သတင်းနှင့် လှုပ်ရှားမှုများ
မွန်ပြည်နယ် ၊ မော်လမြိုင်ခရိုင် ၊ ကျိုက်မရောမြို့နယ်၊ မြို့မစျေးအတွင်း၌ တရားမဝင်ဆေးဝါးများ ရောင်းချခြင်း ရှိ/မရှိကို ၂၃.၈.၂၀၂၄ ရက်နေ့၊ နံနက် (၀၉:၀၀)နာရီအချိန်တွင် ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
၂၃.၈.၂၀၂၄ ရက်နေ့တွင် မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံသည် မြို့နယ်စည်ပင်သာယာရေးအဖွဲ့၊ မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ ချောင်းဆုံမြို့နယ်ရှိ ကုန်စုံဆိုင်များတွင် အသင့်စား မုန့်အမျိုးမျိုးအား ကုန်အညွှန်းအမှတ်အသား ပြည့်စုံမှုရှိ/မရှိ ဈေးကွက်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်မင်းသည် အထွေထွေအုပ်ချုပ်ရေးဦးစီးဌာန၊ ခရိုင်အစည်းဝေးခန်းမ၌ ၂၀၂၄ခုနှစ်၊ ဩဂုတ်လ ၁၄ရက်နေ့၊ နံနက် (၁၀:၃၀) နာရီအချိန်တွင် အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ စားသုံးသူပြည်သူများအား အသိပညာပေးဟောပြောဆွေးနွေးခဲ့သည်။
၂၃.၈.၂၀၂၄ ရက်နေ့ မုရောင်းအမှိုက်ကျင်း၊ မော်လမြိုင်မြို့နယ်တွင် ဆေးကုမ္ပဏီမှ တင်ပြလာသော ပျက်စီးရက်လွန်နေသော ဆေးဝါးများနှင့်ဆေးပစ္စည်းများ၊ ဈေးကွက် ကွင်းဆင်းစစ်ဆေးခြင်းမှ သိမ်းဆည်းခဲ့သော တရားမဝင်ဆေးဝါးများနှင့် ဆေးဆိုင်မှ အပ်နှံလာသည့် သက်တမ်းလွန်ဆေးဝါးများကို မွန်ပြည်နယ် အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီ၏ ကြီးကြပ်မှုဖြင့် ဖျက်ဆီးသည့်အခမ်းအနားသို့ မော်လမြိုင်မြို့နယ်တာဝန်ခံမှ တက်ရောက်ခဲ့ပါသည်။
မွန်ပြည်နယ် ၊ မော်လမြိုင်ခရိုင် ၊ ချောင်းဆုံမြို့နယ်အတွင်း၌ တရားမဝင်ဆေးဝါးများ ရောင်းချခြင်း ရှိ/မရှိကို ၂၃.၈.၂၀၂၄ ရက်နေ့၊ နံနက် (၀၉:၀၀)နာရီအချိန်တွင် မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ဈေးကွက်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
