နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။
၂၄.၅.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂၄.၅.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂၄.၅.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ဧရာဝတီတိုင်းဒေသကြီး မြန်အောင်ခရိုင်တွင် မိုးစပါးစိုက်ဧက(၂၇၈၆၂၁)ဧက စိုက်ပျိုးပြီး၊ သီးထပ်အဖြစ် မတ်ပဲ၊ပဲအမျိုးမျိုး၊အစေ့ထုတ်ပြောင်းနှင့် နွေစပါးတို့ကိုစိုက်ပျိုးကြပါသည်။ ၂၀၂၄ ခုနှစ်တွင် မြန်အောင်ခရိုင်၌ နွေစပါးစိုက်ဧက(၃၇၃၄၄)ဧက စိုက်ပျိုးပြီး၊အင်္ဂပူမြို့နယ်တွင် (၂၆၂၀၃)ဧက စိုက်ပျိုးခဲ့ပါသည်။အင်္ဂပူမြို့နယ်တွင် နွေစပါးကိုထိုင်းရက်(၉၀)၊ နှံကောက်၊ ဆင်းသုခစသော စပါးမျိုးများကို အဓိကစိုက်ပျိုးကြကြောင်းသိရှိရပါသည်။
၂၀၂၃ ခုနှစ်၊ ဒီဇင်ဘာလ နောက်ဆုံးပတ်မှာ စတင်စိုက်ပျိုးသောနွေစပါးသည် ၂၀၂၄ ခုနှစ်၊ မေလဆန်းတွင် စတင်ထွက်ရှိပြီး နွေစပါးစံကွက်ရိတ်သိမ်းခြင်းကို အင်္ဂပူမြို့နယ်၊ ကွင်းကောက်(မ) ကျေးရွာ၊ သာပေါင်းကွင်း၊ကွင်းအမှတ်(၃၈၂)၊ ဦးပြည့်ဖြိုးအောင်၏ လယ်(၃.၀၀)ဧကတွင် ဆောင်ရွက်ခဲ့ရာ တစ်ဧကလျှင် ပျမ်းမျှ(၁၁၅.၂၅)တင်း ထွက်ရှိကြောင်းသိရှိရပါသည်။ယခင်နှစ်ထက် (၁၀)တင်းနှုန်းခန့် ပိုမိုထွက်ရှိခဲ့ပြီးဈေးနှုန်းမှာလည်း ကွင်းဈေး ပေါင်(၅၀)တင်း(၁၀၀)လျှင် (၁၆၀၀၀၀၀ ကျပ်မှ ၁၈၀၀၀၀၀ ကျပ်)ဈေးဖြင့် စပါးအမျိုးအစားပေါ်မူတည်၍ အရောင်းအဝယ်ဖြစ်လျှက်ရှိရာ ယခင်နှစ်ဈေးနှုန်းထက် (၂၀၀၀၀၀ ကျပ်)ခန့် ပိုမိုရရှိကြောင်း ဒေသခံတောင်သူအသိုင်းအဝိုင်းထံမှ သိရှိရပါသည်။
DOCA(ဧရာဝတီ)
ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့ နေ့စဉ် မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏ ကြက်သွန်နီလက်ကျန် အခြေအနေများအား အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေအား နေ့စဉ်စုံစမ်းလျက်ရှိပါသည်။ ၂၀၂၄ခုနှစ်၊ မေလ (၁၄) ရက်နေ့မှ မေလ (၂၀) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံဒေသတို့မှ ကြက်သွန်နီ (၈၄၀၀၀၀)ပိဿာဝင်ရောက်ခဲ့ပြီး (၆၀) ရာခိုင်နှုန်းခန့်ပြန်လည်စီးထွက်မှုရှိကြောင်းသိရှိရပါသည်။ ထို့ကြောင့် ကြက်သွန်နီလက်ကျန်မှာ (၃၃၆၀၀၀) ကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိပ်ဖြူကြက်သွန်နီ (အသစ်) အချောတစ်ပိဿာလျှင် ကျပ်၁၅၀၀၊ အသန့်တစ်ပိဿာလျှင် ကျပ်၁၈၀၀၊ အကြီးတစ်ပိဿာလျှင် ကျပ်၁၉၀၀၊ ရှယ်တစ်ပိဿာလျှင် ကျပ်၂၀၀၀၊ မြင်းခြံကြက်သွန်နီ(အသစ်) အချောတစ်ပိဿာလျှင် ကျပ်၁၆၀၀၊ အသန့်တစ်ပိဿာလျှင် ကျပ်၁၉၀၀၊ အကြီးတစ်ပိဿာလျှင် ကျပ်၂၀၀၀၊ ရှယ်တစ်ပိဿာလျှင် ကျပ်၂၁၀၀ စသည်ဖြင့် ဈေးနှုန်းအသီးသီးရှိကြောင်း စုံစမ်းသိရှိရပါသည်။
DOCA(ရန်ကုန်)
ပဲခူးတိုင်းဒေသကြီး၊ သာယာဝတီခရိုင်အတွင်းရှိ မြို့နယ်များဖြစ်သော သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက်မြို့များ၌ ပဲခူးတိုင်းဒေသကြီး အစိုးရအဖွဲ့၏လမ်းညွှန်မှုဖြင့် မြို့နယ်စီမံအုပ်ချုပ်ရေးအဖွဲ့ဥက္ကဌ၏ကြီးကြပ်မှုဖြင့် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ ငါးလုပ်ငန်းဦးစီးဌာန၊ စည်ပင်သာယာရေးအဖွဲ့၊ မွေးမြူရေးနှင့် ကုသရေးဦးစီးဌာနတို့ပူးပေါင်းကာ ပြင်ပပေါက်ဈေးထက် ဈေးနှုန်းသက်သာစွာဖြင့် အခြေခံစားသောက်ကုန်များကို ပြည်သူများအား ဇွန်လမှစတင်၍ ယခုမေလထိ နေ့စဉ်ရောင်းချလျက်ရှိကြောင်းသိရှိရပါသည်။
အခြေခံစားသောက်ကုန်များဖြစ်သော ဆန်၊ ဆီ၊ ကြက်သား၊ ဝက်သား၊ အမဲသား၊ ဆိတ်သား၊ ငါး၊ ကြက်ဥနှင့်ဟင်းသီးဟင်းသီးရွက်များကို သက်သာသောဈေးနှုန်းဖြင့် ဒေသခံပြည်သူများကို နေစဉ်နံနက်(၇:၀၀) နာရီအချိန်မှစတင်၍ ရောင်းချပေးလျက်ရှိပါသည်။ စားသုံးသူပြည်သူများအား ဆန်တစ်ပြည်လျှင် ၃၀၀၀ကျပ်၊ ကြက်သား(စီပီ) အကောင်လိုက်တစ်ပိဿာလျှင် ၈၀၀၀-၉၀၀၀ကျပ်၊ ဝက်သားတစ်ပိဿာ ၁၅၀၀၀ကျပ်၊ အမဲသားတစ်ပိဿာ ၁၅၀၀၀ကျပ်၊ ဆိတ်သားတစ်ပိဿာ ၂၀၀၀၀ကျပ်၊ ငါးမြစ်ချင်းတစ်ပိဿာ ၄၅၀၀-၅၀၀၀ကျပ်၊ ကြက်ဥတစ်လုံး ၂၅၀ကျပ်၊ ဘဲဥတစ်လုံး ၃၈၀ကျပ်ဖြင့် အသီးသီးရောင်းချပေးလျက်ရှိကြောင်း သိရှိရပါသည်။
DOCA(ပဲခူး)
ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ် ဈေးရပ်ကွက်ဈေးလမ်းတွင် ကိုယ်တိုင်စိုက်ပျိုးထုတ်လုပ်ရောင်းချသူများ၏ ဈေးဆိုင်များတွင်ယနေ့ (၁၇-၄-၂၀၂၄)နေ့ ရောင်းချလျက်ရှိသော ကုန်စည်၊ သားငါး၊ ဟင်းရွက်ဟင်းသီးဈေးနှုန်းများမှာ ဆန်တစ်ပြည်လျှင်(၃၀၀၀) ကျပ်နှုန်းဖြင့်ဆန် (၃အိတ်) ၊ ဆီတစ်ပိဿာလျှင် (၅၇၀၀)ကျပ်နှုန်းဖြင့် ဆီ (ပိဿာ ၁၂၀)၊ ကြက်ဥတစ်လုံးလျှင် (၂၅၀)ကျပ်နှုန်းဖြင့် ကြက်ဥ (၃၀၀)လုံး၊ ဝက်သားတစ်ပိဿာလျှင် (၁၅၀၀၀) ကျပ်နှုန်းဖြင့် (၂၅) ပိဿာ ၊ ကြက်သားမွေးမြူရေးတစ်ပိဿာလျှင် (၈၀၀၀) ကျပ်နှုန်းဖြင့် (၃၀) ပိဿာ၊ ဆိတ်သားတစ်ပိဿာလျှင် (၁၈၀၀၀)ကျပ်နှုန်းဖြင့် (၅) ပိဿာ၊ အမဲသား တစ်ပိဿာလျှင်(၁၅၀၀၀)ကျပ်ဈေးနှုန်းဖြင့် အမဲသား(၁၀)ပိဿာ၊ ငါးမြစ်ချင်းတစ်ပိဿာလျှင် (၄၅၀၀) ကျပ်နှုန်းဖြင့် (၂၅) ပိဿာ၊ ရွှေဖရုံညွန့်၊ သခွားသီး၊ ပဲသီး၊ ခရမ်းချဉ်သီး၊ ပဲတောင့်ရှည်၊ ပြောင်းဖူး၊ ရုံးပတီသီး၊ ဗူးညွန့်၊ ရွှေဖရုံသီး၊ သံပုရာသီး၊ ချဉ်ပေါင်ရွက်၊ ငှက်ပျောသီး၊ ကျွဲကောသီး၊ ကန်စွန်းရွက်စသော အသီးအနှံများကို ပြည်သူများအားချိုသာသောဈေးနှုန်းဖြင့် လိုအပ်သလောက်နေ့စဉ်ဝယ်ယူရရှိနိုင်ပြီး၊ သာယာဝတီမြို့နယ်၏ကိုယ်တိုင်စိုက်ပျိုးထုတ်လုပ်ရောင်းချသူများ ရောင်းချပေးသောအရောင်းဈေးဆိုင်များတွင် ဝယ်ယူရရှိနိုင်ကြောင်း သိရှိရပါသည်။
DOCA(ပဲခူး)
ပြည်မြို့မှထွက်ရှိသော အောင်သပြေတုံးများသည် ပြည်မြို့ပေါ်တွင်နေထိုင်သော လူများသာမက နယ်ဝေးရပ်နီးမှနေထိုင်သူများကပါ မှာယူကြသော အောင်သပြေပန်းဖြစ်ပါသည်။ ယခုအချိန် ဧပြီလကုန်မှစတင်၍ ပြည်မြို့ပေါ်ရှိပန်းဈေးကွက်တွင် ရန်ကုန်တွံတေးမှသပြေများ ဈေးကွက်သို့ဝင်ရောက်လာပါသည်။ ပြည်မြို့မှထွက်ရှိသောအောင်သပြေတုံးမှာ အငုတ်မှ အညွှန့်များဖြာထွက်နေပြီး ရေလဲပေးပါက အညွန့်သစ်များထပ်မံထွက်လာကာ (၂)လအထားခံပြီး ယခုဈေးကွက်တွင် ရောင်းချနေသောရန်ကုန်တွံတေးသပြေမှာ ကိုင်းရင့်ပြီး ကိုင်းမှာအမြစ်အနည်းငယ်ရှိကာ ပုံမှန်ရေလဲပေးပါက (၆)လမှ (၈)လအထိ အထားခံပါသည်။၂၀၂၄ခုနှစ်၊ မေလ တတိယအပတ်အစတွင် ရန်ကုန်တွံတေးသပြေများကို တစ်ပိုင်းလျှင် (၁၅၀၀၀၀) ကျပ်ပေးရကြောင်း သပြေအခက်အပင်ကြီးတစ်ခက်လျှင် (၁၀၀၀)ကျပ်ရောင်းချပြီး အပင်အသေးလေးများ (၅)ခုခန့် စည်းထားသောတစ်ပိုင်းကို (၁၅၀၀)ကျပ်ခန့် ရောင်းချကြောင်း သိရှိရပါသည်။ ရန်ကုန် တွံတေးသပြေသည် လကြာကြာအထားခံသောကြောင့် ယခုကဲ့သို့ ပူပြင်းသောနွေရာသီတွင် ဘုရားပန်းထိုးရန်အတွက် ပြည်မြို့နေထိုင်သူအိမ်ထောင်ရှင်မများ အကြိုက်တွေ့နေသော ဘုရားပန်း ဖြစ်နေကြောင်းသိရှိရပါသည်။
DOCA(ပဲခူး)
ပြည်(ပွဲရုံ)များတွင် ဒေသထွက်မန်ကျည်းသီးမှည့်များ ၂၀၂၄ခုနှစ်၊ မေလပထမအပတ်နှင့် တတိယအပတ်ယှဉ်လျှင် အနည်းငယ်ကျဆင်းလာပါသည်။ ဒေသတွင်းဈေးများမှာ လက်လီသမားများ လိုသလောက်အစွဲရှိသောကြောင့် အရောင်းအဝယ်အသင့်အတင့်ရှိသည်။ မေလပထမအပတ်က မန်ကျည်းသီးမှည့်ဈေးနှုန်းမှာ ၁ပိဿာလျှင် (၈၀၀၀)ကျပ်ဖြင့် ရောင်းချလျက်ရှိပြီး ယခု မေလအလယ်လောက်တွင် ၁ပိဿာလျှင်(၅၀၀၀)ကျပ်ထိ ကျဆင်းသွားသည်။ ယခင်နှစ် မန်ကျည်းသီးမှည့်ဈေးနှုန်းမှာ ၁ပိဿာလျှင်(၃၂၀၀)ကျပ်ရှိပြီး ယခုနှစ်ဈေးနှုန်းကျဆင်းခြင်းသည်လည်း ယခင်နှစ်လောက်မကျဆင်း၍ ဈေးကောင်းရလျက်ရှိကြောင်း သိရှိရပါသည်။
DOCA(ပဲခူး)
