သတင်းနှင့် လှုပ်ရှားမှုများ
၂၀၂၄ ခုနှစ် ဇွန်လ ၁၅ ရက်နေ့တွင် ကော့သောင်းခရိုင် စားသုံးသူရေးရာဦးစီးဌာနမှ (၈.၆ .၂၀၂၄)ရက်နေ့တွင် ရန်ကုန်ဆီကန် Golden Good Pure Group Co.,ltd မှ တနင်္သာရီတိုင်းဒေသ ကြီး၊ ကော့သောင်းမြိုလက်ကားကိုယ်စားလှယ် ဦးနိုင်လင်းအမည်ဖြင့် မော်တော်ယာဉ်အမှတ် (1F/1267)ဖြင့် ဆီကန်မှ ထုတ်ယူပြီး ကော့သောင်းသို့ ယာဉ်အမှတ် (1F/2267)သို့ ပြောင်းတင်ကာ စားအုန်းဆီ (၂၀)ပေပါ သည် (၁၅.၆.၂၀၂၄) ရက်နေ့တွင် ကုန်ကားယာဉ်ရပ်နားကွင်းသို့ ရောက်ရှိလာမှုအား သွားရောက်စစ်ဆေးခဲ့ကြောင်း သိရှိရပါသည်။
ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်အတွင်းရှိ ဆေးနှင့်ဆေးပစ္စည်းများ ဖြန့်ဖြူးရောင်းချနေမှုအခြေအနေအား စည်ပင်သာယာ မြို့မဈေး အတွင်း/အပြင်နှင့် ရပ်ကွက်များတွင် လက်လီ၊ လက်ကားဝယ်ယူဖြန့်ဖြူးရောင်းချလျက်ရှိသော ဆေးနှင့်ဆေးပစ္စည်းအရောင်းဆိုင်များသို့ ဇွန်လ (၁၃)ရက်နေ့၊ နံနက်(၁၀:၃၀)အချိန်တွင် ဌာနဆိုင်ရာတာဝန်ရှိသူများပူးပေါင်း၍ အဖွဲ့စုံဖြင့် သွားရောက်ကွင်းဆင်းစစ်ဆေးခဲ့ကြောင်း သိရသည်။
ရန်ကုန်တိုင်းဒေသကြီး၊ တွံတေးရိုင်၊ ကော့မှူးမြို့နယ်၌ စည်ပင်သာယာမြို့မဈေးအတွင်း/အပြင်တွင် လက်လီ၊ လက်ကားဖြန့်ဖြူးရောင်းချလျက်ရှိသော ကုန်ခြောက်ဆိုင်များတွင် စားအုန်းဆီဖြန့်ဖြူး ရောင်းချနေမှုအခြေအနေအား ဇွန်လ(၁၄)ရက်နေ့၊ နံနက်(၁၁:၀၀)အချိန်တွင် ဌာနဆိုင်ရာတာဝန်ရှိသူများက ကွင်းဆင်းစစ်ဆေးခဲ့ကြောင်း သိရသည်။
ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်နှင့် ဒလမြို့နယ်အတွင်းရှိ ရပ်ကွက်များမှ ကလေးကစားစရာပစ္စည်းအရောင်းဆိုင်များသို့ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ညွှန်ကြားချက်အရ ပြည်တွင်းပြည်ပမှ ထုတ်လုပ်တင်သွင်းဖြန့်ဖြူးနေသော ကုန်စည်များနှင့်စပ်လျဉ်၍ ဘေးအန္တရာယ်ရှိ/မရှိ ဈေးကွက်စောင့်ကြည့်စစ်ဆေးခြင်းနှင့် ကုန်အညွှန်းအမှတ်အသားဖော်ပြပါရှိရမည့်အချက်များအား ဖော်ပြမှု ရှိ/မရှိကို ဇွန်လ(၁၃)ရက်နှင့် ဇွန်လ(၁၄)ရက်နေ့တို့တွင် ကွင်းဆင်းစစ်ဆေးခဲ့ကြောင်း သိရသည်။
စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ အရှေ့ပိုင်းခရိုင်၊ ခရိုင်ဦးစီးမှူးဦးလှစိုးနှင့် ဝန်ထမ်းသည် မြောက်ဒဂုံမြို့နယ်၊ ဈေးစည်ပင်သာယာရေးကော်မတီနှင့် အထွေထွေအုပ်ချုပ်ရေးဦးစီးဌာနတို့မှ တာဝန်ရှိသူများပူးပေါင်း၍ ဒဂုံရွှေပြည်ဈေးနှင့် ရပ်ကွက်အတွင်းရှိ စားအုန်းဆီအရောင်းဆိုင်များအား ၂၀၂၄ခုနှစ်၊ ဇွန်လ (၁၄)ရက်နေ့တွင် ပူးပေါင်းအဖွဲ့ များဖြင့် ဈေးကွက်စောင့်ကြည့်စစ်ဆေးခဲ့ပါသည်။
