ပြည်တွင်းကုန်သွယ်မှုသတင်း

          ယခုတစ်ပတ် ဇွန်လ ဒုတိယပတ် သနပ်ပင်မြို့နယ်၏ စပါးဈေးနှုန်းများအနေဖြင့် နွေစပါးပေါင်(၅၀)တင်း ၁၀၀ လျှင် ၉၃၀၀၀၀ ကျပ်၊ မိုးစပါးပေါင် (၅၀) တင်း ၁၀၀ လျှင် ၉၅၀၀၀၀ကျပ်ဖြစ်ပြီး၊ ဆန်(၁၀၈) ပေါင်တစ်အိတ်လျှင် ၃၅၀၀၀ ကျပ်၊ ဆန်ကွဲ (၁၀၈) ပေါင်တစ်အိတ်လျှင် ၃၀၀၀၀ ကျပ် ၊ ဖွဲနုပေါင် (၆၀) တစ်အိတ်လျှင် ၁၃၀၀၀ကျပ်ဖြင့် အရောင်းအဝယ်ဖြစ်လျှက်ရှိပါသည်။ အရောင်းအဝယ်ဖြစ်မှုအနေဖြင့် သနပ်ပင်မှရန်ကုန်သို့ နေ့စဉ်တင်ပို့မှုရှိနေကြောင်း သိရှိရပါသည်။

          ထို့အတူ ဒိုက်ဦးမြို့နယ်တွင် မိုးစပါး (ဆင်းသုခ) တင်း ၁၀၀ လျှင် ၉၅၀၀၀၀ကျပ်၊ ပေါင် (၅၀) ပါ ဆန်တစ်အိတ်လျှင် ၃၅၀၀၀ ကျပ်၊ နွေစပါး (ဆင်းသုခ) တင်း ၁၀၀ လျှင် ၉၃၀၀၀၀ ကျပ်၊ ပေါင် (၅၀) ပါ ဆန်တစ်အိတ်လျှင် ၃၂၀၀၀ကျပ်၊ ဆန်ကွဲကြီး ၁ အိတ်လျှင် ၃၀၀၀၀ ကျပ်၊ ဆန်ကွဲသေး ၁ အိတ်လျှင် ၂၉၀၀၀ ကျပ်၊ ဖွဲနု ၁ အိတ်လျှင် ၁၄၀၀၀ ကျပ်ဖြင့် အရောင်းအဝယ်ဖြစ်လျှက်ရှိကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး(အနောက်) သာယာဝတီခရိုင် ဇီးကုန်းမြို့နယ်အတွင်း စိုက်ပျိုးရေးဆေးနှင့် ဓာတ်မြေဩဇာအရောင်းဆိုင်အချို့အား ဇွန်လပထမပတ်တွင် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် တောင်သူများသုံးစွဲမှုအများဆုံး၊ ရောင်းအားအကောင်းဆုံး ဓာတ်မြေဩဇာနှင့် ပေါင်းသတ်ဆေးများအား ကွင်းဆင်းလေ့လာခဲ့ပါသည်။

       ဇီးကုန်းမြို့နယ်အတွင်း တရားဝင်မှတ်ပုံတင်ရောင်းချနေသော စိုက်ပျိုးရေးဆေးနှင့်ဓာတ်မြေဩဇာအရောင်းဆိုင် (၁၈) ဆိုင်ရှိပြီး (၂၀၂၁-၂၀၂၂) ခုနှစ်၊ မိုးရာသီလယ်စိုက်ပျိုးတောင်သူများ ဓာတ်မြေဩဇာ သုံးစွဲမှုအခြေအနေနှင့် လယ်ယာသုံးစိုက်ပျိုးရေးဆေးပစ္စည်းအများစု၏ ဈေးနှုန်း  ဈေးကွက်များအား ဖြိုးဓာတ်မြေဩဇာနှင့် စိုက်ပျိုးရေးဆေးမျိုးစုံ (၂) အရောင်းဆိုင်ပိုင်ရှင် ဦးအောင်မင်းဆွေအား မေးမြန်းခဲ့ရာ (၂၀၂၁-၂၀၂၂) ခုနှစ်၊ မိုးစပါးစိုက်ပျိုးချိန် တောင်သူအများစုသုံးစွဲနေသော ဓာတ်မြေဩဇာမှာ မြင်းပျံ၊ ကောမတ် (N 46%) ပုလဲဖြစ်ပြီး  ဈေးနှုန်းများမှာ မြင်းပျံ ၉၅၀၀၀ ကျပ်၊ ကောမတ် ၉၄၀၀၀ ကျပ် ဖြစ်၍ အာမို ၁၅ ပတ်လည်တစ်အိတ်လျှင် ၉၉၉၀၀ကျပ်ဖြစ်ကြောင်း သိရှိရပါသည်။ ယခင်နွေစပါးစိုက်ပျိုးချိန်တွင်  ဓာတ်မြေသြဇာဈေးနှုန်းများမှာ ပျမ်းမျှအားဖြင့် (၇၅၀၀၀ မှ၈၀၀၀၀ကျပ်) ဖြစ်ပြီး ယခုကာလတွင် ဈေးတက်လာသော အနေအထားဖြစ်ပါကြောင်း သိရှိရပါသည်။ ယခင်နှစ်များတွင် တောင်သူများအား သီးနှံပေါ်ပေးအကြွေးစနစ်ဖြင့် ရောင်းနိုင်သော်လည်း ယခုနှစ်တွင် အရင်းအနှီးများသဖြင့် မရောင်းချနိုင်ပဲ လက်ငင်းငွေချေစနစ်ဖြင့်သာ ရောင်းချနေကြရပါကြောင်း သိရှိရပါသည်။

DOCA(ပဲခူး)

          မန္တလေးတိုင်းဒေသကြီး၊ မိတ္ထီလာခရိုင်၊ ဝမ်းတွင်းမြို့နယ်ရှိ ဆန်စက်များ၌ လာမည့်နွေစပါးပေါ်ချိန် ဇွန်လကုန် ဇူလိုင်လများတွင် ကြိတ်ခွဲမှု့လှိုင်လာမည်ဟု သိရပါသည်။

          ဝမ်းတွင်းမြို့နယ်၌ မိုးစပါးစိုက်ဧကအနေနှင့်နှစ်စဉ်ဧက (၅၀၀၀၀) ကျော် စိုက်ပျိုးပြီးဆန်စက်များအနေနှင့် ဒေသတွင်ထွက်ရှိသော စပါးများအပြင် တိုင်းဒေသကြီးအတွင်းရှိ မြစ်သားမြို့နယ်၊ နွားထိုးကြီးမြို့နယ်တို့မှလည်း ဝယ်ယူကြိတ်ခွဲရပါသည်။ စပါးတင်း (၁၀၀) ကြိတ်ခွဲပါက ဆန်တစ် တင်းခွဲအိတ် (၃၀) ဆန်ကွဲ(၆) တင်းနှင့် ဖွဲ (၁၀) တင်းထွက်ရှိပါသည်။ အငှားကြိတ်ခွဲပါက စပါးတင်း (၁၀၀)လျှင် ဆန်တစ်တင်းခွဲ (၁) အိတ် (၇၀၀)နှုန်းဖြင့် ဆန်အိတ် (၃၀) အတွက် (၂၁၀၀၀) ကို ဆန်စက်များက ကြိတ်ခွဲခအဖြစ်ရယူပြီး ဆန်ကွဲနှင့်ဖွဲတို့ လာရောက်ကြိတ်ခွဲသူကို ပြန်လည်ပေးအပ်ရပါသည်။ လက်ရှိဖြစ်ပေါ်နေသော စျေးနှုန်းများမှာ စပါးတစ်တင်းလျှင် ဧရာပဒေသာမှာ (၁၂၀၀၀) ကျပ်၊ မနောသုခမှာ (၉၅၀၀)ကျပ် ဆန်တစ်အိတ်လျှင် ဧရာပဒေသာမှာ (၄၄၀၀၀) ကျပ်၊ မနောသုခ (၃၃၀၀၀) ကျပ်နှင့် ဆန်ကွဲတစ်အိတ်လျှင် (၂၂၀၀၀)ကျပ်၊ ဖွဲနု (၁၈) ပိဿာ(၁)အိတ်လျှင် (၁၀၀၀၀)ကျပ် စျေးရှိကြောင်းသိရှိရပါသည်။

          ဆန်စက်များအနေနှင့် မိုးစပါးလက်ကျန်နည်းလာခြင်းကြောင့် ယခုအခါကြိတ်ခွဲမှုနည်းလာပြီး ၊ လာမည့်နွေးစပါးပေါ်ချိန် ဇွန်လကုန် ဇူလိုင်လများတွင် ကြိတ်ခွဲမှုလှိုင်လာမည်ဟု သိရှိရပါသည်။

DOCA(မန္တလေး)

              မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံဖြစ်သည့်မြေပဲကို မိုးတွင် အများဆုံးစိုက်ပျိုးပြီး၊ဆောင်းတွင် အနည်းငယ်သာစိုက်ပျိုးမှုရှိပါသည်။၂၀၂၁-၂၀၂၂ ခုနှစ်တွင် မိုးမြေပဲစိုက်ပျိုးမှုဧကပေါင်း (၅၈၈၅) ဧကရှိပြီး၊ အထွက်နှုန်း(၄၂.၁၆) တင်းနှုန်းဖြင့် တင်းပေါင်း(၂၄၈၂၆၆၉  )တင်းထွက်ရှိခဲ့ပါသည်။ဆောင်းတွင် စိုက်ပျိုးဧကပေါင်း(၂၉၈)ဧက စိုက်ပျိုးခဲ့ပြီး တစ်ဧကအထွက်နှုန်း(၄၇.၄၁)တင်းဖြင့် တင်းပေါင်း(၁၄၁၂၈)တင်း ထွက်ရှိခဲ့ပါသည်။မိုးမြေပဲကို မေလဆန်းပိုင်းတွင် စတင်စိုက်ပျိုးပြီး ဩဂုတ်လတွင် လှိုင်လှိုင်ထွက်ရှိပါသည်။ ၂၀၂၂-၂၀၂၃ ခုနှစ် မိုးမြေပဲ လျာထားဧကမှာ (၅၈၂၇၁)ဧကဖြစ်ရှိပြီး (၁၄၅၇၉)ဧက စိုက်ပျိုးပြီးဖြစ်ပါသည်။ ဆောင်းမြေပဲ လျာထားဧကမှာ (၃၁၉)ရှိပါသည်။မြေပဲထွက်ပေါ်ချိန် ဩဂုတ်လတွင် ကျောက်ပန်းတောင်းမြို့နှင့်ထိစပ်လျက်ရှိသောကျေးရွာများမှ မြို့ပေါ်ရှိပွဲရုံများနှင့် ဆီစက်များသို့ လာရောက်၍ အရောင်းအဝယ်ပြုလုပ်ကြပါသည်။

          ၂၀၂၂ ခုနှစ်တွင် မြေပဲ(ဆီဆံ) တစ်တင်းလျှင်(၄၅၀၀၀)ကျပ်၊ မြေပဲ(လုံးဆံ)တစ်တင်းလျှင် (၄၈၀၀၀)ကျပ်၊ မြေပဲ(မျိုးဆံ)တစ်တင်းလျှင် (၆၀၀၀၀)ကျပ်တို့ဖြင့်ရောင်းချခဲ့ရပြီး၊ယခုလက်ရှိပေါက်ဈေးများမှာ ဆီဆံတစ်တင်းလျှင် (၆၀၀၀၀)ကျပ်၊လုံးဆံတစ်တင်းလျှင် (၆၃၀၀၀)ကျပ်နှင့် မျိုးဆံတစ် တင်းလျှင် (၇၀၀၀၀)ကျပ်တို့ဖြင့် အရောင်းအဝယ်ဖြစ်ပေါ်နေကြောင်း သိရပါသည်။

          မိုးမြေပဲတစ်ဧကစိုက်ပျိုးမှုကုန်ကျစရိတ်အနေဖြင့် (၄၃၆၀၀၀)ကျပ်ဝန်ကျင်းခန့်ရှိပြီးတစ်ဧကပျမ်းမျှအထွက်တင်းမှာ(၄၃)တင်းနှုန်းခန့် ရှိပါသည်။မြေပဲတောင့်တစ်တင်းရောင်းရဈေးမှာ(၁၅၀၀၀) ကျပ်ဖြင့်ရောင်းချခဲ့ရသောကြောင့် တစ်ဧကဝင်ငွေမှာ(၆၄၅၀၀၀)ကျပ်ဖြစ်၍ တစ်ဧကတောင်သူအကျိုးအမြတ်မှာ(၂၀၉၀၀၀)ကျပ် ရရှိစေပါသည်။ဆောင်းမြေပဲတစ်ဧကကုန်ကျစရိတ်မှာ (၄၃၆၀၀၀) ကျပ်ခန့်ကျသင့်ပြီး အထွက်နှုန်းမှာ(၄၇.၄၁)တင်းထွက်ရှိခဲ့၍ တစ်ဧကဝင်ငွေ((၇၁၁၁၅၀)ကျပ် ရရှိသောကြောင့် တောင်သူအကျိုးအမြတ်အနေဖြင့် (၂၇၅၁၅၀)ကျပ်ခန့် ရရှိကြောင်းသိရပါသည်။ဒေသထွက်မြေပဲများကို ယခင်က အခြားဒေသများသို့ တင်ပို့ရောင်းချမှုများရှိခဲ့သော်လည်း ယခုအချိန်တွင် ရောင်းချမှုနည်းလာပြီး ဒေသတွင်း၌သာ ဆီကြိတ်ခွဲ၍သုံးစွဲမှုများလာပါသည်။

          တောင်သူအကျိုးအမြတ်ရရှိသော ဆီထွက်သီးနှံမြေပဲကို ပိုမိုစိုက်ပျိုးပြီး ပြင်ပသို့ရောင်းချခြင်းမပြုပဲ ပြည်တွင်း၌သာသုံးစွဲခြင်း၊ ဆီကြိတ်ခွဲရောင်းချခြင်းများပြုလုပ်ပါက ဒေသတွင်းဆီစားသုံးမှုဖူလုံလာခြင်း၊ တိရစ္ဆာန်အစာများပေါများလာပြီး မွေမြူရေးလုပ်ငန်းများဖွံဖြိုးလာစေခြင်း၊ ဒေသတွင်းအလုပ်အကိုင်အခွင့်အလမ်းများ ပိုမိုရရှိစေလာခြင်းအပြင် ဘေးအန္တရာယ်ကင်းသော ဆီများစားသုံးရခြင်းတို့ကြောင့် ကျန်းမာရေးညီညွှတ်ကောင်းမွန်လာစေခြင်း စသည့်အကျိုးကျေးဇူးများ ရရှိစေနိုင်သည့်အတွက် ဆီထွက်သီးနှံမြေပဲကို ပိုမိုတိုးချဲ့စိုက်ပျိုးသင့်ပါသည်။

DOCA(မန္တလေး)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင် ပြည်တွင်းကုန်သွယ်ရေးဖွံ့ဖြိုးမှုနှင့် သုတေသနဌာနခွဲအနေဖြင့် သီးနှံများ၏ ဈေးနှုန်းဆိုင်ရာ အချက်အလက်များနှင့် အရောင်းအဝယ်ဖြစ်မှုစာရင်းများကို ရွှေဘိုမြို့၊ ပဲ၊ နှမ်းကုန်စည်ဒိုင် မှတာဝန်ရှိသူများနှင့်  ချိတ်ဆက်၍ စာရင်းများပြုစုပြီး  အထက်အဆင့်ဌာနများသို့ တင်ပြဆောင်ရွက်လျှက် ရှိပါသည်။

           စစ်ကိုင်းတိုင်းဒေသကြီး၊ ရွှေဘိုခရိုင်၌ ၂၀၂၁-၂၀၂၂ခုနှစ်တွင် နွေသီးနှံအနေဖြင့် နွေနှမ်း(၈၅၃၂၆) ဧက၊ ပဲတီစိမ်း(မိုးကြို)(၄၃၀၂၈)ဧက၊ မတ်ပဲ(မိုးကြို)(၃၅)ဧက၊ နေကြာ(မိုးကြို)(၆၀)ဧကနှင့် ချည်မျှင်ရှည်ဝါ (မိုးကြို)(၁၀)ဧက၊  စုစုပေါင်း(၁၂၈၄၅၉)ဧက စိုက်ပျိုးခဲ့ကြောင်း၊ နွေနှမ်း(၈၅၃၂၆)ဧကမှာ ရွှေဘိုမြို့နယ်တွင် (၉၄၈၅)ဧက၊ ဝက်လက်မြို့နယ်တွင်(၆၆၇၂၉)ဧက၊ ခင်ဦးမြို့နယ်တွင်(၇၃၇)ဧက၊ တန့်ဆည်မြို့နယ်တွင် (၉၅)ဧကနှင့် ဒီပဲယင်းမြို့နယ်တွင် (၈၂၈၀)ဧက စိုက်ပျိုးကြောင်းသိရသည်။ ဝက်လက်မြို့နယ်သည် ရွှေဘိုတစ်ခရိုင်လုံးရှိ စိုက်ဧက၏(၇၈%)ကျော်စိုက်ပျိုးပြီး နှစ်စဉ်ခရိုင်တွင် အများဆုံးစိုက်ပျိုးသည့်မြို့နယ်တစ်ခု ဖြစ်ပါသည်။ နွေနှမ်းကို ၂၀၂၀-၂၀၂၁ခုနှစ်တွင် (၇၉၅၆၉)ဧက စိုက်ပျိုးခဲ့ပြီး ၂၀၂၁-၂၀၂၂ခုနှစ်တွင် (၈၅၃၂၆)ဧကစိုက်ပျိုးခဲ့သဖြင့် ယခင်နှစ်ထက် (၅၇၅၇)ဧက ပိုမိုစိုက်ပျိုးကြောင်း သက်ဆိုင်ရာဌာန၏ စာရင်းများအရ သိရှိရပါသည်။

          စစ်ကိုင်းတိုင်းဒေသကြီး၊ ရွှေဘိုခရိုင်၌ ၂၀၂၀-၂၀၂၁ခုနှစ်၊ နွေသီးနှံအထွက်နှုန်းအနေဖြင့် နှမ်း (၁၄၅၂၇၃၇)တင်း၊ ပဲတီစိမ်း တစ်ဧကလျှင် (၁၇.၅၇)တင်း၊ နေကြာ တစ်ဧကလျှင် (၂၂.၂၅)တင်း၊ ဝါတစ်ဧကလျှင် (၄၀၀ပိဿမှ ၈၀၀ပိဿာ)၊ မတ်ပဲ တစ်ဧကလျှင် (၁၆.၃၈) တင်း ထွက်ရှိခဲ့ကြောင်း သိရှိရပါသည်။ ၂၀၂၁-၂၀၂၂ခုနှစ်တွင် ရွှေဘိုခရိုင်၌ နှမ်းစိုက်ဧက(၈၅၃၂၆) နှမ်းတစ်ဧကလျှင် (၁၈)တင်းနှုန်း ဖြင့် (၁၅၃၅၈၆၈) တင်းထွက်ရှိကြောင်း သိရှိရပါသည်။

          ရွှေဘိုခရိုင်တွင် နှမ်းနက်နှင့်နှမ်းနီ(ဆီကြိတ်နှမ်း)များကိုသာ အဓိကစိုက်ပျိုးကြကြောင်း ၊ ၎င်းစိုက်ပျိုးထားသောနွေနှမ်းများကို မေလဆန်းတွင် စတင်ရိတ်သိမ်းကြပြီး တတိယပတ်ခန့်မှစတင်၍ ဈေးကွက်အတွင်း လာရောက်ရောင်းချခြင်းများရှိကြောင်း၊ တောင်သူများအနေဖြင့်  ဝက်လက်မြို့နယ်မှ ထွက်ရှိသော နှမ်းများကို ဝက်လက်မြို့ပေါ်ရှိ ပွဲရုံများသို့ရောင်းချခြင်း၊ မန္တလေးမြို့ရှိပွဲရုံများသို့ တိုက်ရိုက် ရောင်းချခြင်း များအပြင် ရွှေဘိုမြို့ ပဲ၊ နှမ်းကုန်စည်ဒိုင်နှင့် အခြားသောပွဲရုံများသို့ လာရောက်ရောင်းချခြင်းများလည်း ရှိကြောင်းသိရှိရပါသည်။ ဇွန်လဒုတိယပတ်၌ ရွှေဘို့ပဲ၊ နှမ်းကုန်စည်ဒိုင်၏ ဖြတ်ဈေးမှာ နှမ်းနက် (၁)တင်းလျှင် (၆၈၀၀ဝိ/-)မှ(၇၀၀၀ဝိ/-)ထိ ပေါက်ဈေးရှိပြီး နှမ်းနီ(၁)တင်းလျှင်(၄၈၀၀ဝိ/-)မှ(၅၀၀၀ဝိ/-) ထိပေါက်ဈေးရှိကြောင်း၊  ရွှေဘိုဈေးကွက်သို့ ရွှေဘိုမြို့နယ်နှင့် ဒီပဲယင်းမြို့နယ်ရှိ တောင်သူများအပြင် မြို့၏တောင်ဘက်ခြမ်းရှိ ဝက်လက်မြို့နယ်ရှိ တောင်သူများမှ အများဆုံးလာရောက် ရောင်းချကြကြောင်း၊ ဝယ်ယူရရှိသည့် နှမ်းများကို မန္တလေးဈေးကွက်သို့ ဆက်လက်တင်ပို့ ရောင်းချကြကြောင်းနှင့် မေလအတွင်း ရွှေဘိုမြို့ ပဲ၊ နှမ်းကုန်စည်ဒိုင်အနေဖြင့် နှမ်းနက်(၇၅၀)တင်းနှင့် နှမ်းနီ(၁၁၂၅)တင်း (ခန့်မှန်း)အရောင်းအဝယ်ဖြစ်ကြောင်း ကုန်စည်ဒိုင်တာဝန်ရှိသူများထံမှ သိရှိရပါသည်။

DOCA(စစ်ကိုင်း)