ပြည်တွင်းကုန်သွယ်မှုသတင်း

မြေပဲပင်ပေါက်(ခေါ်) မြေပဲစို့မှာ မြေပဲပင်များ နှုတ်ယူပြီးသည့်အခါ မြေကြီးထဲမှာ ကျန်နေသော မြေပဲတောင့်မှ မိုးရေကြောင့် အစို့ပေါက်လာသော အပင်ပေါက်ဖြစ်ပါသည်။ ယခုလို မိုးဦးကျအချိန်တွင် ပြည်ဈေးကွက်၌ မြေပဲပင်ပေါက်များကို ကျေးရွာများမှ လာရောက် ရောင်းချကြကြောင်းသိရပါသည်။ မြေပဲပင်ပေါက်မှာ ဖြူဖြူတုတ်တုတ်သန်သန်မာမာနှင့် ဈေးကွက်တွင် ရောင်းချနေသဖြင့် စားသုံးသူများ ရာသီပေါ်စားစရာ ဟင်းရန်တစ်ခွက်အဖြစ် ဝယ်ယူစားသောက်ကြပါသည်။

မြေပဲပင်ပေါက်များကို ရေနွေးဖျောပြီး သုတ်စားကြသလို ကင်းပုံညွှန့်၊ ဆူးပုတ်ရွက်များနှင့် ကြော်ချက်, ချက်စားကြပါသည်။ မိုးတဖွဲဖွဲရွာနေချိန်တွင် မြေပဲပင်ပေါက်များ ထွက်ပေါ်လာသဖြင့် တောရွာများတွင် သဘာဝကပေးသော ဟင်းတစ်မျိုးအဖြစ် စားသုံးကြပါသည်။ မြို့များတွင်ဈေးမှ ရောင်းချသော မြေပဲပင်ပေါက်များကို ဝယ်ယူစားသုံးခြင်းဖြင့် ယခုအချိန် ပြည်မြို့ရှိ ဈေးများတွင် ပေါ်ခါစဖြစ်၍ မြေပဲပင်ပေါက် တစ်ပိဿာလျှင် (၅၀၀၀)ကျပ်ဖြစ်ပြီး တစ်ဆယ်ကျပ်သားလျှင် (၅၀၀)ကျပ်ဖြင့် ရောင်းချကြောင်း သိရပါသည်။

DOCA (ပဲခူး)

ပြည်ခရိုင်အတွင်းရှိ ပြည်ကုန်စည်ဒိုင်တွင် အရောင်းအဝယ်ဖြစ်လျှက်ရှိသော မတ်ပဲ၊ ပဲတီစိမ်း၊ ပဲစင်းငုံ၊ ကုလားပဲ၊ ပဲကြီး၊ ဘိုကိတ်၊ စားတော်ပဲများမှာ အောက်ပါအတိုင်း အရောင်းအဝယ်ဖြစ်လျက်ရှိပါသည် -

မတ်ပဲ

          ၂၀၂၃ ခုနှစ်၊ မေလအစတွင် ပိဿာ(၂၀)ဝင် မတ်ပဲတစ်တင်းဈေးမှာ (၇၀၀၀၀-၇၀၅၀၀-၇၁၀၀၀)ကျပ်ဖြင့် ရန်ကုန်အဝယ်တစ်ရက်ကို အိတ် (၃၀၀)ခန့် အဝယ်ရှိပါသည်။ ဒုတိယပတ်မှာ မတ်ပဲဈေးတက်လာပြီး (၇၁၀၀၀-၇၁၅၀၀)ကျပ်မှ (၇၂၀၀၀-၇၃၀၀၀-၇၃၅၀၀)ကျပ်ထိ ဈေးတက်လာခဲ့ပါသည်။ တစ်ရက်ကို ရန်ကုန်အဝယ် အိတ်(၂၀၀/၃၀၀)ခန့် ရှိခဲ့ပါသည်။

ပဲစင်းငုံ

          မေလပထမပတ်တွင် ပဲစင်းငုံတစ်တင်းကို (၇၇၀၀၀-၇၇၅၀၀) ကျပ်ဖြင့် တစ်ရက်ကို အိတ် (၂၀၀/ ၃၀၀)ခန့် အဝယ်ရှိခဲ့ပါသည်။ မေလဒုတိယပတ်တွင် ပဲစင်းငုံတစ်တင်းကို (၇၉၀၀၀-၇၉၃၀၀) ကျပ်ဖြင့် အရောင်းအဝယ်ဖြစ်ခဲ့ပြီး ဈေးတက်လာခဲ့ကာ ပဲစင်းငုံတစ်တင်းကို (၈၁၀၀၀-၈၁၅၀၀) ကျပ်ဖြင့် တစ်ရက်ကို အိတ် (၃၀၀)ခန့် ရန်ကုန်အဝယ်ရှိခဲ့ပါသည်။

ကုလားပဲ

          မေလပထမပတ်တွင် ကုလားပဲ (Hl) တစ်တင်းကို (၇၅၀၀၀-၇၅၅၀၀)ကျပ်၊ ကုလားပဲ (မြကြေးမှုံ) တစ်တင်းကို (၇၅၀၀၀-၇၆၀၀၀)ကျပ်ဖြင့် ခွဲစက်သမားများ မြို့တွင်းအဝယ်နှင့် ရန်ကုန် အဝယ် တစ်ရက်ကိုအိတ် (၂၀၀/၃၀၀)ခန့် အဝယ်ရှိခဲ့ပါသည်။ မေလ ဒုတိယပတ်မှာ ကုလားပဲ (Hl) တစ်တင်းကို (၇၆၀၀၀-၇၆၅၀၀-၇၇၀၀၀)ကျပ်၊ ကုလားပဲ (မြကြေးမှုံ) တစ်တင်းကို (၇၇၅၀၀-၇၈၀၀၀) ကျပ်ဖြင့် လှောင်ပဲများကို တစ်ရက်လျှင်အိတ် (၃၀၀)ခန့် မြို့တွင်းခွဲစက်သမားများနှင့် ရန်ကုန် အဝယ် ရှိခဲ့ပါသည်။

ပဲကြီး

          မေလပထမပတ် ပြည်ကုန်စည်ဒိုင်တွင် ပဲကြီး(ရွှေကျွန်း)တစ်တင်းကို (၈၈၀၀၀-၉၀၀၀၀) ကျပ်ဖြင့် မြို့တွင်းပဲကြော်သမားများ တစ်ရက်ကိုအိတ် (၂၀၀/၃၀၀)ခန့် အဝယ်ရှိခဲ့ပါသည်။ မေဒုတိယ ပတ်တွင် ပဲကြီး(ရွှေကျွန်း)တစ်တင်းကို (၉၀၀၀၀)ကျပ်ဖြင့် ဈေးအေးနေပြီး တစ်ရက်ကို အိတ် (၃၀၀)ခန့် မြို့တွင်းနှင့် ရန်ကုန်အဝယ်ရှိခဲ့ပါသည်။

စားတော်ပဲ

          ပြည်ကုန်စည်ဒိုင်တွင် မေလအစ၌ စားတော်ပဲ(ကျွန်း)တစ်တင်းကို (၁၁၀၀၀-၁၁၃၀၀) ကျပ်ဖြင့် မြို့တွင်း လက်လီသမားများ တစ်ရက်ကိုအိတ် (၁၀/၁၅)အိတ်ခန့် အဝယ်ရှိခဲ့ပါသည်။ မေဒုတိယ ပတ်တွင် စားတော်ပဲဈေးအေးနေပြီး တစ်တင်းကို (၁၁၀၀၀၀-၁၁၃၀၀၀)ကျပ်ဖြင့် ဈေးအေးနေခဲ့ပြီး လက်လီသာ အရောင်းအဝယ်ဖြစ်ခဲ့ပါသည်။

ဘိုကိတ်

          မေလပထမပတ်တွင် ဘိုကိတ်တစ်တင်းကို (၄၇၀၀၀)ကျပ်ဖြင့် မြို့တွင်းလက်လီသမားများ အဝယ် တစ်ရက်ကိုအိတ် (၁၅/၂၀)ခန့် ရန်ကုန်အဝယ် တစ်ရက်ကိုအိတ် (၄၀/၅၀)ခန့် အဝယ်ရှိခဲ့ပါသည် ။ ဒုတိယပတ်တွင် ဘိုကိတ်ဈေးအေးနေခဲ့ပြီး ပဲတစ်တင်းကို (၄၇၀၀၀)ကျပ်ဖြင့် အရောင်းအဝယ် ရှိခဲ့ပါသည်။

          ပြည်ကုန်စည်ဒိုင်၏ အရောင်းအဝယ်ဖြစ်လျက်ရှိသော မတ်ပဲ၊ ပဲစင်းငုံ၊ ကုလားပဲ ဈေးများမှာ မြင့်လျှက်ရှိပြီး စားတော်ပဲ၊ ဘိုကိတ်ပဲ၊ ပဲကြီးတို့မှာ ဈေးအေးလျက်ရှိကြောင်း သိရပါသည်။

ပြည်ဈေးကွက်တွင် ၂၀၂၃ခုနှစ်၊ မေလ(ဒုတိယပတ်)တွင် နှမ်းဈေးများ အမြင့်ဆုံးသို့ မြင့်တက်လာခဲ့ပါသည်။ နွေနှမ်းများထွက်ပေါ်ချိန် ဖြစ်သော်လည်း ဈေးကွက်သို့ အနည်းငယ်သာရောက်ရှိပြီး အရောင်းအဝယ်ဖြစ်သော နှမ်းများမှာ ယခင်လှောင်ထား သော မိုးနှမ်းနှင့် ဆောင်းနှမ်းများသာ အရောင်းအဝယ် ဖြစ်လျက်ရှိပါသည်။ မုန်တိုင်းပြီးချိန်ဖြစ်၍ ပွင့်လင်းချိန်တွင် အရောင်းအဝယ် ဖြစ်လာသဖြင့် ဈေးကွက်တွင် နှမ်းဈေးများမြင့်တက်လာခဲ့ပါသည်။ ပြည်ဈေးကွက်သို့ ပန်းတောင်းဘက်မှ ဝင်ရောက်လာပြီး မကွေး၊ မန္တလေးနှင့် အောင်လံဘက်မှ ပြန်လည်အရောင်းအဝယ်ရှိသည်ကို တွေ့ရပါသည်။ နှမ်းဈေးနှုန်းများမှာ နှမ်းနီ(၃)တင်း တစ်အိတ်လျှင် (၂၆၅၀၀၀)ကျပ်၊ နှမ်းနက်(၃) တင်းတစ်အိတ်လျှင် (၂၉၀၀၀၀)ကျပ်နှင့် စမုံနက်နှမ်း (၃)တင်း တစ်အိတ်လျှင် (၃၂၅၀၀၀)ကျပ်ဖြင့် တစ်နေ့လျှင် အိတ် (၄၀၀)ခန့် အရောင်းအဝယ် ဖြစ်လျက်ရှိပါသည်။ နှမ်းဈေးများမှာ ဧပြီလကုန်တွင် နှမ်းနီ(၃)တင်း တစ်အိတ်လျှင် (၂၅၅၀၀၀) ကျပ်၊ နှမ်းနက် (၃)တင်း တစ်အိတ်လျှင် (၂၈၀၀၀၀)ကျပ်နှင့် စမုံနက်နှမ်း (၃)တင်း တစ်အိတ်လျှင် (၂၉၅၀၀၀) ကျပ် ဖြစ်ခဲ့သဖြင့် ယခု မေလဒုတိယပတ်တွင် နှမ်းနီ(၃)တင်းတစ်အိတ်လျှင် (၁၀၀၀၀)ကျပ်၊ နှမ်းနက် (၃)တင်း တစ်အိတ်လျှင် (၁၀၀၀၀)ကျပ်နှင့် စမုံနက်နှမ်း (၃)တင်း တစ်အိတ်လျှင် (၃၀၀၀၀)ကျပ် ဖြင့် ဈေးနှုန်းများ မြင့်တက်လာခဲ့ပါသည်။

မြေပဲဆန်ဈေးမှာလည်း ပြည်ဈေးကွက်တွင် ဆက်လက်မြင့်တက်လာခဲ့လာပါသည်။ မြေပဲဆံကို ဆီကြိတ်ရန်နှင့် အခြားတိုင်းများသို့တင်ပို့ရန်အတွက် အဝယ်ရှိသဖြင့် ဈေးများမြင့်တက်လာသည်ဟု သိရပါသည်။ မုန်တိုင်းပြီးစတွင် အရောင်းအဝယ် များဖြစ်လာပြီး အညာဘက်မှ ဝယ်ယူမှုရှိသဖြင့် ယခု မေလဒုတိယပတ်တွင် မြေပဲဆီဆံ (အဖြူ)တစ်ပိဿာလျှင် (၆၅၀၀)ကျပ်၊ ဆီဆံ(အနီ) တစ်ပိဿာလျှင် (၇၅၀၀)ကျပ် နှင့် မြေပဲလုံးဆံ(အဖြူ)တစ်ပိဿာလျှင် (၇၈၀၀)ကျပ်၊ လုံးဆံ(အနီ) တစ်ပိဿာလျှင် (၈၀၀၀)ကျပ်ဖြင့် ဈေးများ ဆက်လက်မြင့်တက်လာခဲ့ပါသည်။ အရောင်းအဝယ်မှာလည်း တစ်နေ့လျှင် မြေပဲဆန်အိတ် (၅၀၀)ခန့် အရောင်းအဝယ် ဖြစ်လျက်ရှိကြောင်း သိရပါသည်။

DOCA(ပဲခူး)

ပဲခူးတိုင်းဒေသကြီး၊ ပြည်ခရိုင်၊ ပြည်မြို့တွင် ၂၀၂၃ခုနှစ်၊ ဧပြီလဆန်းပိုင်း၌ စပါး/ဆန်ဈေးများမှာ ငြိမ်နေပြီး မေလဆန်းတွင် ဈေးအနည်းငယ်မြင့်တက်ခဲ့ပါသည်။ ဧပြီလဆန်းပိုင်းတွင်း ဧည့်မထ အုပ်စု ဖြစ်သည့် ကရင်မစပါး တင်း(၁၀၀)လျှင် (၁၄၅၀၀၀၀)ကျပ်၊ ဆန်တစ်အိတ်လျှင် (၅၂၀၀၀)ကျပ်ရှိပြီး၊ မှော်ဘီစပါးဈေးမှာ (၁၅၀၀၀၀၀)ကျပ်၊ ဆန်တစ်အိတ်လျှင် (၅၅၀၀၀)ကျပ်၊ ဧည့်မထအုပ်စုများ ဖြစ်သည့် ရတနာတိုးဆန်တစ်အိတ်လျှင် (၅၀၀၀၀)ကျပ်၊ မနောသုခတစ်အိတ်လျှင် (၅၂၀၀၀)ကျပ်၊ ကျော်ဇေယျ တစ်အိတ်လျှင် (၅၃၀၀၀)ကျပ်ဖြင့် အရောင်းအဝယ်ဖြစ်လျက် ရှိပါသည်။

ဧပြီလ နောက်ဆုံးပတ်တွင် စပါးဈေးမှာ စပါးဈေးတင်း(၁၀၀)လျှင် (၁၅၀၀၀၀၀)ကျပ် ရှိခဲ့ရာ ဧပြီလဆန်းပိုင်းနှင့်ယှဉ်လျှင် (၅၀၀၀၀) ကျပ်ခန့် ဈေးမြင့်တက်ခဲ့ပါသည်။ မေလဆန်းတွင် ဧည့်မထ (၄၆)ပေါင်တင်း(၁၀၀)လျှင် (၁၅၅၀၀၀၀) ကျပ်ဖြင့် ဈေးဆက်လက် မြင့်တက်ခဲ့ပြီး ကရင်မဆန်တစ်အိတ်လျှင် (၅၅၀၀၀)ကျပ်၊ ရတနာတိုးဆန်တစ်အိတ်လျှင် (၅၂၀၀၀)ကျပ်၊ ကျော်ဇေယျဆန်တစ်အိတ်လျှင် (၅၅၀၀၀)ကျပ်၊ ရိုးနီဆန်တစ်အိတ်လျှင် (၅၇၀၀၀)ကျပ်ဖြင့် ဈေးအနည်းငယ်မြင့်တက်ခဲ့ပါသည်။ မေလဒုတိယပတ် စပါးဈေးမှာ (၄၆)ပေါင် တင်း(၁၀၀) လျှင် (၁၆၅၀၀၀၀)ကျပ်အထိ မြင့်တက်ခဲ့ပြီး မှော်ဘီဆန် တစ်အိတ်လျှင် (၆၃၀၀၀)ကျပ် ကရင်မဆန်တစ်အိတ်လျှင် (၅၈၀၀၀)ကျပ်၊ ရတနာတိုးဆန်တစ်အိတ်လျှင် (၅၇၀၀၀)ကျပ်၊ ကျော်ဇေယျ ဆန်တစ်အိတ်လျှင် (၅၈၀၀၀)ကျပ်၊ ရိုးနီဆန်တစ်အိတ်လျှင် (၅၇၀၀၀) ကျပ်ဖြင့် ဈေးမြင့်တက်ခဲ့ပါသည်။

စပါး/ဆန်ဈေးများမြင့်တက်ရခြင်းမှာ မိုးစပါးလက်ကျန်နည်းပါးခြင်း၊ ဓါတ်မြေဩဇာဈေးများ မြင့်တက်လာခြင်းတို့ကြောင့် တောင်သူများအနေဖြင့် သွင်းအားစုများအား လျော့နည်းသုံးစွဲရသည့်အတွက်ကြောင့်လည်းကောင်း၊ ယခုနှစ်မိုးစပါးတွင်လည်း စပါးအထွက်နည်းခဲ့ခြင်း၊ ဆန်ထွက်အောက်တန်းမရှိခြင်းနှင့် နွေစပါးစတင်ထွက်ပေါ်နေပြီဖြစ်သော်လည်း အရည်အသွေးမကောင်းခြင်းတို့ကြောင့် ဧည့်မထ(အဟောင်း) စပါးဈေးများမှာ ဈေးဆက်လက်မြင့်တက်ခဲ့ပြီး အရောင်းအဝယ်အနေဖြင့် အခြားတိုင်းဒေသကြီးများသို့ ကရင်မဆန်နှင့် မနောသုခဆန်များကိုသာ တင်ပို့ရောင်းချမှုရှိပြီး မှော်ဘီနှင့် ရတနာတိုး၊ ကျော်ဇေယျဆန်များကို ဒေသတွင်းစားသုံးရန်အတွက် အရောင်းအဝယ်ရှိကြောင်း သိရပါသည်။

 DOCA (ပဲခူး)

ပြည်ပဲမျိုးစုံဈေးကွက်မှာ လက်လီ/လက်ကား ရောင်းဝယ်လျက်ရှိကြသည့် ပဲမျိုးစုံများတွင် မတ်ပဲ၊ ပဲတီစိမ်း၊ ပဲစင်းငုံ သီးနှံများသာ လက်ကားရောင်းဝယ်မှုများသော်လည်း အခြားပဲများဖြစ်သည့် ဘိုကိတ်ပဲ၊ ပဲလွမ်းဖြူ၊ ပဲနီပြားနှင့် စားတော်ပဲ သီးနှံများသည် ဈေးကွက်မှာ လက်လီရောင်းဝယ်မှုသာ အဖြစ်များခဲ့ကြပါသည်။ အဆိုပါပဲများထဲတွင် စားတော်ပဲသီးနှံမှာ ပဲဈေးကွက်တွင် ဈေးအမြင့်ဆုံးဖြင့် စံချိန်တင်ရောင်းဝယ်လျက်ရှိခဲ့ကြပါသည်။

သို့သော်လည်း စားတော်ပဲသီးနှံမှာ လှောင်ပဲလက်ကျန်များဖြင့်သာ ရောင်းဝယ်နေကြရသော ကြောင့် လက်လီအိတ်အနည်းငယ်ဖြင့် နေ့စဉ်အရောင်းအဝယ် ဖြစ်နေခဲ့ပါသည်။ ပဲပြုတ် ရောင်းချသူများမှ ဝယ်ယူမှုရှိလ၍ တစ်ရက်အိတ်လျှင် (၁၀)အိတ် ခန့်မှ အိတ် (၂၀)ကျော်အထိ ရောင်းချရကာ ဈေးနှုန်းအနေဖြင့် ပိဿာ (၂၀)တစ်တင်း (၁၁၅၀၀၀)ကျပ်ဖြင့် ရောင်းချရသည့်အတွက် ပဲဈေးကွက်မှာ ဈေးအမြင့်ဆုံးရနေသော ပဲဖြစ်ခဲ့ပါသည်။

စားတော်ပဲသီးနှံသည် နှစ်စဉ်လိုလို ဈေးကွက်အတွင်း ဈေးအမြင့်ရလျက်ရှိသော ပဲဖြစ်သော်လည်း ပြည်ခရိုင်အတွင်း စိုက်ပျိုးမှုမရှိလို့ အခြားဒေသများမှ ဝယ်ယူတင်ပို့ရောင်းချရသည့် ပဲသီးနှံဖြစ်၍ ဈေးကွက်အတွင်း အခြားပဲများကဲ့သို့  အိတ်အရေ အတွက် များပြားစွာ ရောင်းချမှုမရှိဘဲ ပဲအထွက်လှိုင်ချိန် ပဲသစ်များဝင်ရောက်ချိန်မှာပင်လျှင် အိတ်(၁၀၀)အောက်သာ ရောင်းချနေကြရကြောင်း သိရပါသည်။

DOCA (ပဲခူး)