ပြည်တွင်းကုန်သွယ်မှုသတင်း

              စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ကုန်သွယ်မှုဖြင့် တိုင်းပြည်စီးပွားရေးဖွံ့ဖြိုးတိုးတက်အောင် ဆောင်ရွက်သည့်အားလျော်စွာ ပို့ကုန်ပမာဏတိုးမြှင့် တင်ပို့နိုင်ရေးနှင့် ပို့ကုန်အမယ်သစ်များ ရှာဖွေတင်ပို့နိုင်ရေးတို့ကို ဆောင်ရွက်လျက်ရှိပါသည်။ နယ်စပ်ကုန်သွယ်ရေးပိုင်းတွင် ရှမ်းပြည်နယ်အနေဖြင့် ရှမ်းပြည်နယ်(မြောက်ပိုင်း) မူဆယ်(၁၀၅)မိုင်နှင့် ရှမ်းပြည်နယ်(အရှေ့ပိုင်း) တာချီလိတ်နယ်စပ်တို့တွင် ကုန်သွယ်မှုများစွာ လုပ်ဆောင်လျက်ရှိရာ ရှမ်းပြည်နယ်(မြောက်ပိုင်း) နယ်စပ်ကုန်သွယ်ရေးစခန်း မူဆယ်(၁၀၅)မိုင်၏ မေလအတွင်း ကုန်သွယ်မှုအခြေအနေများမှာ ဖရဲသီး တစ်လုံးလျှင် အနိမ့်ဆုံးဈေး (၈၀၉)ကျပ်ဖြင့် (၁၃၂၄.၅)တန်ကိုလည်းကောင်း၊ သခွားမွှေး တစ်လုံးလျှင် အနိမ့်ဆုံးဈေး(၇၆၂)ကျပ်ဖြင့် (၈၆၀.၅)တန်ကိုလည်းကောင်း၊ ရာဘာ တစ်ပေါင်လျှင် အနိမ့်ဆုံးဈေး(၉၂၃)ကျပ်မှ အမြင့်ဆုံးဈေး (၁၀၂၅)ကျပ်ဖြင့် (၁၃၄၆)တန်ကိုလည်းကောင်း၊ ဆန် တစ်အိတ်လျှင် (၂၄၅၅၂)ကျပ်မှ (၂၆၁၂၈)ကျပ်ဖြင့် (၃၁၀၄)တန်ကိုလည်းကောင်း၊ ကြက်သွန်နီ တစ်ပိဿာလျှင် (၃၄၃)ကျပ်မှ (၆၇၂)ကျပ်ဖြင့် (၂၉၄၄.၅၄) တန်ကိုလည်းကောင်း၊ ပဲတီစိမ်း တစ်တင်းလျှင် (၄၀၈၉၃)ကျပ်မှ (၄၆၇၇၂)ကျပ်ဖြင့် (၂၄၆၂၄.၇၅)တန်ကို လည်းကောင်း၊ ပဲယင်း တစ်တင်းလျှင် (၂၇၀၆၆)ကျပ်မှ (၃၀၈၃၇)ကျပ်ဖြင့် (၁၇၂၄.၆)တန်ကိုလည်းကောင်း၊ ပဲကြီး တစ်တင်းလျှင် (၃၁၆၉၈)ကျပ်မှ (၃၈၃၃၅)ကျပ်ဖြင့် (၉၈၃.၃)တန်ကိုလည်းကောင်း၊ မြေပဲဆံ တစ် တင်းလျှင် (၃၇၉၈၉)ကျပ်မှ (၄၅၅၆၂)ကျပ်ဖြင့် (၃၂၃.၉)တန်ကိုလည်းကောင်း၊ မြေထောက်ပဲ တစ်တင်းလျှင် (၃၆၇၃၉)ကျပ်မှ (၃၈၃၃၅)ကျပ်ဖြင့် (၁၀၀၃.၈)တန်ကိုလည်းကောင်း၊ နှမ်း တစ်တင်းလျှင် (၄၈၉၀၄) ကျပ်မှ (၅၄၆၉၈)ကျပ်ဖြင့် (၂၇၄၁.၅)တန်ကိုလည်းကောင်း၊ ပဲလွန်းဖြူ တစ်တင်းလျှင် (၂၄၀၅၃)ကျပ်မှ (၂၇၆၉၃)ကျပ်ဖြင့် (၅၉၀.၃)တန်ကိုလည်းကောင်း၊ ပဲနီကြား တစ်တင်းလျှင် (၂၃၀၅၁)ကျပ်မှ (၂၉၄၈၉) ကျပ်ဖြင့် (၂၃၀၀.၈၅)တန်ကိုလည်းကောင်း၊ ထောပတ်ပဲ တစ်တင်းလျှင် (၃၁၆၉၈)ကျပ်မှ (၃၈၃၃၅) ကျပ်ဖြင့် (၁၃၁၅)တန်ကိုလည်းကောင်း၊ ဆန်ကွဲ တစ်တင်းလျှင် (၂၄၉၃၀)ကျပ်မှ (၂၆၉၈၀)ကျပ်ဖြင့် (၉၀၈၈.၁)တန်ကိုလည်းကောင်း၊ ပဲတီစိမ်းခြမ်း တစ်တင်းလျှင် (၅၇၁၃၇)ကျပ်မှ (၆၄၄၉၄)ကျပ်ဖြင့် (၄၀၁၁) တန်ကိုလည်းကောင်း၊ ပဲစဉ်းငုံ တစ်တင်းလျှင် (၄၂၆၇၄)ကျပ်မှ (၄၃၈၉၆)ကျပ်ဖြင့် (၁၀၂)တန်ကိုလည်း ကောင်း အသီးသီးတင်ပို့နိုင်ခဲ့ပြီး မေလအတွင်း နွားနှင့် ဆိတ်များကိုတော့ တိရစ္ဆာန်ကျန်းမာရေးစခန်း (AQS)တွင် ယာယီထိန်းသိမ်းထားရှိနေတာဖြစ်လို့ ဒေသနေပြည်သူများစားသုံးရန်နှင့် လယ်ယာလုပ်ငန်းများတွင် အသုံးပြုရန်အတွက် အရောင်းအဝယ်များရှိကြောင်းသိရပြီး မွေးမြူရေးခြံ (၁၈)ခုတွင် နွား (၂၇၁၀)ကောင်နှင့် ဆိတ် (၂၀၆)ကောင် ရှိနေကြောင်း နယ်စပ်ကုန်သွယ်ရေးစခန်းမှ သတင်းရရှိပါတယ်။

DOCA(ရှမ်း)

            ကယားပြည်နယ်အတွင်း အခြေခံစားကုန်စားဖိုဆောင်သီးနှံတစ်မျိုးဖြစ်သည့် ကြက်သွန်နီကို ပြည်နယ်အတွင်း စားသုံးမှုလိုအပ်ချက်အတွက် အခြားဒေသဖြစ်သည့် မိတ္ထီလာ၊ဝမ်းတွင်းဘက် မှ အများဆုံး ဝင်ရောက်ပြီး မေလတွင် ပြည်နယ်အတွင်းကြက်သွန်နီဝင်ရောက်မှုမှာ (၁၁၈၈၀) အိတ်၊ ( ၂၉၇၀၀၀ ) ပိဿာရှိခဲ့ပြီး ကြက်သွန်နီဈေးနှုန်းမှာ အလုံးကြီး တစ်ပိဿာလျှင် (၁၂၀၀) ကျပ်၊ အလုံးသေး တစ်ပိဿာလျှင် (၁၀၀၀) ကျပ်နှုန်းဖြစ်ခဲ့ပြီး ယခုလက်ရှိ ဇွန်လ လဆန်းပိုင်းအတွင်း ဈေးကွက်တွင် ဖြစ်ပေါ်နေသော ကြက်သွန်နီဈေးနှုန်းမှာ အလုံးကြီး တစ်ပိဿာ လျှင် (၁၅၀၀) ကျပ် ၊ အလုံးသေး တစ်ပိဿာလျှင် (၁၂၀၀) ကျပ် ဈေးဖြင့် အရောင်းအဝယ် ဖြစ်လျှက်ရှိပြီး ယခု ဇွန်လဆန်းပိုင်းတွင် ယခင် မေလတွင်ဖြစ်ပေါ်ခဲ့သော ဈေးနှုန်းထက် အလုံးကြီး တစ်ပိဿာလျှင် (၃၀၀) ကျပ်၊ အလုံးသေး တစ်ပိဿာ လျှင် (၂၀၀) ကျပ်ခန့် ဈေးနှုန်းမြှင့်တက်လျှက်ရှိကြောင်း၊ ဈေးနှုန်းမြှင့်တက်ရခြင်းမှာ စက်သုံးဆီဈေးနှုန်းများ မြှင့်တက်သဖြင့် သယ်ယူစရိတ်မြှင့်မားလာခြင်းကြောင့်ဖြစ်သည်ဟု ကြက်သွန်နီ ရောင်းဝယ်ရေးလုပ်ငန်းရှင်တစ်ဦးထံမှ သိရပါသည်။

DOCA(ကယား)

            ကလေးမြို့နယ်တွင် စပါးဈေးနှုန်းများအနေဖြင့် ဧည့်စပါး ( ၁၆ ) ပြည်တစ်တင်းလျှင် ( ၈၅၀၀ ) ကျပ်၊ ငစိန်စပါး ( ၁၆ ) ပြည်တစ်တင်းလျှင် ( ၈၀၀၀ ) ကျပ်၊ ဧရာမင်းစပါး ( ၁၆ ) ပြည် တစ်တင်းလျှင် ( ၁၀၀၀၀ ) ပေါက်ဈေးနှုန်းရှိပြီး ဆန်ဈေးနှုန်းများအနေဖြင့် ဧည့်ဆန် ( ၂၄ )ပြည် တစ်အိတ်လျှင် ( ၂၇၀၀၀ ) ကျပ်၊ ငစိန်ဆန် ( ၂၄ ) ပြည် တစ်အိတ်လျှင် ( ၂၆၅၀၀ ) ကျပ်၊ ဧရာမင်းဆန် ( ၂၄ ) ပြည် တစ်အိတ်လျှင် ( ၃၇၀၀၀ ) ကျပ် ဈေးနှုန်းဖြင့် ဈေးကွက်အတွင်း ရောင်းဝယ်ဖောက်ကားလျက်ရှိပါသည်။

            ဆန်ဈေး/စပါးဈေးနှုန်းများ အနေဖြင့် ထူးခြားစွာ ဈေးနှုန်းမြှင့်တက်မှုမရှိဘဲ ဈေးနှုန်း တည်ငြိမ်လျက် ရှိပါသည်။ အချို့မြို့နယ်များတွင် နွေစပါးများ ပေါ်ထွက်လာပြီး စပါးတစ်တင်းလျှင် ( ၆၀၀၀ ) ကျပ် ပေါက်ဈေးနှုန်းရှိပြီး မြို့နယ်တွင်းသာ စားသုံးမှုများရှိကြောင်း သိရှိရပါသည်။

            ဆန်ရောင်းချမှုအနေဖြင့် စားဆန်ကိုသာ ပုံမှန်ရောင်းချလျက်ရှိပါကြောင်းနှင့် ကလေးမြို့မှ စားဆန်အနေဖြင့် မုံရွာမြို့နှင့် နယ်တစ်ဝိုက်သို့ လစဉ် ဆန် ( ၂၄ ) ပြည်အိတ် ( ၁၀၀၀၀ - ၁၅၀၀၀ ) အိတ်ခန့် တင်ပို့ရောင်းချလျက်ရှိပါကြောင်း ဆန်စက်ပိုင်များထံမှ မေးမြန်းသိရှိရပါသည်။

DOCA(စစ်ကိုင်း)

              ပြည်တွင်းထုတ်ကုန်များ ပုဂ္ဂလိကကဏ္ဍ ဖွံ့ဖြိုးတိုးတက်စေရန် ကရင်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့်  ဝန်ထမ်းများသည် (၆.၆.၂၀၂၂) ရက်နေ့ (၁၅း၀၀) နာရီ အချိန်တွင် ဘားအံမြို့၊ ထုံးအိုင်စံပြကျေးရွာရှိ အောင်ဆန်းငွေလာ တန်(၆၀)ကျ ဆန်စက်သို့ သွားရောက် လေ့လာခဲ့ပါသည်။

          အောင်ဆန်းငွေလာဆန်စက်၏ တစ်နေ့တစ်ကြိမ်ခွဲနိုင်မှုနှင့် ရရှိလာသောဆန်နှင့် ဆန်ထွက်ပစ္စည်းဈေးနှုန်းတို့ကို ဆန်စက်ပိုင်ရှင် ဒေါ်ပန်းဖူးဒါလီအောင်အား မေးမြန်းခဲ့ရာ ဆန်စက်မှ တစ်နေ့လျှင် (၈) နာရီအတွင်း စပါးတင်း (၁၅၀၀) ကြိတ်နိုင်ပြီး အခြောက်ခံစက်မှလည်း စပါးတင်း (၁၃၀၀) ခြောက်ခံနိုင်ကြောင်း သိရှိရပြီး (၁၀၈) ပေါင်ရှိသော ဆန်ချော(ရှယ်) တစ်အိတ်လျှင်(၃၅၀၀၀/-) ကျပ်၊ ဆန်ကွဲ (ပွိုင့်) ပေါင် (၆၀) တစ်အိတ်လျှင် (၁၃၅၀၀/-) ကျပ်၊ ဆန်ကွဲ (သေး) (၁၀၈) ပေါင်လျှင် (၂၉၀၀၀/-) ကျပ်နှင့် ဖွဲနုပေါင် (၆၀) တစ်အိတ်လျှင် (၁၃၅၀၀/-) ကျပ်၊ဖွဲပြာ တစ်အိတ်လျှင် (၁၀၀၀/-) ကျပ်တို့ဖြင့် ဆန်စက်အထိုင်ဈေးဖြင့် ရောင်းချကြောင်းနှင့် အောင်ဆန်းငွေလာ ဆန်စက်သည် ကရင်ပြည်နယ်တွင် ဆန်ကြိတ်ခွဲနိုင်သော (တန်) အများဆုံးထွက်ရှိသည့် ဆန်စက်တစ်ခုဖြစ်ကြောင်း သိရှိရပါသည်။

          စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးသည် ပြည်တွင်းကုန်သွယ်မှု တိုးတက်စေရေးနှင့် ပုဂ္ဂလိကကဏ္ဍဖွံ့ဖြိုးစေရေးအတွက် ဒေသတွင်းအသင်းအဖွဲ့များ၊ လုပ်ငန်းရှင်များနှင့် ပူးပေါင်း၍ ထုတ်ကုန်များတိုးမြှင့်စေရန် ဆောင်ရွက်လျက်ရှိပြီး ဒေသတွင်း ကုန်ထုတ်လုပ်ငန်းများသို့ ကွင်းဆင်းလေ့လာဆောင်ရွက်မှုများ တွန်းအားပေးဆောင်ရွက်လျက် ရှိနေပါသည်။

DOCA(ကရင်)

            စစ်ကိုင်းတိုင်းဒေသကြီး၊ တမူးမြို့နယ်တွင် ( ၅/၂၀၂၂ ) လအတွင်း တမူးနယ်စပ်ကုန်သွယ်ရေးစခန်းမှ ပို့ကုန် အမေရိကန်ဒေါ်လာသန်း ( ၁.၅၃၇၅ )၊ သွင်းကုန်အမေရိကန်ဒေါ်လာသန်း( ၀.၂၉၁ ) စုစုပေါင်း အမေရိကန်ဒေါ်လာသန်း ( ၁.၆၆၆ ) အမေရိကန်ဒေါ်လာရှိခဲ့ပြီး၊ ပို့ကုန်ပစ္စည်းများအနေဖြင့် စွန်ပလွန်သီး၊ မက်မွန်သီး၊ စီးကရက်နှင့် အခြား နန်းဖာလုံ ကုန်စုံပစ္စည်းများ၊ သွင်းကုန်အနေဖြင့် ဓါတ်မြေသြဇာ၊ ဇီယာစေ့၊ ဆံပင်၊ ဂျုံမှုန့်များ ဖြစ်ကြောင်း၊  ယခင် ( ၄/၂၀၂၂ ) လတွင် ပို့ကုန် အမေရိကန်ဒေါ်လာသန်း ( ၁.၈၀၃ )၊  သွင်းကုန် အမေရိကန် ဒေါ်လာသန်း ( ၀.၂၂၈ ) ရှိပြီး၊ စုစုပေါင်း အမေရိကန်ဒေါ်လာသန်း(၂.၀၃၁)ရှိသည့်အတွက် ယခုလနှင့် နှိုင်းယှဉ်ပါက ယခင်လထက် အမေရိကန် ဒေါ်လာသန်း ( ၀.၃၆၅ )လျော့နည်းခဲ့ကြောင်း၊ ကလေးမြို့နယ်တွင်( ၅/၂၀၂၂ )လအတွင်း ကုန်စည်စီးဆင်းမှုများအနေဖြင့် ကုန်ပစ္စည်းများသယ်ဆောင်ရာတွင် လမ်းကြောင်း တစ်ခုတည်းကိုသာ အသုံးပြုနေရသည့်အတွက် မိုးတွင်းကာလတွင်ခရီးအနည်းငယ်ကြန့်ကြာမှုများရှိပါကြောင်း၊  ယခုကာလတွင် ရောင်းဝယ်ဖောက်ကားမှုအနေဖြင့် စားသောက်ကုန်များသာ အဓိကထားတင်ပို့ရောင်းချလျက်ရှိပါကြောင်း  သိရှိရသည်။

DOCA(စစ်ကိုင်း)