သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဦးမိုးညွန့်ဦး(ဦးစီးအရာရှိ) နှင့်ဝန်ထမ်းများသည် သက်ဆိုင်ရာမိတ်ဖက်ဌာနများနှင့် ပူးပေါင်း ၍ ၂၀၂၂ ခုနှစ်၊ မတ် လ (၂၄)ရက်နေ့၊ နံနက် (၁၀ ၀၀)နာရီအချိန်တွင် လွိုင်ကော်မြို့ပေါ်ရှိ စက်ဆီ၊ ချောဆီနှင့် ဆက်စပ်ရေနံထွက်ပစ္စည်းများ တင်သွင်း၊ ထုတ်လုပ်ဖြန့်ဖြူးရောင်းချနေသောဆိုင်များသို့ သွားရောက်၍ ကွင်းဆင်းစစ်ဆေးခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီဌာန၊ ဟင်္သာတခရိုင်ဦးစီးမှူး ဦးဆောင်သောအဖွဲ့သည် ဟင်္သာတမြို့နယ် စည်ပင်သာယာရေးအဖွဲ့ဝင်များနှင့်အတူ ဟင်္သာတခရိုင်၊ ဟင်္သာတမြို့၊ ပဒေသာဈေး၌ မတ်လ (၁၈.၃.၂၀၂၂) နေ့ နံက် (၉:၀၀) တွင် ဈေးအတွင်း ဖြန့်ဖြူးရောင်းချနေသာ ဟင်းသီးဟင်းရွက်ဆီ ( Vegetale Oil,Cooking Oil)များကို ကွင်းဆင်းစီစစ်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ လေးမျက်နှာမြို့နယ်တာဝန်ခံသည် (၁၈.၃.၂၀၂၂)ရက်နေ့ နံနက်(၀၉:၀၀)နာရီအချိန်၌ အမှတ်(၅)ရပ်ကွက်ရှိ မုန့်မျိုးစုံဆိုင်များ၌ ရောင်းချနေသော ကုန်စည်များအား ကုန်အညွှန်းအမှတ်အသား ဖော်ပြရမည့်အချက်များ ပါဝင်မှုရှိ/မရှိ ကွင်းဆင်းစစ်ဆေးခဲ့ပါသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဟင်္သာတခရိုင်၊ ကြံခင်းမြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေးဦးစီး ဌာနရုံးတွင် (၁၄.၃.၂၀၂၂) ရက်နေ့ နံနက် (၁၀:၀၀)နာရီအချိန်၌ ဆီစက်လုပ်ငန်းရှင်(၁၀)ဦးအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ဧရာဝတီတိုင်းဒေသကြီး၊ ဟင်္သာတခရိုင်၊ အင်္ဂပူမြို့နယ်၊ ထူးကြီး အမှတ်(၁)ရပ်ကွက်၊ အုပ်ချုပ်ရေး မှူးရုံးတွင် မတ်လ ၁၈ ရက်နေ့ နံနက် (၁၀:၃၀)နာရီအချိန်၌ အင်္ဂပူ မြို့နယ်တာ ဝန်ခံက ကုန်မျိုးစုံဆိုင်လုပ်ငန်းရှင်(၁၅)ဦးအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။
