ပြည်တွင်းကုန်သွယ်မှုသတင်း

     ရွှေဘိုမြို့ပေါ်ရှိ အောင်ဇေယျဈေးတွင် ဆိုင်ခန်းပေါင်း (၁၀၀) ကျော်နှင့် ပျံကျဈေးသည်များအပြင် မိုးကုတ်မြို့သို့ တင်ပို့ရောင်းချသည့် သီးနှံလက်ကားဒိုင်များဖြင့် နေ့စဉ် နံနက် (၆း၀၀) နာရီမှ နေ့လယ် (၂း၀၀) နာရီအထိ ပိတ်ရက်မရှိ ရောင်းဝယ်ဖောက်ကားလျက်ရှိပါသည်။

     ၂၀၂၃ခုနှစ် မတ်လ ပထမပတ်တွင် မန္တလေးမြို့မှ မှာယူရောင်းချသည့် မရမ်းသီးများ  နေ့စဉ်ဝင်ရောက်လျက်ရှိပြီး တစ်ပိဿာလျှင် (၁၄၀၀၀ - ၁၆၀၀၀) ကျပ်ဈေးနှုန်းတို့ဖြင့် အရောင်းအဝယ်သွက်နေပြီး ဝင်ရောက်လာသော မရမ်းသီးများကို ဈေးအတွင်းရှိ လက်လီ ပျံကျဈေးသည်များကို ဖောက်သည်ပေးသည့်အပြင် ဆိုင်ကယ်ဖြင့် မြို့တွင်းလှည့်လည်ရောင်းချသော ဈေးသည်များ၊ ရွှေဘိုမြို့ပေါ်ရှိ ထမင်းဆိုင်များနှင့် နေ့စဉ်စားသုံးသူများသို့ လက်လီ/လက္ကားရောင်းချလျက်ရှိပါကြောင်း  အောင်ဇေယျဈေးအတွင်းရှိ သီးနှံစုံလက်ကားဒိုင်များထံမှ သတင်းရရှိပါသည်။

DOCA(စစ်ကိုင်း)

    ၂၀၂၃ ခုနှစ် မတ်လ ပထမပတ်အတွင်း မုံရွာမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်း ဆန်တစ်ပြည် (၃၆၀၀)ကျပ်၊ ဧရာမင်း ဆန်တစ်ပြည်အဟောင်း (၃၄၀၀) ကျပ်နှင့် ဧရာမင်း ဆန်တစ်ပြည်အသစ်(၃၂၀၀)ကျပ်ဖြင့် အရောင်းအဝယ် ဖြစ်လျက်ရှိပါသည်။ စားအုန်းဆီ တစ်ပိဿာလျှင်(၇၆၀၀)ကျပ်၊ မြေပဲဆီ တစ်ပိဿာလျှင်(၁၂၀၀၀) ကျပ်၊ နှမ်းဆီ တစ်ပိဿာလျှင် (၁၁၀၀၀) ကျပ်တို့ဖြင့် အရောင်းအဝယ်ဖြစ် လျက်ရှိပါသည်။ ကြက်သွန်နီ လက်လီ တစ်ပိဿာလျှင် (၁၈၀၀)ကျပ်မှ (၂၀၀၀) ကျပ်ထိ၊ ကြက်သွန်ဖြူလက်လီ (ဗမာ) တစ်ပိဿာ လျှင် (၇၀၀၀)ကျပ်မှ (၈၀၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၅၀၀၀)ကျပ်မှ (၅၅၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၅၀၀၀)ကျပ်မှ(၅၅၀၀)ကျပ်ထိ၊ ဂျင်းတက် တစ်ပိဿာ လျှင် (၁၄၀၀)ကျပ်မှ (၁၅၀၀)ကျပ်ထိ၊ ငရုတ်ခြောက်အမျိုးအစားအလိုက်  (၁၈၀၀၀)  ကျပ် မှ (၁၉၀၀၀)ကျပ်ထိ၊ အာလူးတစ်ပိဿာလျှင် (၂၅၀၀)ကျပ်မှ (၂၆၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၁၀၀၀)ကျပ်မှ (၁၂၀၀)ကျပ်တို့ ဖြင့် အရောင်းအဝယ်ဖြစ်လျက်ရှိပါသည်။

      ကြက်ဥလက်လီဈေးနှုန်းအနေဖြင့်  တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၅၀)ကျပ်၊ သေးတစ်လုံး(၃၀၀)ကျပ်ရှိပါသည်။ သား/ ငါးဈေးနှုန်းမှာ ကြက်သား (CP) တစ်ပိဿာ( ၁၀၀၀၀)ကျပ်မှ  (၁၁၀၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာ(၁၇၀၀၀)ကျပ်မှ (၁၈၀၀၀) ကျပ်ထိ၊ အမဲသားတစ်ပိဿာ (၁၆၀၀၀) ကျပ်မှ (၁၇၀၀၀)ကျပ်ထိ၊ ငါးမြစ်ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင် (၈၀၀၀) ကျပ် တို့ဖြင့်အရောင်းအဝယ်ဖြစ်နေကြောင်း သိရပါသည်။

    မတ်လ ပထမပတ်အတွင်း အခြေခံစားကုန်ဈေးနှုန်းများနှင့် ယခင်အပတ်ဈေးနှုန်းများနှိုင်းယှဉ်လျှင် စားအုန်းဆီတစ်ပိဿာဈေးနှုန်းမှာ (၁၀၀)ကျပ် ဈေးနှုန်းတက်လျက်ရှိကြောင်း၊ ခရမ်းချဉ်သီးတစ်ပိဿာဈေးနှုန်းမှာ (၃၀၀)ကျပ် ဈေးကျလျက်ရှိကြောင်း၊ ကျန်အခြေခံစားကုန်များ ဈေးနှုန်းများကွာဟမှုမရှိကြောင်း မုံရွာမြို့ရှိဈေးရောင်းချသူများထံမှ သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ရွှေဘိုခရိုင်အနေဖြင့် ၂၀၂၁/၂၀၂၂ခုနှစ်တွင် မိုးစပါး (၆၇၀၁၃၃) ဧကစိုက်ပျိုးခဲ့ပြီး စပါးမျိုးကွဲအလိုက် စိုက်ပျိုးမှုအနေဖြင့် ရွှေသွယ်ရင် (၅၈၇၇၇) ဧက၊ ဆင်းသုခ (၁၈၇) ဧက၊ IR-747 (၁၉၆၉၉) ဧက၊ မနောသုခ (၂၅၃၇) ဧက၊ ဧရာမင်း (၂၀၇၃၄၃) ဧက၊ မနော်ဟရီ (၂၆၈၀၅) ဧကနှင့် ရွှေဘိုပေါ်ဆန်း (၃၅၄၇၈၅) ဧကစိုက်ပျိုးခဲ့ရာ ရွှေဘိုပေါ်ဆန်းစပါးအနေဖြင့် တစ်ခရိုင်လုံးစိုက်ဧက၏ (၅၂)% ကျော်စိုက်ပျိုးခဲ့ပြီး တစ်ဧကလျှင် (၈၃) တင်းကျော်ထွက်ရှိသဖြင့် (၂၉၅၈၇၈၆၇) တင်းထွက်ရှိကြောင်း သက်ဆိုင်ရာဌာန၏ စာရင်းများအရသိရှိရပါသည်။

    ၂၀၂၁/၂၀၂၂ခုနှစ်ထွက် မိုးစပါး ရွှေဘိုပေါ်ဆန်း (အဟောင်း) စပါးနှင့်ဆန်ဈေးနှုန်းသည် ၂၀၂၁ခုနှစ် ဒီဇင်ဘာလ စပါးစတင်ပေါ်ချိန်၌ စပါးတင်း (၁၀၀) လျှင် (၁၅၅၀၀၀ဝိ/-) ကျပ်နှင့် (၂၄) ပြည်ပါဆန်တစ်အိတ်လျှင် (၅၃၀၀ဝိ/-)ကျပ်တို့ဖြင့် စတင်ဈေးဖွင့်ခဲ့ပြီး အပတ်စဉ်၊ လစဉ် စပါးနှင့် ဆန်ဈေးနှုန်းများမြင့်တက်ခဲ့ရာ  ၂၀၂၃ခုနှစ် ဇန်နဝါရီလဝက်၌ ရွှေဘိုပေါ်ဆန်းစပါးတင်း (၁၀၀) လျှင် (၂၆၀၀၀၀ဝိ/-) ကျပ်နှင့် (၂၄) ပြည်ပါ ဆန်တစ်အိတ်လျှင် (၉၀၀၀ဝိ/-)ကျပ်ဈေးနှုန်းရှိခဲ့ပါသည်။ ဇန်နဝါရီလဝက်ခန့်မှစတင်၍ တောင်သူများနှင့် လှောင်လက်များလက်ဝယ်တွင် စပါးလက်ကျန်မရှိတော့သဖြင့် စပါးဈေးနှုန်းမှာ ဈေးမရှိတော့ဘဲ ဆန်စက်များနှင့် ပွဲရုံများတွင် ဆန်လက်ကျန်အနည်းငယ်မျှသာရှိနေပြီး မတ်လဆန်း၌ (၂၄) ပြည်ပါ ဆန်တစ်အိတ်လျှင် (၁၁၀၀၀ဝိ/-)ကျပ်ဖြင့် အရောင်းအဝယ်ဖြစ်လျက်ရှိကြောင်း ဆန်စက်လုပ်ငန်းရှင်များနှင့် ဆက်သွယ်မေးမြန်းမှုအရ သတင်းရရှိပါသည်။

      ယခုနှစ်၌ ရွှေဘိုပေါ်ဆန်းစပါး (အဟောင်း) သည် ဇန်နဝါရီလဝက်ခန့်တွင် စပါးတင်း (၁၀၀) လျှင် (၂၆၀၀၀၀ဝိ/-) ကျပ်နှုန်းနှင့် (၂၄)ပြည်ပါ ဆန်တစ်အိတ်လျှင် (၉၀၀၀ဝိ/-)ကျပ်နှုန်းဖြင့် အပိတ်ဈေးရှိခဲ့ပြီး ယခင်နှစ်တွင် ဖေဖော်ဝါရီလကုန်မှသာ လက်ကျန်မရှိ၍ ဈေးပိတ်ခဲ့ကြောင်း၊ ယခင်နှစ်နှင့် ယခုနှစ် ရွှေဘိုပေါ်ဆန်းစပါး/ဆန် (အဟောင်း) အပိတ်ဈေးနှုန်းတို့ကိုနှိုင်းယှဉ်ပါက ယခင်နှစ်တွင် စပါးတင်း (၁၀၀) လျှင် (၁၇၀၀၀၀ဝိ/-) ကျပ်နှင့် (၂၄) ပြည်ပါ ဆန်တစ်အိတ်လျှင် (၆၃၀၀ဝိ/-)ကျပ်အပိတ်ဈေးနှုန်းရှိခဲ့သဖြင့် ယခုနှစ်တွင် ယခင်နှစ်ထက် စပါးတင်း (၁၀၀) လျှင် (၉၀၀၀၀ဝိ/-) ကျပ်နှင့် (၂၄) ပြည်ပါ ဆန်တစ်အိတ်လျှင် (၂၇၀၀ဝိ/-)ကျပ် ဈေးနှုန်းမြင့်တက်ခဲ့ကြောင်း သတင်းရရှိပါသည်။

DOCA(စစ်ကိုင်း)

     မြန်မာနိုင်ငံ စက်သုံးဆီတင်သွင်း/သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်း လက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

   ‌ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၃ခုနှစ် ဖေဖော်ဝါရီလ နောက်ဆုံးပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၁၆၅)ကျပ်၊ ဓါတ်ဆီ(95)တစ်လီတာလလျှင် (၂၂၄၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၂၆၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၃၂၀)ကျပ်ဖြင့် ရောင်းချလျက်ရှိကြောင်း သိရသည်။

   ယခု မတ်လပထမပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၂၆၀)ကျပ်၊ ဓါတ်ဆီ ( 95 ) တစ်လီတာလျှင် (၂၃၃၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၃၄၀)ကျပ်၊ ဒီဇယ်(ပရီမီယမ်) တစ်လီတာလျှင် (၂၄၂၀)ကျပ်ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၉၅)ကျပ်၊ ဓါတ်ဆီ(95) တစ်လီတာလျှင် (၈၅)ကျပ် ၊ ဒီဇယ်(ရိုးရိုး) တစ်လီတာလျှင် (၇၅)ကျပ်၊ ဒီဇယ်(ပရီမီယမ်) တစ်လီတာလျှင် (၁၀၀)ကျပ်ဖြင့် ဈေးနှုန်းအသီးသီး အနည်းငယ်မြှင့်တက်လျက်ရှိကြောင်း စက်သုံးဆီဆိုင်များမှ သတင်းရရှိသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကို ဆောင်ရွက်လျက်ရှိပြီး ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကိုလည်း အပတ်စဉ်၊ လစဉ် တင်ပြလျက်ရှိပါသည်။ မတ်လ ပထမပတ်အတွင်း ရွှေဘိုမြို့ ပဲ၊ နှမ်းကုန်စည်ဒိုင်၏ အရောင်းအဝယ်ဖြစ်သည့် သီးနှံများကို တာဝန်ရှိသူများနှင့် ဆက်သွယ်မေးမြန်းမှုအရ သိရှိရပါသည်။

     ရွှေဘိုခရိုင်အတွင်းရှိ မြို့နယ်များတွင် စိုက်ပျိုးထားသော ကုလားပဲများမှာ ဖေဖော်ဝါရီလ တတိယပတ်အတွင်းမှစတင်၍ ရွှေဘိုဈေးကွက်သို့ ဝင်ရောက်လာပြီး မတ်လပထမပတ်အထိ အရောင်းအဝယ်ဖြစ်လျက်ရှိကြောင်း၊ ရွှေဘိုဈေးကွက်သို့ မူးမြစ်ဝှမ်းဒေသများဖြစ်သည့် ဝက်လက်မြို့နယ် နှင့်ရွှေဘိုမြို့နယ်အနောက်ဘက်ခြမ်းရှိ ကျေးရွာများမှ အများဆုံးဝင်ရောက်လျက်ရှိပြီး  မတ်လပထမပတ်အတွင်း အရောင်းအဝယ်ဖြစ်သည့်ဈေးနှုန်းမှာ တစ်တင်းလျှင်(၆၂၃၀ဝိ/-)ကျပ်ဖြစ်၍ အရောင်းအဝယ်ဖြစ်မှုမှာ (၂၂၅)တင်း/(၇)တန်ဖြစ်ကြောင်း၊ ကုလာပဲသီးနှံအနေဖြင့် ယခင်နှစ်ကာလတူတွင် အရောင်းအဝယ်ဖြစ်ခြင်း မရှိဘဲ ယခင်အပတ်နှင့်ယခုအပတ် အရောင်းအဝယ်ဖြစ်သည့် ဈေးနှုန်းနှိုင်းယှဉ်ပါက ယခင်အပတ်၌ ကုလားပဲ တစ်တင်းလျှင် (၆၂၃၀ဝိ/-)ကျပ်ဖြင့် အရောင်းအဝယ်ဖြစ်ခဲ့သဖြင့် ယခင်အပတ်နှင့်ယခုအပတ် အရောင်းအဝယ်ဖြစ်သည့် ဈေးနှုန်းတူညီကြောင်း၊ ယခုအချိန်တွင် ကုန်သည်အများစုအနေဖြင့် ဝယ်ယူရရှိသည့် ကုလားပဲများကို ဝယ်ယူသည့်ဈေးနှုန်းနှင့် တွက်ခြေကိုက်ပါက မန္တလေးဈေးကွက်နှင့် မုံရွာဈေးကွက်သို့ ပြန်လည်ရောင်းချကြကြောင်းနှင့် ယခုအပတ်တွင် သိုလှောင်မှုနည်းပါးပြီး ရောက်သည်နှင့်ရောင်းချမှု အများဆုံးပြုလုပ်ကြပါကြောင်း သတင်းရရှိပါသည်။

DOCA(စစ်ကိုင်း)