ပြည်တွင်းကုန်သွယ်မှုသတင်း

            အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)(၄၅)ပိဿာဝင်(၁)အိတ်လျှင် ယခင်အပတ်(၇.၁၂.၂၀၂၂)ရက်နေ့တွင် ကျပ်(၂၃၀၀၀၀)ဖြစ်ပြီး ယခုအပတ်(၁၃.၁၂.၂၀၂၂)ရက်နေ့တွင်လည်း ကျပ်(၂၃၀၀၀၀)၊ နှမ်းဖြူ(၁)အိတ်လျှင် ယခင်အပတ်တွင် ကျပ်(၂၂၀၀၀၀)ဖြစ်ပြီး ယခု အပတ်တွင်လည်း ကျပ်(၂၂၀၀၀၀)၊ နှမ်းနီနှင့် နှမ်းပြာ(၁)အိတ်လျှင် ယခင်အပတ်တွင် ကျပ်(၂၀၀၀၀၀)ဖြစ်ပြီး ယခု အပတ်တွင် လည်း ကျပ်(၂၀၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင် အိတ်ဖြင့် နှမ်းနက်(စမုံ)(၃၂၀၀)အိတ်၊ နှမ်းပြာ(၄၃၀)အိတ်၊ နှမ်းဖြူ(၉၀)အိတ်၊ နှမ်းနီ(၁၄၀)အိတ်တို့ အရောင်း အဝယ်ရှိခဲ့ကြောင်း ကုန်သည်များထံမှ သိရှိရပါသည်။

            ပဲမျိုးစုံဈေးကွက်တွင် (၂၀)ပိဿာ (၁)တင်းလျှင် ပဲတီစိမ်းမှာ ယခင်အပတ်တွင် ကျပ်(၄၇၀၀၀) ဖြစ်ပြီး ယခုအပတ်တွင် ကျပ်(၄၈၀၀၀)ဖြစ်၍ ကျပ်(၁၀၀၀)ဈေးမြင့်တက်ခဲ့ကြောင်း၊ ပဲစဉ်းငုံ(နီ) (၁)အိတ်လျှင် ယခင်အပတ်တွင် ကျပ်(၅၆၀၀၀)ဖြစ်ပြီး ယခုအပတ်တွင် ကျပ်(၅၉၀၀၀)ဖြစ်၍ ကျပ်(၃၀၀၀)ဈေးမြင့်တက်ခဲ့ ကြောင်း၊ မတ်ပဲ (၁)အိတ်လျှင် ယခင်အပတ်တွင် ကျပ်(၅၄၀၀၀)ဖြစ်ပြီး ယခုအပတ်တွင် ကျပ်(၅၈၀၀၀) ဖြစ်၍ ကျပ်(၄၀၀၀)ဈေးမြင့်တက်ခဲ့ကြောင်း၊ ကုလားပဲ(HL) (၁)အိတ်လျှင် ယခင်အပတ်တွင် ကျပ်(၅၉၅၀၀) ဖြစ်ပြီး ယခုအပတ်တွင် ကျပ်(၆၂၀၀၀)ဖြစ်၍ ကျပ်(၂၅၀၀)ဈေးမြင့်တက်ခဲ့ကြောင်း၊ ကုလားပဲ(မြကြေး) (၁) အိတ်လျှင် ယခင်အပတ်တွင် ကျပ်(၅၉၅၀၀)ဖြစ်ပြီး ယခုအပတ်တွင် ကျပ်(၆၁၀၀၀)ဖြစ်၍ ကျပ်(၁၅၀၀) ဈေးမြင့်တက်ခဲ့ကြောင်း စသည်ဖြင့်အသီးသီးဈေးမြင့်တက်ခဲ့ပါသည်။ ဘိုကိတ်(ပြာ) (၁)အိတ်လျှင် ယခင်အပတ် တွင် ကျပ်(၃၉၀၀၀)ဖြစ်ပြီး ယခုအပတ်တွင် ကျပ်(၃၇၅၀၀)ဖြစ်၍ ကျပ်(၁၅၀၀) ဈေးလျော့ကျခဲ့ကြောင်း၊ ပဲကြီး (၁)အိတ်လျှင် ယခင်အပတ် တွင် ကျပ်(၇၄၀၀၀)ဖြစ်ပြီး ယခုအပတ်တွင်လည်း ကျပ်(၇၄၀၀၀) ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၃၀)ပိဿာဝင်အိတ်ဖြင့် ပဲတီစိမ်း (၃၆၀၀)အိတ်၊ ပဲစဉ်းငုံ(နီ)(၇၀၀)အိတ်၊ ကုလားပဲ(HL) (၇၅၀)အိတ်၊ ကုလားပဲ(မြကြေး) (၅၅၀)အိတ်၊ ဘိုကိတ်(ပြာ) (၃၈၀)အိတ်၊ ပဲကြီး (၄၀၀)အိတ်တို့ အရောင်းအဝယ်ရှိခဲ့ကြောင်း သိရှိရပါသည်။

            မြေပဲလုံးဆံ(ဖြူ)မှာ (၁)ပိဿာလျှင် ယခင်အပတ်တွင် ကျပ်(၄၉၀၀)ဖြစ်ပြီး ယခုအပတ်တွင် ကျပ်(၄၈၅၀) ဖြစ်၍ ကျပ်(၅၀)ဈေးလျော့ကျခဲ့ကြောင်း၊ မြေပဲလုံးဆံ(နီ) (၁)ပိဿာလျှင် ယခင်အပတ် တွင် ကျပ် (၅၂၅၀) ဖြစ်ပြီး ယခုအပတ်တွင်လည်း ကျပ် (၅၂၅၀)၊ မြေပဲတောင့်အစို (၁)တင်းလျှင် ယခင်အပတ်တွင် ကျပ်(၂၀၀၀၀)ဖြစ်ပြီး ယခုအပတ်တွင်လည်း ကျပ် (၂၀၀၀၀)ဖြစ်၍ ဈေးနှုန်း ပြောင်းလဲ မှု မရှိဘဲ အရောင်းအဝယ်ပမာဏအနေဖြင့် မြေပဲလုံးဆံ(နီ)(၃၀)ပိဿာဝင် (၁၁၀၀)အိတ်၊ မြေပဲလုံးဆံ (ဖြူ) (၁၅၅၀)အိတ်နှင့် မြေပဲတောင့်အစို တင်း(၃၇၀၀)ခန့်အရောင်းအဝယ်ရှိခဲ့ကြောင်းသိရှိခဲ့ရပါသည်။

        ဝါသီးနှံဈေးကွက်မှာလည်း (၁)ပိဿာလျှင် ယခင်အပတ်တွင် ကျပ်(၂၈၀၀)ဖြစ်ပြီး ယခုအပတ်တွင်လည်း ကျပ်(၂၈၀၀)ဖြစ်၍ ဈေးနှုန်းပြောင်းလဲမှုမရှိဘဲ ဝါပိဿာချိန်(၂၃၀၀၀)ခန့် အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

      မကွေးတိုင်းဒေသကြီး၊ ပခုက္ကူခရိုင်၊ ပေါက်မြို့ စည်ပင်သာယာဈေးကြီးသည် ဒေသတွင်းရှိ ကျေးရွာများမှ ထွက်ရှိသော သီးနှံမျိုးစုံနှင့် ရှမ်းပြည်နယ်အောင်ပန်း၊ သီပေါမြို့များမှ ထွက်ရှိသော သီးနှံများ ပခုက္ကူမြို့နယ် မြေနုကျွန်းမြေများမှ ထွက်ရှိသော သီးနှံများကို ပခုက္ကူမြို့မှတစ်ဆင့် ပေါက်မြို့ စည်ပင်သာယာဈေးအတွင်းသို့ ဝင်ရောက်ပြီး ဒေသတွင်းရှိ ကျေးရွာများမှ စားသုံးသူများလာရောက် အရောင်းအဝယ် ဖောက်ကားရာဈေးဖြစ်ပါသည်။

      ပေါက်မြို့စည်ပင်သာယာဈေးတွင် ဒီဇင်ဘာလ (၇)ရက်နေ့မှ (၁၂)ရက်နေ့အတွင်း နေ့စဉ် အရောင်းအဝယ်ဖြစ်နေသည့် ကုန်ဈေးနှုန်းများမှာ ခရမ်းချဉ်သီး(ထိုင်ဝမ်) (၁)ပိဿာ ကျပ်(၁၆၀၀)၊ ဗမာခရမ်းချဉ်သီး(၁)ပိဿာ ကျပ်(၂၅၀၀)၊ ခရမ်းချိုသီး (၁)ပိဿာ ကျပ်(၁၂၀၀)၊ မျှစ်(၁)ပိဿာ ကျပ် (၂၆၀၀) ၊ ဘူးသီး(၁)လုံးလျှင် ကျပ်(၅၀၀ မှ ၁၀၀၀) ၊ ခါကြက်ဥ(၁)ပိဿာ ကျပ်(၂၅၀၀)၊ ဂေါ်ဖီ ထုပ် (၁)ထုပ် ကျပ်(၉၀၀ မှ ၁၂၀၀)၊ ကြက်သွန်နီ(အသစ်)(၁)ပိဿာ ကျပ်(၃၅၀၀)၊ ကြက်သွန်ဖြူ (ဗမာ) (၁)ပိဿာ ကျပ်(၃၅၀၀ မှ ၄၀၀၀)၊ ကြက်သွန်ဖြူ (ကြူကုတ်)(၁)ပိဿာ ကျပ်(၅၅၀၀ မှ ၆၀၀၀)၊ ပဲနှောက်ခြမ်း(၁)ပြည် ကျပ်(၆၄၀၀)၊ ကုလားပဲခြမ်း(၁)ပြည် ကျပ်(၆၄၀၀)၊ ငရုတ်သီးစိမ်း (၁)ပိဿာ ကျပ်(၃၀၀၀)၊ ငရုတ်သီးစိမ်း(ရွှေအပ်သီး)(၁)ပိဿာ ကျပ်(၁၂၀၀၀)၊ ငရုတ်သီးခြောက် (အတောင့်)(၁)ပိဿာ ကျပ်(၂၀၀၀၀)၊ ငရုတ်သီးမှုန့်(အကြမ်း)(၁)ပိဿာ ကျပ်(၂၅၀၀၀)၊ ငရုတ်သီးမှုန့် (အနု) (၁)ပိဿာ ကျပ်(၂၅၀၀၀)၊ ဂျင်းတက်(၁)ပိဿာ ကျပ်(၂၅၀၀)၊ ဂျင်းပေါက်(၁)ပိဿာ ကျပ်(၃၀၀၀)၊ အာလူး (၁)ပိဿာ ကျပ်(၂၈၀၀)၊ ကြက်ဥ(၁)ပိဿာ ကျပ် (၆၀၀၀)၊ ပန်းမုန်လာ(၁)ပွင့် ကျပ်(၅၀၀ မှ ၇၀၀)၊ CPကြက်(၁)ပိဿာ ကျပ်(၁၂၀၀၀)၊ ဗမာကြက် (၁)ပိဿာ ကျပ်(၁၃၀၀၀)၊ ဆိတ်သား (၁)ပိဿာ ကျပ်(၂၀၀၀၀)၊ အမဲသား (၁)ပိဿာ ကျပ် (၁၄၀၀၀ မှ ၁၆၀၀၀)၊ ဝက်သား(၁)ပိဿာ ကျပ်(၁၄၀၀၀ မှ ၁၆၀၀၀)၊ ငါးကြင်း(၁)ပိဿာ ကျပ် (၈၀၀၀)၊ ငါးမုတ် (၁)ပိဿာ ကျပ်(၆၀၀၀)၊ ငါးခူ(၁)ပိဿာ လျှင် ကျပ်(၈၀၀၀)၊ ဧရာမင်းဆန် (၁)အိတ် ကျပ်(၆၀၀၀၀)၊ ဧရာပဒေသဆန်(၁)အိတ် ကျပ်(၆၅၀၀၀)၊ အမေ့နို့ရည်ဆန်(၁)အိတ် ကျပ်(၇၃၀၀၀)၊ မိုးဆန်းပန်းဆန် (၁)အိတ် ကျပ်(၆၀၀၀၀)၊ ဆင်းသုခ (၁)အိတ် ကျပ်(၅၅၀၀၀)၊ မနောသုခ(၁)အိတ် ကျပ်(၅၅၀၀၀)၊ နှမ်းဆီ (၁)ပိဿာ ကျပ် (၁၂၀၀၀)၊ ပဲဆီ (၁)ပိဿာ ကျပ် (၁၂၀၀၀)၊ ရောဆီ(၁)ပိဿာ ကျပ်(၆၀၀၀) ဈေးတို့ရှိကြောင်း၊ ပေါက်မြို့ စည်ပင်သာယာဈေးအတွင်းရှိ ရောင်းဝယ်ဖောက်ကားသူများထံမှ သိရှိရပါသည်။

DOCA(မကွေး)

        မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၌ ဝါစိုက်ဧက (၇၄၄၅) စိုက်ပျိုးထားရှိပြီး ဝါစိုက်တောင်သူအများစုသည် နိုင်ငံခြားစပ်မျိုး  (၆၆၆)မျိုးကို အများဆုံးစိုက်ပျိုးလျက်ရှိကြောင်း သိရှိရပါသည်။

    ဝါစိုက်တောင်သူများသည် ယခုနှစ်တွင်နိုင်ငံခြားစပ်မျိုးကိုပြောင်းလဲစိုက်ပျိုးခဲ့၍ တစ်ဧက အထွက်နှုန်းမှာ (၃၅၀-၄၀၀)ပိဿာအထိရရှိခဲ့ပြီး ပိုးသတ်ဆေးသုံးစွဲမှုလည်း လျော့ချသုံးစွဲခဲ့ရသည့် အပြင် စျေးကောင်းရောင်းရ၍ အဆင်ပြေလျက်ရှိကြောင်းသိရှိရပါသည်။ ယခုနှစ် ဝါထွက်ချိန် ပထမအပတ်တွင် ဝါတစ်ပိဿာလျှင် ကျပ်(၂၈၀၀)၊ ဒုတိယအပတ်တွင်ကျပ်(၂၉၀၀-၃၀၀၀)၊ တတိယ အပတ်တွင်ကျပ် (၂၈၀၀-၂၉၀၀) ပေါက်စျေးရရှိခဲ့ကြောင်း သိရှိရပါသည်။

     ယခင်နှစ်တွင် အထွက်နှုန်းကောင်းခဲ့သော်လည်း ဝါထွက်ချိန်ပထမအပတ်တွင် ဝါတစ်ပိဿာလျှင် ကျပ်(၂၀၀၀-၂၂၀၀-၂၄၀၀)အထိ ဈေးမြင့်ဆုံးရရှိခဲ့သော်လည်း ယခုနှစ်မှာ ယခင်နှစ်ကထက် ဈေးပိုရ၍  ဝါစိုက်တောင်သူများ အဆင်ပြေလျက်ရှိကြောင်း သိရှိရပါသည်။

DOCA(မကွေး)

         မကွေးတိုင်းဒေသကြီး၊ သရက်ခရိုင်၊ သရက်မြို့၌ ပဲကပ်ကြော်၊ ပဲမဲကြော် လုပ်ငန်းလုပ်ကိုင် ဆောင်ရွက်ကြသူများ မိသားစုစီးပွားရေး အဆင်ပြေပြီး ဝင်ငွေတိုးလျက်ရှိကြောင်း သိရပါသည်။ ပဲကပ်ကြော် ကြော်ရာတွင် ပထမဦးစွာ ကုလားပဲကိုည(၁၂)နာရီကြာအောင် ရေစိမ်ထားရကြောင်း၊ ရေစိမ်ပြီးသော ကုလားပဲ(၁)ပိဿာ(၅၀)ကျပ်သား ကိုရေစစ်ပြီး၊ ကြိတ်ပြီးသား ဆန်မှုန့် (၆)ပြည်၊ ပဲမှုန့် (၇၅)ကျပ်သားတို့နှင့် ရောနှောအရည်ဖျော်ပြီး ကြော်ရကြောင်း၊ နေ့စဉ် နံနက်(၀၄:၀၀)နာရီမှ (၁၄:၀၀)နာရီအထိ ကြော်ရကြောင်း၊ တစ်နေ့ပဲကပ်ကြော် ကြော်ရာတွင် ကုန်ကျငွေမှာ ကုလားပဲ(၁)ပိဿာ(၅၀)ကျပ်သားလျှင်ကျပ်၆၆၀၀၊ အကြော်ခံဆီ (၆)ပိဿာ (၅၀) ကျပ်သားအတွက်ကျပ်၃၈၃၅၀၊ ဆန်ကွဲ(၆)ပြည်ကျပ်၁၂၆၀၀၊ ပဲမှုန့်(၀.၇၅)ကျပ်သားလျှင် ကျပ်၃၆၀၀၊ ဆန်ကွဲကြိတ်ခ(၆)ပြည် ကျပ်၄၈၀၀နှင့် အချိုမှုန့် ကျပ်၃၀၀၀ကုန်ကျကြောင်း၊ ထို့အပြင် ထင်းမီး ဖြင့်ကြော်ရာတွင် ထင်းဘိုး သုံးစွဲခအနေဖြင့် ကျပ်၅၀၀၀၊ လုပ်သား(၁)ဦး ငှားရမ်းခအတွက် ကျပ် ၄၀၀၀နှင့် မြို့တွင်းသို့ဖြန့်ဖြူးရာတွင် စက်သုံးဆီသုံးစွဲခမှာ ကျပ်၅၀၀၀ဖြစ်ကြောင်း၊ ကြော်ပြီးသား ပဲကပ်ကြော်များကို ထုပ်ပိုးရာတွင်ပျော့မသွားစေရန်အတွက် လေလုံအောင် ပလတ်စတစ်အိတ် (အကြီး) ဖြင့်ထုပ်ပိုးရသဖြင့် တစ်ထုပ်လျှင် ကျပ်၅၅၀ဖြင့် ၆ထုပ်လျှင်ကျပ်၃၃၀၀ဖြစ်၍ စုစုပေါင်း ကုန်ကျငွေမှာ ကျပ်၈၆၂၅၀ကုန်ကျကြောင်း၊ တစ်နေ့လျှင် ပဲကပ်ကြော်(၁၀)ခုပါဝင်သော အထုပ် (၁၂၀)ရရှိပြီး (၁၀)ခုထုပ် တစ်ထုပ်လျှင် ကျပ်၉၀၀ဖြင့်ရောင်းရကြောင်း၊ အထုပ်ပေါင်း(၁၂၀)လျှင် ရောင်းရငွေမှာ ကျပ် ၁၀၈၀၀၀ ရရှိပြီး နေ့စဉ်အမြတ်ငွေ ကျပ်(၂၁၇၅၀) ရရှိကြောင်း၊ အလှူများရှိ၍ အော်ဒါများ လက်ခံရပါက ပို၍ကြော်ရကြောင်း သိရှိရပါသည်။

          ထို့နောက် ပဲမဲကြော်ကိုလည်းပူးတွဲကြော်ပြီးရောင်းချကြောင်း၊ ပဲမဲကြော်ပြုလုပ်ရာတွင် ပဲယင်းကိုအသုံးပြုရကြောင်း၊ ပဲမဲကြော်ပြုလုပ်ရာတွင် ပဲကိုတူးနေအောင်ပြုတ်ရပြီး ကြေညက် အောင်ထောင်း၍ ဆန်မှုန့်၊ ဆား၊ အချိုမှုန့်နှင့် ဆိုဒါတို့ဖြင့် အသင့်အတင့်ထည့်ကာ သမအောင် မွှေပြီးကြော်ရကြောင်း၊ (၂)ကြိမ်ခန့်ကြော်ရကြောင်း၊ ပထမကြော်ချိန်မှာ (၁၂)နာရီခွဲခန့် ကြာ အောင်ကြော်ရကြောင်း၊ ထို့နောက် ကြော်ပြီးသားပဲကိုပြန် ဆယ်ပြီး၊ ဒုတိယအကြိမ်ပြန်ကြော်လျှင် (၂)နာရီ(၁၅)မိနစ်ခန့်ထပ်ကြော်ရကြောင်း၊ အကြော်ခံဆီမှာ (၂)ပိဿာကုန်ကျကြောင်း၊ (၂)ကြိမ် ကြော်ပြီးလျှင် ဆီစစ်ရန်အတွက်ပဲမဲကြော်ကို ဇကာထဲသို့စောင်း၍ ထည့်ပြီး တစ်ညလုံး ဆီစစ်ထားရကြောင်း၊ တစ်နေ့လျှင် ပဲမဲကြော်အတွက်ကုန်ကျငွေမှာ ပဲယင်း(၁)ပြည်လျှင်ကျပ်၅၂၅၀၊ အကြောခံဆီ (၂)ပိဿာလျှင်ကျပ်၁၁၈၀၀၊ ဆန်မှုန့်(၁.၂၅)ပိဿာလျှင်ကျပ်၃၃၇၅၊ ဆား၊ အချိုမှုန့် ကျပ်၅၀၀နှင့် လုပ်သားငှားရမ်းခ(၁)ဦးအတွက် ကျပ်၃၀၀၀ ကုန်ကျကြောင်း၊ ထို့အပြင် ထင်းဘိုး သုံးစွဲခအနေဖြင့် ကျပ်၃၀၀၀နှင့် ကြော်ပြီးသား ပဲမဲကြော်များကိုထုပ်ပိုးရာတွင် ပျော့မသွားစေရန် အတွက်လေလုံအောင် ပလတ်စတစ်အိတ်(အလတ်)ဖြင့်ထုပ်ပိုးရသဖြင့် အိတ်ထုပ်(၁)ထုပ်လျှင် ကျပ်၄၅၀နှင့် မြို့တွင်းသို့ဖြန့်ဖြူးရာတွင် စက်သုံးဆီသုံးစွဲခမှာ ကျပ်၃၀၀၀ဖြစ်ပြီး စုစုပေါင်းကုန်ကျငွေ ကျပ်(၃၀၃၇၅)ဖြစ်ကြောင်း၊ တစ်နေ့လျှင် အခုရေ(၄၀၀)ရရှိပြီး၊(၁၀)ခုပါ(၁)ထုပ်လျှင် ကျပ်၉၀၀ ဖြင့် ရောင်းရကြောင်း၊ အထုပ်ပေါင်း (၄၀) လျှင် အမြတ်ငွေ ကျပ်၅၆၂၅ ရရှိကြောင်း၊ အော်ဒါများ လက်ခံရပါက ပိုမိုရောင်းချရကြောင်း၊ တစ်နေ့လျှင်ပဲကပ်ကြော်၊ ပဲမဲကြော်ရောင်းရသည့် အမြတ်ငွေမှာကျပ်(၂၇၃၇၅)ရရှိကြောင်းနှင့် မိသားစုတစ်စုအနေဖြင့် နေ့စဉ်စီးပွားရေး အဆင်ပြေလျက်ရှိကာ ဝင်ငွေတိုးလျက်ရှိကြောင်း၊ ပဲကပ်ကြော်ရောင်းချသည့်လုပ်ငန်းလုပ်ကိုင်သူ ဒေါ်သူဇာထွန်းထံမှ သိရှိရပါသည်။

DOCA(မကွေး)

      ယခု(၁)ပတ်တွင် ပခုက္ကူမြေပဲဈေးကွက်၌ မြေပဲဈေးများ ဆက်လက်ကျဆင်းနေပြီး ဒီဇင်ဘာလ(၆)ရက်မှ(၁၂)ရက်နေ့အထိ (၁)ပတ်အတွင်း မြေပဲတောင့်(အခြောက်) ပိဿာ(၃၅၀၀၀)၊ တင်း (၂၃၀၀)ခန့် ၊ မြေပဲဆံ ပိဿာ(၁၀၀၀၀)၊ ပိဿာ(၃၀)ဝင်ဆံ့ အိတ်(၃၃၀)ခန့် ဝင်ရောက်လျက်ရှိပြီး မြေပဲတောင့်(အခြောက်)(၁)ပိဿာလျှင် ကျပ်(၂၅၀၀ မှ ၃၂၀၀)၊ မြေပဲဆံ(၁)ပိဿာလျှင် လက်ကားဈေးလုံးဆံ(ရှယ်) ကျပ်(၅၁၀၀)နှင့် ဆီဆံ ကျပ်(၄၈၀၀) ဈေးဖြင့် အရောင်းအဝယ်ဖြစ်လျက်ရှိသည်။ ပခုက္ကူမြို့မဈေးကြီးအတွင်း၌ လက်လီဈေး မြေပဲလုံးဆံ(၁)ပိဿာလျှင် ကျပ်(၅၀၀၀ မှ ၅၅၀၀) ဈေးဖြင့် အရောင်းအဝယ်ဖြစ်လျက်ရှိသည်။

    ဈေးကွက်အတွင်းရှိ မြေပဲများကို ရန်ကုန်၊ မန္တလေးမြို့နှင့် ပခုက္ကူမြို့ပေါ်ရှိ လုပ်ငန်းရှင်များထံ သို့ ဖြန့်ဖြူးလျက်ရှိပြီး မြေပဲဆံများကို ပြည်ပပို့ကုန်အဖြစ် မန္တလေးမြို့မှတစ်ဆင့် တရုတ်နိုင်ငံသို့ တင်ပို့ဖြန့်ဖြူးလျက်ရှိသော်လည်း ဒီဇင်ဘာ(ဒုတိယ)ပတ်တွင် တရုတ်နှစ်သစ်ကူးပွဲတော်ရှိသော ကြောင့် ပြည်ပပို့ကုန်အဖြစ် တင်ပို့မှုမရှိကြောင်း၊ ယခု(၁)ပတ်တွင် ဈေးကွက်အတွင်းသို့ မြေပဲအဝင်နည်းပြီး ဒေသတွင်းသာ အရောင်းအဝယ်ဖြစ်လျက်ရှိကြောင်း သိရှိရသည်။

DOCA(မကွေး)