ပြည်တွင်းကုန်သွယ်မှုသတင်း

         ၂၀၂၂ခုနှစ် ဒီဇင်ဘာလ ဒုတိယပတ်အတွင်း ရွှေဘိုမြို့နယ်တွင် အခြေခံစားကုန်များ၏ ဈေးနှုန်းများမှာ ရွှေဘိုပေါ်ဆန်းဆန် တစ်ပြည်လျှင် ၃၇၀၀ကျပ်၊ ဧရာမင်းဆန် တစ်ပြည်လျှင် ၂၈၀၀ကျပ်ဖြင့် အရောင်း အဝယ်ဖြစ်လျက်ရှိသည်။ကြက်သွန်နီ လက်လီဈေးမှာ (ကြီး)တစ်ပိဿာလျှင် ၅၂၀၀ကျပ်၊ (လတ်) တစ်ပိဿာလျှင် ၄၈၀၀ကျပ်၊ (သေး)တစ်ပိဿာလျှင် ၃၇၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျှင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာလျှင် ၄၅၀၀ကျပ်မှ ၅၀၀၀ကျပ်ထိ ၊ (ကြူကုပ်) တစ်ပိဿာလျှင် ၅၀၀၀ကျပ်မှ ၆၀၀၀ကျပ်ထိ၊ ချင်းတစ်ပိဿာလျှင် ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာလျှင် ၁၈၀၀ကျပ်မှ ၂၆၀၀ကျပ်ထိ ၊ခရမ်းချဉ်သီး တစ်ပိဿာလျှင် ၁၄၀၀ကျပ်ဖြင့် အရောင်းအဝယ် ဖြစ်နေပါသည်။

          ကြက်ဥ လက်လီဈေးနှုန်းမှာ (ကြီး)တစ်လုံးလျှင် ၂၅၀ကျပ်၊ (သေး) တစ်လုံးလျှင် ၂၀၀ကျပ် ၊ ဘဲဥ (ကြီး) တစ်လုံးလျှင် (၃၀၀)ကျပ်၊ (သေး)တစ်လုံး (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP) တစ်ပိဿာလျှင် ၉၀၀၀ကျပ်မှ ၁၀၀၀၀ကျပ်ထိ၊ကြက်သား (ဗမာ)တစ်ပိဿာလျှင် ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာလျှင် ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာလျှင် ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာလျှင် ၇၀၀၀ကျပ်၊ ငါးကြင်း တစ်ပိဿာလျှင် ၅၅၀၀ကျပ်ဖြင့် ရောင်းဝယ်နေကြောင်း သိရသည်။

          စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၈၅၀၀ကျပ်မှ ၉၀၀၀ကျပ်ထိ၊  စားအုန်းဆီ တစ်ပိဿာလျှင် ၅၄၅၀ကျပ်နှင့် နှမ်းဆီ တစ်ပိဿာလျှင် ၉၀၀၀ကျပ်ဖြင့် အရောင်းအဝယ် ဖြစ်နေကြောင်း သိရသည်။

DOCA(စစ်ကိုင်း)

        ဆားလင်းကြီးမြို့နယ်သည် မုံရွာမြို့၏ အနောက်ဖက်ကမ်းတွင်တည်ရှိပြီး ပဲမျိုးစုံနှင့် ဆီထွက်သီးနှံများအပြင် ဆောင်းကြက်သွန်နီကိုပါ အဓိကစိုက်ပျိုးသော ဒေသတစ်ခုဖြစ်ပြီး နှစ်စဉ် ဆောင်းကြက်သွန်နီဧက (၃၈၀၀) ဝန်းကျင်ခန့်ပုံမှန်စိုက်ပျိုးလျက်ရှိရာ ယခုနှစ်တွင် ဧက (၃၅၀၀)ကျော် စိုက်ပျိုးရန် လျာထားပြီးဧက (၂၀၀၀) ကျော်ခန့် စိုက်ပျိုးပြီးကြောင်း သက်ဆိုင်ရာဌာန၏စာရင်းများအရ သိရှိရသည်။

          အဆိုပါ ဒေသတွင်း၌ ယခုနှစ် ကြက်သွန်ပျိုးထောင်းချိန် မိုးရွာသွန်းမှုများခဲ့သည့်အတွက် ပျိုးခင်းများပျက်စီးခဲ့ရပြီး ပျိုးခင်းများထပ်မံ ပျိုးထောင်ရသည့်အတွက် ယခင်နှစ်များကထက် ရက်အနည်းငယ်နောက်ကျခဲ့ကြောင်း ‌ဒေသခံတောင်သူများထဲမှ သိရှိရသည်။ ယခုနှစ်တွင်ကြက်သွန်ပျိုးပင်များ လုံလောက်မှုမရရှိသည့်အတွက် အခြားဒေသများမှ ပျိုးပင်များဝယ်ယူစိုက်ပျိုးနေရကြောင်း၊ ပျိုးပင်တစ်ဘောင်(၂ × ၁၂) တောင်လျှင်( ၅၀၀၀၀) ကျပ် ပေါက်ဈေးရှိပြီး တစ်ဧက ပျိုးပင်ဖိုး ကျပ်(၃၀၀,၀၀၀) ကျော်အထိ ဝယ်ယူစိုက်ပျိုးနေရကြောင်းဒေသခံ တောင်သူများထံမှ သိရှိရသည်။

          ပုံမှန်အားဖြင့် ကြက်သွန်စိုက်တောင်သူအများစုမှာ နိုဝင်ဘာလကုန်ပတ်တွင် စတင်စိုက်ပျိုးနိုင်ကြသော်လည်း ပျိုးပင်အခက်အခဲကြောင်း ယခုနှစ်တွင်ရက်အနည်းငယ် နောက်ကျခဲ့ကြောင်း ပျိုးပင်ဈေးနှုန်းကြီးခြင်းနှင့် သွင်းအားစုဈေးနှုန်းများ အဆမတန်မြင့်တက်နေသည့်အတွက် တစ်ဧက ကုန်ကျစရိတ် ပိုမိုမြင့်တက်မည်ဖြစ်ကြောင်းနှင့် အချို့သောတောင်သူငယ်များ စိုက်ပျိုးနိုင်ခြင်း မရှိသလို အချို့သောတောင်သူများ စိုက်ဧကလျော့နည်းစိုက်ပျိုးကြကြောင်းလည်းသိရှိရသည်။

          ကြက်သွန်စိုက်တောင်သူအများစုမှာ လက်ရှိကြက်သွန်ဈေးကွက် ကောင်းမွန်နေသည့် အတွက် ကြက်သွန်ထွက်ပေါ်ချိန် ဈေးကွက်ကောင်းရရှိနိုင်မည့် မျှော်လင့်ချက်ဖြင့် စိုက်ပျိုးနေရကြောင်း၊ လက်ရှိဈေးကွက်အတွင်း၌ မိုးကြက်သွန်နီအသစ် တစ်ပိဿာ(၃၅၀၀)ကျပ်ဝန်းကျင်နှင့် ကြက်သွန်နီ (အဟောင်း) တစ်ပိဿာ(၅၀၀၀) ကျပ်ဝန်းကျင်ခန့်  ပေါက်ဈေးရရှိနေသည့်အတွက် လာမည့်ကြက်သွန်ပေါ်ချိန် ဈေးကောင်းရရှိနိုင်မည့် မျှော်လင့်ချက်ဖြင့် ရာသီအမီ စိုက်ပျိုးလျက်ရှိကြောင်း ရေးသားဖော်ပြလိုက်ရပါသည်။

DOCA(စစ်ကိုင်း)

        ၂၀၂၂-ခုနှစ် ဒီဇင်ဘာလ ဒုတိယအပတ်တွင် ကသာမြို့နယ်၊ သီရိခေမာဈေးအတွင်း ရောင်းချလျက်ရှိသော အခြေခံစားသောက်ကုန်ပစ္စည်းများမှာ ဧရာမင်းဆန်တစ်ပြည်လျှင် (၂၂၀၀)ကျပ်၊ မှော်ဘီဆန်တစ်ပြည်လျှင် (၁၉၀၀) ကျပ်နှင့် ချင်း-၃ဆန်တစ်ပြည်လျှင် (၁၇၀၀)ကျပ်ဖြင့်ရောင်းချလျက်ရှိပြီး စားသုံးဆီ ဈေးနှုန်းမှာ မြေပဲဆီတစ်ပိဿာလျှင် (၁၂၀၀၀)ကျပ်နှင့် စားအုန်းဆီတစ်ပိဿာလျှင် (၆၅၀၀)ကျပ်ဖြင့် ရောင်းချလျက်ရှိသည်။ ဆန်ဈေးနှုန်းများမှာ ဒီဇင်ဘာလ ပထမအပတ်နှင့် နှိုင်းယှဉ်ကြည့်ပါက ဈေးနှုန်းအတက်/အကျ မရှိဘဲ တည်ငြိမ်နေသည်ကို တွေ့ရပြီး စားအုန်းဆီဈေးနှုန်းမှာ ကျပ်(၅၀၀)ကျပ် ဈေးကျသည်ကို သိရသည်။

        စားဖိုဆောင်သီးနှံ လက်လီဈေးနှုန်းများမှာ ကြက်သွန်နီ (အသစ်)(ကြီး/လတ်/သေး)ပေါ် မူတည် ၍ တစ်ပိဿာလျှင်(၆၀၀၀ မှ ၃၀၀၀)ကျပ် ၊ ကြက်သွန်ဖြူ(ရှမ်း) (ကြီး/လတ်) တစ်ပိဿာလျှင် (၅၀၀၀ မှ ၆၀၀၀) ကျပ်၊ အာလူးတစ်ပိဿာလျှင် (၂၄၀၀)ကျပ်၊ ခရမ်းချဉ်သီးတစ်ပိဿာလျှင် (၁၆၀၀)ကျပ်၊ ကုလားပဲ တစ်ပိဿာလျှင် (၄၈၀၀)ကျပ်၊ ပဲနီလေး တစ်ပိဿာလျှင် (၅၄၀၀)ကျပ်၊ စားတော်ပဲ တစ်ပိဿာလျှင် (၅၈၀၀)ကျပ်ဖြင့် ရောင်းချလျက်ရှိသည်။ ဒီဇင်ဘာလ ဒုတိယအပတ်အတွင်း ကြက်သွန်နီ/ ကြက်သွန်ဖြူဈေးနှုန်းမှာ ကျပ် (၅၀၀ မှ ၁၀၀၀)ခန့် အထိ မြင့်တက်လာသည်ကိုတွေ့ရပြီး ခရမ်းချဉ်သီးနှင့် အာလူးဈေးနှုန်းမှာ ကျပ်(၄၀၀)ခန့် ဈေးကျလျက်ရှိကြောင်း သိရသည်။

        အသား/ငါး ဈေးနှုန်းများမှာ ကြက်သား(CP) တစ်ပိဿာလျှင် (၁၀၀၀၀)ကျပ်၊ ဝက်သားတစ်ပိဿာလျှင် (၁၆၀၀၀) ကျပ်၊ အမဲသားတစ်ပိဿာလျှင် (၁၅၀၀၀)ကျပ်၊ ဆိတ်သားတစ်ပိဿာလျှင် (၂၄၀၀၀)ကျပ်နှင့် ငါးကြင်း တစ်ပိဿာလျှင် (၈၀၀၀)ကျပ်ဖြင့် ရောင်းချလျက်ရှိပြီး ကြက်သားဈေးနှုန်းမှာ ဒီဇင်ဘာလ ဒုတိယအပတ်အတွင်း ကျပ်(၂၀၀၀)ခန့် ဈေးနှုန်းကျဆင်းကြောင်း ရောင်းချသူများထံမှ သိရှိရပါသည်။

DOCA(စစ်ကိုင်း)

        ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ဈေးကွက်တွင် ဒီဇင်ဘာလ ဒုတိယအပတ်၌ ဘိလပ်မြေ ဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၆၀၀၀)ကျပ်၊ ဆင်တံဆိပ် (50)kg တစ်အိတ် လျှင် (၁၇၀၀၀)ကျပ်၊ စိန်တံဆိပ် (50)kg တစ်အိတ်လျှင် (၁၇၀၀၀)ကျပ် ဖြစ်ပါသည်။ တာချီလိတ် မြို့အတွင်းရှိ ဘိလပ်မြေ ဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၄၈၀၀)ကျပ်၊ ဆင် တံဆိပ် (50)kg တစ်အိတ် လျှင် (၁၅၆၀၀)ကျပ်၊ စိန်တံဆိပ် (50)kg တစ်အိတ်လျှင် (၁၅၆၀၀)ကျပ် ဖြစ်ပါသည်။

        ကျိုင်းတုံမြို့အတွင်းရှိ ဒီဇင်ဘာလ ဒုတိယအပတ်  ပုလဲ(MEP) (50)kg တစ်အိတ်လျှင် (၉၇၀၀၀)ကျပ်၊ တီဆူပါ (လေဆာ) (50)kg တစ်အိတ်လျှင် (၁၉၀၀၀)ကျပ်၊ တီဆူပါ (may) (50)kg တစ်အိတ်လျှင် (၁၉၀၀၀)ကျပ်၊ ချာန (သုံးမျိုးစပ်) (50)kg တစ်အိတ်လျှင် (၁၄၂၀၀၀)ကျပ် ဖြစ်ပါသည်။ တာချီလိတ်မြို့အတွင်းရှိ ဓာတ်မြေဩဇာ ဈေးနှုန်းများမှာ ပုလဲ (၄၆%) (50)kg တစ်အိတ်လျှင် (၁၃၂၅၀၀)ကျပ်၊ ကွန်ပေါင်း (၁၅ပတ်လည်) (50)kg တစ်အိတ်လျှင် (၁၂၄၄၀၀)ကျပ်၊ ကွန်ပေါင်း (50)kg တစ်အိတ်လျှင် (၁၂၃၅၀၀)ကျပ် ဖြစ်ပါသည်။

     ရှမ်းပြည်နယ်(အရှေ့ပိုင်း)တွင် ဘိလပ်မြေဈေးနှုန်းများမှာ ယခင် နိုဝင်ဘာလ ဒုတိယအပတ်ထက် ဈေးနှုန်းအနည်းငယ် မြင့်တက်လျက်ရှိပါသည်။ ဓာတ်မြေဩဇာဈေးနှုန်းအနေဖြင့် ပုလဲ (၄၆%) နှင့် ကွန်ပေါင်း (၁၅ပတ်လည်)သည် ယခင် နိုဝင်ဘာလ ဒုတိယအပတ်ထက် ဈေးနှုန်းအနည်းငယ် မြင့်တက်ပါကြောင်းနှင့် ကွန်ပေါင်း၊ ပုလဲ (MEP)၊ တီဆူပါ (လေဆာ)၊ တီဆူပါ (may)၊ ချာန (သုံးမျိုးစပ်)များမှာ ဈေးနှုန်းတည်ငြိမ်လျက်ရှိကြောင်း သိရှိရပါသည်။

DOCA(ရှမ်း)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်သည် ကျေးရွာအုပ်စု (၇၆) အုပ်စု ရှိပြီး မြို့နယ် မိုးစပါးစိုက်ဧက (၁၄၁၁၉၂) ဧက ရှိပြီး (၁၂.၁၂.၂၀၂၂) နေ့တွင် မိုးစပါးအားလုံး ရိတ်သိမ်းချွေလှေ့ ပြီးစီးခဲ့ပြီးဖြစ်ပါသည်။

     သို့ဖြစ်ပါ၍ မိုးစပါးရိတ်သိမ်းပြီးစီးအခြေအနေတွင် ဒေသပေါက်ဈေး ဧည့်မထ စပါးတင်း (၁၀၀)လျှင် (၁၂၅၀၀၀၀/-) စာဖြင့် တစ်ဆယ်နှစ်သိန်းငါးသောင်းဖြင့် အရောင်းအဝယ် တွင်ကျယ်လျက်ရှိသဖြင့် တောင်သူများတွက်ခြေကိုက်သဖြင့် အရောင်းအဝယ်တွင်ကျယ်လျက်ရှိပါသည်။

        မအူပင်ခရိုင်၊မအူပင်မြို့နယ် ဆန်ဈေးကွက်အခြေအနေမှာ ပေါ်ဆန်းတောင်ပျံတစ်အိပ်လျှင် (၆၀၀၀၀/-)ကျပ်၊ (၆၃၀၀၀)ကျပ် ဈေးရှိပြီး၊ မအူပင်မြို့၏ ဈေးကွက်ရောင်းအားရရှိသည့်အပြင် ကျေးရွာများမှလည်း ဝယ်လိုအားရှိသဖြင့် ဈေးကွက်ရရှိပြီး ဖြစ်ပါသည်။

          ဧည့်မထအမျိုးအစားဖြစ်သော မနောသု၊ ဆင်းသုခနှင့် နှံကားဆန်များမှာ မိုးစပါး ဆန်တစ်အိတ် လျှင် (၄၈၈၈၈)ကျပ်နှင့် (၄၈၅၀၀)ကျပ်ဈေးရှိနေပြီး မအူပင်ဈေးကွက်တွင် အရောင်းအဝယ် တွင်ကျယ်လျက်ရှိပါသည်။

          စပါးသစ်များမှာ ညောင်တုန်းမြို့နယ်၊ ကျိုက်လတ်မြို့နယ်များမှ စပါးဝယ်လိုအားများ ရရှိနေပြီး ဆန်သစ်တစ်အိတ်လျှင် (၄၄၀၀၀)ကျပ်ဖြင့် အရောင်းအဝယ်အနည်းငယ်သာရှိကြောင်း KKK ဆန်ရောင်းဝယ်ရေးမှ ဦးကျော်ကျော်လင်း၏ ပြောပြချက်အရ သိရှိရပါသည်။

       စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်း၊ ဒု-ခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများသည် ဒေသတွင်း စပါးရောင်းဝယ်ဖောက်ကားမှုအခြေအနေ မျိုးကောင်း၊ မျိုးသန့် စိုက်ပျိုးနိုင်မှု အခြေအနေ၊ ဆန်စပါးဈေးကွက်အလားအလာများကို ယခုတစ်ပတ်အတွင်း ကျေးရွာများအရောက် ကွင်းဆင်းဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)