ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး ဆန်ပိုဒေသများဖြစ်သော ကန့်ဘလူနှင့် ရွှေဘိုခရိုင်တို့တွင် စပါး/ ဆန်ဈေးနှုန်းများ အနည်းငယ်တက်နေပြီး၊ မုံရွာခရိုင်တွင် ဧရာမင်း စပါး/ဆန်ဈေး အနည်းငယ်ကျဆင်း နေပြီး၊ ကျန်ခရိုင်များတွင် ဈေးအေးနေပါသည်။

        စစ်ကိုင်းတိုင်းဒေသကြီးအတွင်း ဒီဇင်ဘာလ(တတိယ)ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး)တင်း ၁၀၀ လျှင် ကျပ်(၂၆၀၀၀၀၀)၊ ပေါ်ဆန်း (ဆန်) ၂၄  ပြည်ပါ တစ်အိတ်လျှင် ကျပ်  ၈၈၀၀၀၊ ဧရာမင်း(စပါး)တင်း ၁၀၀ လျှင် ၁၄၅၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ်လျှင် ကျပ် ၆၅၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀ လျှင် ကျပ် ၂၃၀၀၀၀၀၊ ပေါ်ဆန်း(ဆန်)တစ်အိတ်လျှင် ကျပ် ၈၀၀၀၀၊  ဧရာမင်း (စပါး) တင်း ၁၀၀ လျှင် ကျပ် ၁၃၀၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ်လျှင်  ၅၈၀၀၀ ကျပ်များဖြင့် အရောင်းအဝယ် ဖြစ်နေကြောင်း သိရပါသည်။

        ကလေးခရိုင်၊ ကလေးမြို့နယ်မှ ဧည့်မထ(စပါး)တင်း ၁၀၀ လျှင် ကျပ် ၁၀၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်လျှင် ကျပ် ၄၄၀၀၀၊ ငစိန်(စပါး) တင်း ၁၀၀ လျှင် ၉၅၀၀၀၀ ၊ ငစိန်(ဆန်)၂၄ ပြည်ပါ တစ်အိတ်လျှင် ၄၀၀၀၀၊ ဧရာမင်း(စပါး)တင်း ၁၀၀ လျှင် ကျပ် ၁၃၅၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ်လျှင် ကျပ် ၅၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

          ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀ လျှင် ကျပ် ၉၀၀၀၀၀၊ မှော်ဘီ(၂) ဆန် ၂၄ ပြည် တစ်အိတ်လျှင် ကျပ် ၄၀၀၀၀၊ ဆင်းဧကရီ(၃)(စပါး) တင်း ၁၀၀ လျှင် ကျပ် ၈၅၀၀၀၀၊ ဆင်းဧကရီ-၃ ဆန် ၂၄ ပြည်ပါ တစ်အိတ်လျှင် ကျပ် ၃၆၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၀၀၀၀၀၀၊ ဧရာမင်းဆန် ၂၄ ပြည်ပါ တစ်အိတ်လျှင် ကျပ် ၅၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

        မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၃၇၀၀၀၀၊  ဧရာမင်း(ဆန်) ၂၄ပြည်ပါ တစ်အိတ်လျှင် ကျပ် ၆၀၀၀၀၊ ပေါ်ဆန်း(စပါး) တင်း ၁၀၀ လျှင် ကျပ် ၂၂၀၀၀၀၀၊ ပေါ်ဆန်း(ဆန်) ၂၄ ပြည်ပါ တစ်အိတ်လျှင် ကျပ် ၈၃၀၀၀၊ မနောသုခ (စပါး)ဟောင်း တင်း ၁၀၀ လျှင် ကျပ် ၁၂၀၀၀၀၀၊ မနောသုခ (ဆန်)ဟောင်း ၂၄ ပြည်ပါ တစ်အိတ်လျှင် ကျပ် ၄၄၀၀၀၊  မနောသုခ (စပါး)သစ် တင်း ၁၀၀ လျှင် ကျပ် ၁၀၀၀၀၀၀၊ မနောသုခ(ဆန်)သစ် ၂၄ ပြည်ပါ တစ်အိတ်လျှင် ကျပ် ၄၀၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

      ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၂၀၀၀၀၀၊  ဧရာမင်း (ဆန်)၂၄ ပြည်ပါ တစ်အိတ်လျှင် ကျပ် ၆၀၀၀၀၊ ပေါ်ဆန်း(စပါး) တင်း ၁၀၀ လျှင် ကျပ် ၂၃၀၀၀၀၀၊ ပေါ်ဆန်း(ဆန်) ၂၄ ပြည်ပါ တစ်အိတ်လျှင် ကျပ် ၇၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

      စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ဒီဇင်ဘာလ(ဒုတိယ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၁၅၀၀၊ မန္တလေးသို့ အိတ်ရေ ၅၀၉၀၀ အိတ်၊ မကွေးသို့ အိတ်ရေ ၁၀၀၀ အိတ်၊ နေပြည်တော်သို့ အိတ်ရေ ၁၀၀၀၀ အိတ်၊ ရှမ်း(တောင်)သို့ အိတ်ရေ ၉၅၀၀ အိတ်၊ ရှမ်း(မြောက်)သို့ အိတ်ရေ ၉၅၀၀ အိတ်၊ ကချင်သို့ အိတ်ရေ ၄၀၀၀ အိတ်၊ စုစုပေါင်းအိတ်ရေ (၁၁၆၄၀၀)အိတ်၊ တန်အားဖြင့် (၅၈၂၀)တန်  စီးထွက်ခဲ့ပြီး၊ ယခု ဒီဇင်ဘာလ(တတိယ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၂၀၀၀အိတ်၊ မန္တလေးသို့ အိတ်ရေ ၄၈၂၀၀ အိတ်၊ မကွေးသို့ အိတ်ရေ ၁၀၀၀ အိတ်၊ နေပြည်တော်သို့ အိတ်ရေ ၁၀၀၀၀ အိတ်၊ ရှမ်း(တောင်)သို့ အိတ်ရေ ၉၅၀၀ အိတ်၊ ရှမ်း(မြောက်)သို့ အိတ်ရေ ၉၅၀၀ အိတ်၊ ကချင်သို့ အိတ်ရေ ၂၀၀၀ အိတ်၊ စုစုပေါင်းအိတ်ရေ (၁၁၂၂၀၀)အိတ်၊ တန်အားဖြင့် (၅၆၁၀)တန် စီးထွက်ခဲ့သည့်အတွက် ယခင်ပတ်နှင့်နှိုင်းယှဉ်လျှင် ယခုပတ်တွင် အိတ်ရေ (၄၂၀၀)အိတ် တန်အားဖြင့် (၂၁၀)တန် လျော့နည်းစီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)                

          တောင်ငူမြို့၊ ညောင်ပင်ဈေးတွင် ကန်ဇွန်းဥ၊ ပိန်းဥနှင့် ပဲမြစ်များလှိုင်လှိုင်ပေါ်နေပြီ ဖြစ်သည်။ ယခုအချိန်အခါ ဆောင်းဦးရာသီတွင် ယင်း ကန်ဇွန်းဥ၊ ပိန်းဥနှင့် ပဲမြစ်များမှာ ကျန်ရာသီ ချိန်များထက်ပို၍ လှိုင်လှိုင်ပေါ်သော အချိန်အခါဖြစ်ပါသည်။ ကန်ဇွန်းဥ (ငချိပ်)  ၁ ပိဿာလျှင်  ၂၀၀၀ ကျပ်၊ ပဲမြစ် ၁ ပိဿာလျှင် ၃၀၀၀ ကျပ်နှင့် ပိန်းဥ ၁ ပိဿာလျှင် ၁၅၀၀  ကျပ် အသီးသီး ဈေးနှုန်း ဖြစ်ပေါ်လျှက်ရှိပါသည်။

           ကန်ဇွန်းဥ၊ ပိန်းဥနှင့် ပဲမြစ်တို့ကို ပြုတ်၍ အဓိကအားဖြင့်  တောင်ငူမြို့တွင်းအနှံ့ လက်တွန်းလှည်းများဖြင့် လှည့်လည် ရောင်းချသူများရှိသလို အိမ်တွင် နေ့လယ်နေ့ခင်း သရေစာအဖြစ် ကိုယ်တိုင်ပြုတ်စားကြသူများလည်း ရှိပါသည်။ ပိန်းဥကို သရေစာအဖြစ်စားကြသလို ဟင်းအဖြစ် ချက်ပြုတ်၍လည်း စားသုံးကြပါသည်။ ကန်ဇွန်းဥ (ငချိပ်) နှင့် ပိန်းဥတို့မှာ ရှမ်းပြည်နယ်မှ တင်ပို့ရောင်းချပြီး၊ ပဲမြစ်မှာမူ မန္တလေးတိုင်းဒေသကြီးမှ အများဆုံး တင်ပို့ရောင်းချ ခြင်းဖြစ်သည်ဟု တောင်ငူမြို့ ညောင်ပင်ဈေးရှိ ကန်ဇွန်းဥ၊ ပိန်းဥ ရောင်းချသူ တစ်ဦးထံမှ သိရှိရပါသည်။ 

              ကန်ဇွန်းဥ၊ ပိန်းဥနှင့် ငချိပ်တို့မှာ ကစီဓါတ်၊ ပရိုတိန်းဓါတ်ကြွယ်ဝစွာ ပါရှိသည့် သစ်ဥသစ်ဖုများဖြစ်သဖြင့် ကြွက်သားများလှုပ်ရှားခြင်း၊ နှလုံးခုန်ခြင်း စသည့် ခန္ဓာကိုယ်အစိတ်အပိုင်းများ လှုပ်ရှားခြင်းကို များစွာအထောက်အကူပေးသကဲ့သို့ ခလေးများ ခန္ဓာကိုယ်ကြီးထွားခြင်းကိုလည်း များစွာအထောက်အကူပြုပါသည်။ သို့ရာတွင် ဆီးချိုရောဂါရှိသူများအတွက် အတိုင်းအဆနှင့်သာ စားသုံးသင့်သော အစားအစာများဖြစ်ကြောင်း သိရှိရပါသည်။

DOCA(ပဲခူး)

         တောင်ငူခရိုင်တွင် မိုးစပါးစိုက်ဧရိယာမှာ ၄၅၂၂၂၀ ဧကရှိရာ နိုဝင်ဘာလကုန်အထိ ၄၀၉၅၂၉ ဧက ရိတ်သိမ်းပြီးစီးပြီးဖြစ်၍  စိုက်ဧရိယာ၏ ၉၀ ရာခိုင်နှုန်းရိတ်သိမ်းပြီးစီးပြီး ရိတ်သိမ်းရန် ၁၀ ရာခိုင်နှုန်းခန့်သာ ကျန်ရှိပါတော့သည်။ ကွက်ကောက်အထွက်နှုန်းအရ ၇၀.၃၆ တင်းရှိကြောင်း သိရှိရပါသည်။ ယခုရိတ်သိမ်းပြီးစီးသည့်အထိ တောင်ငူခရိုင်အနေဖြင့် စပါးတင်း ၉၆ သိန်း ခန့် ပိုလျှံနေပြီးဖြစ်ပါသည်။

              လက်ရှိကာလ ဒေသပေါက်စပါးဈေးမှာ ဒေသတွင်းအရောင်းအဝယ်ပြုလုပ်နေသည့် ၄၈ ပေါင်တစ်တင်း ၁၀၀ လျှင် ၁၂၅၀၀၀၀ ကျပ်ရှိသဖြင့် ၄၆ ပေါင်ဖြင့်တွက်လျှင် စပါးတင်း ၁၀၀ လျှင် ၁၁၉၇၀၀၀ ကျပ်ရှိသည်ကို တွေ့ရှိရပါသည်။ တောင်သူအများစုမှာ ထွက်ရှိသောစပါးများကို ပွဲစား ကုန်သည်များသို့ တိုက်ရိုက်ရောင်းချကြပြီး တောင်သူအချို့မှာ စက်ရုံသို့ သယ်ယူ၍ ကြိတ်ခွဲပြီး မှ ထွက်ရှိသည့် ဆန်နှင့်ဆန်ထွက်ပစ္စည်းများကို ပြန်လည်ရောင်းချသည်ကို တွေ့ရှိရပါသည်။ တောင်သူအချို့မှာမူ ပိုလျှံစပါးများကို ခေတ္တသိုလှောင်ထားပြီး စပါးရာသီကုန်ချိန်ဖြစ်သည့် မတ်၊ ဧပြီလမှ ရောင်းချကြသည်ကို တွေ့ရှိရပါသည်။

         စပါးကို တိုက်ရိုက်ရောင်းချခြင်းထက် ကြိတ်ခွဲပြီး ထွက်ရှိသည့် ဆန်နှင့်ဆန်ထွက် ပစ္စည်းကို ပြန်လည်ရောင်းချခြင်းက အကျိုးအမြတ် အနည်းငယ်ပိုမိုရရှိကြောင်း သိရှိရပါသည်။  ကြိတ်ခွဲထွက်ရှိသော ဆန်များကို မန္တလေးတိုင်းဒေသကြီးသို့ အများဆုံးတင်ပို့ရောင်းချကြပါသည်။ လက်ရှိ ဒေသ ပေါက်ဈေးမှာ ဧည့်မထဆန် အလတ်စ တစ်အိတ်လျှင် ၄၂၀၀၀ ကျပ်ရှိကြောင်း ဆန်စက်ပိုင်ရှင်တစ်ဦး၏ ပြောကြားချက်အရ သိရှိရပါသည်။

DOCA(ပဲခူး)

       ပဲခူးတိုင်းဒေသကြီး၊ ပြည်ခရိုင်တွင် ဖူးစားပြောင်းကို မိုးရာသီနှင့်ဆောင်းရာသီတွင် စိုက်ပျိုးကြပါသည်။ မိုးရာသီတွင် စိုက်ပျိုးသော ဖူးစားပြောင်းကို မေလနှင့် ဇွန်လတွင်စိုက်ပျိုးပြီး စက်တင်ဘာလနှင့် အောက်တိုဘာလတို့တွင် ရိတ်သိမ်းရပါသည်။ ဆောင်းရာသီတွင် စိုက်ပျိုးသော ဖူးစား ပြောင်းကို အောက်တိုဘာလနှင့် နိုဝင်ဘာလတို့တွင်စိုက်ပျိုးပြီး ဖေဖော်ဝါရီလနှင့် မတ်လတို့တွင် ရိတ်သိမ်းပါသည်။ ပြည်ခရိုင်အနေဖြင့် ဖူးစားပြောင်း (မိုး) စိုက်ဧကမှာ ၈၃၂၁ ဧကရှိပြီး တစ်ဧက အထွက်နှုန်းမှာ အဖူးရေ ၂၄၆၉၆ဖူး ထွက်ရှိသည်ဟု သိရှိရပါသည်။ ဖူးစားပြောင်း(မိုး) စိုက်ဧကမှာ ပြည်မြို့တွင် ၈၀၂ဧက၊ ပေါက်ခေါင်းမြို့နယ်တွင် ၉၀၁ဧက၊ ပန်းတောင်းမြို့နယ်တွင် ၅၇၄၁ဧက နှင့် ရွှေတောင်မြို့နယ်တွင် ၈၇၇ဧက စိုက်ပျိုး ရိတ်သိမ်းပြီးဖြစ်ပါသည်။  ဖူးစားပြောင်း(ဆောင်း)ဧကမှာ ယခုအချိန်အထိ ၆၁၇၀ဧက စိုက်ပျိုးထားပြီးဖြစ်ပါသည်။ စိုက်ဧကအနေဖြင့်  ပြည်မြို့နယ်တွင် ၂၃၄ ဧက၊ ပေါက်ခေါင်းမြို့နယ်တွင် ၉၄ဧက၊ ပန်းတောင်းမြို့နယ်တွင် ၂၉၈၂ဧက နှင့် ရွှေတောင်မြို့နယ်တွင် ၂၈၆၀ဧက စိုက်ပျိုးပြီးဖြစ်ကြောင်းလည်း သိရှိရပါသည်။

      ပြည်မြို့နယ်အတွင်းရှိ ကျေးရွာများအနေဖြင့် ဖူးစားပြောင်း အများဆုံးစိုက်ပျိုးသည့် ကျေးရွာ များမှာ ခွေးရဲကျေးရွာ၊ မှော်ဇာကျေးရွာတို့တွင်စိုက်ပျိုးကြပြီး ကျန်ကျေးရွာများတွင်လည်း စိုက်ပျိုး ကြပါသည်။ စိုက်ပျိုးသည့်မျိုးများမှာ ပြောင်းစေးနှင့် သကြားပြောင်းတို့ဖြစ်ပါသည်။ ပြည်ခရိုင်အနေဖြင့် အများဆုံးစိုက်ပျိုးသော ဖူးစားပြောင်းမှာ အဖြူမျိုးဖြစ်ပြီး၊ သကြားပြောင်း (ခ)ပြောင်းဝါ ကိုအနည်းငယ်သာစိုက်ပျိုးကြပါသည်။ ပြောင်းဖူးစိုက်ပျိုးလျှင် အစေ့ကိုသာစိုက်ပျိုးပြီး စိုက်စနစ် မှန်ကန်စွာစိုက်ပျိုးပါက တစ်ဧကလျှင် အပင်ပေါင်း (၁)သိန်းကျော်ခန့် ဝင်ဆံ့သည်ဟု သိရှိရပါသည်။ ပြောင်းဖူးပင်တစ်ပင်လျှင် ၁ဖူးသာထွက်ရှိပြီး အပင်ကောင်းလျှင် ၂ဖူးခန့်ထွက်ရှိသည်ဟု သိရှိ ရပါသည်။ ပြောင်းဖူး စိုက်ပျိုးရန်သင့်လျော်သောမြေမှာ စနယ်မြေ၊ နုန်းမြေ နှင့် သဲနုန်းမြေတို့တွင် အောင်မြင်ဖြစ်ထွန်းပါသည်။ ပြောင်းဖူးပင် တစ်လသားတွင် ကြီးထွားမှုနှေးသဖြင့် အထွက် နှုန်းကောင်းစေရန် ပေါင်းမြတ်များကိုရှင်းလင်းပေးရန်လိုအပ်ပါသည်။ ဖူးစားပြောင်း တစ်ဧကလျှင် စိုက်ပျိုးထုတ်လုပ်ကုန်ကျစရိတ်မှာ (၈)သိန်းကျပ်ခန့်ကုန်ကျပြီး တစ်ဧကဝင်ငွေအနေဖြင့် ၁၆သိန်း ကျော်ရရှိ၍ တောင်သူအကျိုးအမြတ်အနေဖြင့် ၈သိန်းကျပ်ခန့်ရရှိသည်ဟု သိရှိရပါသည်။ ပြောင်းဖူး ကို စိုက်ပျိုးပြီး ၂လခွဲ ၃လအကြာတွင် ခုတ်ယူနိုင်ပါသည်။ ပြောင်းဖူးတစ်ဖူးလျှင် အခင်းဈေး ၁၅၀-၂၀၀ကျပ်အထိ ဈေးရှိပြီး လက်လီဈေးမှာ တစ်ဖူးလျှင် ၂၅၀-၃၀၀ကျပ်ဈေးဖြင့် ရောင်းချလျှက်ရှိ ပါသည်။ ထွက်ရှိလာသောပြောင်းဖူးများကို ဒေသတွင်း စားသုံးရန်ရောင်းချသည့်အပြင် ရန်ကုန် ဈေးကွက်သို့လည်း တင်ပို့ရောင်းချကြပါသည်။

      ဖူးစားပြောင်း စိုက်ပျိုးသူတောင်သူများအနေဖြင့် မျိုးစေ့မှန်ကန်၍ စိုက်ပျိုးစနစ်မှန်ကန်ပါက စိုက်ပျိုးသမျှပြောင်းစေ့တိုင်း အပင်ပေါက်ပြီး တောင်သူများအတွက် အမြတ်အစွန်းမှာ ပိုမိုရရှိမှာ ဖြစ်သည့်အတွက် မိမိတို့မိသားစုလည်း စားသုံးနိုင်သည့်အပြင် ဝင်ငွေလည်းတိုးတက်လာသဖြင့် ပိုမို တိုးချဲ့ စိုက်ပျိုးသင့်ကြောင်း လေ့လာသုံးသပ်တင်ပြအပ်ပါသည်။

DOCA(ပဲခူး)

     စားသုံးသူရေးရာဦးစီးဌာနအနေဖြင့် ဌာန၏လုပ်ငန်းဖြစ်သော စားသုံးသူကာကွယ်ရေးလုပ်ငန်းများ ဆောင်ရွက်လျှက်ရှိသည့်အပြင် ပြည်တွင်းကဏ္ဍ ပိုမိုဖွံ့ဖြိုးတိုးတက်လာ စေရေး အတွက်လည်း ဆောင်ရွက်လျှက်ရှိပါသည်။ စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှု ဖွံ့ဖြိုး တိုးတက်ရေး လုပ်ငန်းများလည်း သက်ဆိုင်ရာမိတ်ဖက် ဌာနဆိုင်ရာများနှင့် ပူးပေါင်း၍ အကောင်အထည်ဖော် ဆောင်ရွက်လျှက်ရှိပါသည်။ ထို့အပြင်စက်မှုကုန်ထုတ်လုပ်ငန်းများ ဖွံ့ဖြိုးတိုးတက် လာစေရေးအတွက် တစ်ဖက်တစ်လမ်းမှလည်း ဆောင်ရွက်လျှက်ရှိပါသည်။

      ၂၀၂၂-၂၀၂၃ ခုနှစ်တွင် စက်မှုကုန်ကြမ်းသီးနှံဖြစ်သော ချည်မျှင်ရှည်ဝါကို ပြည်ခရိုင်ရှိ မြို့နယ်(၄)မြို့နယ်တွင် စိုက်ပျိုးပြီး ပြည်မြို့နယ်တွင် ဧက(၃၁၂၂)၊ ပေါက်ခေါင်းမြို့နယ် တွင်(၃၇၈၉) ဧက၊ ပန်းတောင်းမြို့နယ်တွင် (၅၀)ဧကနှင့်၊ ရွှေတောင်မြို့နယ်တွင် (၅၂)ဧက၊ စုစုပေါင်း (၇၀၁၃)ဧက စိုက်ပျိုးပြီး ဝါကြီးကို ပေါက်ခေါင်းတစ်မြို့နယ်တည်းသာ (၃၀၂၅)ဧက စိုက်ပျိုးကြောင်း သိရှိရပါသည်။

ဝါသီးနှံစိုက်ပျိုးထွက်ရှိမှု

          ယခုနှစ်တွင် ဝါကြီး(၃၀၂၅)ဧကကို အထွက်နှုန်းအနေဖြင့် ခန့်မှန်း(၁၉၈)ပိဿာထွက်ရှိလျှင် ပိဿာချိန် ၆သိန်းကျော်ထွက်ရှိမည်ဖြစ်ပြီး ချည်မျှင်ရှည်ဝါ (၇၀၁၃)ဧကလျှင် ခန့်မှန်း အထွက်နှုန်း အနေဖြင့် (၄၃၉)ပိဿာ ထွက်ရှိပါက ပိဿာချိန် သိန်း(၃၀)ခန့်ထွက်ရှိနိုင်သည့်အတွက် ဝါကြီးနှင့် ချည်မျှင်ရှည်ဝါ စုစုပေါင်းပိဿာချိန်ပေါင်း (၃၆)သိန်းကျော်ခန့်ထွက်ရှိနိုင်မည်ဖြစ်ကြောင်း ဝါစိုက်တောင်သူထံမှ ခန့်မှန်းသိရှိရပါသည်။

ထုတ်လုပ်မှုကုန်ကျစရိတ်နှင့် အကျိုးအမြတ်အခြေအနေ

          ဝါသီးနှံ တစ်ဧက စိုက်ပျိုးထုတ်လုပ်မှု ကုန်ကျစရိတ်အနေဖြင့် ယခုနှစ်တွင် သွင်းအားစုများ ဈေးကြီးမြင့်လာသည့်အတွက် ယခင်နှစ်ထက်တစ်ဆကျော်ကုန်ကျခဲ့ကြောင်း သိရှိရပါသည်။ ဝါကြီး တစ်ဧက စိုက်ပျိုးထုတ်လုပ်ကုန်ကျစရိတ်အနေဖြင့် ကျပ် ၃၈၀၀၀၀ကျော်၊ ချည်မျှင်ရှည်ဝါ အနေဖြင့် ၇သိန်းကျော် ကုန်ကျပြီး ဝါကြီးတစ်ဧက အထွက်နှုန်း ၁၉၀ ပိဿာထွက်ရှိပါက တစ်ဧကဝင်ငွေမှာ ၅၃၂,၀၀၀ကျပ်ရရှိပြီး အကျိုးအမြတ်အနေဖြင့် ၁၄၉,၇၀၀ကျပ်၊ ချည်မျှင်ရှည်ဝါအနေဖြင့် တစ်ဧက ၄၃၉ပိဿာထွက်ရှိလျှင် တစ်ဧကဝင်ငွေ ကျပ် ၁,၂၂၉,၀၀၀ကျော် ရရှိပြီး အကျိုးအမြတ်အနေဖြင့် ကျပ် ၅၂၀,၀၀၀ကျော် ရရှိမည်ဖြစ်သည့်အတွက် ယခုအချိန်တွင် သွင်းအားစုဈေးနှုန်းများကြီးမြင့်လာပြီး တစ်ဧက ကုန်ကျစရိတ်မှာ ယခင်နှစ်ထက်ပိုခဲ့သော်လည်း ဝါစိုက်တောင်သူများအနေဖြင့် ဝါဈေးမှာ ယခင်နှစ်ထက် ဈေးကောင်းရနေသည့်အတွက် အကျိုးအမြတ်ပိုမည်ဖြစ်ပါကြောင်း သိရှိရပါသည်။

တောင်သူလက်ကျန်အခြေအနေ

          နိုဝင်ဘာလဆန်းပိုင်းသည် ဝါသီးနှံများ စတင်ထွက်ပေါ်သော ကာလဖြစ်သည့်အတွက် ပြည်ခရိုင်အနေဖြင့် ချည်မျှင်ရှည်ဝါများကို စတင်၍ ၁၃၁ ဧက ရိတ်သိမ်းပြီးဖြစ်ရာ ဝါပိဿာချိန်ပေါင်း ၅၀၀၀၀ကျော်ခန့် ထွက်ရှိနေပြီဖြစ်ပါသည်။ တောင်သူများအနေဖြင့် ထွက်ရှိလာသောဝါများအား လက်ဝယ်မထားဘဲ ဝါကုန်သည်များ၊ ဝါဒိုင်များသို့ ချက်ချင်းရောင်းချကြောင်း သိရှိရပါသည်။ ချည်မျှင်ရှည်ဝါ ၆၈၈၂ဧက၊ ဝါကြီး ၃၀၂၅ဧက ရိတ်သိမ်းရန်ကျန်ရှိနေပြီး အဆိုပါဧကများ ရိတ်သိမ်းပြီးပါက ချည်မျှင်ရှည်ဝါပိဿာချိန်ပေါင်း သိန်း၃၀ကျော်နှင့် ဝါကြီး ပိဿာချိန်ပေါင်း ၆သိန်း ခန့် ထပ်မံထွက်ရှိရန် ကျန်ရှိနေသေးကြောင်း သိရှိရပါသည်။

ဝါသီးနှံဈေးနှုန်းဈေးကွက်အခြေအနေ

          ပြည်ခရိုင်တွင် ဝါဈေးနှုန်းအနေဖြင့် ချည်မျှင်ရှည်ဝါ စတင်ထွက်ပေါ်ချိန်က ဝါအများဆုံး စိုက်ပျိုးသည့် ပေါက်ခေါင်းမြို့နယ်တွင် ဝါကောင်းလျှင် တစ်ပိဿာ ၂၃၀၀ကျပ်၊ ဝါညံ့လျှင် ၂၁၀၀ ကျပ်ဖြင့်ဈေးစဖွင့် ဝယ်ယူခဲ့ပြီး ယခု ၂၈၀၀ကျပ်ဈေးရပြီး ဝါစေ့တစ်ပိဿာလျှင် ၁၁၅၀ကျပ် ဈေးပေး ဝယ်ယူလျှက်ရှိကြောင်း သိရှိရပါသည်။ ပြည်မြို့နယ်အနေဖြင့် ထွက်ရှိသော ဝါသီးနှံများကို တောင်သူ များထံမှ ရွာပွဲစားများက ဝယ်ယူ၍ ပေါက်ခေါင်းမြို့နယ်ရှိ ဝါစက်ရုံများနှင့် အောင်လံဈေးကွက်သို့ တင်ပို့ရောင်းချလျှက်ရှိကြောင်း သိရှိရပါသည်။ ပေါက်ခေါင်းမြို့နယ်အနေဖြင့် ဝယ်ယူ၍ရရှိသော ကုန်ကြမ်းများကို ဝါဂွမ်းအဆင့်ကြိတ်ခွဲပြီး မန္တလေးနှင့် မူဆယ်ဈေးကွက်သို့ နှစ်စဉ်တင်ပို့ ရောင်းချ လျှက်ရှိပါသည်။

ဝါစက်ရုံများ၏ကြိတ်ခွဲထုတ်လုပ်နိုင်မှုအခြေအနေ

          ပြည်ခရိုင်တွင် ဝါကြိတ်စက်ရုံ (၃)ရုံရှိပြီး အဆိုပါဝါကြိတ်စက်ရုံများမှာ ပေါက်ခေါင်းမြို့နယ် ၌သာ တည်ရှိပါသည်။ ဝါကြိတ်စက်ရုံ(၃)ရုံအနေဖြင့် ပိဿာချိန် ၁၃၁,၃၀၀ခန့်ဝယ်ယူပြီး ပိဿာချိန် ၃၀,၀၀၀ခန့် ကြိတ်ခွဲပြီးဖြစ်ရာ လက်ကျန်အနေဖြင့် ပိဿာချိန် ၁၀၁,၃၀၀ ကြိတ်ခွဲရန် ကျန်ရှိနေကြောင်း သိရှိရပါသည်။ စက်ရုံများအနေဖြင့် ကြိတ်ခွဲပြီးသောဝါဂွမ်းများအား ဈေးကွက် မရရှိသေး၍ ရောင်းချမှုမရှိသေးကြောင်း သိရှိရပါသည်။

          ယခုနှစ်တွင် ဝါစိုက်ပျိုးသူ တောင်သူများအနေဖြင့် ယခင်နှစ်ထက် ဝါအထွက်နှုန်း လျော့နည်း လာသော်လည်း ဈေးကောင်းများရရှိသည့်အတွက် ဝင်ငွေများတိုး၍ အကျိုးအမြတ် ပိုမိုရရှိသဖြင့် နောက်လာမည့်နှစ်များတွင် ဝါစိုက်ဧကများတိုးချဲ့ စိုက်ပျိုးပြီး မျိုးကောင်းမျိုးသန့်များ ရွေးချယ် စိုက်ပျိုးနိုင်မည်ဆိုလျှင် ဝါများအထွက်ကောင်းပြီး ဈေးကောင်းလည်း ဆက်လက်ရရှိလာမည်ဆို လျှင် တောင်သူများအတွက် အကျိုးအမြတ်များပိုမိုဖြစ်ထွန်းလာမည် ဖြစ်ကြောင်း လေ့လာသုံးသပ် တင်ပြအပ်ပါသည်။

DOCA(ပဲခူး)