ပြည်တွင်းကုန်သွယ်မှုသတင်း

         မြန်မာနိုင်ငံအထက်ပိုင်း၊ အထက်အညာဒေသများသည် ပူပြင်းခြောက်သွေ့သဖြင့် ဒေသခံအများစုမှာ ရာသီဥတုနှင့်လိုက်ဖက်ညီစွာ မြန်မာ့ချည်ထည်များကို အများဆုံးဝတ်ဆင်လေ့ရှိကြပါသည်။ မြန်မာ့ချည်ထည်များသည် ခန္ဓာကိုယ်နှင့်အင်္ကျီကြားမှာ ဖြစ်ပေါ်တတ်တဲ့စိုထိုင်းမှုများကို ဖယ်ရှားပေးသည့်အတွက် ချွေးအအေးပတ်ခြင်းကိုမဖြစ်ပေါ်စေကြောင်း၊ မတူညီတဲ့ရာသီဥတု အခြေအနေအလိုက် နွေ၊ မိုး၊ ဆောင်း ရာသီမရွေးဝတ်ဆင်နိုင်ကြောင်းနှင့် နွေရာသီမှာ အသင့်လျော်ဆုံးဖြစ်ပြီး အေးသည့်အချိန်အခါများမှာလည်း လေအေးများခန္ဓာကိုယ်ကိုမထိအောင်ကာကွယ်ပေးနိုင်ကြောင်း၊ ထို့အပြင် မြန်မာချည်ထည်များသည် ခန္ဓာကိုယ်အရေပြားနှင့် ဓာတ်မတည့် ခြင်းဖြစ်ပေါ်နိုင်မှုမှာ အလွန်နည်းပါးသည့်အတွက် အရေပြားအထူးကုဆရာဝန်များသည် ဓာတ်မတည့်ဖြစ်လေ့ရှိသော အရေပြားပိုင်ရှင်များအား မြန်မာချည်ထည်များကို ဝတ်ဆင်ဖို့အကြံပြုလေ့ရှိကြောင်း ဖတ်ရှုမှတ်သားဖူးပါသည်။ မြင်းခြံဒေသထွက်မြန်မာချည်ထည်များကိုတောင်သာမြို့နယ်၊ နန်းမြင့်ကျေးရွာတွင် အများဆုံးယက်လုပ်ကြပြီး ဒေသအခေါ် နဖျင်းထည်ဟုခေါ်ဆိုကြလေ့ရှိသဖြင့်ခရီးသွားပြည်သူများအနေဖြင့် နဖျင်းထည်ဟုသိရှိမှုများကြပါသည်။ အညာဒေသထွက် မြန်မာချည်ထည်အဝတ်အထည်များသည် ရောင်းပန်းဝယ်ပန်းလှပြီး အနယ်နယ်အရပ်ရပ်မှ လာရောက်ကြသည့်ခရီးသွားများမှာ ဒေသထွက်ချည်ထည်များကို မိသားစုဆွေမျိုးသားချင်းအတွက်သော်လည်းကောင်း၊ မိတ်ဆွေအပေါင်းအသင်းများကို အညာဒေသပြန် လက်ဆောင်အဖြစ်ပေးရန်အတွက်သော်လည်းကောင်း၊ ပြန်လည်ရောင်းချရန်အတွက်သော်လည်းကောင်းဝယ်ယူလေ့ရှိကြပြီး၊ လက်ဆောင်ရရှိသူများအနေဖြင့်လည်းအညာဒေသချည်ထည်များကို နှစ်သက်မြတ်နိုးစွာတန်ဖိုးထားဝတ်ဆင်လေ့ရှိကြပါသည်။ ထို့အပြင်ချည်ထည်ဖြင့်ယက်လုပ်ထားသော လက်သုတ်ပဝါများသည် ဆွေးမြေ့မလွယ်ပဲခိုင်ခန့်မှုရှိ၍ ယခုအခါမှာ တစ်သျှူးဈေးနှုန်းသည် မြင့်မားလာသည့်အတွက် တစ်သျှူးအစား ပြန်လည်သန့်ဇင်လျှော်ဖွတ်နိုင်သည့် ချည်ထည်လက်သုတ်ပဝါများကို သုံးစွဲခြင်းဖြင့် ပြည်တွင်းဖြစ်ကိုလည်းအားပေးရာရောက်ပါသည်။ ယခုနောက်ပိုင်းတွင် သုံးစွဲမှုများပြားလာပြီး SUPER MARKET တွေမှာလည်း ဈေးကွက်ဝင်လာကြောင်းသိရှိရပါသည်။

           မြင်းခြံဈေးကွက်တွင်လက်ရှိဖြစ်ပေါ်နေသော မြန်မာချည်ထည်ဈေးနှုန်းများအနေဖြင့် (၁၀) ကိုက် တစ်အုပ်ဈေးမှာ (၁၈၀၀၀)ကျပ်မှ (၂၀၀၀၀)ကျပ်ထိ ရှိကြောင်းသိရှိရပါသည်။ အင်္ကျီဈေးများအနေဖြင့် သင်္ဘောသား ကျား/မ ဝတ် S-size တိုရှည်မှာ(၅၅၀၀၊ ၆၀၀၀)ကျပ်၊ M-size တိုရှည်မှာ (၆၅၀၀၊ ၇၀၀၀)ကျပ်၊ L-size တိုရှည်မှာ (၇၅၀၀၊ ၈၀၀၀)ကျပ်၊ ဂါဝန်(M-size) မှာ (၄၁၀၀၊ ၄၅၀၀)ကျပ်၊ L-size မှာ(၄၃၀၀၊ ၄၈၀၀)ကျပ်၊ ကလေးဝတ်စုံကျားမ Zero-size မှာ(၂၀၀၀၊ ၂၃၀၀)ကျပ်၊ SS-size မှာ (၂၆၀၀၊ ၂၉၀၀)ကျပ်၊ S-size မှာ(၂၉၀၀၊ ၃၁၀၀)ကျပ်၊ M-size မှာ(၃၄၀၀၊ ၃၇၀၀)ကျပ်၊ L-size မှာ(၄၀၀၀၊ ၄၃၀၀)ကျပ်၊ ကလေးဂါဝန် S -size မှာ(၂၀၀၀)ကျပ်၊ S size မှာ(၂၅၀၀)ကျပ်၊ M- size မှာ (၂၈၀၀)ကျပ်၊ L-size မှာ (၃၂၀၀)ကျပ်၊ ဘောင်ဘီတစ် ထည်ချင်းဈေးမှာ S-size မှာ(၃၂၀၀)ကျပ်၊ M -size မှာ (၃၄၀၀)ကျပ်၊ L-size မှာ(၃၆၀၀)ကျပ်၊ မျက်နှာသုတ်ပဝါ တစ်ထည်ဈေးနှုန်းမှာ (၂၀၀၀)ကျပ်၊ လက်သုတ်ပဝါ(၁၀)ထည်ဈေးနှုန်းမှာ (၅၀၀၀)ကျပ်၊ အမျိုးသားဝတ်ချည်ချောလုံချည်တစ်ကွင်းဈေးနှုန်းမှာ(၅၅၀၀၊ ၆၀၀၀)ကျပ်၊ (၁၀) ကွင်းဈေးနှုန်းမှာ(၄၆၀၀)ကျပ်၊ ရာချီဈေးနှုန်းမှာ (၄၃၅၀)ကျပ် များရှိကြောင်း သိရှိရပါသည်။

           မြင်းခြံခရိုင်အတွင်း မြန်မာချည်ထည်များယက်လုပ်မှုအနေဖြင့် မြင်းခြံမြို့နယ်၊ နွားထိုးကြီးမြို့နယ်၊ တောင်သာမြို့နယ်၊ နန်းမြင့်ကျေးရွာနှင့် မိထ္ထီလာခရိုင်၊ ဝမ်းတွင်းမြို့နယ်ရှိ ရွာတန်းရှည်ကျေးရွာမှလည်း လက်ယက်ကန်း၊ စက်ယက်ကန်းများဖြင့် မြန်မာချည်ထည်များ ယက်လုပ်ကြကြောင်း သိရှိရပြီး မြင်းခြံမြို့ပေါ်ရှိရပ်ကွက်များအတွင်း တစ်နိုင်တစ်ပိုင် စက်ချုပ်လုပ်ငန်းများလုပ်ကိုင်ကြကြောင်းနှင့် အိမ်ယူ၍လည်း လက်ခစားဖြင့် ချုပ်လုပ်ပေးကြောင်း သိရှိရပါသည်။ စက်ယက်ကန်း၊ လက်ယက်ကန်းများဖြင့် ဒေသထွက်ချည်ထည်များ၊ ချုပ်လုပ်နေ ရသဖြင့် ဒေသခံပြည်သူများ အလုပ်အကိုင်များရရှိ၍ အဆင်ပြေလျက်ရှိပါသည်။ ဒေသတစ်ခုအနေဖြင့် ဒေသထွက်ကုန်များလူသိများပြီး အသိအမှတ်ပြုလာပါက ဒေသခံပြည်သူများနှင့်ဒေသအတွက်လည်း အကျိုးများစွာဖြစ်ထွန်းစေပါသည်။ မြင်းခြံ၊ မိတ္ထီလာ၊ ဝမ်းတွင်းထွက်(Organic) ချည်ထည်များကို ဂျပန်နိုင်ငံသို့လည်းတင်ပို့ရောင်းချလျက်ရှိကြောင်း သိရှိရပါသည်။ ချုပ်ခဈေးနှုန်းများမှာ ကိုက်ပြီး အထည်အား တွဲခ/ချုပ်ခ ဘောင်းဘီတစ်ထည်လျှင်(၇၀၊ ၇၅)ကျပ်၊ သင်္ဘောသားတစ်ထည်ချုပ်ခ (၂၅၀)ကျပ်၊ ဂါဝန်တစ်ထည်ချုပ်ခ(၃၀၀)ကျပ် ကျသင့်ပြီး တစ်ဦးလျှင် တစ်ရက်ကိုစွဲမြဲစွာ ချုပ်လုပ်ပါက အထည်(၅၀)ခန့်ချုပ်လုပ်နိုင်ကြောင်းနှင့် မြန်မာချည်ထည်များကို ရန်ကုန်၊ မန္တလေးမြို့ကြီးများအပါအဝင် မြို့နယ်ပေါင်း (၁၀၀)ကျော်ကို ဖြန့်ဖြူးရောင်းချလျက်ရှိပြီး မြင်းခြံမြို့တွင် ဒေသထွက်နဖျင်းထည်များကို အရောင်အသွေးစုံ၊ ဆိုဒ်စုံ၊ ဒီဇိုင်းစုံစွာနှင့် တိုင်းရင်းသားရိုးရာဝတ်စုံများကိုလည်း ဈေးနှုန်းချိုသာစွာဖြင့် လက်လီလက်ကားဝယ်ယူနိုင်ပါကြောင်း သိရှိရပါသည်။

DOCA(မန္တလေး)

      ငရုတ်သီးသည် အိမ်ရှင်မများဟင်းချက်ရာတွင် မပါမဖြစ်အသုံးပြုရသော စားဖိုဆောင်သီးနှံဖြစ်ပါသည်။ ဗီတာမင်စီကြွယ်ဝပြီး၊ ဗီတာမင် (အေ၊ ဘီ၊ အီး)၊ ကယ်လ်စီယမ်နှင့် ဓာတ်တိုးဆန့်ကျင်ပစ္စည်းများပါဝင်သော ာအသီးလည်းဖြစ်ပါသည်။ ကြိုက်နှစ်သက်သူများအနေဖြင့် အသုပ်များကို သုပ်စားသည့်အခါတိုင်းတွင် ငရုတ်သီးစိမ်းနှင့်တွဲစားတတ်ကြပြီး မကြိုက်သူများမှာ အစပ်ကိုကြောက်သောကြောင့် သေချာရွေးဖယ်၍ စားတတ်ကြပါသည်။ “တန်ဆေး လွန်ဘေး”ဆိုသကဲ့သို့ ချင့်ချိန်စားသုံးနိုင်မည်ဆိုပါက လူတို့အတွက် ကျန်းမာရေးနှင့်သင့်လျော်သည့် သီးနှံဖြစ်ပါသည်။

      ဟင်္သာတခရိုင်၌ ငရုတ်သီးနှံကို ရှေးဘိုးစဉ်ဘောင်ဆက်တည်းက မိမိတို့အိမ်၌သာ စားသုံးဖို့စိုက်ပျိုးလာခဲ့ရာမှ ယခုအခါ ဒေသတွင်းရောင်းချရန်နှင့် ပြည်ပတင်ပို့ရန်အတွက်ပါ စိုက်ပျိုးလာကြပါသည်။ ဟင်္သာတခရိုင်၊ ဟင်္သာတမြို့နယ်ရှိ မြေနုကျွန်းများသည် ကျောက်ရဲ၊သဲရိုး၊ ဘိုးလင်းကျွန်း၊ ပဲကြီးကျွန်း၊ သက္ကယ်ပြင်၊ အေးရွာ၊ ကြွက်ကျွန်း၊ နန်းတော်ကျွန်း၊ သာယာစု၊ သူဌေးကုန်း၊ လက်ပံလှ၊ သဲတော စသည့်ဒေသများတွင် အများဆုံးစိုက်ပျိုးကြပါသည်။ မြန်အောင်ခရိုင်၊ အင်္ဂပူမြို့နယ်ရှိ ညောင်ကျိုးအုပ်စုထဲတွင်ပါဝင်သော ချင်းကုန်း၊ ညောင်ကုန်း၊ ကျောင်းကုန်း၊ ရဲဘော်ကျွန်း၊ စံပြ၊ ဘုရားကျွန်း၊ လက်ကြားကုန်းရွာများတွင် အများဆုံးစိုက်ပျိုးကြလေ့ရှိပါသည်။

   ဧရာဝတီတိုင်းဒေသကြီး၊ ငရုတ်စိုက်ပျိုးထုတ်လုပ်ရောင်းချသူများအသင်း၏ အတွင်းရေးမှူးဖြစ်ပြီး ဟင်္သာတမြို့နယ်၊ ငရုတ်စိုက်ပျိုးထုတ်လုပ်သူများအသင်း၏ အတွင်းရေးမှူးလည်းဖြစ်သည့် ဦးကိုကိုအား (၂၈-၂-၂၀၂၃) နေ့တွင် တွေ့ဆုံပြီး ငရုတ်စိုက်ပျိုးထုတ်လုပ်မှုနှင့်ပတ်သက်၍ တွေ့ဆုံဆွေးနွေးမေးမြန်းခဲ့ရာ ယခုနှစ်တွင် ဟင်္သာတခရိုင်နှင့် မြန်အောင်ခရိုင်တို့တွင် စုစုပေါင်း ဧက ၁၀၀၀၀ခန့်ရှိကြောင်း၊ ယခုနှစ်ထူးခြားချက်အနေဖြင့် ကိုင်းစိုက်တောင်သူများအားလုံးမှာ ငရုတ်စိုက်ကြကြောင်း၊ သို့သော် ယခင် ၃ဧကစိုက်သူက ၂ဧကသာစိုက်ပျိုးကြောင်း၊ ယခင် ၁ဧကစိုက်သူက ယခုတွင် ဧကတစ်ဝက်သာလျှင် ပဲစိုက်ပါကြောင်းနှင့် ဈေးကောင်းသည့်ပဲတီစိမ်း(အနီ)နှင့် ပဲယင်းအနီများကို စိုက်ပျိုုးလာကြ၍ ငရုတ်စိုက်ဧကနည်းသွားပါကြောင်း ပြောကြားချက်အရ သိရှိရပါသည်။

     ဟင်္သာတနှင့် အင်္ဂပူဒေသများ၌ ငရုတ်သီးကို စိုက်ပျိုးချိန်သည် မြေနုကျွန်းများတွင် မြစ်ရေကျချိန်ဖြစ်၍ စက်တင်ဘာလ၌ စတင်စိုက်ပျိုးပြီး နိုဝင်ဘာကုန်၌ စတင်ပေါ်ပါကြောင်း၊ မြေနုကျွန်းအား ရေပြန်မမြုပ်မချင်း အမြဲမပြတ်ခူးနိုင်ပါကြောင်း၊ စိုက်ပျိုးသည့်အမျိုးအစားမှာ သီးသည့်အခါတွင် အညှာမှစတင်၍ မိုးပေါ်သို့ထောင်သီးသော မိုးထောင်မျိုးနှင့် အညှာမှစတင်၍ အောက်သို့တွဲလဲသီးသည့် အောက်ဆွဲမျိုးများကို စိုက်ပျိုးကြပါကြောင်း၊ ယခင်က ဒေသမျိုးများကို စိုက်ပျိုးလာခဲ့ရာမှ ယခုအခါ Hybrid မျိုးများကိုပါ စိုက်ပျိုးလာကြပါကြောင်း၊ အောက်ဆွဲအမျိုးအစားတွင် မြှားနီပဒေသာ၊ သာမို ၁၅၊ အင်ဒီယမ်၊  စူပါရက် -၂ မျိုးများကို စိုက်ပျိုးပါကြောင်းနှင့် မိုးထောင်အမျိုးအစားတွင် 777၊ Sun Shine၊ Star Horse၊ 004၊ Spark မျိုးများကို စိုက်ပျိုးကြကြောင်း သိရှိရပါသည်။

       ထုတ်လုပ်ရောင်းချသူများအနေဖြင့် အောက်ဆွဲငရုတ်မျိုးကို ငရုတ်သီးခြောက်အဖြစ်သာ ထုတ်လုပ်ရောင်းချပြီး၊ မိုးထောင်ငရုတ်မျိုးကို  အစိမ်း၊ အမှည့်စို၊ ငရုတ်သီးခြောက်ဟူ၍ သုံးမျိုးထုတ်လုပ်ရောင်းချကြပါကြောင်း၊ မိုးထောင်စိုက်တောင်သူများသည် အစိမ်းဈေးကောင်းချိန်၌ အစိမ်းခူးရောင်းပြီး၊ အစိမ်းဈေးကျလာပါက အမှည့်စိုအဖြစ် ထုတ်လုပ်ရောင်းချကြပြီး၊ အမှည့်စိုဈေးကိုမကြိုက်ပါက အမှည့်ခြောက်အဖြစ် ထုတ်လုပ်ရောင်းချကြပါကြောင်း၊ ငရုတ်သည် စတင်စိုက်ပျိုးပြီး ရက်(၉၀) ခန့်တွင် စတင်သီးပါကြောင်း၊ အစိမ်းကို စတင်သီးပြီး ရက် ၃၀ မှ ၄၅ ရက်အတွင်း ရက်ပတ်အလိုက် ခူးပြီးရောင်းချပါကြောင်း၊ အမှည့်စိုကို စတင်မှည့်ချိန်၏ ၄၅ ရက်သားတွင် ခူး၍ရောင်းချကြပါကြောင်းနှင့် အမှည့်ခြောက်ကိုမူ စတင်မှည့်ချိန်၏ ၄၅ ရက် သားမှစတင်ခူးပြီး နေလှန်း၍ အသီးခြောက်အဖြစ် ရောင်းချကြပါကြောင်း သိရှိရပါသည်။

      စိုက်ပျိုးထွက်ရှိမှုအနေဖြင့် အောက်ဆွဲငရုတ်တစ်ဧကလျှင် တစ်ရာသီ၌ အသီးခြောက်ပိဿာ ၇၀၀ မှ ၁၀၀၀ ကြား ထွက်ရှိပါကြောင်း၊ မိုးထောင်ငရုတ်မှာ အစိမ်းခူး၊ အမှည့်စိုနှင့် အသီးခြောက်တို့ကို ဈေးအးပေါ်လိုက်၍ ခူးဆွတ်ကြသည့်အတွက် အထွက်နှုန်းမှန်းချေပျမ်းမျှပိဿာမှာ ၇၀၀ မှ ၉၀၀ ကြားထွက်ရှိပါကြောင်း၊ ငရုတ်တစ်ဧကစိုက်ပျိုးရန်အတွက် မျိုးစေ့ ၅ ဂရမ် အထုပ် ၂၀ ခန့်ပျိုးရပြီး တစ်ထုပ်လျှင် ၁၂၀၀၀ ကျပ်ခန့်ရှိသည့်အတွက် မျိုးတန်ဖိုးမှာ ၂၄၀၀၀၀ ကျပ်ခန့်၊ မြေပြင်ရန်အတွက် ထယ် ၂ထပ် ၊ ဒါးကြမ်း ၁ထပ်ထွန်ပါက မြေပြင်ခမှာ တစ်ဧကလျှင် ၄၀၀၀၀၀ ကျပ်ခန့်၊ စိုက်ခအတွက်တစ်ဧကလျှင် လူ ၁၉ ယောက်ကို တစ်ယောက် ၆၀၀၀ ကျပ်နှုန်းဖြင့် ၁၁၄၀၀၀ ကျပ်ခန့်ရှိပါကြောင်း၊ ရေတင်ရန်အတွက် စက်တင်ဘာလ၊ အောက်တိုဘာလနှင့် နိုဝင်ဘာလများတွင် တစ်လလျှင် တစ်ကြိမ်၊ ဇန်နဝါရီလ၊ ဖေဖော်ဝါရီလ၊ မတ်လနှင့် ဧပြီလများတွင် တစ်လလျှင် သုံးကြိမ်ခန့်ရေတင်ရပါကြောင်း၊ တစ်ဧကအတွက် ဓာတ်ဆီဂါလံ ၅၀ ဖိုးမှာ ၅၀၀၀၀၀ ကျပ်ခန့်၊  တစ်ဧကလျှင် ကွန်းပေါင်းမြေဩဇာ ၂အိတ်နှင့် ပုလဲ ၃အိတ်ခန့် သုံးရပါကြောင်းနှင့် သွင်းအားစုအတွက် ၄၀၀၀၀၀ကျပ်ခန့်၊ ခူးခနှင့်ပိုးသတ်ဆေး၊ အပင်ရောဂါကာကွယ်ဆေးဖိုးများကိုထည့်တွက်ပါက ငရုတ်တစ်ဧကလျှင် ကုန်ကျစရိတ်မှာ ကျပ်သိန်းနှစ်ဆယ်ခန့်ကုန်ကျပါကြောင်း သိရှိရပါသည်။

      ယခု ငရုတ်သီးအခြောက်တစ်ပိဿာဈေးမှာ ပျမ်းမျှအားဖြင့် ၁သောင်းကျပ်ခန့်ရှိသည့်အတွက် တစ်ဧကအထွက်နှုန်းတွင် ငရုတ်သီးခြောက်ပိဿာ ၇၀၀ ခန့်ဖြင့်တွက်ပါက ငရုတ်တစ်ဧကလျှင် ကျပ်သိန်း ၇၀ခန့်ရရှိပြီး တစ်ဧကကုန်ကျစရိတ်မှ ကျပ်သိန်း၂၀ကို နုတ်ပါက ကျပ်သိန်း၅၀ခန့် အကျိုးအမြတ်ရရှိနိုင်မည်ဖြစ်ပါသည်။ သို့သော် စတင်စိုက်ပျိုးချိန် စက်တင်ဘာလမှ နောက်ဆုံးခူးဆွတ်ချိန် ဧပြီလကုန်အထိ ရှစ်လအတွင်း ပြုစုဂရုစိုက်ရသည့် သီးနှံဖြစ်သည့်အပြင် ပိုးကျခြင်း၊ ဈေးကျခြင်းတို့ဖြင့် တွေ့ကြုံရပါက တောင်သူတို့အရှုံးပေါ်ခဲ့သော နှစ်များလည်းရှိပါကြောင်း အတွင်းရေးမှူး ဦးကိုကိုက ပြောကြားပါသည်။

      အောက်ဆွဲငရုတ်မှာ ပြည်တွင်းသုံးစွဲမှုများပြားပြီး မိုးထောင်ငရုတ်မှာ ပြည်ပအဝယ်ရှိသောအမျိုးအစားဖြစ်ကာ  ထိုင်း၊ မလေးရှားနှင့် တရုတ်နိုင်ငံတို့သို့ တင်ပို့ရောင်းချရကြောင်း၊ အထူးသဖြင့် ထိုင်း- မြန်မာ နယ်စပ်မြို့ဖြစ်သော မြဝတီမှတစ်ဆင့် ထိုင်းနိုင်ငံသို့ အများဆုံးတင်ပို့ရောင်းချကြပါကြောင်း၊ မြဝတီတွင် ငရုတ်ဒိုင်နှင့် အအေးခန်းများရှိကာ အစိမ်းနှင့်အမှည့်ခြောက်များကို အအေးခန်းကွန်တိန်နာများဖြင့် တင်ပို့ရောင်းချရပြီး  ပြီးခဲ့သည့်နှစ်များက  ဟင်္သာတခရိုင်မှထွက်ရှိသော မိုးထောင်ငရုတ်၏ ၇၅ ရာခိုင်နှုန်းခန့်ကို တင်ပို့ရောင်းချရပါကြောင်းနှင့် ယခုနှစ်များတွင် ၂၅ ရာခိုင်နှုန်းခန့်သာ တင်ပို့ရပါတော့ကြောင်းလည်း ပြောကြားပါသည်။ ဟင်္သာတခရိုင်မှ မိုးထောင်ငရုတ်များကို ညောင်းတုန်းမြို့နယ်၊ ဆားမလောက်ရှိ အ‌အေးခန်များတွင်လည်း တစ်ဆင့်သိုလှောင်၍ ခြင်းသွပ်ပြီး မြဝတီသို့ တင်ပို့ရောင်းချခဲ့ကြောင်း သိရှိရပါသည်။ ပြည်ပအဝယ်များသောနှစ်များတွင် ငရုတ်ဈေးပိုကောင်းပြီး တောင်သူတို့အတွက် ပိုမိုအကျိုးရှိပါကြောင်းလည်း သိရှိရပါသည်။

       ဟင်္သာတခရိုင်နှင့် မြန်အောင်ခရိုင်အတွင်းရှိ ငရုတ်စိုက်တောင်သူများအနေနှင့် ငရုတ်စတင်ပျိုးကတည်းက ကျတတ်သောစုပ်စားပိုးများဖြစ်သည့် ယင်ဖြူ၊ ပြ၊ မွှားပင့်ကူ၊ လှေး စသည့်ပိုးများကို စနစ်တကျနှိမ်နင်း၍ အပင်ရောဂါမကျစေရန် စနစ်တကျပုံမှန်ဂရုစိုက်ပြုပြင်ပြီး ကောင်းမွန်သောစိုက်ပျိုးရေးနည်းစနစ် (GAP) နည်းစဉ်များဖြင့် စိုက်ပျိုးနိုင်ပါက ဈေးကောင်းရရှိနိုင်မည်ဖြစ်ပါကြောင်း၊ ပြည်တွင်းရှိ City Mart များမှာ (GAP) စနစ်ဖြင့် စိုက်ပျိုးသော ငရုတ်သီးအမှည့်စိုများကို တင်ရောင်းလာကြသည့်အတွက် ငရုတ်စိုက်တောင်သူများအတွက် ဈေးကွက်ပိုမိုကျယ်ပြန့်လာပါကြောင်း၊ ပြည်ပသို့တင်ပို့ပါကလည်း (GAP) စနစ်သုံးသီးနှံများအနေဖြင့် ဈေးကွက်ယှဉ်ပြိုင်နိုင်ပြီး ဈေးကောင်းရနိုင်မည်ဖြစ်ပါကြောင်းတို့ကို ငရုတ်စိုက်တောင်သူလည်းဖြစ်၊ ဧရာဝတီ တိုင်းဒေသကြီး၏ ငရုတ်အသင်းအတွင်းရေးမှူးလည်းဖြစ်သူ ဦးကိုကို၏ပြောကြားချက်အရ ရေးသားလိုက်ရပါသည်။

DOCA(ဧရာဝတီ)

         ‌အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)  (၄၅)ပိဿာဝင်(၁)အိတ်လျှင် ယခင်အပတ်(၁.၃.၂၀၂၃)ရက်နေ့တွင် ကျပ်(၂၅၀၀၀၀)၊ ယခုအပတ် (၇.၃.၂၀၂၃) ရက်နေ့တွင်လည်း ကျပ် (၂၅၀၀၀၀)၊ နှမ်းနီ(၁)အိတ်လျှင် ယခင်အပတ်တွင် ကျပ် (၂၅၀၀၀၀)၊ ယခုအပတ်တွင်လည်း ကျပ်(၂၅၀၀၀၀)၊ နှမ်းပြာ (၁)အိတ်လျှင် ယခင်အပတ်တွင် ကျပ်(၂၃၀၀၀၀)၊ယခုအပတ်တွင် လည်း ကျပ်(၂၃၀၀၀၀)၊ နှမ်းဖြူ(၁)အိတ်လျှင် ယခင်အပတ်တွင် ကျပ်(၂၆၀၀၀၀) ယခုအပတ်တွင် လည်း ကျပ်(၂၆၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမဏအနေဖြင့် (၄၅) ပိဿာ ဝင်အိတ်ဖြင့် နှမ်းနက်(စမုံ) (၅၃၀)အိတ်၊ နှမ်းပြာ(၁၇၀)အိတ်၊ နှမ်းဖြူ (၇၅)အိတ်နှင့် နှမ်းနီ (၉၀)အိတ်တို့ အရောင်းအဝယ်ရှိခဲ့ကြောင်း ကုန်သည်များထံမှသိရှိရပါသည်။

          ပဲမျိုးစုံဈေးကွက်တွင် (၂၀)ပိဿာ(၁)တင်းလျှင် ပဲတီစိမ်းမှာ ယခင်အပတ်တွင် ကျပ် (၅၈၀၀၀)၊ယခုအပတ်တွင်လည်း ကျပ်(၅၈၀၀၀)ဖြစ်၍ ဈေးနှုန်းပြောင်းလဲမှုမရှိပါကြောင်း၊ ပဲစဉ်းငုံ(နီ) (၁) တင်းလျှင် ယခင်အပတ်တွင် ကျပ်(၆၉၅၀၀)၊ ယခုအပတ်တွင် ကျပ်(၆၉၀၀၀) ဖြစ်၍ ကျပ် (၅၀၀) ဈေးလျော့ခဲ့ကြောင်း၊ မတ်ပဲ(၁) တင်းလျှင် ယခင်အပတ်တွင် ကျပ်(၆၀၅၀၀) ယခုအပတ် တွင် ကျပ်(၅၉၅၀၀)ဖြစ်၍ ကျပ်(၅၀၀)ဈေးလျော့ခဲ့ကြောင်း၊ ဘိုကိတ်ပြာ(၁)တင်းလျှင် ယခင်အပတ်တွင် ကျပ်(၄၆၀၀၀) ဖြစ်ပြီး ယခုအပတ်တွင် ကျပ်(၄၅၀၀၀)ဖြစ်၍ ကျပ်(၁၀၀၀) စသည့်ဖြင့် အသီးသီးဈေးလျော့ခဲ့ပါသည်။ ကုလားပဲ(HL)(၁)တင်းလျှင် ယခင်အပတ်တွင် ကျပ် (၆၆၀၀၀)ဖြစ်ပြီး ယခုအပတ်တွင် ကျပ်(၆၇၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ကုလားပဲ(မြကြေး) (၁)တင်းလျှင် ယခင်အပတ်တွင် ကျပ်(၆၆၅၀၀)ဖြစ်ပြီး ယခုအပတ်တွင် ကျပ်(၆၇၀၀၀)ဖြစ်၍ ကျပ်(၅၀၀) ဈေးမြှင့်တင်ခဲ့ပါကြောင်း၊ ပဲကြီး(၁)တင်းလျှင် ယခင်အပတ်တွင် ကျပ် (၇၆၀၀၀)ဖြစ်ပြီး ယခုအပတ်တွင် ကျပ် (၈၀၅၀၀)ဖြစ်၍ ကျပ်(၄၅၀၀)အသီးသီးဈေးမြှင့်ကာအရောင်းအဝယ်ပမာဏမှာ (၃၀) ပိဿာ ဝင်အိတ်ဖြင့် ပဲတီစိမ်း(၃၆၀) အိတ်၊ ပဲစဉ်းငုံ(နီ) (၁၃၀၀) အိတ်၊ မတ်ပဲ(၁၈၀) အိတ်၊ ကုလားပဲ(HL) (၈၀၀) အိတ်၊ ကုလားပဲ(မြကြေး) (၉၀၀)အိတ်၊ ဘိုကိတ်ပြာ(၁၃၀)အိတ်နှင့် ပဲကြီး(၈၀၀)အိတ်တို့ အရောင်းအဝယ် ရှိခဲ့ကြောင်း သိရှိရပါသည်။

       မြေပဲလုံးဆံ(နီ)မှာ တစ်ပိဿာလျှင် ယခင်အပတ်တွင် ကျပ်(၇၃၀၀)ဖြစ်ပြီး ယခုအပတ်တွင် ကျပ်(၇၂၀၀)ဖြစ်၍ ကျပ်(၁၀၀)ဈေးလျော့ခဲ့ကြောင်း၊ မြေပဲလုံးဆံ(ဖြူ)  ယခင်အပတ်တွင် ကျပ်(၆၁၅၀) ဖြစ်ပြီး ယခုအပတ်တွင် ကျပ်(၆၁၀၀)ဖြစ်၍ ကျပ်(၅၀)အသီးသီးဈေးလျော့ခဲ့ပါသည်။ မြေပဲတောင့်အစိုမှာ တစ်တင်းလျှင် ယခင်အပတ်တွင် ကျပ်(၂၂၀၀၀)ဖြစ်ပြီး ယခုအပတ်တွင်လည်း ကျပ်(၂၂၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့်မြေပဲလုံးဆံ(နီ) (၃၀)ပိဿာဝင် အိတ်(၂၅၀)၊ မြေပဲလုံးဆံ (ဖြူ) အိတ်(၇၅၀)နှင့် မြေပဲတောင့်အစို တင်း(၃၆၀၀)ခန့် အရောင်းအဝယ်ရှိခဲ့ကြောင်း သိရှိခဲ့ရပါသည်။

      ဝါသီးနှံဈေးကွက်မှာလည်း (၁)ပိဿာလျှင် ယခင်အပတ်တွင်ကျပ်(၃၂၀၀)ဖြစ်ပြီး ယခုအပတ် တွင်လည်း ကျပ်(၃၂၀၀)ဖြစ်၍ ဈေးနှုန်းပြောင်းလဲမှုမရှိဘဲ ဝါပိဿာချိန်(၂၁၀၀၀)ခန့် အရောင်းအဝယ်ရှိခဲ့ကြောင်း၊ ဘိုကိတ်ပြာကို ရန်ကုန်မြို့သို့ တင်ပို့ရောင်းချလျက်ရှိပြီး အခြားပဲမျိုးစုံသီးနှံနှင့် ဝါ၊ နှမ်းသီးနှံတို့ကို မန္တလေးမြို့သို့တင်ပို့ရောင်းချလျက်ရှိပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

    တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

     ၉.၃.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-