သတင်းနှင့် လှုပ်ရှားမှုများ
မအူပင်ခရိုင်၊ မအူပင်မြို့နယ် မလတ်တိုကျေးရွာ၊ ခနောင်ကြီး ရွာမှ အွန်လိုင်းမှတ်ပုံတင် လျောက်ထားသူ Chit Hnin Wai (Tharto May May) အလှကုန်နှင့် အထည်အလိပ်၊ အဝတ်အထည် လုပ်ငန်းမှ Ecomreg system တွင် မှတ်ပုံတင်လျှောက်ထားခဲ့ရာ ဦးစီးဌာနမှ လုပ်ငန်းစစ်ဆေးရန် ကျရောက်လာသဖြင့် Online လုပ်ငန်းသို့ မှတ်ပုံတင်လျှောက်ထားရာတွင် ဖော်ပြထားသော အချက်များနှင့် မြေပြင်အချက်အလက်များ ကိုက်ညီမှုရှိ/မရှိ ကို ၇-၅-၂၀၂၅ ရက်နေ့ နံနက် (၁၀:၃၀)အချိန်က မြေပြင် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းက မအူပင်ခရိုင်ရုံးဝန်ထမ်းများအား အထက်ဌာန’ လမ်းညွှန်ချက်များကို တိကျလိုက်နာဆောင်ရွက်တက်စေရန်နှင့် မိမိပတ်ဝန်းကျင်နှင့် ရုံးများ မိမိတို့နေအိမ်များတွင်လည်း ပစ္စည်းများအား စနစ်တကျကိုင်တွယ် အသုံးပြုပြီး စွန့်ပစ်ပစ္စည်းများအား စနစ်တကျ စီမံဆောင်ရွက်နိုင်ရန် လိုက်နညဆောင်ရွက်တက်စေရန် ဝန်ထမ်းများ စုပေါင်း၍ အမှိုက် စနစ်တကျစွန်ပစ်နိုင်ရေးကို စီမံဆောင်ရွက်ခြင်း လုပ်ငန်းကို လုပ်ဆောင်ခဲ့ကြသည်။
စားသုံးသူရေးရာဦးစီးဌာန၊ ညောင်တုန်းမြို့နယ် တာဝန်ခံရုံးအနေဖြင့် ဒေသတွင်းရောင်းချနေသော စက်သုံးဆီများ အလေးချိန်ပြည့်ဝမှု ရှိစေရေးနှင့် သတ်မှတ်စက်သုံးဆီအလိုက် စံနှုန်းကိုက်ညီမှု ရှိစေရန် စက်သုံးဆီရောနှောမှု မရှိစေရေးကို စစ်ဆေးခြင်း၊ သတ်မှတ်ရည်ညွှန်းဈေးဖြင့် ရောင်းချမှု ရှိမရှိကို စစ်ဆေးခြင်းကို မိတ်ဖက်ဌာနများနှင့် ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ၆-၅-၂၀၂၅ ရက်နေ့ နံနက် (၀၉:၃၀) နာရီအချိန်က ကွင်းဆင်း ဆောင်ရွက်လျက်ရှိပါသည်။
မအူပင်ခရိုင်၊ မအူပင်မြို့နယ်အတွင်း ဘိလပ်မြေစျေးမြှင့်ပြီးရောင်းချသည့် အရောင်းဆိုင်များရှိပါက ထိရောက်စွာ အရေးယူရန်ဆောင်ရွက်နိုင်ရန်အတွက် သက်ဆိုင်ရာဌာနများနှင့် ပူးပေါင်း၍ (၆-၅-၂၀၂၅) ရက်နေ့ နေ့လယ် (၁၄:၀၀)နာရီက အပါတ်စဉ် စစ်ဆေးဆောင်ရွက်လျက်ရှိကြောင်း သိရသည်။
ဧရာဝတီတိုင်းဒေသကြီး မအူပင်ခရိုင် ဓနုဖြူမြို့ပေါ်ရှိ စက်သုံးဆီများရောင်းချနေသော ဆီဆိုင်(၇)ဆိုင်အား ၅-၄-၂၀၂၅ ရက်နေ့ နံနက် ၁၀ နာရီက ဓနုဖြူမြို့နယ် သက်ဆိုင်ရာတာဝန်ရှိသူများက ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။
