ပြည်တွင်းကုန်သွယ်မှုသတင်း

   တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

     ၂၅.၅.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

          စားသုံးသူရေးရာဦးစီးဌာနမှ ပြည်ခရိုင်ဦးစီးမှူးရုံးနှင်ပြည်ခရိုင်ဆီကုန်သည်နှင့်ဆီလုပ်ငန်းရှင်များအသင်းတို့ ပူးပေါင်း၍ စားအုန်းဆီ ရန်ကုန်အထိုင်ဈေး ရည်ညွှန်းလက်ကားဈေးနှုန်း အပေါ် သယ်ယူပို့ဆောင်ခကုန်ကျစရိတ်များထပ်ပေါင်း၍ ၂% အမြတ်ထက် မပိုသောဈေးနှုန်းဖြင့် အများပြည်သူများအား ရပ်ကွက်/ကျေးရွာများတွင် ဈေးကားဖြင့်နေ့စဉ်လှည့်လည်ရောင်းချ ပေးလျက်ရှိပါသည်။

        ပြည်ခရိုင်အတွင်းမှ ပြည်၊ ရွှေတောင်၊ ပေါက်ခေါင်းနှင့်ပန်းတောင်းမြို့နယ်များရှိ ရပ်ကွက်/ ကျေးရွာများသို့လည်း အလှည့်ကျရောင်းချပေးလျက်ရှိပါသည်။ ယခုမေလလယ်အတွင်း ပြည်ခရိုင်အတွင်းရှိ မြို့နယ်များမှ ရပ်ကွက်/ ကျေးရွာသို့ တစ်အိမ်ထောင်လျှင် (၁)ပိဿာနှုန်းဖြင့် ပိဿာပေါင်း (၂၃၀၀၀)ကျော်ကို (၁)ပိဿာလျှင် (၄၉၀၀)ကျပ်ဖြင့် ရောင်းချခဲ့ကြောင်းသိရှိရပါသည်။ ပြည်ဈေးကွက်အတွင်းရှိ ဆိုင်များတွင် စားအုန်းဆီတစ်ပိဿာလျှင် လက်လီ (၆၅၀၀) ကျပ်ဖြင့် လည်းကောင်း၊ လက်ကား ၆၂၅၀ ကျပ်ဖြင့်လည်းကောင်း ရောင်းချလျက်ရှိကြောင်းသိရှိရပါသည်။

DOCA(ပဲခူး)

           ပဲခူးတိုင်းဒေသကြီး၊ ပြည်ခရိုင်အတွင်းသို့ ဝါး/ဝါးကပ်များ နေရာအနှံ့အပြားမှ ဝင်ရောက်လျက်ရှိရာ ရခိုင်ရိုးမလမ်းပေါ်ရှိ ညောင်ချိုးဒေသမှထွက်ရှိသောခရင်းဝါးမှာ အခေါင်းပွသောကြောင့် ထရံရက်လုပ်ရာတွင် အသုံးပြုပါသည်။ ခရင်းဝါးကို ရခိုင်ပြည်နယ်တွင် အများဆုံးတွေ့ရှိရပါသည်။ ရခိုင်လူမျိုးအများစုအနေဖြင့် ခရင်းဝါးကိုအလုံးလိုက်သော်လည်းကောင်း၊ ငြမ်းဆင်ရာတွင်လည်းကောင်း အသုံးပြုကြပါသည်။ ပြည်ခရိုင်အတွင်းရှိဝါး၊ဝါးကပ်ဆိုင်များအနေဖြင့်ခရင်ဝါးကို ထရံရက်လုပ်ရာတွင် အသုံးပြုပါသည်။ ခရင်းဝါးသည် အအေးပိုင်းဒေသတွင်သာ ပေါက်ရောက်ပြီးမျိုးစေ့မှာ မက်မန်းသီးအရွယ်ခန့်ရှိပြီး စ၍အပင်ပေါက်ခါစကပင် အပင်ကြီးထားသောကြောင့် (၂)နှစ်အကြာတွင် ဝါးပင်ကိုအသုံးပြု၍ ရပါသည်။ ခရင်းဝါးတစ်ပင်လျှင်နှစ်(၅၀)ခန့် သက်တမ်းရှိကြောင်းလည်းသိရှိရပါသည်။ ပဲခူးတိုင်းဒေသကြီး၊ ပြည်ခရိုင်အတွင်းမှထွက်ရှိသောတင်းဝါး၊ သနက်ဝါးတို့နှင့်အရည်အသွေးတူညီမှုရှိိသော်လည်း ခရင်းဝါးမှာဝါးကြောမာသောကြောင့် ထရံရက်လုပ်ရာတွင် အများဆုံး အသုံးပြုကြောင်းသိရှိရပါသည်။ ပြည်ခရိုင်အတွင်းမှ ထွက်ရှိသောမျှင်ဝါးကိုမူ ဝါးကပါအနေဖြင့် အသုံးမပြုကြောင်းသိရှိရပါသည်။ ဝါး၊ ဝါးကပ်များကို (၁၂)ဘီးကားဖြင့် တစ်ခေါက်သယ်ယူလျှင် ဝါးအလုံးရေ (၂၀၀၀)ခန့်နှင့် ဝါးကပ် အချပ်ရေ (၉၀၀)ခန့် သယ်ယူနိုင်ကြောင်းလည်း သိရှိရပါသည်။ ညောင်ချိုးဒေသမှထွက်ရှိသော ခရင်းဝါးတစ်လုံးလျှင် (၂၅၀) ကျပ်ခန့်ရှိပြီး ဝါးကပ်တစ်ချပ်လျှင် (၇၅၀-၈၀၀)ကျပ်ခန့် ရောင်းချကြောင်း သိရှိရပါသည်။ မျှင်ဝါး(အိမ်သုံးဝါး) ဈေးနှုန်းအနေဖြင့် တစ်လုံးလျှင် (၄၀၀)ကျပ်ခန့် နှင့် မျောတစ်လုံးလျှင် (၁၅၀၀)ကျပ်ဖြင့် ရောင်းချကြောင်းသိရှိရပါသည်။

DOCA(ပဲခူး)

ချဉ်ပေါင်ပင်သည် မြန်မာများအတွက် တရင်းတနှီးဖြစ်သော အပင်တစ်မျိုးဖြစ်ပြီး  ထမင်းဝိုင်းများတွင် ချဉ်ရည်ဟင်းတစ်မျိုး၊ အကြော်တစ်မျိုး၊ အချက် တစ်မျိုးဖြင့် စားသုံးကြပါသည်။ ချဉ်ပေါင်ပင်သည် တစ်ရာသီခံအပင်မျိုးဖြစ်ပြီး ချဉ်ပေါင်အမျိုး အစားများစွာ ရှိပါသည်။ လူသိများသော ချဉ်ပေါင်အမျိုးအစားများမှာ ရွှေဘိုချဉ်ပေါင်၊ လျှော်ချဉ်ပေါင်၊ ချဉ်ပေါင်လက်ခြား၊ ဆေးချဉ်ပေါင်၊ ချဉ်ပေါင်နီ၊ ဘိလပ်ချဉ်ပေါင်၊ ချဉ်ပေါင်ခါး၊ ဓါတ်ချဉ်ပေါင်၊ ချဉ်ပေါင်ကြီး၊ ကျောက်ချဉ်ပေါင်နှင့် ချဉ်ပေါင်ရိုင်း တို့ဖြစ်ပါသည်။

ချဉ်ပေါင်ရွက်ကို စားရာတွင် မျှစ်ဖြင့်ရောကြော်၍ လည်းကောင်း၊ ပုစွန်၊ ဝက်သားတို့နှင့် ရောကြော်၍လည်းကောင်း စားသုံးကြပါသည်။ ချဉ်ပေါင်ရွက်မှာ ပရိုတင်းဓါတ်၊ ဗီတာမင်ဓါတ်၊ သံဓါတ်၊ ကယ်လစီယမ်ဓါတ် စသည့်ဓါတ်များ ပါဝင်ပါသည်။ ချဉ်ပေါင်ရွက်ကိုစားခြင်းဖြင့် ဝမ်းချုပ်ခြင်း ကင်းကာ ဝမ်းမှန်စေနိုင်ပြီး အူမကြီးကင်ဆာဖြစ်ပွားမှုနှုန်း လျော့နည်းစေနိုင်ပါသည်။ ကယ်ဆီယမ်ဓါတ်နှင့် သံဓါတ်လည်း ကြွယ်ဝစွာ ပါဝင်သောကြောင့် အရိုးကိုသန်မာစေပြီး ကျန်းမာကြီးထွားစေပါ သည်။

ချဉ်ပေါင်ပင်များကို (၁၂)ရာသီပတ်လုံး စိုက်ပျိုးနိုင်ပြီး မြေရိုင်းရှိပါက မြေကိုပြုပြင်ပြီး တစ်နိုင် တစ်ပိုင် စိုက်ပျိုးနိုင်သလို စီးပွားဖြစ်လည်း စိုက်ပျိုးနိုင်ပါသည်။ နွေရာသီတွင် ရေလောင်း၍ စိုက်ပျိုးသော ချဉ်ပေါင်ရွက်မှာ မိုးရာသီချဉ်ပေါင်ရွက်လောက် သန်စွမ်းမှုမရှိသော်လည်း စားသုံးသူများမှာ ပစ္စည်းရှားချိန်တွင် ပိုမိုစားသုံးကြသဖြင့် ဈေးကောင်းပေး၍ ဝယ်ယူစားသုံးကြသဖြင့် နွေရာသီတွင် ချဉ်ပေါင်ရွက်တစ်စည်းကို (၃၀၀)ကျပ်ထိ ရောင်းချကြောင်း သိရပါသည်။ ပြည်မြို့နယ်အနေဖြင့် ချဉ်ပေါင်ရွက်ကို ပြည်အနီးတဝိုက်ကျေးရွာများဖြစ်သော မှော်ဇာ၊ တောင်လုံးညို၊ ခွေးရဲ ကျေးရွာများတွင် စီးပွားဖြစ် စိုက်ပျိုးကြပြီး ထွက်ရှိလာသော ချဉ်ပေါင်ရွက်များကို အစည်းများ စည်းပြီး တစ်စည်းလျှင် (၂၀၀) ကျပ်ဖြင့် ဖောက်သည်ဈေးပေးပြီး ရောင်းချသလို ပြည်မြို့ရှိဈေးများသို့လည်း စိုက်ပျိုးသူကိုယ်မှ သွားရောက်၍ ရောင်းချကြောင်း သိရပါသည်၊

DOCA (ပဲခူး)