သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် ဝါးခယ်မမြို့နယ် တာဝန်ခံ ဦးအောင်မိုးနှင့်ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁.၁၀.၂၀၂၄)ရက်နေ့၊နေ့လယ် (၁၃:၀၀)နာရီအချိန်၌ ဈေးရပ်ကွက်ရှိဆန်ဆိုင်များတွင် ရောင်းချပေးနေသောဆန်များကို သတ်မှတ်ရည်ညွှန်းဈေးနှုန်းဖြင့် ရောင်းချပေးနေခြင်း ရှိ/မရှိ ကွင်းဆင်းစစ်ဆေးခဲ့ပါသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်း ဒေသကြီး မြောင်းမြခရိုင် လပွတ္တာမြို့နယ်တာဝန်ခံ ဦးမြင့်ဌေးနှင့်ဝန်ထမ်းများသည် မြို့နယ်စည်ပင်သာယာရေးအဖွဲ့၊ ပြည်သူ့ကျန်းမာ၊ တိုင်းရင်းဆေးပညာဦးစီးဌာနတို့နှင့် ပူးပေါင်း၍ (၂.၁၀.၂၀၂၄) ရက်နေ့၊ နံနက် (၁၁:၀၀)အချိန်တွင် အမှတ်(၆)ရပ်ကွက် ရွေးနဒီဈေးအတွင်းရှိ ဆေးဆိုင်များအား ဆေးဝါးပြတ်လပ်မှု ရှိ/မရှိနှင့် ဈေးနှုန်းအခြေအနေများအားကွင်းဆင်း စစ်ဆေးဆောင်ရွက်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ် တာဝန်ခံ ဦးမြင့်ဌေးနှင့်ဝန်ထမ်းများသည် (၂.၁၀.၂၀၂၄) ရက်နေ့ ၊ညနေ (၁၅:၃၅)နာရီအချိန်တွင် လပွတ္တာမြို့နယ် ဆီကိုယ်စားလှယ်များသို့ ရန်ကုန်မြို့ရှိစားအုန်းဆီကုမ္ပဏီများမှ စားသုံးဆီများအား တော်ဝင်ဧကရာဇ်ကုမ္ပဏီ (ယာဉ်အမှတ် 8F-6136)မော်တော်ယာဉ်ဖြင့် စားအုန်းဆီ (၃၉)ပေပါ (သို့) ပိဿာ ၄၂၉၀ သည်လပွတ္တာမြို့သို့ ရောက်ရှိလာခဲ့ကြောင်း သိရှိရပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် မော်ကျွန်းမြို့နယ်ရှိ တာဝန်ခံ ဦးမင်းဇော်လတ်နှင့် ဝန်ထမ်းများသည် (၂.၁၀.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် မော်ကျွန်းမြို့ နယ်ရှိဆန်စက်လုပ်ငန်းရှင်များအသင်း ဥက္ကဌဦးသိန်းစိုးဦး၏ နေအိမ်တွင်တွေ့ဆုံ၍ ဆန်စက်လုပ်ငန်းအခြေအနေနှင့် ကြိတ်ခွဲထုတ်လုပ်မှုအခြေအနေများအား ဆွေးနွေးခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြောင်းမြခရိုင် မြောင်းမြမြို့ စားသုံးသူရေးရာဦးစီးဌာန ခရိုင်ဦးစီးမှူးရုံး၌ (၂.၁၀.၂၀၂၄) ရက်နေ့၊ နံနက်(၁၁:၀၀)အချိန်တွင် ခရိုင်ဦးစီးမှူး ဦးဇော်လင်းအောင်၊ ဒု-ခရိုင်ဦးစီးမှူး ဦးလှထွဋ်ဦး နှင့်ဝန်ထမ်းများသည် စက်တင်ဘာလအတွက် စက်မှုလုပ်ငန်းသုံးဆီ ခွဲတမ်းရရှိသော လုပ်ငန်းရှင်များအား ခေါ်ယူတွေ့ဆုံ၍ ဆီထုတ်ယူရရှိနိုင်ရေးနှင့် လိုက်နာရမည့်စည်းကမ်းချက်များအား ဟောပြောဆွေးနွေးခဲ့ပါသည်။
