ပြည်တွင်းကုန်သွယ်မှုသတင်း

         မုံရွာကုန်စည်ဒိုင်တွင် ပဲအမျိုးအစားအလိုက် ဈေးနှုန်းများမှာ ယခင်နှစ် ကာလတူဈေးထက် ယခု နှစ် ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေးနှုန်းများ ဈေးပိုကောင်းလျက်ရှိပြီး၊ ထောပတ်ပဲဈေးနှုန်း မှာဈေးနှုန်းတူညီနေပြီး၊ စွန်တာနီ/ပြာ တစ်မျိုးသာ ဈေးနှုန်းကျဆင်းခဲ့ကြောင်း ကုန်စည်ဒိုင်ဈေးနှုန်း သတင်းများအရ သိရသည်။

မတ်ပဲ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပဲတစ်တင်းလျှင် ကျပ် ၄၀၅၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၅၆၅၀၀ ဖြင့် အရောင်းအဝယ် ဖြစ်ခဲ့ကာ တစ်တင်း လျှင် ကျပ် တစ်သောင်းခွဲကျော် ပိုမိုခဲ့သည်။ တစ်ရက်လျှင် အိတ်ရေ ၇၀မှ ၁၀၀ ခန့် အရောင်းအဝယ် ဖြစ်ကြောင်း သိရသည်။

ပဲစဉ်းငုံ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပဲတစ်တင်းလျှင် ကျပ် ၃၅၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၅၄၈၀၀ ဖြင့် အရောင်းအဝယ် ဖြစ်ခဲ့ကာ တစ်တင်း လျှင် ကျပ် နှစ်သောင်းခန့် ပိုမိုခဲ့သည်။ တစ်ရက်လျှင် အိတ်ရေ ၇၀မှ ၁၀၀ ခန့် အရောင်းအဝယ် ဖြစ်ကြောင်း သိရသည်။

ပဲတီစိမ်း

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပဲတစ်တင်းလျှင် ကျပ် ၃၆၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၄၆၅၀၀ ဖြင့် အရောင်းအဝယ် ဖြစ်ခဲ့ကာ တစ်တင်း လျှင် ကျပ် တစ်သောင်းကျော် ပိုမိုခဲ့သည်။ တစ်ရက်လျှင် အိတ်ရေ ၈၀မှ ၁၀၀ ခန့် အရောင်းအဝယ် ဖြစ်ကြောင်း သိရသည်။

ကုလားပဲ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ကုလားပဲဖြူလုံးကြီးတစ်တင်းလျှင် ကျပ် ၄၁၀၀၀ ဖြစ်ခဲ့ပြီး ယခုနှစ် ဒီဇင်ဘာတွင် ပဲတစ်တင်းလျှင် ကျပ် ၆၄၀၀၀၊ 929  တစ်တင်းလျှင် ကျပ် ၄၀၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၆၀၀၀၀၊ ထိုင်ဝမ် တစ်တင်းလျှင် ကျပ် ၃၇၅၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၅၈၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းမှ နှစ်သောင်းခွဲခန့်  ပိုမိုခဲ့သည်။ တစ်ရက်လျှင် အိတ်ရေ ၁၈၀မှ ၂၀၀ ခန့် အရောင်း အဝယ်ဖြစ်ကြောင်း သိရသည်။

စွန်တာနီ/ပြာ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပဲတစ်တင်းလျှင် ကျပ် ၅၆၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၄၀၀၀၀ ဖြင့် အရောင်းအဝယ် ဖြစ်ခဲ့ကာ တစ်တင်း လျှင် ကျပ် တစ်သောင်းခွဲကျော် လျော့နည်းခဲ့ပါသည်။ တစ်ရက်လျှင် အိတ်ရေ ၈၀မှ ၁၀၀ ခန့် အရောင်းအဝယ်ဖြစ် ကြောင်း သိရသည်။

ထောပတ်ပဲ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပဲတစ်တင်းလျှင် ကျပ် ၄၇၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် ပဲတစ်တင်းလျှင် ကျပ် ၄၇၀၀၀ ဖြင့် အရောင်းအဝယ် ဖြစ်ခဲ့ကာ ဈေးနှုန်းတူညီနေပါ သည်။ တစ်ရက်လျှင် အိတ်ရေ ၅၀မှ ၈၀ ခန့် အရောင်း အဝယ်ဖြစ် ကြောင်းသိရသည်။

အစေ့ထုတ်ပြောင်း

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပြောင်းတစ်တင်းလျှင် ကျပ် ၁၁၆၀၀ ဖြစ်ခဲ့ပြီး ယခု နှစ် ဒီဇင်ဘာလတွင် ပြောင်း တစ်တင်းလျှင် ကျပ် ၂၁၀၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်ကိုးထောင်ကျော် ပိုမိုခဲ့သည်။ တစ်ရက်လျှင် အိတ်ရေ ၁၀၀မှ ၁၅၀ ခန့် အရောင်း အဝယ် ဖြစ်ကြောင်း သိရသည်။

မြေပဲဆံသီးနှံ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် မြေပဲဆံနီ တစ်ပိဿာလျှင် ကျပ် ၂၉၀၀ ဖြစ်ခဲ့ပြီး ယခုနှစ် ဒီဇင်ဘာလတွင် တစ်ပိဿာလျှင် ကျပ် ၅၅၅၀၊ မြေပဲဆံဖြူ တစ်ပိဿာလျှင် ကျပ် ၃၀၅၀ ဖြစ်ခဲ့ပြီး ယခုနှစ် ဒီဇင်ဘာလတွင် တစ်ပိဿာလျှင် ကျပ် ၅၂၀၀၊ တစ်ပိဿာလျှင် ကျပ် နှစ်ထောင်ကျော် ပိုမို ခဲ့သည်။ တစ်ရက်လျှင် အိတ်ရေ ၁၀၀မှ ၁၅၀ ခန့် အရောင်းအဝယ် ဖြစ်ကြောင်း သိရသည်။

နှမ်းမျိုးစုံသီးနှံ

          မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် နှမ်းနက် တစ်တင်းလျှင် ကျပ် ၅၅၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် တစ်တင်းလျှင် ကျပ် ၈၃၀၀၀၊ နှမ်းဖြူ တစ်တင်းလျှင် ကျပ် ၄၆၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် တစ်တင်းလျှင် ကျပ် ၈၂၅၀၀၊ နှမ်းညို တစ်တင်းလျှင် ကျပ် ၄၁၀၀၀ ဖြစ်ခဲ့ပြီး ယခုနှစ် ဒီဇင်ဘာလတွင် တစ်တင်းလျှင် ကျပ် ၆၉၅၀၀ ဖြင့် အရောင်း အဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခွဲကျော်မှ သုံးသောင်းခွဲကျော်အထိ ပိုမိုခဲ့သည်။ တစ်ရက် လျှင် အိတ်ရေ ၁၀၀မှ ၁၅၀ ခန့် အရောင်းအဝယ်ဖြစ်ကြောင်း သိရသည်။

DOCA(စစ်ကိုင်း)

          မြန်မာပြည်အထက်ပိုင်း၏ ဆန်အိုးကြီးဟု တင်စားခေါ်ဝေါ်ကြသည့် စစ်ကိုင်းတိုင်း ဒေသကြီးတွင် ရွှေဘိုပေါ်ဆန်းကို နှစ်စဉ်စိုက်ဧက သုံးသိန်းမှ လေးသိန်း ကြားစိုက်ပျိုး လျက်ရှိကြောင်း၊ ရွှေဘိုခရိုင်၊ ရေဦးခရိုင်၊ ကန့်ဘလူခရိုင်တို့တွင် အများဆုံးစိုက်ပျိုးကြကြောင်း စိုက်ပျိုးရေးဦးစီးဌာန၏ စာရင်း ဇယားများအရသိရှိရပါသည်။  ရွှေဘိုပေါ်ဆန်းသည် မြန်မာလူမျိုးတို့နှစ်သက်သည့် ဆန်အမျိုးအစား တစ်မျိုးဖြစ်ပြီး စစ်ကိုင်းတိုင်းဒေသကြီး၏ အမှတ်အသားထုတ်ကုန်တစ်မျိုးဟုလည်း ဆိုနိုင်ပါသည်။ ယခုနှစ်တွင် ရွှေဘိုပေါ်ဆန်းစိုက်ဧက ၃.၅ သိန်းကျော် စိုက်ပျိုးကြောင်း သိရသည်။ အထွက်နှုန်းအနေဖြင့် တစ်ဧကလျှင်ပျမ်းမျှ ၈၂တင်းကျော်ထွက်ရှိနိုင်မည်ဟု ခန့်မှန်းထားသည့်အတွက် စုစုပေါင်းအထွက် တင်းပေါင်း သိန်း ၃၀၀နီးပါးခန့် ရှိမည်ဖြစ်ပါသည်။ ယခုနှစ်တွင် လိုအပ်သလောက်ဆည်ရေရရှိခဲ့ခြင်း၊ ရာသီဥတု ကောင်းမွန်ခြင်း၊ ဖျက်ပိုးကျမှုမရှိသလောက်နည်းပါးခြင်းတို့ကြောင့် စပါးအထွက် နှုန်းနှင့် အရည်အသွေးကောင်းမွန်ကြောင်း ဒေသခံရွှေဘိုပေါ်ဆန်းစပါးစိုက်ပျိုးသူများထံမှ သိရှိရပါသည်။   စိုက်ပျိုး ကာလတွင် သွင်းအားစုဈေးနှုန်းများမြင့်တက်ခဲ့သဖြင့် စိုက်ပျိုးထုတ်လုပ် မှုစရိတ် အနည်းငယ် မြင့်မားခဲ့ သော်လည်း စ်ိုက်ပျိုးထုတ်လုပ်သူများအတွက် တစ်ဧကအကျိုးအမြတ် ကျပ်၁၀သိန်းခန့် ရရှိနိုင်မည် ဖြစ်သည့်အတွက် ဒေသခံစပါးစိုက် လယ်သမားများအတွက် တွက်ချေအကိုက်ဆုံးသီးနှံ ဖြစ်ကြောင်း လယ်သမားများထံမှ သိရှိရပါသည်။ 

          ယခုနှစ်တွင် ရွှေဘိုပေါ်ဆန်းစပါးကို ဒီဇင်ဘာလဒုတိယပတ်မှ စတင်၍ စပါးသစ်များ ရိတ်သိမ်းလျှက်ရှိရာ ဒီဇင်ဘာလကုန်တွင် ၄၀ရာခိုင်နှုန်းခန့်ရိတ်သိမ်းပြီးစီးနိုင်ကြောင်း၊ ဇန်နဝါရီ လကုန်တွင် ရာနှုန်းပြည့်ခန့်ရိပ်သိမ်းပြီးစီးနိုင်ကြောင်း သိရှိရပါသည်။ စပါးသစ်ဈေးနှုန်း အနေဖြင့် စပါးတင်းတစ်ရာလျှင် ၁၆သိန်းကျပ်ခန့် ဈေးဖြင့်လက်ရှိ အရောင်းအဝယ် ဖြစ်နေကြောင်း၊ ရွှေဘိုပေါ်ဆန်း ဆန်သစ်ဈေးမှာ ၂၄ ပြည်တစ်အိတ်လျှင် ၅၇၀၀၀ ကျပ်ခန့်ဖြစ်ကြောင်း ရွှေဘို ပေါ်ဆန်းစိုက်ပျိုးထုတ်လုပ် တင်ပို့ရောင်းချသူများအသင်းမှ သိရသည်။ ယခင်နှစ် ရွှေဘို ပေါ်ဆန်း ပေါ်ဦးပေါ်ဖျားဈေးနှုန်းမှာ စပါးတင်းတစ်ရာလျှင် ၁၁သိန်းကျပ် ဝန်းကျင်ခန့်ဖြစ်သဖြင့် ယခုနှစ်ရွှေဘိုပေါ်ဆန်းစပါးသည် ပေါ်ဦးပေါ်ဖျားကာလ၌ပင် ဈေးကောင်းရနေသည်ဟုဆိုနိုင်ပါသည်။ လောလောဆယ်တွင် လှောင်လက်များအဝယ်နည်းနေသေးပြီး ကြိက်ခွဲရောင်းချကြမည့် ဒေသခံဆန်စက်ပိုင်ရှင်များက အဝယ်များနေကြောင်း စျေးကွက်မှ သိရှိရပါသည်။

        ရွှေဘိုပေါ်ဆန်းဆန်သစ်ပေါ်ပြီဖြစ်သော်လည်း စပါးဟောင်းများသည်လည်း ဈေးကွက်တွင် အရောင်းသွက်လျှက်ရှိနေဆဲဖြစ်ရာ စပါးဟောင်းတင်းတစ်ရာလျှင် ၂၆သိန်းကျပ်နှင့် ဆန်ဟောင်း၂၄ပြည် တစ်အိတ်လျှင် ၈၈၀၀၀ ကျပ်ဖြင့် အရောင်းအဝယ်ဖြစ်နေကြောင်း၊ မြန်မာနိုင်ငံဒေသအနှံ့ တင်ပို့လျှက်ရှိကြောင်း ကုန်သည်အသိုင်းအဝိုင်းမှ သိရှိရပါသည်။

DOCA(စစ်ကိုင်း)

        တမူးနယ်စပ်ကုန်သွယ်ရေးစခန်းအနေဖြင့်  ၂၀၂၂-၂၀၂၃ ဘဏ္ဍာနှစ်အတွက် ကုန်သွယ်မှုလျာ ထားချက်မှာပို့ကုန်ပမာဏ အမေရိကန်ဒေါ်လာသန်းပေါင်း(70.000)၊ သွင်းကုန်ပမာဏ အမေရိကန် ဒေါ်လာသန်းပေါင်း(3.000)၊  စုစုပေါင်း ကုန်သွယ်မှုပမာဏ ကျပ်သန်း(73.000)ဖြစ်ပါသည်။ တမူး နယ်စပ်ကုန်သွယ်ရေးစခန်းမှ အိန္ဒိယနိုင်ငံသို့  ကုန်သွယ်မှုအနေဖြင့် ၂၀၂၂ခုနှစ်၊ ဧပြီလမှ အောက်တို ဘာလအထိ (8)လတာကာလအတွင်း ပို့ကုန် ပမာဏအမေရိကန်ဒေါ်လာသန်း(6.630)၊ သွင်းကုန် ပမာဏအမေရိကန်ဒေါ်လာသန်း(3.931)၊ စုစုပေါင်းကုန်သွယ်မှုပမာဏ အမေရိကန်ဒေါ်လာသန်း (10.561)ဆောင်ရွက်နိုင်ခဲ့ပါသည်။ ဒီဇင်ဘာလ(၁၆)ရက်နေ့အထိ ပို့ကုန်ပမာဏမှာ အမေရိကန်ဒေါ် လာသန်း(0.၆၉၄)၊ သွင်းကုန်ပမာဏ မှာ အမေရိကန်ဒေါ်လာသန်း(0.၁၅၇) စုစုပေါင်း ကုန်သွယ်မှု ပမာဏ အမေရိကန်ဒေါ်လာသန်း(0.၈၅၁)ဆောင်ရွက်နိုင်ခဲ့သည့်အတွက် (9)လတာကာလအတွင်း စုစုပေါင်း ပို့ကုန်ပမာဏ မှာ အမေရိကန်ဒေါ်လာသန်း (၇.၃၂၄)၊ သွင်းကုန်ပမာဏ အမေရိကန် ဒေါ်လာ သန်း(4.၀၈၈)၊ ကုန်သွယ်မှုပမာဏ အမေရိကန် ဒေါ်လာသန်း (1၁.၄၁၂)ဖြစ်၍ (၁)နှစ်စာ လျာထားချက်အပေါ်(၁၅.၆၃၃)% ဆောင်ရွက်နိုင်ခဲ့ပြီး၊ ဧပြီလမှ ဒီဇင်ဘာလထိ(9)လတာ လျာထားချက် အပေါ် (23.၆၇၆)% ဆောင်ရွက်နိုင်ခဲ့ပြီးဖြစ်ကြောင်း တမူးနယ်စပ်ကုန်သွယ်ရေးစခန်း၏ စာရင်းများ အရသိရပါသည်။

          အများဆုံးပို့ကုန်များအနေဖြင့် ကွမ်းသီး၊ မက်မန်းသီး၊ မြေပဲဆံ၊ ကြက်သွန်နီ၊ နန့်ဖာလုံ ကုန်စုံနှင့် စီးကရက်(အမျိုးမျိုး)တို့ဖြစ်ပြီး သွင်းကုန်များအနေဖြင့် ဓါတ်မြေဩဇာနှင့် ဆံပင်တို့ ဖြစ် ကြောင်း သိရပါသည်။

      တမူးကုန်သွယ်ရေးစခန်းအနေဖြင့် ကုန်သွယ်ရေးဦးစီးဌာန(ရုံးချုပ်)၏ ညွှန်ကြားချက်များနှင့် အညီ ကုန်သွယ်မှုတွင် ကြုံတွေနေရသော အခက်အခဲများအား ကုန်သွယ်ရေးဦးစီးဌာန(ရုံးချုပ်)တို့ အချိန်နှင့်တပြေးညီတင်ပြခြင်း၊ ဒေသအာဏာပိုင်အဖွဲ့အစည်းများ၊ ဆက်စပ်ဌာနဆိုင်ရာများ၊ OSS ဌာနဆိုင်ရာများ၊ ကုန်သည်အသင်းအဖွဲ့များ၊ ကုမ္ပဏီလုပ်ငန်းများနှင့် ပေါင်းစပ်ညှိနှိုင်း ဆောင်ရွက် ပေးခြင်းများဖြင့် ကုန်သွယ်မှု လျှင်မြန်ချောမွေ့စေရေးနှင့် ကုန်သွယ်မှုလျာထားချက် ပြည့်မှီစေရေး ဆောင်ရွက်လျက်ရှိကြောင်း သိရှိရပါသည်။  

DOCA(စစ်ကိုင်း)

          ကလေးမြို့နယ်ရှိ သာစည်၊ ချင်းဆိုင်၊ ကန်ပုလဲကျေးရွာနှင့် တောင်အူ၊ ပျဉ်သာ၊ ဆည်တော်ဉီး ကျေးရွာများတွင် စားတော်ပဲအရွက်နှင့် စားတော်ပဲနုများ ရောင်းချရန် စပါးခင်းများ စိုက်ပျိုးရိတ်သိမ်းပြီးချိန်တွင် ထွန်ယက်၍ တစ်ပိုင်တစ်နိုင် စိုက်ပျိုးကြပါသည်။ ကလေးနယ် တစ်ဝိုက်မှထွက်ရှိသော စားတော်ပဲနုများကို ကြိုက်နှစ်သက်မှုများပြီး ပေါ်စတွင် စားတော်ပဲနုသီး နို့ဆီဗူးတစ်ဗူးလျှင် ( ၁၇၀၀ ကျပ်မှ ၁၅၀၀ကျပ် ) ပေး၍ ဝယ်ယူစား သုံးရပါသည်။ ယခုအခါတွင် ချင်းတောင်ဒေသ ဘားလုံတွင်လည်း စားတော်ပဲအနုများရောင်းချရန် တစ်ပိုင်တစ်နိုင် စိုက်ပျိုးလာ သည့်အတွက် အစောဆုံးထွက်ရှိကာ ဈေးနှုန်းရရှိပြီး ဈေးကွက်တွင် တောင်ပေါ်ပဲနှင့် မြေပြန့်ပဲဟူ၍ နှစ်မျိုးနှစ်စားရောင်းချလျှက်ရှိပါသည်။ တောင်ပေါ်ဒေသမှထွက်ရှိသည့် စားတော်ပဲနုသည် အလုံး ကြီးပြီး လက်ရှိဈေးကွက်တွင် ဖောက်သည်ဈေး  နို့ဆီတစ်ဗူး လျှင် ( ၈၀၀ )ကျပ်၊ ဈေးနှုန်းရှိပြီး လက်လီဈေးကွက်တွင် နို့ဆီတစ်ဗူးလျှင်(၁၀၀၀)ကျပ်၊ ဈေးနှုန်း ရှိပါသည်။ မြေပြန့်စားတော်ပဲနုသီး နို့ဆီတစ်ဗူး ဖောက်သည်ဈေး နို့ဆီတစ်ဗူးတစ်ထောင်ကျပ် ဈေးနှုန်းဖြစ်ပြီး လက်လီနို့ဆီတစ်ဗူးလျှင် ( ၁၂၀၀ ) ကျပ်ဈေးနှုန်းဖြင့် ရောင်းချလျှက်ရှိပါသည်။ ယခင်နှစ်များက လမ်းပမ်းဆက်သွယ်ရေး ကောင်းမွန်သည့်အတွက် မုံရွာ၊ မန္တလေးမြို့များသို့ စားတော်ပဲနုသီးအတောင့်များ တင်ပို့မှုရှိသော်လည်း ယခုအခါတွင် လမ်းပမ်းဆက်သွယ်ရေး နေ့ချင်းပေါက်မရောက်နိုင်သည့်အတွက် မြို့နယ်တွင်း ဈေးကွက်သာ ရောင်းချရလျက်ရှိကြောင်း သိရှိရပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာနှင့် ရွှေဘိုခရိုင်တို့တွင် စပါး/ ဆန်ဈေးနှုန်းများ ဈေးအေးနေပြီး၊ ကန့်ဘလူခရိုင်တွင်  ဧရာမင်း ဆန်ဈေး အနည်းငယ် ကျဆင်းပါသည်။

      စစ်ကိုင်းတိုင်းဒေသကြီးအတွင်း ဒီဇင်ဘာလ(စတုတ္တ)ပတ်တွင် ဖြစ်ပေါ်နေသော စပါး/ ဆန်ဈေး နှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) (ဟောင်း) တင်း၁၀၀လျှင် ကျပ်(၂၆၀၀၀၀၀)၊ ပေါ်ဆန်း (ဆန်) (ဟောင်း)  ၂၄  ပြည်ပါ တစ်အိတ်လျှင်ကျပ်  ၈၈၀၀၀၊ ရွှေဘိုပေါ်ဆန်း(စပါး) (သစ်) တင်း၁၀၀လျှင် ကျပ်(၁၆၅၀၀၀၀)၊ ပေါ်ဆန်း (ဆန်) (သစ်)  ၂၄  ပြည်ပါ တစ်အိတ်လျှင်ကျပ်  ၅၈၀၀၀၊ ဧရာမင်း(စပါး) (ဟောင်း) တင်း ၁၀၀လျှင် ၁၄၅၀၀၀၀၊ ဧရာမင်း(ဆန်) (ဟောင်း)  ၂၄ ပြည်ပါ တစ်အိတ် ကျပ် ၆၅၀၀၀၊ ဧရာမင်း(စပါး)(သစ်) တင်း ၁၀၀လျှင် ၁၄၅၀၀၀၀၊ ဧရာမင်း(ဆန်) (သစ်)  ၂၄ ပြည်ပါ တစ် အိတ် ကျပ် ၄၈၀၀၀၊ ရေဦးမြို့မှ ပေါ်ဆန်း (စပါး) (ဟောင်း)  တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) (ဟောင်း)  တစ်အိတ်လျှင်ကျပ် ၈၀၀၀၀၊  ပေါ်ဆန်း(စပါး)(သစ်)  တင်း ၁၀၀လျှင် ကျပ် ၁၄၀၀၀၀၀၊ ပေါ်ဆန်း (ဆန်) (သစ်) တစ်အိတ်လျှင်ကျပ် ၅၀၀၀၀၊  ဧရာမင်း(စပါး)(ဟောင်း) တင်း၁၀၀လျှင် ၁၃၀၀၀၀၀၊ ဧရာမင်း (ဆန်)(ဟောင်း)၂၄ ပြည် ပါ တစ်အိတ်  ၅၈၀၀၀၊ ဧရာမင်း (စပါး)(သစ်) တင်း၁၀၀ လျှင် ၁၀၀၀၀၀၀၊ ဧရာမင်း (ဆန်)(သစ်)၂၄ ပြည် ပါ တစ်အိတ်  ၄၀၀၀၀ ကျပ်များဖြင့် အရောင်းအဝယ် ဖြစ်နေကြောင်း သိရပါသည်။

          ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၁၀၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၄၄၀၀၀၊ ငစိန်(စပါး) တင်း ၁၀၀ လျှင် ၉၅၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၄၀၀၀၀၊ ဧရာမင်း (စပါး)တင်း ၁၀၀ လျှင် ကျပ် ၁၃၅၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၅၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

         ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၉၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၄၀၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၈၅၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၃၆၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၀၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၅၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

        မုံရွာခရိုင်၊ မုံရွာမြို့တွင် ဧရာမင်း(စပါး)(ဟောင်း) တင်း ၁၀၀ လျှင် ကျပ် ၁၃၇၀၀၀၀၊  ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၆၀၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၁၁၅၀၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၄၈၀၀၀၊ ပေါ်ဆန်း(စပါး) (ဟောင်း)တင်း ၁၀၀လျှင် ကျပ် ၂၂၀၀၀၀၀၊ ပေါ်ဆန်း(ဆန်)(ဟောင်း) ၂၄ပြည် တစ်အိတ်လျှင် ကျပ် ၈၃၀၀၀၊ ဧရာမင်း (စပါး) (သစ်) တင်း ၁၀၀ လျှင် ကျပ် ၁၅၀၀၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၆၀၀၀၀၊ မနောသုခ (စပါး)(ဟောင်း)တင်း ၁၀၀လျှင် ကျပ် ၁၂၀၀၀၀၀၊ မနောသုခ (ဆန်)(ဟောင်း)၂၄ ပြည် တစ်အိတ်လျှင် ကျပ်၄၄၀၀၀၊  မနောသုခ(စပါး)(သစ်) တင်း ၁၀၀လျှင် ကျပ် ၁၀၅၀၀၀၀၊ မနော သုခ(ဆန်)(သစ်)၂၄ ပြည် တစ်အိတ်လျှင် ကျပ်၄၀၀၀၀ ဖြင့် အရောင်းအဝယ် ဖြစ်နေကြောင်း သိရ ပါသည်။

         ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၂၀၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၅၅၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၇၅၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

         စစ်ကိုင်းတိုင်းဒေသကြီးမှအခြားတိုင်းဒေသကြီးများသို့ ဆန်စီးထွက်မှုမှာ ဒီဇင်ဘာလ (တတိယ) ပတ်တွင် ရန်ကုန်သို့ အိတ်ရေ ၃၂၀၀၀၊ မန္တလေး သို့ အိတ်ရေ ၄၈၂၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၀၀၀၀၊ ရှမ်း (တောင်)သို့ အိတ်ရေ ၉၅၀၀၊ ရှမ်း(မြောက်)သို့အိတ်ရေ ၉၅၀၀၊ ကချင်သို့ အိတ်ရေ ၂၀၀၀၊ စုစုပေါင်းအိတ်ရေ (၁၁၂၂၀၀)အိတ်၊ တန်အားဖြင့် (၅၆၁၀)စီးထွက်ခဲ့ပြီး၊ ယခု ဒီဇင်ဘာလ (စတုတ္တ) ပတ် တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၂၀၀၀၊ မန္တလေး သို့ အိတ်ရေ ၅၃၁၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၉၅၀၀၊ ရှမ်း (တောင်)သို့ အိတ်ရေ ၉၀၀၀၊ ရှမ်း(မြောက်)သို့အိတ်ရေ ၉၀၀၀၊ ကချင်သို့ အိတ်ရေ ၃၀၀၀၊ စုစုပေါင်းအိတ်ရေ (၁၁၆၆၀၀)အိတ်၊ တန်အားဖြင့် (၅၈၃၀)စီးထွက်ခဲ့သည့်အတွက် ယခင်ပတ်နှင့် နှိုင်းယှဉ် လျှင် ယခုပတ်တွင် အိတ်ရေ (၄၂၀၀) တန်အားဖြင့် (၂၂၀) ပိုမို စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)