ပြည်တွင်းကုန်သွယ်မှုသတင်း

     ၂၀၂၃ ခုနှစ် အောက်တိုဘာလ၊ စတုတ္တပတ်အတွင်း ကျောက်ဖြူမြို့ ၊စည်ပင်သာယာဈေးတွင်   ရွှေဘိုရခိုင်ပေါ်ဆန်းမွှေး တစ်ပြည် (၅၀၀၀) ကျပ်၊ ဧရာဝတီပေါ်ဆန်း တစ်ပြည် (၅၀၀၀) ကျပ်၊ ဧရာဝတီ   ဧည့်မထတစ်ပြည် (၃၀၀၀) ကျပ် ဈေးဖြင့် ပုံမှန်အရောင်းအဝယ်ဖြစ်ပေါ်လျက်ရှိပါသည်။ အမဲသား တစ်ပိဿာ ကျပ် (၂၂၀၀၀) ၊ဝက်သားတစ်ပိဿာ ကျပ် (၂၂၀၀၀) ၊ဒေသကြက်တစ်ပိဿာ ကျပ် (၂၅၀၀၀)၊    CP ကြက်တစ်ပိဿာကျပ် (၁၂၀၀၀) ၊ပုစွန်ကျားတစ်ပိဿာ ကျပ် (၃၀၀၀၀) ၊ ပုစွန်ပြားတစ်ပိဿာကျပ် (၁၈၀၀၀)၊ ပုစွန်ပြားငယ် တစ်ပိဿာ ကျပ် (၁၂၀၀၀) ၊ ကတ်ကတစ် တစ်ပိဿာ ကျပ်(၁၆၀၀၀) ၊ ငါးကွင်းချပ် တစ်ပိဿာ ကျပ်(၁၄၀၀၀) ၊ ပင်လယ်ငါးမျိုးစုံ အငယ်အကြီး တစ်ပိဿာ ကျပ် ( ၅၀၀၀ မှ ၁၂၀၀၀) အထိ၊ ဒီရေအတက်ကြီးချိန်၊ ဒီရေအတက်နည်းချိန်၊ လပြည့်၊ လကွယ်နှင့်လဆန်း၊ လဆုတ် တို့ အပေါ်မူတည်ပြီး ဈေးနှုန်းအပြောင်းအလဲ ဖြစ်ပေါ်လျက်ရှိပြီး ၊ဒေသထွက် မြေပဲဆီတစ်ပိဿာ ကျပ် (၁၈၀၀၀)၊ ကြက်သွန်ဖြူ တစ်ပိဿာ  ကျပ် (၉၀၀၀) ၊ ကြက်သွန်နီ  တစ်ပိဿာ  ကျပ် (၃၅၀၀) ၊ ဂျင်း တစ်ပိဿာ ကျပ် (၆၀၀၀) ၊ငရုတ်သီးခြောက် တစ်ပိဿာ ကျပ် (၁၅၀၀၀) ၊ ကုလားပဲခြမ်း တစ်ပိဿာ ကျပ် (၇၀၀၀) ၊ အာလူး တစ်ပိဿာ ကျပ်(၂၅၀၀) ၊ ပုစွန်ခြောက်တစ်ပိဿာ အကြီးအငယ်အလိုက် ကျပ် (၅၀၀၀၀ မှ ၈၀၀၀၀) အတွင်း၊ ငပိ တစ်ပိဿာအချော၊အကြမ်း ကျပ်(၆၀၀၀ မှ ၁၀၀၀၀) အတွင်း၊ ကြက်ဥ (၁၀) လုံး ကျပ်(၂၅၀၀ မှ ၂၈၀၀)အတွင်း၊ ငနီတူ တစ်ပိဿာ ကျပ်(၁၂၀၀၀)၊ ပြည်ဝက်ပုတ်၊ အင်းမဘက်မှ ငရုတ်သီးစိမ်း တစ်ပိဿာ ကျပ်(၂၅၀၀) ၊ဂေါ်ဖီထုပ်တစ်ထုပ် ကျပ် (၂၅၀၀) ၊ခရမ်းချဉ်သီး တစ်ပိဿာ ကျပ်(၃၀၀၀)၊ ဒေသထွက် ပဲထောင့်ရှည် တစ်ပိဿာကျပ် (၃၀၀၀) ၊ ဒေသထွက်ပိန်းဥ တစ်ပိဿာ ကျပ် (၄၀၀၀) အရောင်းအဝယ် ဖြစ်ပေါ်လျက်ရှိပါကြောင်း ဈေးသည်များထံမှ သိရှိရပါသည်။

DOCA(ရခိုင်)

      ပဲခူးတိုင်းဒေသကြီး၊ တောင်ငူမြို့တွင် ၂၀၂၃ ခုနှစ် ၊ အောက်တိုဘာ တတိယအပတ်က 92 RON တစ်လီတာလျှင် ၂၀၅၀ ကျပ်၊ 95 RON တစ်လီတာလျှင် ၂၁၅၀ ကျပ်၊ ဒီဇယ် တစ်လီတာလျှင် ၂၂၉၅ ကျပ်နှင့် ပရီမီယံဒီဇယ် တစ်လီတာလျှင် ၂၄၁၀ ကျပ်ရှိပါသည်။

          ယခုအောက်တိုဘာ စတုတ္ထပတ်တွင် တောင်ငူမြို့ New Day စက်သုံးဆီဆိုင်၌ 92 RON တစ်လီတာလျှင် ၂၁၀၅ ကျပ်၊ 95 RON တစ်လီတာလျှင် ၂၂၀၀ ကျပ်၊ ဒီဇယ် တစ်လီတာလျှင် ၂၃၄၅ ကျပ်နှင့် ပရီမီယံဒီဇယ် တစ်လီတာလျှင် ၂၄၆၅ ကျပ်ရှိပါသည်။

        အုတ်တွင်းမြို့ Petro K စက်သုံးဆီအရောင်းဆိုင်တွင်  92 RON တစ်လီတာလျှင် ၂၁၀၅ ကျပ်၊ 95 RON တစ်လီတာလျှင် ၂၁၉၅ ကျပ်၊ ဒီဇယ် တစ်လီတာလျှင် ၂၃၄၅ ကျပ်နှင့် ပရီမီယံဒီဇယ် တစ်လီတာလျှင် ၂၄၆၀ ကျပ်ရှိပါသည်။

           ရေတာရှည်မြို့ အောင်မေတ္တာ စက်သုံးဆီအရောင်းဆိုင်တွင်  92 RON တစ်လီတာလျှင် ၂၁၁၀ ကျပ်၊ 95 RON တစ်လီတာလျှင် ၂၂၀၀ ကျပ်၊ ဒီဇယ် တစ်လီတာလျှင် ၂၃၅၀ ကျပ်နှင့် ပရီမီယံဒီဇယ် တစ်လီတာလျှင် ၂၄၆၅ ကျပ် ရှိပါသည်။

            သို့ဖြစ်၍ အောက်တိုဘာ စတုတ္ထပတ်တွင် စက်သုံးဆီဈေးနှုန်းမှာ တစ်လီတာလျှင် ၅၀ ကျပ်မှ ၅၅ ကျပ် အထိ အနည်းငယ်တက်ကြောင်း သိရပါသည်။

DOCA(ပဲခူး)

          တောင်ငူမြို့သို့ ယိုးဒယားစပျစ်သီးများ မြဝတီဘက်မှ တစ်ဆင့် အများဆုံးဝင်ရောက်လာ ပါသည်။ တစ်ပိဿာလျှင် ၁၆၀၀၀ ကျပ်ဖြင့် ရောင်းချလျှက်ရှိပြီး လူကြိုက်များ၍ ရောင်းအား ကောင်းကြောင်း သိရပါသည်။

            အချိုပွဲအဖြစ် စားသုံးပြီး လက်ဆောင်ပေးလျှင်လည်း သင့်တော်သည့် အသီးတစ်မျိုးဖြစ် ပါသည်။ ကျန်းမာရေးအတွက်လည်း အထောက်အကူပြုပါသည်။

       စပျစ်သီးအစေ့သည် ဆီးချိုရောဂါကြောင့်ဖြစ်သော အမြင်အာရုံပြဿနာကို ကာကွယ် ပေးပါသည်။ စပျစ်ဝိုင်ကြိုက်သူများအတွက် အရောင်ရင့်ရင့်ကို ရွေးချယ်သောက်သုံးခြင်းဖြင့် သွေးကျဲစေနိုင်ကြောင်း၊ အမျိုးသမီးများ အသက်အရွယ်ကြီးရင့်လာလျှင် စပျစ်ဝိုင်ကို သောက်သုံးသင့်ကြောင်း သိရပါသည်။

DOCA(ပဲခူး)

    တောင်ငူဒေသပတ်ဝန်းကျင်ရှိ ကျေးရွာများတွင် ဟင်းသီးဟင်းရွက်များကို တစ်နိုင်တစ်ပိုင်စိုက်ပျိုးကြသူများပေါများပါသည်။ မိမိတို့စိုက်ခင်းများမှထွက်ရှိသော ဟင်းသီးဟင်းရွက်တို့ကို တောင်ငူမြို့ရှိ ဘုရင့်နောင်ဈေးနှင့် ညောင်ပင်ဈေးများသို့ ကိုယ်တိုင်ရောင်းချ၍သော်လည်းကောင်း တစ်ဆင့်ပြန်လည်ရောင်းချသူများအား ဖောက်သည်ပေး၍သော်လည်းကောင်း ရောင်းချကြပါသည်။

      အဓိကအားဖြင့် စစ်တောင်းမြစ်ကမ်းနံဘေးတစ်လျှောက်ရှိ ကျေးရွာများမှ ဟင်းသီးဟင်းရွက်များကို အဓိကစိုက်ပျိုးကြပါသည်။ တောင်ငူမြို့၊ အရှေ့ဘက်ကျေးရွာများမှထွက်သော ဘူးသီးများမှာ ဈေးကောင်းရလျက်ရှိပါသည်။  ၂၀၂၃ခုနှစ်၊ စက်တင်ဘာလတွင် ၃၀၀ကျပ်၊ ၄၀၀ကျပ်တန်ဘူးသီးများမှာ ယခုအောက်တိုဘာလတွင် တစ်လုံးလျှင် ၈၀၀ကျပ်၊ ယခင်စက်တင်ဘာလတွင် တစ်လုံးလျှင် ၇၀၀ကျပ်၊ ၈၀၀ကျပ်တန်ဘူးသီးများမှာ ယခုအောက်တိုဘာလတွင် တစ်လုံးလျှင် ၁၀၀၀ကျပ်၊ ၁၅၀၀ကျပ်အထိ ဈေးကောင်းရလျက်ရှိပါသည်။

   ယခုအချိန်ခါသည် ဘူးသီးပေါ်သောရာသီမဟုတ်သောကြောင့် ဘူးသီးရှားပါး၍ ဈေးကောင်းရခြင်းဖြစ်ပြီး ဆောင်းရာသီသို့ရောက်ရှိပါက ဘူးသီးများပေါများ၍ ဈေးနှုန်းကျဆင်းနိုင်ကြောင်းသိရှိရပါသည်။

DOCA(ပဲခူး)

     ဖြူးမြို့၊ အနောက်တောင်ယာတောများတွင်စိုက်ပျိုးသော သီးမွှေးငှက်ပျောသီးမှာ ဖြူးမြို့၊ စည်ပင်သာယာဈေးတွင် ဈေးကွက်ဖြစ်ထွန်းလျက်ရှိပါသည်။ ဖြူးဒေသထွက် သီးမွှေးငှက်ပျောသီးမှာ အရသာကောင်းမွန်သောကြောင့် ဒေသတွင်းသာမက အခြားမြို့ရွာများအထိ နာမည်ကျော်လျက်ရှိပါသည်။

     ဖြူးအနောက်တောင်ပေါ်မှထွက်သော သီးမွှေးငှက်ပျောသီးများကို ဆိုင်ကယ်များဖြင့်သယ်ယူ၍ ဖြူးစည်ပင်သာယာဈေးရှိ ငှက်ပျောသီးဆိုင်များသို့ လာရောက်ရောင်းချကြပါသည်။ သီးမွှေးငှက်ပျောသီးဈေးနှုန်းများအနေဖြင့် အဖီးလှတစ်ဖီးလျှင် ၃၅၀၀ကျပ်ထိဈေးနှုန်းရှိပြီး အကြီး/ အသေးအလိုက် ၁၅၀၀ကျပ်မှစ၍ ၂၅၀၀ကျပ်၊ ၃၀၀၀ကျပ်အထိဈေးနှုန်းရှိကြောင်းသိရှိရပါသည်။

    ဖြူးဒေသထွက် သီးမွှေးငှက်ပျောသီးမှာ မြန်မာတို့၏ပွဲတော်ဖြစ်သော သီတင်းကျွတ်အချိန်အခါ အောက်တိုဘာလတွင် လှိုင်လှိုင်ပေါ်ခြင်းဖြစ်ပါသည်။ မြန်မာတို့၏သီတင်းကျွတ်ပွဲတော်ပြီးလျှင် ဟိန္ဒူလူမျိုးတို့၏ ဒေပါဝါရီပွဲတော်ဖြစ်သောကြောင့် ယခုကာလသည် သီးမွှေးငှက်ပျောသီးရောင်းအားအကောင်းဆုံးလလည်းဖြစ်ပါသည်။

    သီတင်းကျွတ်အချိန်အခါ၌ လူကြီးမိဘများအား ဂါရဝပြုကန်တော့ကြရာတွင် သီးမွှေးငှက်ပျောသီးများဖြင့်ကန်တော့ခြင်း၊ ဟိန္ဒူလူမျိုး၏ ဒေပါဝါရီပွဲတော်တွင်ဘုရားရှိခိုးရာတွင် ရိုးရာထုံးတမ်းအရ အသီးမျိုးစုံ၊ ပန်းမျိုးစုံဖြင့်ကန်တော့ကြခြင်းကြောင့် ယခုကာလသည် သီးမွှေးငှက်ပျောသီးရောင်းအားကောင်းခြင်းဖြစ်ကြောင်းသိရှိရပါသည်။

DOCA(ပဲခူး)