သတင်းနှင့် လှုပ်ရှားမှုများ
၂၀၂၃ခုနှစ် ဇန်နဝါရီလ ၁၈ ရက်နေ့၊ နံနက် ၁:၀၀ နာရီအချိန်တွင် မုဒုံမြို့ အခြေခံပညာ အမက(မူလွန်)ကော့ခလွယ်၌ စားသုံးသူကာကွယ်ရေးအသိပညာပေးဟောပြောပွဲအား စားသုံးသူရေးရာဦးစီးဌာနနှင့်ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာနတို့ ပူးပေါင်း၍ ဆောင်ရွက်ခဲ့ကြောင်းသိရသည်။
တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့်ဝန်ထမ်းများသည် (၁၈-၁-၂၀၂၃)ရက်နေ့၊ မွန်းလွဲ (၂း၃၀) နာရီအချိန်တွင် မြိတ်မြို့၊ ဘုရားကိုင်ရပ်၊ စိန်ပန်းပြာလမ်းရှိ Hello အမှတ်တံဆိပ် ပေါင်းမုန့်အမျိုးမျိုးထုတ်လုပ်သည့် လုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားနှင့်ပတ်သက်၍ တွေ့ဆုံဆွေးနွေးခဲ့ကြပါသည်။
စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဝန်ထမ်းများသည် စားသုံးသူပြည်သူများ စားသုံးသူကာကွယ်ရေးဆိုင်ရာ အသိပညာဗဟုသုတများ ရရှိစေရေးအသိပညာပေး ဆောင်ရွက်လျက်ရှိရာတွင် ကျေးရွာများသို့ သွားရောက်၍ ကျေးလက်နေပြည်သူများအားလည်း အသိပညာပေးခြင်းကို ဆောင်ရွက်လျက်ရှိပါသည်။
ဟင်္သာတခရိုင်၊ ဟင်္သာတမြို့၊ လယ်တီကွင်းစစ်ဆေးရေးဂိတ်တွင် ဟင်္သာတခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့မှ အဖွဲ့မှူးဦးဆောင်၍ ပူးပေါင်းအဖွဲ့ဖြင့် (၁၈-၁-၂၀၂၃)ရက်နေ့ နံနက် (၀၉:၃၀) နာရီအချိန်၌ တရားမဝင်ကုန်စည်များ သယ်ယူပို့ဆောင်ခြင်း ရှိ/မရှိကို ရှောင်တခင်ကွင်းဆင်းစစ်ဆေးခဲ့ပါသည်။
ပဲခူးတိုင်း၊ တောင်ငူခရိုင်၊ ဖြူးမြို့နယ်ရှိ တောင်သူလယ်သမားများသည် လယ်ယာမြေများ တွင် မိုးရာသီတွင် စပါးကိုအဓိကအားထားစိုက်ပျိုးပြီး ဆောင်းရာသီတွင် မတ်ပဲနှင့် နွေစပါးကို အဓိက ထား၍ စိုက်ပျိုးကြပါသည်။
ဖြူးဒေသတွင်စိုက်ပျိုးသည့် မိုးစပါးမျိုးကွဲများမှာ ဆင်းသုခ၊ မနောသုခ၊ ရတနာတိုး၊ ဧရာမင်း၊ ပခန်းရွှေဝါ၊ နှံကောက်၊ ငစိန်၊ ကောက်ညှင်းနှင့် GW-11 တို့ဖြစ်ပါသည်။ စပါးစိုက်ဧက ပေါင်း (၁၅၀၈၂၆) ရှိရာ စိုက်ဧကအားလုံး ရိတ်သိမ်းပြီးစီးသွားပြီး ဖြစ်ပါသည်။
