသထဲတွင်ပါဝင်သော ရှမ်းပြည်နယ်ရှိမြို့တော် တောင်ကြီးဒေသတစ်ဝိုက်နှင့် အောင်ပန်း ၊အင်းလေး ၊ ရွာငံ ဟဲဟိုးမြို့များတွင် ဤရာသီဆောင်းတွင်းတွင် ရာသီစာပန်းမုန်လာအစိမ်းများ ထွက်ရှိသော ကာလ ပင်ဖြစ်သည်။ ဒေသအခေါ် မုန်လာပန်း/ဂေါ်ဖီပန်း /ပန်းမုန်လာအစိမ်းများ မှာ အခြား ပန်းမုန်လာများဖြစ်သော အဖြူ၊ အဝါ တို့ထက်ပိုနူးညံကာ ပိုစားကောင်းသည် ဟု ပန်းမုန်လာ‌ ရောင်းချသူ တစ်ဦးမှ ရှင်းပြချက်အရသိရှိခဲ့ရပါသည်။ ထို့ကြောင့် ရာသီစာဖြစ်သော ပန်းမုန်လာများစွာ ထဲမှ အစိမ်းရောင်ရှိသောပန်းမုန်လာမှာ ပိုမိုအရောင်းသွက်လျက်ရှိကြောင်း သိရှိရသည်။ ထိုပန်းမုန်လာအစိမ်း မှာ အပွင့်အကြီး ၁ ပွင့် လျှင်  ၃,၅၀၀ ကျပ် မှ ၄,၀၀၀ ကျပ် ၊လက်ကားဈေးမှာ ၁၀ပွင့် ၃၀,၀၀၀ကျပ် မှ ၃၅,၀၀၀ ကျပ် အထိ ၊အလယ်အလတ် ဆိုလျှင် ၁ပွင့် ၂,၅၀၀ ကျပ် မှ ၂၀၀၀ ကျပ် လက်ကားဈေး ၁၀ ပွင့် ၂၀,၀၀၀ ကျပ် မှ ၂၅,၀၀၀ ကျပ် အထိ၊ အသေး တစ်ပွင့်လျှင် ၁၅,၀၀ ကျပ်မှ ၈၀၀ ကျပ်၊လက်ကားဈေး ၁၀ ပွင့် ၈,၀၀၀ ကျပ် မှ ၁၅,၀၀၀ ကျပ် အထိ အရောင်းသွက်လျက်ရှိကြောင်း ပန်းမုန်လာအစိမ်းရောင်းချသူထံမှ သိရှိခဲ့ရပါသည်။

DOCA(ရှမ်း)