ပြည်တွင်းကုန်သွယ်မှုသတင်း

         ပဲခူးတိုင်းဒေသကြီး၊ ပြည်ခရိုင်၊ သဲကုန်းမြို့နယ်တွင် ယခုဇွန်လပထမပတ်မှစ၍ မိုးစပါးသဏ္ဍာန်ကျဲခင်းများ စတင်စိုက်ပျိုးနေပြီဖြစ်ပါသည်။ ထိုသို့မိုးစပါးသဏ္ဍာန်ကျဲခင်းစိုက်ခင်းစိုက်ပျိုးနေသော သဲကုန်းမြို့နယ်၊ ညောင်ဝန်းအုပ်စု၊ ညောင်ဝန်းကျေးရွာသို့ (၈.၆.၂၀၂၂)ရက်နေ့တွင် စားသုံးသူရေးရာဦးစီးဌာန၊ သဲကုန်းမြို့နယ်တာဝန်ခံ ဦးခင်မောင်ထွန်းနှင့်ဝန်ထမ်းများသည် သွားရောက်၍ ကွင်းဆင်းလေ့လာခဲ့ပါသည်။

        သဲကုန်းမြို့နယ်၊ ညောင်ဝန်းအုပ်စု၊ ညောင်ဝန်းကျေးရွာတွင် မိုးစပါးစိုက်ပျိုးဧက (၃၀၀)ကျော်အား သဏ္ဍာန်ကျဲခင်းအဖြစ်စိုက်ပျိုးလျက်ရှိရာ စိုက်ပျိုးသောစပါးမျိုးမှာ ရတနာတိုးစပါးမျိုးများကို စိုက်ပျိုးကြောင်း သိရှိိရပါသည်။ မိုးစပါးသဏ္ဍာန်ကျဲခင်းများစိုကိပျိုးရာတွင် တစ်ဧကလျှင် မျိုးစပါး (၃)တင်း မှ (၄)တင်းအထိကျဲပက်ရပြီး မိုးမရွာသောအချိန်များတွင် ကျဲပက်စိုက်ပျိုးရပါသည်။ တောင်သူများအနေဖြင့် မိုးကြိုစပါးများစိုက်ပျိုးရာတွင် စိုက်ခင်းများဖြင့်စိုက်ပျိုးခြင်းနည်းသွားပြီး ကျဲခင်းများအဖြစ်သာစိုက်ပျိုးကြသဖြင့် ကုန်ကျစရိတ်လည်းသက်သာပြီး၊ အထွက်နှုန်းလည်း ကောင်းသဖြင့် ပိုမိုဦးစားပေးစိုက်ပျိုးလာကြောင်းသိရှိရပါသည်။

DOCA(ပဲခူး)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူအကာအကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးနှင့် ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် ရွှေဘိုခရိုင်အတွင်း ဖြစ်ပေါ်နေသော စပါး၊ ဆန်ဈေးနှုန်း၊ ဈေးကွက်၊ လက်ကျန်နှင့် စီးဝင်၊ စီးထွက်မှုအခြေအနေများကို  အပတ်စဉ် တင်ပြလျှက်ရှိပါသည်။

          ဇွန်လ(၁၅)ရက်နေ့ နံနက်(၁၀:၀၀)နာရီအချိန်တွင် ရွှေဘိုခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် ရွှေဘိုမြို့နယ်၊ ဇီးကုန်းလေးကျေးရွာရှိ “မြတ်ပွင့်ခိုင်” ဆန်စက်လုပ်ငန်းရှင်နှင့်တွေ့ဆုံပြီး ဆန်၊စပါး ဈေးနှုန်း၊ဈေးကွက်နှင့် ဆန်နှင့်ဆန်ထွက်ပစ္စည်း ဈေးနှုန်းများ ကိုမေးမြန်းဆွေးနွေးခဲ့ပါသည်။ ထိုသို့တွေ့ဆုံဆွေးနွေးရာ၌ လုပ်ငန်းရှင်မှ မိမိ၏ဆန်စက်သည် တန်(၈၀)ကျ ဆန်စက်ဖြစ်ပြီး လတ်တလောအချိန်တွင် နေ့စဉ်ပုံမှန်ကြိတ်ခွဲခြင်းမဟုတ်ဘဲ ဆန်အမှာရှိသည့်အပေါ် မူတည်၍သာကြိတ်ခွဲကြောင်း၊ ရွှေဘိုမြို့နယ်အတွင်းရှိ ရွှေဘိုပေါ်ဆန်းစပါးနှင့် ဧရာမင်းစပါးများကို ဝယ်ယူ ကြိတ်ခွဲလျက်ရှိကြောင်း၊ ရွှေဘိုပေါ်ဆန်းစပါး (၁၆)ပြည် တင်း(၁၀၀)လျှင် (၁၄၅၀၀၀ဝိ/-)မှ(၁၅၀၀၀၀ဝိ/-) ထိပေါက်ဈေးရှိပြီး ဧရာမင်းစပါး (၁၆)ပြည် တင်း(၁၀၀)လျှင် (၁၀၀၀၀၀ဝိ/-)မှ (၁၁၀၀၀၀ဝိ/-)ထိ ပေါက်ဈေးရှိကြောင်း၊ ရွှေဘိုပေါ်ဆန်း(အိုးဝင်)ဆန် (၁၀၈)ပေါင် တစ်အိတ်လျှင် (၅၃၀၀ဝိ/-)မှ(၅၈၀၀ဝိ/-)ထိ ပေါက်ဈေးရှိပြီး ဧရာမင်း(အိုးဝင်)ဆန် (၁၀၈)ပေါင် တစ်အိတ်လျှင် (၄၅၀၀ဝိ/-)မှ (၅၀၀၀ဝိ/-)ထိ ပေါက်ဈေး ရှိကြောင်း၊ ဆန်လတ်ကြီး တစ်အိတ်လျှင် (၃၂၀၀ဝိ/-)ပေါက်ဈေးရှိပြီး ဆန်ကွဲကြီး/သေး (၃၀)ပိဿာဝင် တစ်အိတ်လျှင် (၂၇၀၀ဝိ/-)ကျပ် ပေါက်ဈေးရှိကြောင်း၊ ဖွဲု(၁၈)ပိဿာ တစ်အိတ်လျှင် (၁၂၅၀ဝိ/-)မှ (၁၃၀၀ဝိ/-) ထိပေါက်ဈေးရှိကြောင်း၊ ကြိတ်ခွဲရရှိသည့်ဆန်များကို ရွှေဘိုမြို့ရှိပွဲရုံမျာနှင့် ရန်ကုန်မြို့သို့ အဓိကတင်ပို့ပြီး အခြားမြို့များသို့လည်း မှာယူသည့်အပေါ်မူတည်၍ တင်ပို့လျက်ရှိကြောင်း၊ ဆန်ထွက်ပစ္စည်းများကို တိရစ္ဆာန်စာရောင်းချသူများ၊ ရွှေဘိုမြို့ရှိပွဲရုံများနှင့် တိရစ္ဆာန်မွေးမြူသူများသို့ ရောင်းချလျှက်ရှိကြောင်း၊ လက်ရှိအချိန်တွင် တောင်သူများမှ စပါးရောင်းလိုအားများပြီး ဆန်ဝယ်ယူမှုအနေဖြင့် ပုံမှန်သာရှိကြောင်း သိရှိရပါသည်။

DOCA (စစ်ကိုင်း)

        အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ်(၉.၆.၂၀၂၂)ရက်နေ့နှင့် ယခုအပတ်(၁၅.6.၂၀၂၂) ရက်နေ့အတွင်း နှမ်းနက်(စမုံ)(၄၅ပိဿာ) ယခင်အပတ်(၁၇၅၀၀ဝိ/-) ယခုအပတ်(၁၇၅၀၀ဝိ/-)၊ နှမ်းပြာ ယခင်အပတ် (၁၆၀၀၀ဝိ/-) ယခုအပတ် (၁၆၀၀၀ဝိ/-)၊ နှမ်းဖြူ ယခင်အပတ်(၁၆၅၀၀ဝိ/-)  ယခုအပတ်(၁၆၅၀၀ဝိ/-)၊ နှမ်းနီ ယခင်အပတ်(၁၆၅၀၀ဝိ/-) ယခုအပတ် (၁၆၅၀၀ဝိ/-)ဖြစ်၍ ဈေးနှုန်းပြောင်းလဲမှုမရှိကြောင်း းသိရှိရပါသည်။

        ပဲမျိုးစုံဈေးကွက်တွင် ပဲကြီးဈေးနှုန်းမှာ ပြောင်းလဲမှုမရှိဘဲ ပဲစဉ်းငုံ(နီ) (၂၀)ပိဿာဝင် (၁)တင်း ယခင်အပတ် (၄၃၃၀ဝိ/-) ယခုအပတ်(၄၃၇၀ဝိ/-)ဖြစ်၍ (၄၀ဝိ/-) ဈေးမြင့်၊ မတ်ပဲ ယခင်အပတ်(၄၈၀၀ဝိ/-) ယခုအပတ်(၅၀၀၀ဝိ/-)ဖြစ်၍ (၂၀၀ဝိ/-)ကျပ်ဈေးမြင့်၊ ကုလားပဲ(HL) ယခင်အပတ်(၄၈၀၀ဝိ/-) ယခုအပတ်(၄၈၅၀ဝိ/-)ဖြစ်၍ (၅၀ဝိ/-)ဈေးမြင့်၊ ကုလားပဲ (မြကြေး) ယခင်အပတ် (၄၈၅၀ဝိ/-) ယခုအပတ်(၄၉၀၀ဝိ/-)ဖြစ်၍ (၅၀ဝိ/-)ဈေးမြင့်၊ ဘိုကိတ်ပြာ ယခင်အပတ်(၃၀၀၀ဝိ/-) ယခုအပတ် (၃၁၀၀ဝိ/-) ဖြစ်၍ (၁၀၀ဝိ/-)ဈေးမြင့်၊ မြေပဲလုံးဆံဖြူ ယခင်အပတ် (၄၃၀ဝိ/-)ကျပ် ယခုအပတ် (၄၄၀ဝိ/-) ကျပ်ဖြစ်၍ (၁၀ဝိ/-)ကျပ် ဈေးမြင့်၊ မြေပဲလုံးဆံနီမှာ ယခင်အပတ် (၄၁၀ဝိ/-) ယခုအပတ် (၄၄၀ဝိ/-)ဖြစ်၍ (၃၀ဝိ/-)အသီးသီးဈေးမြင့်ပြီး အရောင်းအဝယ်ပမာဏအနေဖြင့် နှမ်းနက်(စမုံ)(၃၅၀)အိတ်၊ နှမ်းပြာ (၁၀၀)အိတ်၊ နှမ်းဖြူ(၇၀)အိတ်၊ နှမ်းနီ(၁၀၀)အိတ်၊ ပဲစဉ်းငုံ(နီ) (၄၈၀)အိတ်၊ မတ်ပဲ(၂၈၀)အိတ်၊ ကုလားပဲ(HL)(၅၅၀)အိတ်၊ ကုလားပဲ(မြကြေး)(၃၈၀)အိတ်၊ ဘိုကိတ်ပြာ(၂၂၀)အိတ်၊ ပဲကြီး(၇၀၀)အိတ်၊ မြေပဲလုံးဆံဖြူ(၄၂၀)အိတ်၊ မြေပဲလုံးဆံနီ (၂၃၀)အိတ်တို့ အရောင်းအဝယ်ဖြစ်ခဲ့ကြောင်း သိရှိရပါသည်။

       ဝါဈေးကွက်အနေဖြင့် ယခင်အပတ် (၁)ပိဿာလျှင် (၂၃၀ဝိ/-)ဈေးနှုန်းအတိုင်း ပြောင်းလဲမှုမရှိပဲ ပိဿာချိန် (၁၈၀၀ဝ)ခန့် အရောင်းအဝယ်ရှိခဲ့ကြောင်း ကုန်သည်ထံမှ သိရှိခဲ့ရပါသည်။

DOCA(မကွေး)

        ယနေ့ခေတ်တွင် စက်သုံးဆီသည် မရှိမဖြစ်ကုန်စည်အမယ်တစ်ခုဖြစ်လာပြီး နေ့စဉ်လူနေမှုဘဝတွင် တွင်တွင်ကျယ်ကျယ်အသုံးပြုလျှက်ရှိသည်။ စားသောက်ကုန်ပစ္စည်းစျေးနှုန်းများသာမက ကျန်ကုန်စည်များ၏စျေးနှုန်းများသည်လည်း  စက်သုံးဆီစျေးနှုန်းအတက်အကျပေါ်တွင် မူတည်လျှက်ရှိပါသည်။ စက်သုံးဆီရည်ညွှန်းဈေးနှုန်းများဖြင့် ပြည်သူများအဆင်ပြေစွာဝယ်ယူရရှိနိုင်ရေး စက်သုံးဆီပြတ်လပ်မှုမရှိစေရေးအတွက် စားသုံးသူရေးရာဦးစီးဌာနနှင့် ရေနံထွက်ပစ္စည်းကြီးကြပ်စစ်ဆေးရေးဦးစီးဌာနတို့ပေါင်းစပ်ညှိနှိုင်း၍ မကွေးတိုင်းဒေသကြီးတွင် နေ့စဉ်စက်သုံးဆီဆိုင်များ ဖွင့်လှစ်ရောင်းချမှုအခြေအနေများကို ကြီးကြပ်ဆောင်ရွက်လျက်ရှိကြောင်း သိရှိရပါသည်။

    မကွေးမြို့နယ်တွင် စက်သုံးဆီဆိုင်(၂၃)ဆိုင်ရှိပြီး မကွေးစျေးကွက်တွင် ဓါတ်ဆီရော၊ ဒီဇယ်ပါ ပြတ်လပ်မှုမရှိဘဲ ပုံမှန်အရောင်းအဝယ်ရှိနေကြောင်း၊ (၁၆.၆.၂၀၂၂)ရက်နေ့ Denko ပုဂ္ဂလိကစက်သုံးဆီဆိုင်မှာ ရောင်းချနေသည့် (၁)လီတာဈေးနှုန်းမှာ အောက်တိန်း(95) (၁)လီတာလျှင် (၂၃၈၅/-)ကျပ်၊ အောက်တိန်း(92) (၁)လီတာလျှင် (၂၂၉၅/-) ကျပ်၊ ဒီဇယ်(၁)လီတာလျှင် (၂၆၅ဝိ/-) ကျပ်၊ အဆင့်မြင့် ဒီဇယ်(၁)လီတာလျှင် (၂၆၈ဝိ/-)ကျပ်ဖြစ်ကြောင်း သိရှိရပါသည်။

DOCA(မကွေး)

         ရှမ်းပြည်နယ်(တောင်ပိုင်း)ဈေးကွက်တွင်  ညောင်ရွှေမြို့အတွင်းရှိ မိုင်းသောက်၊ စံကား စတဲ့ဒေသများနှင့် အနီးတဝိုက်ရှိမြို့နယ်များမှထွက်ရှိသည့် မန်ကျည်းသီးနုများ ဈေးကွက်အတွင်းသို့ စတင်ဝင်ရောက်လျက်ရှိပါတယ်၊၊ မန်ကျည်းသီးနုများကို ဇွန်လတွင် စတင်ခူးဆွတ်ပြီး ဩဂုတ်လကုန် ပိုင်းခန့်ထိ အသီးနုများခူးဆွတ်ကာ စက်တင်ဘာလပိုင်းတွင် အသီးနုများခူးဆွတ်မှုကို လုံးဝရပ်နားတယ်လို့သိရပါတယ်၊၊ စက်တင်ဘာလနောက်ပိုင်းမှာတော့ မန်ကျည်းသီးများမှာ အကြောများထွက်လာသဖြင့် အသီးစတင်ရင့်မှည့်ခံကာ မန်ကျည်းသီးမှည့်အဖြစ် အခွံခွာအစေ့ထုတ်ပြီး မန်ကျည်းသီးမှည့်အဖြစ်ရောင်းချတယ်လို့ သိရပါတယ်၊၊ မန်ကျည်းသီးမှည့်များကိုတော့ ဖေဖော်ဝါရီလလောက်တွင် စတင်ခူးဆွတ်ပြီး မတ်လကုန်ပိုင်းတွင် အပြီးအပြတ်ခူးဆွတ်တယ်လို့လဲ သိရပါတယ်၊၊ မန်ကျည်းသီးနုများကိုခူးဆွတ်ချိန်တွင် အသီးကိုညာပြီးခူးဆွတ်ရလို့ အသီးစပေါ်ချိန်တွင် တစ်ရက်လျှင် ပိဿာ(၁၀၀/၂၀၀) ခန့်သာအဝင်ရှိပြီး အသီးလှိုင်ချိန်မှာတော့ ပိဿာ(၇၀၀ မှ ၁၀၀၀ ကြား) အဝင်ရှိတယ်လို့ သိရပါတယ်၊၊ မန်ကျည်းသီးနုများကို အဓိကရန်ကုန်ဈေးကွက်သို့ တင်ပို့ရောင်းချလျက်ရှိပြီး ဈေးနှုန်းကတော့ အသီးလှရင်လှသလို တစ်ပိဿာလျှင် လက်ကားဈေး(၅၀၀ဝိ/-မှ ၆၅၀ဝိ/-)ထိ ဈေးနှင့်  လက်လီဈေးကတော့ တစ်ပိဿာ(၁၀၀၀ဝိ/-)ဈေးရှိပါတယ်၊၊ မန်ကျည်းသီးအမှည့်ကတော့ တစ်ပိဿာကို (၅၀၀ဝိ/-၆၀၀ဝိ/-)ဈေးရှိတယ်လို့ သိရှိရပါတယ်။

DOCA(ရှမ်း)